Olosamo
3 Ovikolo violofa via ndi ñuala;
Onjembo ya ñuata.+
Nda yuliwa lohali kuenda lesumuo.+
4 Pole, nda vilikiya onduko ya Yehova siti:+
“A Yehova, mopele!”
6 Yehova o lava omunu ka loñolohele.+
Nda honguele kuenje eye wa ndi popela.
7 Linga ndi puyuke vali,
Momo Yehova wa ndi tata lohenda.
8 Ove wa njovola kolofa,
Ovaso ange wa a yovola kasuẽlẽla, omãhi yange koku lilondoka.+
9 Ngendaila kovaso a Yehova vofeka yava va kasi lomuenyo.
10 Nda kuata ekolelo, momo nda popia;+
Nda sakalalele calua.
11 Catiamẽla kokuange, nda salukile kuenda nda popia siti:
“Omanu vosi olohembi.”+
12 Niula nye ku Yehova,
Omo liovina viosi viwa eye a siata oku ndingila?
13 Ndi ka nyua* okopo oco ndu pandule omo lioku ndi popela,*
Kuenda ndi ka vilikiya onduko ya Yehova.
16 A Yehova, ndu ku pinga,
Momo ame ndukuenje wove.
Ndukuenje wove, omõla wupika wove wukãi.
Ove wa ndi yovola kalienge ange.+
17 Ndi ka eca kokuove ocilumba colopandu;+
Ndi ka vilikiya onduko ya Yehova.