Olonganji

14 Samisone wa lokila ko Timinate kuenje ko Timinate wa muilako ukãi umue u Filisiti.* 2 Omo liaco, eci eye a tiuka konjo wa sapuila isiaye la inaye hati: “Ko Timinate kuli ukãi umue u Filisiti ame nda sola kuenda ndi yongola okuti wendiko oku ko upa oco a linge ukãi wange.” 3 Pole, isiaye la inaye vo sapuila vati: “Ku pondola hẽ oku sanga ukãi umue pokati kepata liove kuenda pokati komanu vetu vosi?+ Anga hẽ o sukila muẽle oku enda loku kopa ukãi umue pokati ka va Filisiti vana ka va seviwile evamba?” Pole, Samisone wa sapuila isiaye hati: “Ko upe oco a linge wange, momo eye wa ndi sungulukila.”* 4 Isiaye la inaye ka va limbukile okuti eci ca tunda ku Yehova, momo Eye wa kala oku sanda epuluvi lioku liyaka la va Filisiti, omo va Filisiti va kala oku viala o Isareli kotembo yaco.+

5 Omo liaco, Samisone wa lokila ko Timinate kumue la isiaye kuenda inaye. Eci a pitĩla poviti viayuva o ko Timinate, ohosi* yimue yeya kokuaye loku koma. 6 Noke espiritu lia Yehova lio wĩha unene+ kuenje eye wa yi tola lovaka aye volonepa vivali ndeci omunu umue a tola volonepa vivali okahombo kamue. Pole, eye ka sapuilile ku isiaye ndaño ku inaye ovina a linga. 7 Noke eye wa lokila ko Timinate kuenje wa sapela lukãi kuenda ukãi waco handi wa sungulukile kovaso a Samisone.+

8 Noke liotembo yimue eci eye a kala oku tiuka oco ambate ukãi waco konjo,+ eye wa pambuka oco a tale etimba liohosi ya fa kuenje vokati ketimba liaco mua kala ondunda yolonyĩhi kuenda owiki. 9 Omo liaco, eye wopa owiki lovaka aye kuenda wa lia osimbu a kala oku enda. Eci a lisanga la isiaye kuenda inaye wa va ĩhako oco va lie. Pole, ka va sapuilile okuti eye wopa owiki waco vetimba liohosi yimue.

10 Isiaye wa lokila toke kukãi waco kuenda Samisone wa lingilako ocipito cimue, momo oco amalẽhe alume va enda oku linga. 11 Eci ovo vo mola va nena 30 kolombangi viuvala oco vo kuame. 12 Noke Samisone wa va sapuila hati: “Lingi ohenda, ngeceleli oku ku sapuili elumbu limue. Nda vokuenda kuoloneke epanduvali viocipito, wa li situluli kuenda vu ndi sapuila etambululo liaco, ame ndi ka eca kokuene 30 kovowalo ovalatanya kuenda 30 kovowalo. 13 Pole, nda ka wa tẽleli oku ndi sapuila etambululo liaco, vu sukila oku nyĩha 30 kovowalo ovalatanya kuenda 30 kovowalo.” Ovo va popia vati: “Tu sapuile elumbu liove; tu yongola oku li yevelela.” 14 Omo liaco, eye wa va sapuila hati:

Ovo ka va tẽlele oku situlula elumbu liaco vokuenda kuoloneke vitatu. 15 Keteke liakuãla ovo va popia lukãi wa Samisone vati: “Yonja ulume wove+ oco a tu sapuile etambululo lielumbu liaco. Nda kua ci lingile, tu ku timĩha londalu ove kumue lonjo ya isiove. Anga hẽ wa tu laleki kulo oco vu tambule ocipiñalo cetu?” 16 Omo liaco, ukãi wa Samisone wo lilila kuenda wa popia hati: “Ove o ndi nyale; ku ndi sole.+ Ove wa popia elumbu limue komanu vange, pole, kua ndi sapuilile etambululo.” Eye wa sapuila ukãi hati: “Ame sia sapuilile etambululo liaco ndaño muẽle ku isiange ale ku ina yange! Anga hẽ ndi sukila oku ku ci sapuila ove?” 17 Pole, ukãi wamamako oku u lilila vokuenda kuoloneke epanduvali viocipito. Oku sulako eye wa ci sapuila kukãi keteke liepanduvali momo eye wo sakalaisa calua. Noke ukãi wa sapuila omanu vaye etambululo lielumbu liaco.+ 18 Kuenje keteke liepanduvali osimbu handi ekumbi ka lia iñilile,* alume vo volupale vo sapuila vati:

Eye wa va tambulula hati:

19 Noke espiritu lia Yehova lio wĩha unene+ kuenda eye wa lokila toke ko Asikelone+ kuenje wa ponda 30 kalume vavo kuenda wa tambula uwalo wavo loku eca uwalo waco ku vana va tambulula elumbu.+ Eye wa enda loku tema kualua osimbu a kala oku tiukila konjo ya isiaye.

20 Ukãi wa Samisone+ wa eciwa ku umue pokati kolombangi viaye viuvala una wo kuamẽle.+