Olosapo

 2 Nye ndi sukila oku ku sapuila Amõlange,

Nye, Amõla wovimo liange,

Nye, Amõla wolohuminyo viange?+

 3 Ku ka ece ongusu yove kakãi,+

Ndaño oku kuama olonjila vi nyõla olosoma.+

 4 A Lemuele, ka ca sungulukile kolosoma,

Ka ca sungulukile kolosoma oku nyua ovinyu

Ndaño kolombiali oku popia hati: “Ocinyua cange ci kasi pi?”+

 5 Oco ovo ka va ka nyue loku ivalako eci ca handelekiwa,

Kuenje va pengisa esunga liolosuke.

 6 Eca eci ci koluisa ku vana va kasi oku fa+

Kuenda ovinyu ku vana va sumua calua.+

 7 Ovo va nyue loku ivalako uhukũi wavo;

Ka va ka ivaluke vali ovitangi viavo.

 8 Vangula poku teyuila vana ka va tẽla oku li teyuila;

Kuenda teyuila esunga lia vosi vana va kasi oku fa.+

 9 Vangula kuenda sombisa lesunga;

Teyuila esunga liolosuke kuenda liolohukũi.+

11 Ulume waye wo kolela lutima wosi,

Kuenda ulume waco o kuete ovina viosi a sukila.

12 Ukãi eca onima yiwa kulume waye okuti, yĩvi hayoko,

Oloneke viosi viomuenyo wukãi waco.

13 Ukãi o sanga ohusu kuenda onoloti;

Eye o sanjukila oku talavaya lovaka aye.+

14 Eye o kasi ndonaviyu yukualomĩlu,+

Eye upopa okulia kuaye kupãla.

15 Ukãi o pasukavo osimbu ka kua cile,

Eye o pongiyila okulia vakuanjo yaye

Kuenda eca okulia* kapika vaye vakãi.+

16 Eye o konomuisa ciwa epia limue, noke o li landa;

Eye o kũla ocumbo cayuva leci ovaka aye a nganyala.*

17 Ukãi waco, o lipongiyila upange wa tĩla,*+

Kuenda o pamisa ovaka aye.

18 Eye o limbuka okuti, komĩlu yaye ku tunda onganyu;

Ondiyelo yaye ka yimi luteke.

19 Ovaka aye a kuata epumu lioku pota utele,

Kuenda ovaka aye a kuata ombunge yutele.*+

20 Eye olõla eka liaye oco a kuatise olosuke,

Kuenda o yuluila ovaka aye kolohukũi.+

21 Eye ka sakalala la vakuanjo yaye omo liocikokoto,

Momo vakuanjo yaye vosi va wala ovowalo a kokisa owuya.*

24 Ukãi waco o tonga ovowalo* olinyu loku a landisa,

Kuenda eca ovovia ku vakualomĩlu.

25 Eye ukuotõi, wa sumbiwa la vakuavo,

Kuenda o kuete ekolelo lio kovaso yoloneke.*

26 Eye asama omẽla waye lolondunge;+

Ocihandeleko cohenda* ci kasi kelimi liaye.

27 Eye o lavulula upange wa vakuanjo yaye,

Kuenda ka li ombolo yowesi.+

28 Omãla vaye va votoka kuenda vo pandiya;

Ulume waye o votoka kuenda u pandiyavo hati:

29 Kuli akãi valua va kuete ovituwa viwa,

Pole, ove wa velapo vosi!

30 Oku fina ku pondola oku kala kuesanda kuenda eposo li pondola oku nyõleha,+

Pole, ukãi wa sumbila Yehova, o ka pandiyiwa.+

31 Eci kokuaye onima yeci a linga,*+

Kuenda ovopange aye a pandiyiwe polombundi violupale.+