Olosamo
Kusongui wolonjimbi; yimbiwa lovikuata viovisikilo via pangiwa lovikolo. Osamo ya Asafe.+ Ocisungo.
3 Eye wa teyelako ovisongo vi liakoka viohonji,
Lociyepelo, osipata kuenda ovimalẽho vikuavo viuyaki.+ (Sela)
4 Ove wa ñualiwa locinyi;
Ove wa kemãla calua okuti, olomunda mua tunga ovinyama viovusenge vi sule.
5 Vakuotõi wo vutima va pundiwa.+
Ovo va pekela otulo;
Asualali vosi ka va kuatele eteyuilo.+
6 A Suku ya Yakoba, voku lemẽla kuove,
Ci kaile ukuakuendisa ekãlu, ci kaile okavalu, va pekela otulo tualua.+
7 Ove lika o komõhisa.+
Helie o tẽla oku tamãlãla lonyeño yove yalua?+
8 Oku upisa kilu, ove wa sapula esombiso liove;+
Ilu lieve lia kuata usumba kuenda liõha+
9 Eci Suku a katuka oco a tẽlise esombiso,
Loku popela ambombe vosi vo kilu lieve.+ (Sela)
11 Lingi olohuminyo ku Yehova Suku yene kuenda vi tẽlisi,+
Vosi vana vo ñuala, va nene olombanjaile viavo lesumbilo.+
12 Eye o ka kapa kutito epela liasongui;
O kokisa usumba olosoma vio kilu lieve.