Yovi
17 “Ongusu yange ya pua, oloneke viange via sulila;
Onjembo yi kasi oku ndi lavoka.+
2 Vakuakupembula va ndi ñuala,+
Kuenda ovaso ange a mola ovilinga viavo viesino.
3 Mange ohenda, likuminya kokuange okuti o ka ndi kuatisa.
Helie vali o ka ñuatisa?+
4 Momo ove wa yika utima wavo oco ka va ka kuate olondunge;+
Eli olio esunga lieci ku va kemãlisila.
5 Eye o sole oku eca kakamba vaye,
Osimbu onjala yi tekãvisa ocipala comãla vaye.
7 Ovaso ange a vuvala omo liesumuo,+
Kuenda olonepa viosi vietimba liange via tekãva calua.
8 Omanu vakuesunga va ci komõha,
Kuenda omunu ka kuete eko o sakalala omo liondingaĩvi.*
10 Omo liaco, vosi yene citava oku iya loku lombolola ocisimĩlo cene,
Momo pokati kene sia sangelepo laumue ukualondunge.+
12 Uteke ovo va u pongolola utanya,
Loku popia vati: ‘Ocinyi ci kasi ocipepi, momo kua tekãva.’
14 Ndi ka sapuila ocitunu* hati:+ ‘Ove wu isiange!’
Ndi ka sapuila enyo hati: ‘Ove wu ina yange kuenda wumanjange ukãi!’
15 Pi ku kasi elavoko liange?+
Helie o lete okuti kokuange kuli elavoko?