Olosamo
A Yehova Suku yange, ove wunene calua.+
Ove wa waliwa lulamba* kuenda leposo.+
3 Eye o kapa kovava o kilu* olohangalo violohondo viaye viosapalalo,+
O lingisa alende ekãlu liaye,+
Endela kavava ofela.+
4 Eye o lingisa ovangelo vaye aspiritu,
O lingisa olondingupange viaye ondalu yi nyõla.+
5 Eye wa tumbika ilu lieve voviseveto vialio;+
6 Ove wa sikĩlĩla ilu lieve lovava a longa ndu okuti luwalo.+
Ovava a sitika olomunda.
7 Voku lemẽla kuove ovava a tila;+
Eci a yeva ocileñi cocilemĩlo cove, a tila loku yokoka,
8 Olomunda via lamana+ kuenda ovimbota via lokila
Kocitumãlo ove wa vi tumbikila.
9 Ovava wa a kapela ongave yimue oco ka a ka pitahãle,+
Okuti lalimue eteke a yukisa vali ongongo.
10 Eye o tumisa ovava kovimbota;*
A pita pokati kolomunda.
11 O-o a eca ovava kovinyama viosi viovusenge;
Ovimbulu viovusenge vi liupilako enyona.
12 Olonjila vi tunga ovianju vialio koviti vi kasi konele yovava;
Ovio vimba ovisungo pokati kamẽla a pulika.
13 Eye o tapela olomunda oku upisa kolohondo viaye viosapalalo.+
Apako ovopange ove a yukisa ilu lieve.+
14 Eye o kulisila owangu olongombe
Kuenda o kulisila ovikũla omanu,+
Oco posi pa tunde okulia
15 Lovinyu yi sanjuisa utima womunu,+
Lulela u ninisa ocipala,
16 Oviti via Yehova via tapeliwa ciwa,
Olosedru vio ko Levanone vina eye a kũla,
17 Muna olonjila vi tungila ovianju.
Onjo yonyañe+ yi kasi voviti viongaye.
19 Eye wa panga osãi oco yi tumbike olotembo;
Ekumbi lia kũlĩha ciwa otembo li iñila.+
20 Ove o nena owelema kuenje ku iya uteke,+
Eci ovinyama viosi viovusenge vi tunda.
22 Eci ekumbi li tunda,
Ovio vi tiukila kuenda vi pekela valeva avo.
23 Omunu enda kupange waye,
Kuenje o talavaya toke koñolosi.
24 A Yehova, ovopange ove alua cimue!+
Osi wa a panga lolondunge.+
Ilu lieve lieyuka lovina wa panga.
25 Okalunga kanene calua haiko ka tanda, koko,
Keyuka ovina vialua vi kuete omuenyo ci kaile vitito levi vinene.+
27 Viosi vi talamẽla kokuove
Oco o vi avele okulia kuavio votembo ya sokiyiwa.+
28 Ovio viongolola ovina ove o vi ĩha.+
Eci ove o yikula eka liove, ovio vi tambula ovina vialua viwa.+
29 Eci o salamisa ocipala cove ovio vi sakalala.
Nda ove o vi upa efuimo* liavio, ovio vi fa kuenje vi tiukila voneketela.+
30 Nda o tuma espiritu sandu liove, ovio vi lulikiwa,+
Kuenda ove o tumbulula ongongo.
31 Ulamba wa Yehova u ka kala otembo ka yi pui.
Yehova o ka sanjukila ovopange aye.+
32 Eye o vanja kilu lieve kuenje olio li luluma;
Eye o lamba kolomunda kuenje ovio vi tuima owisi.+
33 Ndi ka imbila Yehova ovisungo+ vokuenda kuomuenyo wange wosi;
Ndi ka imbila Suku yange ovisungo viesivayo* osimbu ñasi lomuenyo.+
34 Ovisimĩlo viange viu sanjuise.*
Ame ndi ka sanjukila Yehova.
35 Vakuakandu va ka takata kilu lieve,
Kuenda olondingaĩvi ka vi ka kalako vali.+
Linga ndi sivaye Yehova. Sivayi Yehova!*