Isaya
36 Kunyamo 14 wa Soma Hesekiya, Senakeriva soma yo Asuria+ weya oku katukila alupale osi a kuete oviteyuilo o ko Yuda kuenje wa a tambula.+ 2 Noke soma yo Asuria wa tuma Ravesiake*+ kuenda olohoka vialua via tunda ko Lakisi,+ oku enda ku Soma Hesekiya ko Yerusalãi. Ovo va talama ocipepi lolekua yociva co konano+ ya kala vonjila yi loña kepia liulumue ukuakusukula.+ 3 Noke Eliakimi+ omõla a Hilikiya, una wa kala kalei konjo,* la Sievena+ usonehi kuenda Yowa omõla a Asafe ulombololi, veya ku Ravesiake.
4 Omo liaco, Ravesiake wa va sapuila hati: “Mangi ohenda, sapuili Hesekiya okuti: ‘Ca popia soma yinene okuti, soma yo Asuria ceci hati: “Pi kua kunamẽla ekolelo liove?+ 5 Ove o popia hati: ‘Ñuete esokiyo limue kuenda unene woku linga uyaki,’ pole, olondaka evi viaño. Kulie wa kolela okuti, o kuata osiata yoku ndi sinĩla?+ 6 Tala! Ove wa kolela kekuatiso luolundeya lua sasõha okuti, o Egito luna okuti, nda omunu wa liyekako lu toma kuenda lu tombola eka liaye. Fareo soma yo Egito oco a kasi ku vosi va kolela kokuaye.+ 7 Kuenje nda wa ndi sapuila okuti: ‘Tua kolela Yehova Suku yetu,’ siti Hesekiya wa nyõla ovitumãlo via lepa lovotala,+ eci a popele ko Yuda lo ko Yerusalãi hati: ‘Vu sukila hẽ oku kekamẽla kutala owu’?”’+ 8 Kaliye linga ohenda, lisila la ñala yange soma yo Asuria+ okuti: Ndu ku ĩha 2.000 kolokavalu nda ove o tẽla oku sanda alume vakuakuendela kolokavalu viaco. 9 Ove o pondola ndati oku tundisa onguluvulu yimue yi sule pokati kakuenje va ñala yange, nda wa kolela kakãlu o Kegito la vakuakuendela kolokavalu? 10 Siti Yehova eye wa nyĩha omoko yoku iya vofeka yilo loku yi kundula? Yehova wa ndi sapuila hati: ‘Kuende vofeka eyi kuenje yi kundula.’”
11 Noke Eliakimi, la Sievena+ kuenda Yowa va sapuila Ravesiake+ hati: “Linga ohenda, vangula lakuenje vove kelimi lio Aramaiku,*+ momo elimi liaco li tu lomboloka; ku ka vangule letu kelimi lia va Yudea, momo omanu va kasi kocimbaka va ci yevite.”+ 12 Pole, Ravesiake wa popia hati: “Anga hẽ ñala yange wa numa lika oku sapuila olondaka evi ku ñala yene kuenda kokuene? Siti wa numavo kalume va tumãla kocimbaka, vana okuti va ka lia aniña avo muẽle loku nyua ovasũ avo kumue lene?”
13 Kuenje Ravesiake wa talama loku kaluka lolukandi kelimi lia va Yudea+ hati: “Yeveleli ondaka ya soma yinene okuti, soma yo ko Asuria.+ 14 Ca popia soma ceci hati: ‘Ko ka eceleli okuti vu kembiwa la Hesekiya, momo eye ka tẽla oku vu popeli.+ 15 Ko ka ecelelivo okuti, Hesekiya o vu vetiyi oku kolela Yehova+ poku popia hati: “Yehova o ka tu popela muẽle kuenda olupale olu ka lu ka eciwa peka lia soma yo Asuria.” 16 Ko ka yeveleli Hesekiya, momo ca popia soma yo Asuria ceci hati: “Lingi ombembua lame kuenda lieci* kuenje omunu lomunu pokati kene o ka lia kuti waye muẽle wuyuva, kuti waye wukuyu kuenda o ka nyua ovava o vocisimo caye muẽle, 17 toke eci ndiya kuenda ndu wambati kofeka yimue ndeyi yene+ okuti, ofeka yi kuete olomema, ovinyu yokaliye, ofeka yi kuete ombolo loviumbo viayuva. 18 Ko ka eceleli okuti, Hesekiya o vu kembi poku popia hati: ‘Yehova o ka tu yovola.’ Anga hẽ kuli osuku yimue pokati kolosuku violofeka okuti ya yovola ofeka yavo peka lia soma yo Asuria?+ 19 Olosuku vio ko Hamati lo ko Aripade vi kasi pi?+ Olosuku vio ko Sefariwayi vi kasi pi?+ Anga hẽ ovio via yovola o Samaria peka liange?+ 20 Pokati kolosuku viosi violofeka evi, osuku yipi okuti ya tẽla oku yovola ofeka yavo peka liange okuti, Yehova o yovola o Yerusalãi peka liange?”’”+
21 Pole, ovo ka va popele lacimue kuenda ka vo tambuluile, momo soma wa handelekele hati: “Ku ko tambululi.”+ 22 Pole, Eliakimi omõla a Hilikiya una wa kala kalei konjo,* la Sievena+ usonehi kuenda Yowa omõla a Asafe ulombololi veya ku Hesekiya lovowalo avo a toka toka kuenda vo sapuila olondaka via Ravesiake.