Esekiele

17 Ondaka ya Yehova yeya vali kokuange yiti: 2 “A mõlomunu, tukula elumbu limue kuenda lombolola olusapo lumue luatiamẽla konjo ya Isareli.+ 3 O sukila oku popia ndoco: ‘Ca popia Ñala Tõlo Yehova ceci hati: “Ongonga yinene+ yina yi kuete avava anene, ovonya a lepa, avala a litepa kuenda ocisumba cinene, yeya ko Levanone+ kuenda yopa osungu yuti wosedru.+ 4 Oyo ya teya osungu yaco kuenda ya yambata kimbo lia vakualomĩlu* kuenje ya yi tuika volupale lua vakualomĩlu.+ 5 Oyo ya tikula ombuto yimue yofeka+ kuenje ya yi tuika posi ya lẽla. Oyo ya yi tuika nduti u kulila pocitumãlo pali ovava alua. 6 Omo liaco, owo wa yova kuenda wa linga uti wuyuva+ wa pulika okuti, amẽla aco a pongolokela vokati kuti waco kuenda olombombo viaco via kulila vemẽhi liaco. Noke owo wa pongoloka uti wuyuva kuenda wa ima ovisiakata lovianja.+

7 “‘“Kuenje kueya ongonga yikuavo yinene,+ yi kuete avava anene kuenda ovonya a lepa.+ Noke olombombo viuti wuyuva via yandela toke kokuayo okuti, ocipãla locitumãlo wa tuikiwa kuenje ovisapa viaco, via yanda toke kokuayo oco okuti oyo yi tapela uti waco.+ 8 Owo wa tuikiwile ale vepia limue liwa ocipepi lovava alua, oco u yove ovianja, oku ima apako kuenda oco u kale uti umue unene wayuva.”’+

9 “Popia ndoco: ‘Ca popia Ñala Tõlo Yehova ceci hati: “Anga hẽ owo u ka kula? Anga hẽ umue ka ka tukũla olombombo viaco loku volisa apako aco+ kuenda oku kukutisa ovisiakata viaco?+ Owo u ka kukuta calua okuti, ka ci ka sukila eka lia pama ale omanu valua oco va u tukũle oku upisa kolombombo vialio. 10 Ndaño okuti uti waco u tuikiwa kocitumãlo cikuavo, anga hẽ u ka kula? Owo hẽ ka u ka kukuta wosi eci ofela yo kutundilo yi ka sikila kokuawo? Owo u ka kukutila pocitumãlo wa yovela.”’”

11 Kuenje ondaka ya Yehova yeya vali kokuange yiti: 12 “Linga ohenda, sapuila omanu va sina hati: ‘Ene hẽ ka wa kũlĩhĩli eci ovina evi vi lomboloka?’ Popia ndoco: ‘Tali! Soma yo Bavulono wa enda ko Yerusalãi kuenda wa tikula olosoma viaco kumue lolombuale kuenje weya lavio ko Bavulono.+ 13 Handi vali, eye wa nõla umue ukuacikoti*+ cusoma kuenda wa linga ocisila laye kuenje wa lisinga laye.+ Noke wambata alume va kemãla vo vofeka,+ 14 oco okuti usoma u kupuiwa kuenje ka u votuiwa vali kuenda wamamako lika nda va kapako ocisila caco.+ 15 Pole, soma wo* sinĩla poku tuma+ olomunga viaye Kegito oco vo wĩhe olokavalu+ kuenda olohoka vialua.+ Anga hẽ eye o ka litunda ciwa? Una o kasi oku linga ovina evi o ka puluka hẽ kekangiso? Anga hẽ eye o pondola oku lueya ocisila okuti lopo o puluka?’+

16 “‘“Ndeci ame ndi kasi lomuenyo,” oco Ñala Tõlo Yehova a popia, “eye o ka fila ko Bavulono kocitumãlo kuna ku kasi osoma* yo* vialeka yina okuti, eye wa pembula esingo liayo kuenda wa lueya ocisila cayo.+ 17 Olohoka via pama kuenda asualali valua va Fareo ka va ka kuatisa kuyaki+ eci uyaki u ka votuiwa kuenda va tunga ovimbaka oco va nyõle ovimuenyo vialua. 18 Eye wa nyehũla oku lisinga kuenda wa lueya ocisila. Ndaño wa linga ohuminyo* yaye, eye wa linga ovina viaco viosi kuenje ka ka puluka.”’

19 “‘Omo liaco, Ñala Tõlo Yehova wa popia hati: “Ndeci ame ndi kasi lomuenyo, ndi lingisa okuti ovitangi viavo vi ka kupukila kovitue viavo muẽle, omo lioku pembula oku lisinga kuange+ kuenda oku lueya ocisila cange. 20 Ndi ka kapa owanda wange kokuaye kuenda eye o ka kuatiwa lowanda wange.+ Ndi ko nena ko Bavulono kuenda ndi ko sombisa omo liovina vĩvi eye a ndingila.+ 21 Olomandekua viosi viasualali vaye, vi ka kupuiwa losipata kuenje vina vi ka supapo vi ka sanduiwa kolonele viosi.*+ Kuenje vu ka kũlĩha okuti, ame muẽle ndi Yehova nda ci popia.”’+

22 “‘Eci oco ca popia Ñala Tõlo Yehova hati: “Ndi ka teya ocanja cimue cosungu yuti wosedru+ kuenje ndi ka ci tuika kuenda pokati kovianja vi kasi kosungu yaco ndi ka tukũlako ocanja cimue+ kuenje ndi ka ci tuika komunda yimue ya lepa.+ 23 Komunda ya lepa yo Isareli oko ndi ka ci tuika; kuenje ovianja viaco vi ka kula kuenda ci kaima apako kuenje ci ka kala uti unene wosedru. Olonjila viosi via litepa vi ka tunga vemẽhi liaco kuenje vi ka kala vulembo wamẽla aco. 24 Kuenje oviti viosi viovusenge vi ka tuikiwa okuti, ame muẽle ndi Yehova, ame nda vombisa uti wa lepa kuenda nda kulisa oviti vimbumbulu;+ nda kukutisa uti wamẽla a talala kuenda nda yovisa uti wa kukuta.+ Ame muẽle ndi Yehova ame nda ci popia kuenda nda ci linga.”’”