Ukanda ku Tito
3 Amamako oku va ivaluisa oco va sumbile loku pokola kolombiali kuenda kuava va kuete unene,+ oco va liangiliyile oku linga upange wosi uwa, 2 oco ka va ka popie umue lãvi, ka va ka kale vakuavama, pole va sunguluke,+ loku lekisa umbombe wosi komanu vosi.+ 3 Momo etu kosimbu tua kalavo aveke, vakuesino, tua enda oku yapuisiwa, tua kala apika voloñeyi viñi viñi kuenda vayele, tua lingaile evĩho, loku kuata onya, tua suvukiwile loku lisuvuka omunu lukuavo.
4 Pole, eci ohenda Yupopeli wetu Suku+ kuenda ocisola a kuetele omanu ca situluiwa, 5 (hamomoko liovilinga viesunga tua linga,+ pole, momo liohenda yaye),+ eye wa tu popela poku tu yelisa* kuna kua tu tuala komuenyo+ kuenda poku tu lingisa omanu vokaliye pocakati cespiritu sandu.+ 6 Eye wa tu sukumuila espiritu liaco ocali* pocakati ca Yesu Kristu Upopeli wetu,+ 7 oco okuti, noke yoku tendiwa okuti tuakuesunga pocakati cohenda yaye ya piãla,+ tu linga va kapiñala+ ndomo ci likuata lelavoko liomuenyo ko pui.+
8 Olondaka evi via koleliwa kuenda ndi yongola okuti, o kũlĩhĩsa ciwa ovina evi, oco okuti vana va tava ku Suku vamamako oku tiamisila utima wavo koku linga ovopange awa. Ovina evi viwa kuenda vi kuatisa omanu.
9 Pole, ku ka litenge volombangulo viuveke, loku konomuisa ovikoti, oku lihoyisa kuenda oku liyakela Ocihandeleko, momo ovio ka vi kuatisa, haivio ka vi kuete esilivilo.+ 10 Omunu wosi o sandula elongiso liesanda,+ noke yoku lunguiwa* onjanja yatete leyi yavali,+ li tepa laye,+ 11 momo ove wa kũlĩha okuti omunu waco wa yapuka vonjila kuenda o kasi oku linga ekandu kuenje o li pisa eye muẽle.
12 Eci ndi tuma Artema, ale Tukiko+ kokuove, likolisilako oku iya kokuange ko Nikopoli, momo oko nda sokiya oku pita otembo yombambi. 13 Linga coci o tẽla oco o kuatise Sena, una wa kũlĩha ciwa Ocihandeleko kuenda Apolosi okuti, ka va kambela cimue kungende wavo.+ 14 Pole, vamanjetu va lilongisevo oku linga ovopange awa oco va kuatise eci ku kala esukila lionjanga+ okuti, ka va kala ndava ka va imi apako.+
15 Vosi va kasi lame, va ku tumisa ovilamo. Lamisapo vosi va tu sole vekolelo.
Ohenda ya piãla yi kale lene vosi.