Isaya
61 Espiritu lia Ñala Tõlo Yehova lia mbuila,+
Momo Yehova wa mbuaveka oco ndi kundile olondaka viwa kambombe.+
Eye wa ndi tuma oco ndi kayise vakuavitima via teka,
Oco ndi kundile eyovo kolomandekua
Kuenda eteke liefetuluinyo lia Suku yetu,+
Oco ndi lembeleke vosi vana va lila,+
3 Loku tata vana va lilila o Siono,
Loku eca ocifuto okuti etiko halioko,
Ulela wesanju okuti oku lila hakuoko,
Uwalo wesivayo okuti, esumuo halioko.
4 Ovo va ka tumbulula ovingululu viosimbu;
Va ka tunga ovitumãlo viosimbu via siala alunda,+
Kuenda va ka tumbulula alupale a nyõliwa,+
Ovitumãlo vina via siala alunda vokuenda kuanyamo alua.+
5 “Ovingendeleyi vi ka lieca olumue loku lisa oviunda viene,
Kuenda ovingendeleyi+ vi ka tata ovapia ene kumue loviumbo viene viayuva.+
6 Catiamẽla kokuene, vu ka tukuiwa okuti, ovitunda via Yehova;+
Ovo va ko tukuli okuti, olondingupange via Suku yetu.
Ene vu ka lia ovipako violofeka,+
Kuenda vu ka lipandela ovokuasi avio.
7 Omanu vange va kutisiwile osõi, pole, cilo va ka sumũlũisiwa calua okuti kosimbu ci sule.
Pomangu yesepu, ovo va ka kaluka lesanju omo va ka sumũlũisiwa.
Ocili, ovo va ka sumũlũisiwa calua vofeka yavo.+
Kuenda va ka sanjuka otembo ka yi pui.+
Ndi ka eca muẽle kokuavo ofeto yavo,
Kuenda ndi ka linga lavo ocisila cotembo ka yi pui.+
9 Ocitumbulukila* cavo ci ka kũlĩhĩwa pokati kolofeka+
Kuenda ovitumbulukila viavo, pokati komanu.
10 Ndi ka sanjukila calua Yehova.
Ekalo liange liosi li ka tumbangiya Suku yange.+
Momo eye wa ndi walisa lovowalo eyovo;+
Wa ndi sikĩlĩla locikutu* cesunga,
Nda sandombua umue wa kapiwa ekolowa ndeli liocitunda,+
Kuenda nda ndombua umue wa li finisa lovina vioku liposuisa.
11 Momo ndeci ongongo yi yovisa ovikũla vialio
Kuenda ocumbo colonelẽho ci kulisa ovina via kũliwamo,
Ñala Tõlo Yehova
O ka yovisavo esunga+ kuenda esivayo+ kovaso yolofeka viosi.