Yehosua
19 Noke ocela cavali+ ca kupukila ku Simeone,+ ocikoti ca Simeone ndomo ci likuata lapata avo. Kuenje ocipiñalo cavo ca kala vokati kocipiñalo ca Yuda.+ 2 Ocipiñalo cavo ca kala o Beresieva+ kumue lo Sieva, o Molada,+ 3 o Hasare-Siuale,+ o Bala, o Eseme,+ 4 o Elitolada,+ o Betule, o Horima, 5 o Cikilage,+ o Bete-Makavoti, o Hasare-Sosa, 6 o Bete-Levaote+ kuenda o Siaruhene okuti, 13 kalupale kumue lovaimbo avo; 7 o Ayini, o Rimone, o Etere kuenda o Asiana+ okuti, alupale akuãla kumue lovaimbo aco; 8 lovaimbo osi ana a ñualele alupale aco toke ko Baalati-Bere ko Rama yo kombuelo. Eci oco ca kala ocipiñalo cocikoti ca Simeone, ndomo ci likuata lapata avo. 9 Ocipiñalo covitumbulukila via Simeone, ca tepiwa konepa ya tiamẽlele ku Yuda, momo onepa ya Yuda ya kala yinene calua kokuavo. Omo liaco, ovitumbulukila via Simeone via tambula ocipiñalo cimue vokati kocipiñalo cavo.+
10 Noke ocela catatu+ ca kupukila kovitumbulukila via Sevulono+ ndomo ci likuata lapata avo kuenda ongave yocipiñalo cavo, ya enda toke ko Saridi. 11 Ongave yavo ya lamanela kutakelo toke ko Marala kuenda ya pitĩla toke ko Davesete, noke ya enda toke kocimbota* ca kala kovaso yo Yokineama. 12 Kuenje oyo ya enda oku upisa ko Saridi, kutundilo oku endela kutundilo wekumbi toke kongave yo Kisilote-Tavore kuenda ya enda toke ko Daverati+ noke ya lamana toke ko Yafiya. 13 Kuenje yamisako kutundilo oku endela kutundilo wekumbi toke ko Gati-Hefere+ toke ko Etikacine kuenda ya enda toke ko Rimone kuenje oyo ya enda toke ko Nea. 14 Kuenje ongave ya ñualela konano toke ko Hanatoni kuenda oyo ya sulila Vocimbota ca Yifitayele, 15 kuenda ko Katati, ko Nahalali, ko Simironi,+ ko Idala kuenda ko Beteleme okuti,+ 12 kalupale kumue lovaimbo aco. 16 Eci oco ca kala ocipiñalo covitumbulukila via Sevulono ndomo ci likuata lapata avo.+ A-a o-o a kala alupale kumue lovaimbo aco.
17 Noke ocela cakuãla+ ca kupukila ku Isakare,+ kovitumbulukila via Isakare ndomo ci likuata lapata avo. 18 Kuenje ongave yavo ya enda toke ko Yesirele,+ ko Kesuloti, ko Sunami,+ 19 ko Hafarayi, ko Sioni, ko Anaharati, 20 ko Rabiti, ko Kisione, ko Ebese, 21 ko Remete, ko En-Gani,+ ko Enihada kuenda ko Bete-Pacece. 22 Ongave ya pitĩla toke ko Tavore+ kuenda ko Siahacuma, lo ko Bete-Siemese kuenje esulilo liongave yavo ya kala ko Yordão okuti, 16 kalupale kumue lovaimbo aco. 23 Eci oco ca kala ocipiñalo cocikoti ca Isakare ndomo ci likuata lapata avo okuti,+ alupale kumue lovaimbo aco.
24 Noke ocela catãlo+ ca kupukila kocikoti ca Asiyere+ ndomo ci likuata lapata avo. 25 Kuenje ongave yavo ya kala o Helikati,+ o Hali, o Betene, o Akisafe, 26 o Alameleke, o Amada kuenda o Misiale. Oyo ya pitĩla kutakelo oku endela ko Karimele+ kuenda ko Sihore-Livinata, 27 kuenda oyo ya tiukila oku endela kutundilo toke ko Bete-Dagone kuenje ya pitĩla toke ko Sevulono lo Kocimbota ca Yifitayele konano, oku endela ko Betemeke kuenda ko Neyele kuenje ya enda toke konele yepĩli yo Kavulu, 28 kuenda toke ko Evirone, ko Rehove, ko Hamono kuenda ko Kana toke ko Sidono Yinene.+ 29 Ongave ya tiukila toke ko Rama kuenda toke kolupale luo Turo+ luna lu kuete oviteyuilo. Noke ongave ya tiukila toke ko Hosa kuenje ya sulila kokalunga vofeka yo Akisivi, 30 yo Uma, yo Afeke+ kuenda yo Rehove+ okuti, ya soka 22 kalupale kumue lovaimbo avo. 31 Eci oco ca kala ocipiñalo cocikoti ca Asiyere ndomo ci likuata lapata avo.+ A-a o-o a kala alupale kumue lovaimbo aco.
32 Ocela cepandu+ ca kupukila kovitumbulukila via Nafitali, kovitumbulukila via Nafitali ndomo ci likuata lapata avo. 33 Ongave yavo ya kala oku upisa ko Helefe, kuti unene ko Canani+ kuenda ko Adami-Nekeve lo ko Yavinele toke ko Lakumu; kuenje ya sulila ko Yordão. 34 Ongave ya tiuka kutakelo toke ko Asinote-Tavore kuenda yamisako toke ko Hukoko kuenje ya pitĩla toke ko Sevulono kombuelo kuenda toke ko Asiyere kutakelo noke ya enda toke ko Yuda ko Yordão oku endela kutundilo. 35 Kuenje alupale a kuete oviteyuilo a kala o Sidi, o Sere, o Hamati,+ o Rakati, o Kinerote, 36 o Adama, o Rama, o Hasore,+ 37 o Kedesi,+ o Edirei, o Eni-Hasore, 38 o Irone, o Migidalele, o Horema, o Betanate kuenda o Bete-Siemese+ okuti, 19 kalupale kumue lovaimbo aco. 39 Eci oco ca kala ocipiñalo cocikoti ca Nafitali ndomo ci likuata lapata avo+ okuti, alupale kumue lovaimbo aco.
40 Ocela cepanduvali,+ ca kupukila kepata lia Dani+ ndomo ci likuata lapata avo. 41 Kuenje ongave yocipiñalo cavo ya kala o Sora,+ o Esitaole, o Irisiemese, 42 o Sialabine,+ o Ayalone,+ o Yitila, 43 o Eloni, o Timinate,+ o Ekirone,+ 44 o Eliteke, o Gibetoni,+ o Baalata, 45 o Yehuda, o Bene-Beraka, o Gati-Rimone,+ 46 o Meyarikone kuenda o Rakone kumue longave ya imba ovaso ko Yopa.+ 47 Pole, ocikanjo ca Dani ca kala citito kokuavo.+ Omo liaco, ovo va enda kuenje va li yaka lo Lesieme+ kuenda va yi tambula loku yi kundula losipata. Noke ovo va yi tambula kuenda omo va tungila kuenje va pongolola onduko yo Lesieme okuti o Dani, ndomo ci likuata londuko Dani ya kukululu yavo.+ 48 Eci oco ca kala ocipiñalo cocikoti ca Dani ndomo ci likuata lapata avo. A-a o-o a kala alupale kumue lovaimbo avo.
49 Noke ovo va malusula oku tepa ofeka ndocipiñalo ndomo ci likuata lovikanjo viaco. Kuenje va Isareli va eca ku Yehosua omõla a Nune ocipiñalo cimue pokati kavo. 50 Ndomo Yehova a handelekele, vo wĩha olupale eye a pinga okuti, o Timinata-Sera+ kovaimbo a kasi kolomunda via Efarimi kuenda eye wa tunga olupale loku kalamo.
51 Evi ovio via kala ovipiñalo vina Eleasa ocitunda, Yehosua omõla a Nune kuenda asongui volonjo via va isia viovikoti via Isareli va tepa+ locela ko Silo+ kovaso a Yehova, puvelo wombalaka yohongele.+ Omo liaco, ovo va malusula oku tepa ofeka.