Elivulu Liatete Lia Samuele
2 Hana wa likutilila hati:
“Utima wange u sanjukila Yehova.+
Ombinga* yange ku Yehova yi pama.
Omẽla wange u sepula ovanyãli vange,
Momo ndi sanjukila ovilinga viove viepopelo.
2 Ka kuli ukuavo o kola ndeci Yehova,
Ka kuli laumue te lika ove,+
Ka kuli ewe lia lisoka la Suku yetu.+
3 Ku kamameko oku vangula lepela;
Vomẽla wove ka mu ka tunde olondaka vioku lipanda;
Momo Yehova, eye Suku yukũlĩhĩso,+
Eye o kũlĩhĩsa ciwa ovilinga.
4 Olohonji viava va pama via teka,
Puãi vana va lilondoka va pamisiwa.+
5 Vana vekutile, va sukila oku talavaya oco va sande ombolo,
Pole, vana va kala lonjala, ka va kala vali lonjala.+
6 Yehova o kuete unene woku ponda kuenda woku teyuila omuenyo;*
8 Eye o votola embombe voneketela;
Oco a va tumãlise lolombuale,
Poku va ĩha ocitumãlo cesumbilo.
Oviseveto viongongo via tiamẽla ku Yehova,+
Kuenda eye o tumbika osi yima ciwa kilu liavio.
9 Eye o teyuila olonjila via vana vo kolela,+
Pole, olondingaĩvi vi ka nyõliwa vowelema,+
Momo omunu ka yuli omo liunene waye muẽle.+
10 Yehova o ka kundula vana va liyaka laye;*+
Eci eye a ka lekisa onyeño yaye kokuavo, ovailu a ka luluma.+
11 Kuenje Elikana wa enda konjo yaye ko Rama, pole, ukuenje wa linga ukuakuvumba Yehova+ loku songuiwa la Eli ocitunda.
12 Omãla va Eli va kala olondingaĩvi;+ ovo ka va sumbilile Yehova. 13 Eci oco ovo va enda oku linga lolonepa ovitunda va sesamẽlele oku tambula komanu:+ Eci omunu umue a lumba ocilumba caye, oñuatisi yocitunda yiya longalufu yovayo atatu peka osimbu ositu yi telekiwa, 14 kuenda o yi kapa volombia. Cosi ci kuatiwa longalufu, ocitunda ci ci tambula oco ci linge caye. Eci oco va enda oku linga la va Isareli vosi va endaile ko Silo. 15 Osimbu ulume una eca eca ocilumba ka tuimisile ulela,+ oñuatisi yimue yocitunda yiya kokuaye loku u sapuila hati: “Eca ositu, oco ocitunda ci yi yoke. Oco, ka citava oku tambula kokuove ositu ya telekiwa, te lika ositu yowisu.” 16 Eci ulume o sapuila hati: “Ovo tete va tuimise ulela,+ noke upa cosi o yongola,” eye o popia hati: “Sio, te wa yeca cilo muẽle; sanga ndi yi tambula longusu!” 17 Ekandu lioloñuatisi viaco, lia linga linene kovaso a Yehova,+ momo omanu ka va sumbilile ocilumba ca Yehova.
18 Osimbu Samuele a kala oku vumba+ Yehova, wa enda oku wala* evendalia liovalatanya+ ndaño okuti handi wa kala omõla. 19 Inaye wa enda oku u tongelako esanya ka li kuete ovoko kuenda wa enda oku u nenela esanya liaco unyamo lunyamo eci a enda lulume waye oku ka lumba ocilumba cunyamo lunyamo.+ 20 Eli wa sumũlũisa Elikana lukãi waye, loku popia hati: “Yehova a ku ĩhe omõla pocakati cukãi u, oco a piñale pomangu yomõla wa eci ku Yehova.”+ Kuenje ovo va tiukila konjo. 21 Yehova wa ivaluka Hana loku ecelela okuti eye o mina;+ kuenje eye wa cita vali omãla vatatu valume kuenda vavali vakãi. Umalẽhe Samuele wamamako oku kula osimbu a vumba Yehova.*+
22 Eli wa kukile calua, pole, wa yeva ovina viosi omãla vaye va kala oku linga+ vo Isareli kuenda ndomo va kala oku lipekela lakãi va vumbaile puvelo wombalaka yohongele.+ 23 Eye wa va sapuila hati: “Momo lie vu kasilili oku amamako oku linga ovina evi? Ovina ñasi oku yeva komanu viatiamẽla kokuene, via vĩha. 24 Liwekipo amãla vange, momo ovina nda yeva pokati komanu va Yehova, ka via sungulukile. 25 Nda omunu umue o lingila ekandu omunu ukuavo, umue citava okuti u likutililako ku Yehova;* pole, nda omunu umue o lingila ekandu Yehova,+ elie u likutililako?” Pole, ovo ka va yevele kondaka ya isiavo, momo Yehova wa nõlelepo oku va kundula.+ 26 Umalẽhe Samuele wamamako oku kula loku pandiyiwa ci kaile la Yehova, ale lomanu.+
27 Uprofeto umue wa Suku weya ku Eli kuenda wo sapuila hati: “Ca popia Yehova ceci hati: ‘Anga hẽ sia lisituluile konjo ya isiove osimbu wa kaili Kegito ndupika konjo ya Fareo?+ 28 Eye wa nõliwa pokati kovikoti viosi via Isareli+ oco a vumbe ndocitunda cange loku londa kutala wange+ oku eca ovilumba, linsensu,* loku wala evendalia kovaso ange; kuenje konjo ya vakukululu yove nda eca ovilumba viosi viondalu via lingiwa la va Isareli.*+ 29 Momo lie ka wa taveleli* ocilumba cange lombanjaile yange, vina nda handelekele oku vi lumba kocitumãlo cange nda tunga?+ Momo lie o kasilili oku amamako oku sumbila vali omãla vove okuti ame ci sule, poku lẽla lolonepa via velapo viocilumba cange cosi cina omanu va Isareli va eca?+
30 “‘Eli olio esunga lieci okuti, ondaka ya Yehova Suku ya va Isareli yiti: “Onjo yove lonjo ya vakukululu yove, nda yamamako oku endela kovaso yange.”+ Pole, cilo Yehova wa popia hati: “Eci lalimue eteke ci ka lingiwa vali, momo vana va ndi kemãlisa ndi ka va kemãlisavo,+ pole, vana va ndi pembula va ka pembuiwavo.” 31 Tala! Ku iya oloneke okuti, ndi ka malako ongusu* yove yosi leyi yo vonjo ya isiove kuenje lomue vonjo yove o ka pitĩla koku kuka.+ 32 Pokati kovina viosi viwa vi lingiwila o Isareli,+ o ka mola unyãli umue pocitumãlo nda tungila kuenda vonjo yove, lalimue eteke mu ka kala vali omunu wa kuka. 33 Ocitumbulukila cove okuti, sia ci tepele kupange wutala wange ci ka ku kokela oku kala omeke loku ku nenela ohali, pole, valua konjo yove va ka pondiwa losipata.+ 34 Kuenje eci ci ka pita lomãla vove Hafeni la Finehase, ci ka kala ondimbukiso kokuove okuti: Kavali kavo va ka pondiwa veteke limuamue.+ 35 Noke ndi ka votola ocitunda cimue ca koleliwa.+ Oco, ci ka linga eci utima wange u yongola;* kuenda ndi ka ci tungila onjo yimue yi kala otembo ka yi pui kuenje ci ka endela kovaso yombuavekua yange oloneke viosi. 36 Wosi o siala vonjo yove, iya kuenda o ka kekamẽla ocitunda caco, oco a fetiwe olombongo loku tambula ombolo kuenje o popia hati: “Mange ohenda, nyĩhe ocikele cutunda oco ndi lie onepa yimue yombolo.”’”+