Olosamo
106 Sivayi Yehova!*
2 Helie o tẽla oku vangula catiamẽla kovopange anene a Yehova,
Ale oku sapula ovilinga viaye viosi viesivayo?+
3 Va sumũlũha vana va linga esunga,
Haivo va linga eci ca sunguluka olonjanja viosi.+
4 A Yehova, njivaluke eci o lekisa ohenda komanu vove.+
Ndi tate lovilinga viove viepopelo,
5 Oco ndi sanjukile uwa ove o lekisa ku vana wa nõla,+
Loku sanjukila kumosi lofeka yove,
Kuenje ndi lipandela oku ku sivaya kumue locipiñalo cove.
7 Vakukululu yetu Kegito ka va lilongisile* lacimue kovopange ove a komõhisa.
Ovo ka va ivalukile ocisola cove ka ci pongoloka haico calua,
Pole, va lekisa esino ocipepi lokalunga okuti, Okalunga Kakusuka.+
9 Eye wa lemẽla Okalunga Kakusuka kuenje oko ka kukuta;
Eye wa va songuila apa pa kaila alondo aco ndu okuti vekalasoko;+
10 Eye wa va popela peka liunyãli wavo,+
Wa va yovola peka liunyãli.+
13 Pole, va ivalako lonjanga eci eye a lingile;+
Ovo ka va kevelile onumbi yaye.
15 Eye wa va ĩha eci va pingile,
Pole, noke wa va veta luvei umue wa va honguisa kuenje va fa.+
17 Kuenje osi ya yikuka kuenda ya ina Datana
Kuenda ya sitika vana va liongoluile la Avirama.+
18 Pokati kocimunga cavo pa taima ondalu;
Ulienge wa lia olondingaĩvi.+
19 Ovo va tunga onãle yimue ko Horeve,
Kuenda va kekamẽla ociñumañuma cutale;+
20 Va fetika oku fendela ocindekaise congombe ci lia lia owangu+
Okuti ka va nyĩhile ulamba ndi sesamẽla.
21 Ovo va ivalako Suku+ Upopeli wavo,
Una wa linga ovina vinene Kegito,+
22 Lovopange a komõhisa vofeka ya Hama,+
Kuenda ovilinga vi komõhisa Vokalunga Kakusuka.+
23 Eye wa laikele oku eca ocihandeleko coku va kundula,
Pole, Mose onõliwe yaye wo* livondela
Oco a liwekepo konyeño yaye yi nyõla.+
26 Omo liaco, eye woluĩla eka liaye poku lisila lavo okuti,
O va kokela oku kupuka vekalasoko;+
27 Eye wa laikele oku kokela ovitumbulukila viavo oku kupuka pokati kolofeka,
Kuenda oku vi sanduila kolofeka viosi.+
28 Kuenje va likongela koku fendela Baale yo ko Peore,+
Kuenda va lia ovilumba via eciwile kuava va fa.*
30 Pole, eci Finehase a katuka loku ci tetulula,
Efengi lia imũha.+
31 Omo lielinga liaco, eye wa tendiwa ndukuesunga,
Kovitumbulukila viosi otembo ka yi pui.+
33 Ovo va kokela Mose oku tema,
Kuenda wa vangula uveke lomẽla waye.+
37 Ovo va enda oku lumba omãla vavo valume
Kuenda omãla vavo vakãi kolondele.+
38 Ovo va enda oku pesela osonde yomanu ka va kuete eko,+
Osonde yomãla vavo valume lomãla vavo vakãi,
Vana ovo va lumbila koviteka vio ko Kanana;+
Kuenje ofeka ya vĩhisua loku pesiwa kuosonde.
39 Ovo va vĩhisiwa omo liovopange avo;
Va linga upuepue konepa yespiritu omo liovilinga viavo.+
40 Kuenje onyeño ya Yehova ya wengukila omanu vaye,
Kuenda eye wa fetika oku suvuka ocipiñalo caye.
42 Ovanyãli vavo va va talisa ohali,
Kuenda va va pokuisa lunene* wavo.
43 Eye wa va yovola olonjanja vialua,+
Pole, ovo va sina kuenda ka va pokuile,+
Ovo va enda oku kapiwa kutito omo lioku lueya kuavo.+
45 Eye wa enda oku ivaluka ocisila caye mekonda liavo,
Kuenda wa enda oku kuata ohenda ya vetiyiwa locisola caye ca piãla* haico ka ci pongoloka.+
46 Eye wa enda oku vetiya vosi vana va va tuala kumandekua
Oco va va kuatele ohenda.+
47 A Yehova Suku yetu, tu popele,+
Kuenda tu ongolole oku upisa kolofeka+
Oco tu ece olopandu konduko yove yi kola
Kuenda omanu vosi va popie vati: “Amene!”*
Sivayi Yehova!*