Olosamo
Ohutililo yomunu o talisiwa ohali eci a pua elavoko* kuenje o situluila asakalalo aye kovaso a Yehova.+
2 Ku ka salamise ocipala cove kokuange kotembo yohali yange.+
3 Momo oloneke viange vi takata ndowisi,
Kuenda ndi yevite okuti akepa ange, a kasi oku pia ndu okuti a kasi vofolono.+
4 Utima wange, wa linga ndowangu wowuka haiwo wa kukuta,+
Momo ame ndi ivalako oku lia ombolo yange.
6 Ame ndi molẽha ndu okuti ndihombe yo venyãla vekalasoko;
Ndi kasi ndokacukucuku pokati kalunda.
8 Ovanyãli vange va ndi sepula eteke liosi.+
Vana va ndi yola epembe* va tukola onduko yange ndesiñalo.
9 Momo nda siata oku lia atiko ndombolo yange,+
Ovinyua viange via tengiwa lasuẽlẽla,+
10 Mekonda lioku tema kuove kuenda onyeño yove,
Momo ove wa ndi katula ño oco o ndi likale.
13 Ocili, ove o ka katuka loku lekisa ohenda ko Siono,+
Momo eyi oyo otembo yoku lekisa ohenda yove kokuayo;+
Otembo ya tukuiwa ya pitĩla.+
14 Momo akuenje vove va sanjukila ovawe ayo+
Kuenda ndaño muẽle oneketela yayo, va yi kuetele ocisola.+
15 Olofeka vi ka sumbila onduko ya Yehova,
Kuenda olosoma viosi vio kilu lieve vi ka limbuka ulamba wove.+
18 Eci ca sonehiwila ocitumbulukila ci keya,+
Oco okuti omanu vana va laika oku sovuiwa* va ka sivaya Yehova.
19 Momo eye o vanja posi oku upisa kocitumãlo caye ci kola ca lepa,+
Oku upisa kovailu, Yehova o lete ilu lieve,
20 Oco a yeve oku leña leña kuomandekua,+
Loku yovola vana va pisiwila olofa,+
21 Oco onduko ya Yehova yi sapuiwe ko Siono+
Kuenda esivayo liaye ko Yerusalãi,
22 Eci omanu kuenda ovosoma
Va liongolola oco va vumbe Yehova.+
23 Osimbu otembo ka ya pitĩlile, eye wa njupa ongusu;
Wa tepulula oloneke viange.
24 Nda popia siti: “A Suku yange,
Ku ka ndi kundule vocakati comuenyo wange,
Ove una, anyamo a kala vokuenda kuovitumbulukila viosi.+
25 Ove wa tumbika oviseveto vio kilu lieve osimbu,
Kuenda ovailu upange wovaka ove.+
26 Ovio vi ka nyõleha, pole, ove o kamamako otembo ka yi pui;
Ovio viosi vi ka pua nduwalo umue.
Ove o ka vi piñainya nduwalo kuenje vi ka takata.
27 Pole, ove lalimue eteke o pongoloka kuenda anyamo ove lalimue eteke a ka sulila.+
28 Omãla vakuenje vove va ka tunga loku kolapo,
Kuenda ocitumbulukila cavo ci ka tumbikiwa loku pama kovaso yove.”+