Ukanda ku Tito
2 Ove puãi, amamako oku vangula ovina viatiamẽla kelongiso liocili.*+ 2 Alume va kuka va likandangiye kovituwa, va linge vakuacili, vakualondunge, va pame kekolelo, kocisola kuenda kepandi. 3 Cimuamue haico okuti, akãi va kuka va kale lovituwa vi sivaya Suku, ka va ka linge vakualundi, pamue apika vovinyu yalua, puãi va linge alongisi vieci ciwa, 4 okuti va lungula* akãi amalẽhe oku sola alume vavo, oku sola omãla vavo, 5 oku kala vakualondunge, oku pua eko, oku linga upange wo vonjo,* oku kala vakuavituwa viwa, vakuakupokola kalume vavo,+ oco ondaka ya Suku ka yi ka sepuiwe.
6 Cimuamue haico okuti, vetiya alume amalẽhe oku kala vakualondunge,+ 7 lekisa kokuavo ongangu yovilinga viwa kovina viosi. Longisa ovina viocili* lesumbilo liosi,+ 8 poku kuama upopi wa sunguluka,* okuti ka u pisiwa,+ oco vana va patãla va kutisiwe osõi kuenje ka va kuata esunga lioku tu popia lãvi.*+ 9 Apika va pokole ku vacime cavo kovina viosi,+ loku seteka oku va sanjuisa okuti, ka va va tambulula lãvi, 10 ka va ka nyane vacime cavo,+ puãi va lekise okuti va koleliwa, oco okuti kovina viosi va posuisa elongiso Liupopeli wetu, Suku.+
11 Momo ohenda ya piãla ya Suku ya lekisiwa, loku tuala omanu vosi kepopelo.+ 12 Ohenda yaco yi tu longisa oku likala ovina viosi vi li patãla locipango ca Suku kuenda oku likala oloñeyi violuali,+ oku kala vakualondunge, vakuesunga kuenda oku sumbila Suku voluali lulo,*+ 13 osimbu tu talamẽla elavoko liesanju+ kuenda tu kasi oku lavoka Suku Tõlo kuenda Upopeli wetu Yesu Kristu oco va lekise ulamba wavo, 14 una wa lieca kokuetu+ oco a tu yovole*+ kovina viosi ka vi likuata locihandeleko, loku yelisiwa laye oco tu kale omanu vaye muẽle okuti ocipiñalo caye cilikasi haivo vakuambili kovilinga viwa.+
15 Amamako oku vangula ovina evi, lungula* kuenda lemẽla lomoko va ku ĩha.+ Ku ka ecelele okuti umue o ku lavisa.