Olosamo
Ocisungo. Osamo ya Daviti.
108 A Suku, utima wange wa pama,
Ndi ka imba kuenda ndi ka linga ovisungo lutima wange wosi.+
2 Pasuka Acikuata covisikilo ca pangiwa lovikolo; lovevo Ahalupa.+
Ndi ka pasuka selo.
3 A Yehova, ndi ka ku sivaya pokati komanu,
Ndi ka ku imbila ovisungo viesivayo* pokati kolofeka.
4 Momo ocisola cove ka ci pongoloka ca piãla okuti, ci pitĩla toke kovailu,+
Kuenda ocili cove ci pitĩla toke kalende.
5 A Suku, o sesamẽla oku sivayiwa kilu liovailu;
Ulamba wove u kale kilu lieve liosi.+
7 Suku wa vangula voku kola kuaye* hati:
“Ndi ka sanjuka, ndi ka eca Sekeme+ ndocipiñalo komanu vange,
8 O Gileada+ ya tiamẽla kokuange nda Manase,
Kuenda Efarimi ocikoko* cutue wange;+
Yuda ombueti yange yoku viala.+
9 O Moavi ombasiya yange yoku yuila.+
Ndi ka imba olohaku viange ko Edome.+
Ndi ka kaluka lonjolela, momo ndi ka yula Filisiti.”+
10 Helie o ka ndi tuala kolupale lu kuete oviteyuilo?
Helie o ka ndi songuila toke ko Edome?+
11 Haveko hẽ, A Suku, una wa tu likala,
Suku yetu, una ka endaenda vali lolohoka vietu?+