Olosamo

Osamo ya Daviti.

138 Ndi ka ku sivaya lutima wange wosi.+

Kovaso yolosuku vikuavo,

Ndi ka imba ovisungo viesivayo.*

2 Ndi ka kekamẽla konembele yove yi kola,*+

Kuenda ndi ka eca esivayo konduko yove,+

Omo liocisola cove ka ci pongoloka kuenda ocili cove.

Momo ove wa kokela okuti ondaka yove kuenda onduko yove yi velapo okuti, ovina viosi vikuavo vi sule.*

3 Keteke nda ku vilikiya, ove wa nambulula;+

Wa ndingisa ukuotõi kuenda wa ndi pamisa.+

4 Olosoma viosi vio kilu lieve vi ka ku sivaya, A Yehova,+

Momo vi ka yeva olohuminyo ove wa popia.

5 Ovio vi ka imba ovisungo viatiamẽla kolonjila via Yehova,

Momo ulamba wa Yehova unene.+

6 Ndaño Yehova wa tungila kilu, eye o lete omunu embombe,+

Pole, ukuepela eye wo kũlĩha ño ocipãla.+

7 Ndaño ñasi kohele, ove o ka popela omuenyo wange.+

Ove oluĩla eka liove kovanyãli vange va tema;

Eka liove liondio li ka mopela.

8 Yehova o ka tẽlisa ovina viosi oco a ñuatise.

A Yehova, ocisola cove ka ci pongoloka ci kala otembo ka yi pui;+

Ku ka yanduluke omanu vove vana wa panga.+