Olosamo
Osamo ya Daviti. Masikili.*
32 Wa sumũlũha una okuti Suku ecela okulueya kuaye, haeye ekandu liaye li tuvikiwa.*+
2 Wa sumũlũha omunu una okuti Yehova ko tendi okuti o kuete eko,+
Una okuti ka kuete ovisimĩlo vielimbi.
3 Osimbu sia litavelele ekandu liange, akepa ange a hongua omo nda sakalalele* vokuenda kueteke liosi.+
4 Momo utanya luteke eka* liove lia ndi lema.+
Ongusu yange ya takata ndovava powuya wondombo. (Sela)
Nda popia siti: “Ndi ka litavela ku Yehova akulueya ange.”+
Kuenje ove wa ecela okulueya kuange kuenda akandu ange.+ (Sela)
6 Eli olio esunga lieci okuti, omunu wosi ukuekolelo o ka likutilila kokuove,+
Osimbu handi citava oku ku sanga.+
Kuenje ndaño andunde ovava ka a ka pitĩla kokuaye.
O ka ndi kokela oku talama pokati komanu vana va ka kaluka lesanju momo ove wa ndi yovola.+ (Sela)
8 “Ndi ka eca kokuove olondunge kuenda ndi ka ku pindisa vonjila o sesamẽla oku endela.+
Ndi ka ku lavulula oco ndi ku tate loku ku ĩha elungulo.+
9 Ku ka kale ndokavalu ale omula okuti, ka vi kuete elomboloko,+
Vina okuti eci vi lukuta, vi sukila oku kapiwa olelia ale ovikapa
Oco vi pokole kokuove.”
11 Sanjuki omo liovina Yehova a siata oku linga kuenda yoleli ene a vakuesunga;
Kaluki lonjolela, ene vosi vu kuete utima wa suñama.