Isaya
51 “Njeveleli ene vu sanda esunga,
Ene vu kasi oku sanda Yehova.
Vanji kewe kuna ene wa tetiwi
Kuenda vocitunu muna ene wopiwi.
3 Momo Yehova o ka lembeleka Siono.+
Eye o ka nena elembeleko kovingululu vialio viosi,+
Kuenda ekalasoko liayo o ka li lingisa ndo Edene+
Kuenda etapi liayo liekalasoko li ka kala ndocumbo ca Yehova.+
Onjolela kuenda esanju vi ka sangiwa vokuayo,
Lolopandu kuenda ocisungo cesivayo.+
4 Njeveleli lutate, Amanu vange,
Kuenda njeveleli afeka yange.+
5 Esunga liange li kasi oku amela ocipepi.+
6 Petuili ovaso ene kovailu,
Kuenda vanji vemẽhi liongongo.
Momo ovailu a ka lisandula ndowisi;
Ongongo yi ka pua nduwalo,
Kuenda olonungi vialio vi ka fa ndolohamue.
7 Yeveleli kokuange, ene wa kũlĩhi esunga,
Amanu vu kuete ocihandeleko cange vutima wene.+
Ko ka kuati usumba woku sepuiwa lomanu vakuakufa,
Kuenda ko ka yokoki omo liolondaka viavo viepembulo.
Pole, esunga liange li ka kala otembo ka yi pui,
Kuenda epopelo liange li ka kala kovitumbulukila viosi.”+
9 Pasuka! Pasuka! Li walisa longusu,
Akuokuo kua Yehova!+
Pasuka ndokoloneke viosimbu, ndokovitumbulukila viosimbu.
10 Haveko hẽ wa kukutisa okalunga, ovava alua a longa?+
Una wa linga onjila yimue valondo okalunga oco vana va yovuiwa va pitemo?+
11 Vana va yovuiwa la Yehova va ka tiuka.+
Va ka yukisiwa lonjolela kuenda esanju,
Kuenje evalo lesumuo vi ka puako.+
12 “Ame, ame Una ndi ka ku lembeleki.+
Momo lie o kuatela usumba omunu o fa+
Kuenda omõla womunu una owuka ndowangu?
13 Momo lie ivalela Yehova Una wa ku panga,+
Una wa nyanyumũla ovailu+ haeye wa seveta oviseveto viongongo?
Kuenda eteke liosi ove wa enda oku kuata usumba omo lionyeño ya una ukuakutalisa ohali,*
Ndu okuti eye o kuete omoko yoku ku nyõla.
Kaliye onyeño yukuakutalisa ohali yi kasi pi?
14 Una wa kutiwa lalienge ndopo o ka yovuiwa;+
Eye ka ka fa ale oku iñila vocitunu,
Ndaño oku kambela ombolo.
15 Pole, ame Yehova Suku yove,
Una wa lingisa okalunga oku tema kuenda akimba alio oku tumõha+
Yehova ukualohoka, oyo onduko yaye.+
16 Ndi ka kapa olondaka viange vomẽla wove,
Kuenda ndi ka ku sitika lulembo weka liange,+
Oco ndi tumbike ovailu loku kapa ociseveto congongo+
Loku sapuila Siono okuti: ‘Ove wumunu wange.’+
17 Pasuka! Pasuka! Katuka a Yerusalãi,+
Ove wa nyuila peka lia Yehova okopo yaye yonyeño.
Ove wa nyua okopo yovinyu;
Ove wa sia upolokoso okopo yina yi koka oku yengenga.+
18 Lomue pokati komãla vana eye a cita o kasipo oco o songuile,
Kuenda lomue pokati komãla vana eye a tekula wa kuata peka liaye.
19 Ovina evi vivali via ku sanga.
Helie o ka ku kuatela ohenda?
Enyolẽho lekundu, onjala losipata!+
Helie o ka ku lembeleka?+
20 Omãla vove vambuka.+
Ovo va pekela pavindi osi olokololo*
Ndolomeme viovusenge vowanda.
Ovo veyuka lonyeño ya Yehova, epindiso lia Suku yove.”
21 Omo liaco, yevelela eci,
Okãi wa sakalala haeve wa kolua, pole, halovinyuko.
22 Ca popia Ñala Yehova, Suku yove, una o teyuila omanu vaye ceci hati:
“Tala! Ndi kopa peka liove okopo yi koka oku yengenga,+
Okopo yovinyu, okopo yange yonyeño;
Ove lalimue eteke o ka nyuako vali.+
23 Ndi ka yi kapa peka lia vana va ku kokela usumba,+
Vana va ku sapuila vati: ‘Petama oco tuendele kilu liove!’
Kuenje ove wa lingisa onyima yove ndosi,
Ndokololo oco ovo va endelemo.”