Olosamo
Kusongui wolonjimbi. Elaka liaco “Ku ka Nyõle.” Osamo ya Asafe.+ Ocisungo.
75 Tu eca olopandu kokuove A Suku, tu eca olopandu kokuove;
Onduko yove yi kasi ocipepi,+
Kuenda omanu va sapula ovopange ove a komõhisa.
2 Ove o popia hati: “Eci ndi sokiya otembo yimue,
Ndi sombisa lesunga.
3 Eci ilu lieve kuenda olonungi vialio viosi via luluma,*
Ame, ame ndamamako oku pamisa olongunji viaco.” (Sela)
4 Ndi sapuila vakuakulipanda siti: “Ko ka lipandi,”
Kuenda kolondingaĩvi siti: “Ko ka kemãlisi ongusu* yene.
6 Momo ekemãlo ka li tundi
Kutundilo ale kutakelo pamue kombuelo.
7 Momo Suku eye onganji.+
Eye o kapa kutito omunu umue kuenda o kemãlisa ukuavo.+
8 Momo peka lia Yehova pali okopo yimue;+
Ovinyu yi kasi oku tunda efelefele kuenda okopo yeyuka lovinyu ya tengiwa lolosimbolua.
Ocili okuti eye o ka yi pesela,
Kuenda olondingaĩvi viosi vio kilu lieve, vi ka nyuako toke etosi lia sulako.”*+
9 Pole, catiamẽla kokuange, ndi ka sapula otembo ka yi pui eci Suku a siata oku linga;
Ndi ka imbila Suku ya Yakoba ovisungo viesivayo.*