Isaya
2 Sio. Akulueya ene muẽle o-o a ku tepi ku Suku yene.+
Akandu ene a koka okuti, eye o vundisa ocipala caye kokuene,
Kuenda eye o likala oku vu yeveleli.+
3 Momo ovaka ene a vĩhisiwa losonde+
Kuenda ovimuine viene lakulueya.
Ovimẽla viene vi vangula uhembi+ kuenda elimi liene li ñuñuna evĩho.
4 Lomue o pinga esunga,+
Kuenda lomue o vangula ocili eci a enda kekanga.
Ovo va kolela kovina viuhembi*+ kuenda va vangula ovina ka vi kuete esilivilo.
Vemina ohali kuenda va cita evĩho.+
5 Ovo va totola asaila onyõha yi kuete owule,
Kuenda va tanga utele wa kovi.+
Wosi o lia asaila aco o fa,
Kuenje vesaila lia totuiwa mu tunda ombuta.
6 Utele wavo wa kovi ka u ka kala nduwalo,
Ndaño oku lisikĩlila ovo muẽle lovina va panga.+
Ovopange avo a vĩha,
Kuenda va linga ungangala lovaka avo.+
7 Olomãhi viavo vi yolokela koku linga evĩho,
Kuenda ovo va yayulako koku pesela osonde.+
Ovisimĩlo viavo ovisimĩlo via vĩha;
Volonjila viavo muli enyõleho lohali.+
8 Ovo ka va kũlĩhĩle onjila yombembua,
Kuenda valila avo ka muli esunga.+
Ovo va pengisa olonjila viavo;
Wosi endelamo ka ka kũlĩha ombembua.+
9 Omo liaco, esunga li kasi ocipãla letu,
Kuenda esunguluko ka li tu sangi.
Tu kasi oku amamako oku lavoka ocinyi, pole, tala! Kuli lika owelema;
Ndaño locinyi, pole, tuamamako oku endela vowelema.+
10 Tu papayata kovimbaka ndolomeke;
Tuamamako oku papayata ndava ka va kuete ovaso.+
Tu lilondoka vekumbi pongunji ndu okuti koñolosi;
Pokati kava va pama, tu kasi ndava va fa.
11 Vosi yetu tu koma ndo ursu,
Kuenda tu leñaleña ndolopomba.
Tu kevelela esunga, pole, ka kuli;
Tu kasi oku lavoka oco tu yovuiwe, pole, ka kuli eyovo.
12 Momo ovilinga vietu viesino vialua kovaso yove;+
Ekandu lekandu lietu li eca+ uvangi watiamẽla kokuetu.
Momo tua kũlĩha ciwa esino lietu;
Tua kũlĩha ciwa akulueya etu.+
13 Tua lueya kuenda tua likala Yehova;
Tua imba onyima ku Suku yetu.
Tua siata oku vangula catiamẽla kohali kuenda kesino;+
Tuemina ovohembi kuenda tu ñuñuna olondaka viesanda vutima wetu.+
14 Esunga lia lupuisiwa,+
Kuenda esunguluko li kasi kupãla;+
Momo ocili ca li londoka volokololo,
Kuenda eci ca sunguluka ka ci pondola oku iñilamo.
15 Ocili ka ci kasiko vali,+
Kuenda wosi o tinduka kevĩho o pundiwa.
16 Kuenje eci eye a mola okuti ka kua kaile umue o pondola oku u kuatisa,
Wa lisitulula eye muẽle,
Kuenje eka liaye muẽle lia nena epopelo,*
Esunga liaye lio vetiya oku u kuatisa.
Eye wa wala uwalo wefetuluinyo+
Kuenda wa wala ombili ndocikutu.*
18 Eye o ka va fetuluinya omo lieci va linga:+
Onyeño kovanyãli vaye, efetuluinyo kovanyãli vaye.+
Kuenda o ka eca kolonungi viovifuka eci vi sesamẽla.
19 Oku upisa kutundilo ovo va ka sumbila onduko ya Yehova
Kuenda oku upisa kutakelo ulamba waye u ka kemãlisiwa,
Momo eye o keya ndolui lumue lu lupuka calua,
Lu songuiwa lespiritu lia Yehova.
20 “Ukuakuyovola+ o keya ko Siono,+
Kovitumbulukila via Yakoba vina via siapo akulueya,”+ oco Yehova a popia.
21 “Eci oco ocisila ndi ka linga lavo,”+ oco Yehova a popia. “Espiritu liange li kasi kokuove kuenda olondaka nda kapa vomẽla wove, ka vi ka tunda vomẽla wove ndaño vomẽla womãla* vove, ale vomẽla wolonekulu viove,”* oco Yehova a popia, “oku upisa cilo kuenda otembo ka yi pui.”