Olosamo
Kusongui wolonjimbi. Ocisungo. Osamo.
66 Kaluki lonjolela kuenda sivayi Suku, a ilu lieve liosi.+
2 Imbili ovisungo viesivayo* konduko yaye yulamba.
Eci ulamba kokuaye kuenda u sivayi.+
3 Sapuili Suku hati: “Ovopange ove a komõhisa cimue!+
Omo liunene wove walua,
Ovanyãli vove va keya kokuove loku luluma.+
4 Omanu vosi vo kilu lieve va ka ku kekamẽla;+
Kuenda va ka ku imbila ovisungo viesivayo;
Ovo va ka imbila onduko yove ovisungo viesivayo.”+ (Sela)
5 Enjui, ndo tali ovopange a Suku.
Ovilinga viaye pokati komãla vomanu vi komõhisa.+
Oko tua fetikila oku sanjuka omo liovina viosi eye a tu lingila.+
7 Eye o viala otembo ka yi pui+ omo liunene waye.
Ovaso aye amamako oku lavulula olofeka.+
Vana va tĩlisa ovitima viavo, ka va ka li kemãlise ovo muẽle.+ (Sela)
8 Ene amanu, sivayi Suku yetu,+
Kuenda eye a sivayiwe lolukandi.
10 Momo ove wa tu kũlĩhĩsa, A Suku;+
Ndeci opalata yi kanguiwa, ove wa tu kangulavo.
11 Ove wa tu kuata lowanda wove;
Wa kapa ocilemo cimue ci lema calua kokuetu.*
12 Wa ecelela okuti, omunu waño endela kilu lietu;*
Tua pita vondalu kuenda vovava;
Noke wa tu nena kocitumãlo cekavuluko.
13 Ndi ka iñila vonjo yove lovilumba vioku pia elisi;+
Ndi ka feta olohuminyo viange kokuove,+
14 Vina omẽla wange wa likuminya,+
Haivio omẽla wange wa popia eci nda kala vohali.
15 Ndi ka lumbila kokuove ovilumba vioku pia elisi viovinyama via lẽla,
Lowisi wocilumba covitupi violomeme.
Ndi ka lumba olongombe kumue lovitupi violohombo. (Sela)
16 Enjui kuenda yeveleli ene vosi wa sumbili Suku,
Kuenje ndu ku sapuili eci eye a siata oku ndingila.+
17 Ndo vilikiya lomẽla wange,
Kuenda ndo sivaya lelimi liange.
18 Nda nda selekele ocina cimue cĩvi vutima wange,
Yehova nda ka ndi yevelele.+
20 Suku a sivayiwe, una ka likalele ohutililo yange,
Ale oku ndi likala ocisola caye ka ci pongoloka.