Olosamo
94 A Yehova, a Suku ukuefetuluinyo,+
A Suku ukuefetuluinyo, lekisa ulamba wove!
2 Katuka, Anganji yo kilu lieve.+
Fetuluinya vakuakulipanda eci ovo va sesamẽla.+
3 Toke otembo yipi, A Yehova,
Toke otembo yipi olondingaĩvi vi kamamako oku sanjuka?+
4 Ovio vi sanja olondaka vioku lipanda;
Vosi vakuevĩho, va litunula.
5 Ovio vi nyanyõla omanu vove, A Yehova,+
Kuenda vi talisa ohali ocipiñalo cove.
6 Ovio via ponda ocimbumba kuenda ocingendeleyi,
Vi pondavo omãla ka va kuete isia.
8 Ene wa kambi olondunge, kuati elomboloko lieci;
Ene waveke, eteke lipi vu ka kuata elomboloko?+
9 Una wa panga* etũi, ka pondola hẽ oku yeva?
Una wa panga iso, ka pondola hẽ oku vanja?+
10 Una o pindisa olofeka, ka pondola hẽ oku lungula?+
Eye Una eca ukũlĩhĩso komanu!+
11 Yehova wa kũlĩha ovisimĩlo viomanu,
Okuti ovio efuimo liaño.+
12 Wa sumũlũha omunu una ove o lungula, A Yehova,+
Una ove o longisa pocakati cocihandeleko cove,+
13 Oco u wĩhe ombembua vokuenda kuoloneke viovitangi,
Toke eci ondingaĩvi yi kupukila vocitunu.+
15 Momo yimue vali onjanja, esombiso li ka kala liesunga,
Kuenda vosi va kuete utima wa suñama va ka li kuama.
16 Helie o ka ndi teyuila kolondingaĩvi?
Helie o ka ndi kuatisa ku vakuevĩho?
18 Eci nda popia hati: “Omãhi yange yi kasi oku sielũha,”
Ocisola cove ka ci pongoloka, camamako oku ñuatisa, A Yehova.+
20 Ocalo* ci koka ovitangi, ci pondola hẽ oku likongela love
Osimbu oco ci sokiya oku linga eci cĩvi vonduko yocihandeleko?*+
23 Eye o ka lingisa okuti ovilinga viavo viungangala, vi tiukila kokuavo.+
Eye o ka va kundula pocakati cũvi wavo muẽle.
Yehova Suku yetu o ka va kundula.+