Isaya
44 “Cilo yevelela, A Yakoba okuenje wange,
Kuenda ove A Isareli, una ame nda nõla.+
2 Ca popia Yehova
Una wa ku lulika haeye wa ku sovola,+
Una wa siata oku ku kuatisa tunde vimo* ceci hati:
3 Momo ame ndi ka eca ovava ku una o kasi lenyona*+
Kuenda ndi ka kapa olondui vofeka ya kukuta.
Ndi ka sukumũila espiritu liange kocitumbulukila*+ cove
Kuenda esumũlũho liange, kovitumbulukila viove.
4 Kuenje ovo va ka yova ndovikũla pokati kowangu,+
Ndavunje pokati kovava.
5 Umue o ka popia hati: “Nda tiamẽla ku Yehova.”+
Ukuavo o ka litukula eye muẽle londuko ya Yakoba,
Handi ukuavo, o ka soneha peka liaye hati: “Ame nda tiamẽla ku Yehova.”
Kuenje o ka tukuiwa londuko ya Isareli.’
‘Ame tete kuenda ame nda sulako.+
Ka kuli Suku ukuavo te lika ame.+
7 Helie wa lisoka lame?+
A kaluke lolukandi, a ci popie kuenda a lekise uvangi waco kokuange!+
Tunde kotembo eci nda tumbika omanu vo kosimbu,
Helie o tẽla oku sapula ovina vi ka pita ndopo
Kuenda evi handi vi ka pita?
Sia sapuilile hẽ omunu lomunu pokati kene tunde kosiahũlu loku ci lombolola?
Ene vu lombangi viange.+
Anga hẽ kuli Suku ukuavo okuti ameko lika?
Sio, ka kuli Handa ukuavo;+ Sia kũlĩhĩle lalimue.’”
9 Vosi vana vakuakupanga oviñumañuma via songiwa ka va silivila,
Kuenda ovikuata viavo vina ovo va sole, ka vi ka kuata esilivilo lalimue.+
Ndolombangi viavo, ovio* ka vi lete lacimue ndaño oku kũlĩha cimue,+
Omo liaco, vana va vi panga va ka kutisiwa osõi.+
10 Helie nda wa panga osuku yimue ale ociñumañuma cimue cutale
Okuti ka ci pondola oku nena ekuatiso limue?+
11 Tali! Vosi vana va likongela kokuaye va ka kutisiwa osõi!+
Olomesele, omanu vaño.
Vosi yavo va likongele kuenda va kale vovitumãlo viavo.
Ovo va ka yokoka kuenda va ka kutisiwa kumosi osõi.
12 Ukuakutela o semũlũla ciwa utale kondalu locimalẽho caye.
Eye o u semũlũla lolomatelo,
O u talavaya lokuokuo kuaye kua pama.+
Kuenje eye o kala lonjala kuenda ka kuata ongusu;
Eye ka nyui ovava kuenda o kava.
13 Ukuakusonga avaya o nalula ukolo woku seteka kilu lievaya, eye o talavaya lalio kuenda o sonehamo locitayo ci kusuka.
Eye o li panga levaya lia setekiwa kuenda o kapamo ondimbukiso locimalẽho coku taya.
14 Kuli umue okuti upange waye oku teta olosedru.
Eye o nõla epata limue liuti okuti, uti wo karvaliu,
Kuenda eye ecelela okuti owo wu kulila pokati koviti viovusenge.+
Eye o kũla uti wamẽla elemba liwa kuenje ombela yi kulisa uti waco.
15 Kuenje evaya liaco li linga olohũi oco omunu a taimise lalio ondalu.
Eye o tikula onepa yimue yevaya liaco oco a yote,
Eye o taimisa ondalu kuenda o yoka ombolo.
Pole, eye o lipangelavo osuku yimue loku yi fendela.
Eye o pongolola evaya liaco vociñumañuma cimue ca songiwa kuenda o kekamẽla kovaso yaco.+
16 Onepa yimue o yi timĩha vondalu;
Lonepa yaco, eye o yoka layo ositu yina eye a lia kuenje o sanjuka.
Eye o yota eye muẽle kuenda o popia hati:
“Haka! Ñasi oku yotela osimbu ndi vanja ondalu.”
17 Pole, ocisupe caco o ci linga osuku yimue okuti, ociñumañuma caye ca songiwa.
O kekamẽla kokualio kuenda o ci fendela.
Eye o likutilila kokualio kuenda o popia hati:
“Ndi popele, momo ove wu suku yange.”+
18 Ovo ka va kũlĩhĩle lacimue, ka va kuete elomboloko liocina cimue,+
Momo ovaso avo a sitikiwa kuenda ka va pondola oku mola,
Kuenda utima wavo ka u kuete olondunge.
19 Lomue o sokolola vutima waye,
Ndaño oku kuata ukũlĩhĩso ale elomboloko loku popia hati:
“Onepa yimue yalio nda yi timĩha vondalu,
Kuenje akala aco nda yoka lao ombolo kuenda nda yoka lao ositu yoku lia.
Anga hẽ ndi pondola oku panga lonepa ya supapo ocina cimue ka ci kuete esilivilo?+
Anga hẽ ndi pondola oku fendela evaya limue lia kukuta lia tunda kuti umue?”
20 Eye o kasi ndomunu umue o lia etiko.
Utima waye muẽle wo yonja kuenda wo yapuisa.
Eye ka pondola oku li popela eye muẽle ndaño muẽle oku popia hati:
“Eci ci kasi peka liange liondio uhembiko hẽ?”
21 “Ivaluka ovina evi, A Yakoba kuenda ove A Isareli,
Ove wukuenje wange.
Ame nda ku sovola kuenda ove wukuenje wange.+
A Isareli, lalimue eteke ndi ka ku ivala.+
22 Ndi ka takatisa akulueya ove ndelende limue+
Kuenda akandu ove ndelende limue lia tekãva.
Tiuka kokuange momo ndi ka ku yovola.+
23 Kaluki lesanju ene availu,
Momo Yehova wa ci linga!
Kaluki leyulo, ene alondo ongongo!
Kaluki lesanju ene alomunda,+
Ove wusenge kuenda oviti vialio viosi!
Momo Yehova wa yovola Yakoba,
Kuenda o lekisa ulamba waye ko Isareli.”+
24 Ca popia Yehova Upopeli wove,+
Una wa ku sovola tunde vimo ceci hati:
“Ame ndi Yehova una wa panga ovina viosi.
Helie wa kala lame?
25 Ame ñasi oku tateka olondimbukiso viovaprofeto vesanda,
Kuenda ame Una o lingisa vakuakutãha oku kala ndaveke;+
Ame Una ndi tateka vakualondunge
Kuenda ndi pongolola ukũlĩhĩso wavo vuveke;+
26 Una o lingisa okuti, ondaka yukuenje waye yi tẽlisiwa
Kuenda o tẽlisa ovitumasuku violomunga viaye;+
Una o sapula catiamẽla ko Yerusalãi hati: ‘Mu ka kala olonungi,’+
Kuenda alupale o Yuda hati: ‘A ka tumbuluiwa,+
Kuenda ame ndi ka tumbulula ovingululu vialio’;+
27 Una o popia kovava a longa hati: ‘Takati,
Kuenda ndi ka kukutisa olondui viove viosi’;+
28 Una o sapula catiamẽla ku Kuro+ hati: ‘Eye ungombo wange,
Kuenda eye o ka tẽlisa onjongole yange yosi’;+
Una o sapula catiamẽla ko Yerusalãi hati: ‘Oyo yi ka tumbuluiwa,’
Kuenda konembele hati: ‘Ociseveto cove ci ka sevetiwa.’”+