Olosamo
Kusongui wolonjimbi. Osamo ya Daviti.
20 Yehova a ku tambulule keteke liohali.
Onduko ya Suku ya Yakoba, yi ku teyuile.+
3 Eye a ivaluke ovilumba viove viosi;
Kuenda a tave ulela wocilumba cove coku pia elisi. (Sela)
4 Eye a tẽlise olonjongole viutima wove+
Kuenda a lingise okuti asokiyo ove osi a tunda ciwa.
5 Tu ka kaluka lonjolela omo liovilinga viove viepopelo;+
Tu ka tulika apandela etu eyulo vonduko ya Suku yetu.+
Yehova a tẽlise apingilo ove osi.
6 Kaliye nda kũlĩha okuti, Yehova o popela ombuavekua yaye.+
Eye o yi tambulula oku upisa kovailu kocitumãlo caye ci kola
7 Vamue va kolela kakãlu kuenda vakuavo kolokavalu,+
Pole, etu tu vilikiya vonduko ya Yehova Suku yetu.+
8 Ovo va yuliwa kuenda va kupuka,
Pole, etu tua votoka kuenje tua talama vilu.+
9 A Yehova, popela soma!+
Tu tambulule keteke tu vilikiya oku pinga ekuatiso.+