Olosamo
Osamo ya Daviti.
143 A Yehova, yevelela ohutililo yange;+
Yevelela epingilo liange liekuatiso.
Ndi tambulule vocili cove kuenda vesunga liove.
2 Ku kambate ukuenje wove kekanga liove,
Momo lomue o kasi lomuenyo o pondola oku kala ukuesunga kovaso yove.+
3 Momo unyãli o ndi landula;
Eye wa kosa omuenyo wange posi.
Eye wa ndi kisika oku tunga vowelema nda vana va fa ale osimbu.
5 Ndi ivaluka oloneke vio kosimbu;
Ndi sokolola kovopange ove osi;+
Ndi sokolola* kupange wovaka ove lombili yalua.
6 Ndi oluĩla ovaka ange kokuove;
Ndi lavoka kokuove ndofeka yimue yekango yi lavoka ombela.+ (Sela)
8 Njevalise ocisola cove ka ci pongoloka komẽle,
Momo nda kolela kokuove.
Ndekise onjila ndi sukila oku endela,+
Momo kokuove oko niukila.
9 Mopele kovanyãli vange, A Yehova.
Ndi sandiliya eteyuilo liove.+
10 Ndongise oku linga ocipango cove,+
Momo wu Suku yange.
Espiritu liove liwa;
Olio li ndi songuile vofeka yava va suñama.
11 Popela omuenyo wange, A Yehova, omo lionduko yove.
Vesunga liove, mopele kohali.+