Isaya
18 Ngongo yofeka yi kuete apange
Kimbo liolondui vio ko Etiopia!+
2 Oyo yi tuma olomunga poku pita vokalunga,
Poku pita vovava lolowato violoneva loku popia hati:
“Kuendi, ene alomunga vakuanjanga,
Kofeka yomanu va lepa haivo va kuete ekova li sielena,*
Komanu va sumbiwa kovitumãlo viosi,+
Kofeka yimue ya pama, haiyo yeyulo*
Okuti ofeka yaco yi kokiwa lolondui.”
3 Ene alonungi viosi viofeka lene wa tungimo,
Eci vu ka mola, ci ka kala ndondimbukiso* ya votuiwa kilu liolomunda,
Kuenda vu ka yeva ocileñi cimue ndoku sikiwa kuombinga.
4 Eci oco Yehova a ndi sapuila hati:
“Si sakalala kuenda ndi luluvalela kocitumãlo* cange,
Ndowuya wocinyi cutanya wa tua,
Ndelende liowume kotembo yowuya woku ungula.
5 Osimbu oku ungula ka kua fetikile,
Eci olonelẽho vi mala oku telẽha kuenda ayuva a pia,
Otuvianja tu ka tetiwa lolomĩla
Kuenda ovinjovelela vi ka tetiwa otuvianja tuavio.
6 Ovio vi ka siwila ovikuamanga
Kuenda ovinyama vio kilu lieve.
Ovikuamanga vi ka pita otembo yondombo kilu liavio.
Kuenda ovinyama viosi vio kilu lieve, vi ka kala kokuavio kotembo yoku ungula.
7 Kotembo yaco, ombanjaile yimue yi ka neniwa ku Yehova ukualohoka,
Oku upisa kofeka yomanu va lepa haivo va kuete ekova li sielena,*
Oku upisa komanu va sumbiwa kovitumãlo viosi,
Oku upisa kofeka yimue ya pama, haiyo yeyulo*
Okuti ofeka yaco yi kokiwa lolondui
Kocitumãlo cambata onduko ya Yehova ukualohoka okuti, Omunda Siono.”+