Ukanda Wavali ku va Tesalonike
2 Omo liaco, a vamanji, catiamẽla ketukuluko lia Ñala yetu Yesu Kristu+ kuenda koku ongoluiwa kumue laye,+ tu vu pingi tuti, 2 ovitima viene ka vi ka tatamisue lonjanga ale oku yokokisua lesapulo li molẽha ndu okuti, lia tunda ku Suku,*+ pamue esapulo lia vanguiwa, ale ukanda u molẽha ndu wa tunda kokuetu li lekisa okuti, eteke lia Yehova+ li kasi palo.
3 Ko ka eceleli okuti umue o vu yapuisi,* momo eteke liaco ka liya te ku molẽha tete unanguluke+ kuenda ku situluiwa omunu ukuevĩho+ okuti, omõla wenyõleho.+ 4 Eye o patãla kuenda o li velisapo ku wosi o li tukula hati suku, ale ocikuata cefendelo* kuenje o tumãla vonembele ya Suku loku li lekisa eye muẽle kowiñi okuti osuku yimue. 5 Ka wivaluki okuti, eci nda kala lene nda enda oku vu sapuili ovina evi?
6 Ene wa kũlĩhi eci ci kasi oku tateka omunu ukuevĩho kuenje eye o ka situluiwa votembo ya sokiyiwa. 7 Ocili, elumbu liomunu waco ukuevĩho li kasi ale oku talavaya,+ pole toke eci una u tateka ka kalako vali. 8 Kuenje omunu ukuevĩho o ka situluiwa, una Ñala Yesu a ka ponda lespiritu liomẽla waye+ kuenda u wimũla loku molẽha+ kuetukuluko liaye. 9 Pole, oku molẽha kuomunu ukuevĩho kueya omo liovilinga via Satana+ kumue lovopange osi a komõhisa, lolondimbukiso viesanda, lovikomo,*+ 10 kuenda lelimbi liosi lievĩho+ ku vana va kasi oku nyõleha, ndefetuluinyo omo ka va lekisile onjongole yavo yutima wosi kocili cina ci pondola oku va popela. 11 Eli olio esunga lieci Suku a ecelelela okuti, ovo va yapuisiwa lelongiso liesanda oco va tave kolondaka viuhembi,+ 12 oco okuti, vosi yavo va sombisiwa omo ka va tava kocili, pole, va sanjukila evĩho.
13 Pole, olonjanja viosi tu vetiyiwa oku pandula Suku omo liene, a vamanji wa soliwi la Yehova,* momo Suku wo nõleli+ oku popeliwa tunde kefetikilo poku vu kolisi+ lespiritu liaye kuenda lekolelo liene kocili. 14 Eye wo kovongeli pocakati colondaka viwa tua kunda, oco vu kuati ulamba wa Ñala yetu Yesu Kristu.+ 15 Omo liaco, a vamanji, talami ngõ,+ amamiko oku kakatela kovina wa longisiwi,+ ci kaile nda esapulo liaco lia vanguiwa, ale ukanda umue wa tunda kokuetu. 16 Kuenje Ñala yetu Yesu Kristu kuenda Suku Isietu, una wa tu sola+ kuenda wa eca elembeleko ka li pui lelavoko liwa+ omo liohenda ya piãla, 17 a lembeleke ovitima viene loku vu pamisi* kovilinga viosi viwa kuenda kondaka.