Olosamo
78 Amanu vange, yeveleli ocihandeleko* cange;
Vonguili etũi liene kolondaka viomẽla wange.
2 Ndi ka vangula lolusapo.
Ndi ka vangula alumbu o kosimbu.+
3 Ovina tua yeva levi tua kũlĩha,
Vina va isietu va tu lomboluila,+
4 Ka tu ka vi limbika komãla vavo;
Tu ka lomboluila kocitumbulukila ci keya+
Ovilinga viesivayo via Yehova kuenda ongusu yaye,+
Lovina vi komõhisa a siata oku linga.+
5 Eye wa tumbika onjivaluko yimue ku Yakoba,
Wa kapa ocihandeleko cimue ko Isareli;
Eye wa handeleka vakukululu yetu
Oco va lingise okuti ovina evi, vi kũlĩhĩwa lomãla vavo,+
6 Oco ocitumbulukila ci kuamamo,
Omãla vana va laika oku citiwa va vi kũlĩhe.+
Kuenje ovo va vi lomboluilavo komãla vavo.+
7 Kuenje ovo va laikele oku kolela ku Suku.
8 Kuenje ovo ka va laikele oku kala nda vakukululu yavo,
Vana va tĩlisa utima wavo haivo va sina,+
Vana ka va pongiyile utima wavo+
Kuenda vovitima viavo, ka va kolelele ku Suku.
9 Va Efarimi va limalẽhele lohonji,
Pole, va tila keteke liuyaki.
13 Eye wa tepa okalunga oco a va ecelele oku pita,
Kuenda wa lingisa ovava oku talama ndocimano.+
14 Kutanya, eye wa va songuila lelende
Kuenda vokuenda kuteke wosi wa va songuila locinyi condalu.+
15 Eye wa tetola asenje vekalasoko,
Wa va nyuisa toke eci va tẽla ndu okuti va kala oku nyua kovava a longa.+
16 Eye wa tundisa ovava vesenje limue
Kuenda wa lingisa ovava oku pita ndolondui.+
17 Pole, ovo vamamako oku u lingila ekandu
Poku sinĩla Fũ vekalasoko;+
18 Ovo va seteka* Suku vutima wavo+
Poku kisika okulia ndomo ci likuata lonjongole yavo.
20 Tala! Eye wa veta vesenje limue
Kuenje ovava a tunda kuenda olondui via supoka.+
“Anga hẽ eye o pondolavo oku tu ĩha ombolo,
Ale o pondola hẽ oku eca ositu komanu vaye?”+
21 Eci Yehova a va yeva, wa tema;+
Wa nena ondalu+ oco a yambule Yakoba,
Kuenda onyeño yaye ya wengukila Isareli+
22 Momo ka va lekisile ekolelo ku Suku;+
Ka va kolelele kuloño waye woku va popela.
23 Omo liaco, eye wa handeleka alende o kilu,
Kuenje wa yulula apito o kilu.
26 Wa nena ofela yo kutundilo kovailu
Kuenda wa lingisa ofela yo kombuelo oku sika lunene waye.+
27 Eye wa va lowila ositu ndoneketela,
Kuenda olonjila ndeseke liokalunga.
28 Eye wa va kokela oku kupuka pokati kocilombo caye,
Kolonele viosi violombalaka viaye.
29 Ovo va lia kuenda vekuta calua;
Eye wa eca kokuavo eci va yonguile.+
30 Pole, osimbu handi ka va tẽlisile ciwa onjongole yavo,
Osimbu okulia kuavo kua kala handi vomẽla wavo,
31 Onyeño ya Suku, ya va wengukila.+
Eye wa ponda alume vavo va pamapo vali;+
Eye wa kundula amalẽhe va Isareli.
33 Omo liaco, eye wa sulisa oloneke viavo ndefuimo liaño,+
Kuenda anyamo avo pocakati cocilunga ceya ocipikipiki.
34 Eci eye a ponda vamue pokati kavo, ovo va enda oku u sanda;+
Ovo va enda oku tiuka loku sandiliya Suku,
35 Poku ivaluka okuti, Suku wa kala Handa yavo+
Kuenda Suku Fũ, wa kala Onjovoli yavo.+
36 Ovo va seteka oku u kemba lomẽla wavo
Kuenda va popia esanda kokuaye lelimi liavo.
38 Pole, eye wa kala ukuahenda;+
Eye wa enda oku ecela* okulueya kuavo kuenda ka endaile oku va kundula.+
Eye olonjanja vialua wa enda oku tiula onyeño yaye+
Okuti onyeño yaye yosi oku wenguka, hacoko.
43 Ndomo a lekisa olondimbukiso viaye Kegito+
Lovikomo viaye vimbo lio Coana,
44 Kuenda ndomo eye a pongolola olono vio Nilu osonde,+
Okuti ovo ka va tẽlele oku nyua volondui viavo.
45 Eye wa tuma endo liolonyi oco vi va talise ohali poku va lumana+
Kuenda ovinonga oco vi nyõle ofeka yavo.+
46 Eye wa eca ovaima avo kolohuma vi nyõla,
Epako liupange wavo kendo liolohuma.+
47 Eye wa nyõla ayuva avo+
Kuenda wa kundula oviti viavo viakuyu lociwe.
48 Eye wa eca ovinyama viavo kociwe+
Kuenda oviunda viavo koviliakulo.
49 Wa va imbila onyeño yaye yalua,
Onyeño loku tema kuenda ohali,
Wa tuma olohoka viovangelo oco vi nene efengi.
50 Eye wa yuluila onyeño yaye onjila.
Ka va popelele kolofa;
Kuenda wa va eca* kefengi.
51 Oku sulako, wa ponda olonuñulu viosi vio Kegito,+
Apako atete ongusu yavo yoku cita volombalaka via Hama.
52 Noke wopa omanu vaye Kegito ndocunda+
Kuenda wa va songuila ndolomeme vekalasoko.
53 Eye wa va songuila loku kolapo,
Kuenda ovo ka va kuatele usumba;+
Okalunga ka sitika ovanyãli vavo.+
54 Kuenje eye wa va nena vocikanjo caye ci kola,+
55 Eye wa tundisa olofeka kovaso avo;+
Wa va tepisila ocipiñalo cimue lukolo umue woseteko;+
Eye wa tumbika ovikoti via Isareli volonjo viavo.+
57 Ovo va yapukavo kuenda va linga vakuelimbi ndeci vakukululu yavo.+
Ka va koleliwile, ndeci ohonji ya yonga ka yi koleliwa.+
58 Ovo vamamako oku fendela olosuku viesanda kovitumãlo via lepa oco vo sanumũle,+
Kuenda va wengula onyeño* yaye loviñumañuma viavo via songiwa.+
59 Suku wa ci yeva kuenda wa kala lonyeño yalua,+
Kuenje wa likala olumue Isareli.
61 Eye wa ecelela okuti ondimbukiso yongusu yaye yenda kumandekua;
Kuenda ulamba waye wenda peka liunyãli.+
62 Eye wa ecelela okuti omanu vaye va pondiwa losipata+
Kuenda wa temẽle locipiñalo caye.
63 Ondalu ya lia amalẽhe vaye,
Kuenda ka kua imbiwile ovisungo viuvala kafeko vaye vosombo.*
64 Ovitunda viaye via pondiwa losipata.+
Kuenda ovimbumba viavo ka via lilile.+
66 Kuenje wa sandola ovanyãli vaye;+
Eye wa va eca kosõi ka yi pui.
67 Eye wa likala ombalaka ya Yosefe;
Ka nõlele ocikoti ca Efarimi.
69 Eye wa tunga ocitumãlo caye ci kola oco ci kale otembo yalua ndovailu,+
Ndilu lieve eye a tumbika otembo ka yi pui.+