Olosamo
Kusongui wolonjimbi. Osamo ya Daviti oco yi kale ndonjivaluko.
70 A Suku, mopele;
A Yehova, yayulako oku ndi kuatisa.+
2 Vana va kasi oku sandiliya oku ndi ponda,
Va kutisiwe osõi loku sepuiwa.
Vana va sanjukila ovitangi viange,
Va tiukile konyima lelaviso.
3 Vana va kasi oku ndi yola epembe loku popia vati: “Eci oco o sesamẽla!”
Va tualiwe konyima losõi.
4 Pole, ecelela okuti vana va ku sanda,
Va yolela loku sanjuka vokuove.+
Vana va sole ovilinga viove viepopelo, otembo yosi va popie vati:
“Suku a kemãlisiwe!”