Yovi
38 Kuenje Yehova wa tambulula Yovi pocakati cehunguhungu liofela kuenda wa popia hati:+
3 Itika pimo ndulume wa pama;
Ame ndi ka ku pula kuenda o ka ndi tambulula.
4 Pi wa kala eci nda sovola ilu lieve?+
Ndi sapuile, nda o sima okuti o kuete elomboloko.
5 Helie wa tumbika oloseteko vialio nda ove wa ci kũlĩha,
Ale helie wa yala ukolo walio woku seteka?
6 Oviseveto vialio via kuatelela pi,
Ale helie wa tumbika ewe liayo lievindi,+
8 Helie wa kapa apito okalunga+
Eci ka tunda vono* yalio,
9 Eci nda ka walisa lalende
Kuenda nda ka muñila vowelema walua,
10 Eci nda tumbika ongave yange kokuayo
Kuenda eci nda kapa ovikundiko viayo lapito povitumãlo viayo,+
11 Kuenje nda popia siti: ‘Wiya toke palo, ku ka pitahãle;
Akimba ove epela a sulila palo’?+
12 Ove* hẽ wa handelekele ale omẽle
Ale wa lingisa omẽle oku kũlĩha ocitumãlo calio,+
13 Ove wa sapuila hẽ kocinyi comẽle oco cende kasulilo o kilu lieve
Kuenda oku tundisamo olondingaĩvi?+
14 Ongongo yi lipongolola ndeci o tuma vemẽhi liondimbukiso,
Kuenda emolẽho liayo li limbukiwa ciwa nduwalo.
15 Pole, ocinyi colondingaĩvi cupiwa kokuavo,
Kuenda okuokuo kuavo kua tulikiwa ku teyiwa.
16 Ove hẽ wa lokile ale kolono viokalunga,
Ale oku konomuisa ovava a longa?+
18 Ove hẽ o kuete elomboloko liesanjavalo lio kilu lieve?+
Ndi sapuile, nda wa kũlĩha cosi eci.
19 Pi pa tungila muẽle ocinyi?+
Kuenda ocitumãlo cowelema ci kasi pi,
20 Oco o vi ambate vocikanjo cavio
Loku kũlĩha olonjila vi enda konjo yavio?
21 Ove hẽ wa kũlĩha eci, omo okuti wa citiwile ale
Kuenda etendelo lianyamo* ove lialua?
22 Anga hẽ ove wa iñilile volosila viocikokoto,+
Ale wa mola olosila viociwe,+
23 Vina nda pongiyila otembo yohali,
Leteke liovita kuenda liuyaki?+
25 Helie wa yulula olono viovava alua a tunda kilu
Kuenda wa sovola onjila yalende anene ombela okuti, a lemĩla,+
26 Oco a lokise ombela omu ka muli omanu,
Vekalasoko muna ka muli omunu laumue,+
27 Oco a kutise ekalasoko lia nyõliwa
Kuenda oku lingisa okuti owangu u yova?+
29 Ocikokoto ca tunda vimo lielie,
Kuenda helie wa cita ocikokoto co kilu+
30 Eci ovava a tuvikiwa ndu okuti a tuvikiwa lewe,
Kuenda onepa yo kilu yovava a longa yi likuata?+
31 Anga hẽ ove o tẽla oku kuta ovikolo viocengele colombungululu* vio Kima
Ale oku kutulula ovikolo viocengele colombungululu* vio Kesili?+
32 Ove hẽ o pondola oku tundisa ocengele colombungululu* votembo yalio
Ale oku songuila ocengele colombungululu* vio Ase kumue lomãla valio?
33 Ove hẽ wa kũlĩha ovihandeleko vi viala ovailu,+
Ale o pondola hẽ oku kisika omoko yavio* kilu lieve?
34 Anga hẽ o pondola oku votola ondaka yove toke kalende
Oco o lingise okuti endunde liovava li ku tuvika?+
35 Anga hẽ o pondola oku tuma oviliakulo?
Ovio viya kuenda vi ku sapuila viti: ‘Tu kasi palo!’
37 Helie o kuete ukũlĩhĩso walua woku tenda alende,
Ale helie o pondola oku pesela asanga ovava o kilu,+
38 Eci oneketela yi pongoloka onata
Kuenda eliño lioneketela lio kilu lieve li likuata pamosi?
39 O pondola hẽ oku yevelako ohosi ocinyama cimue
Ale oku kutisa olonjongole violohosi viamalẽhe,+
40 Eci ovio vi petamẽla valeva avo
Ale vi lavuluila vovitililo viavo?
41 Helie o pongiyila ocikuamanga okulia+
Eci omãla vaco va liyula oku pinga ekuatiso ku Suku
Kuenje va ñuala ñuala omo ka kuli lacimue coku lia?