Olosamo
Kusongui wolonjimbi; elaka liaco “Liopomba Yõha Okuti yi Kasi Kupãla.” Osamo ya Daviti. Mikitama.* Ceci va Filisiti vo kuatela ko Gati.+
56 A Suku, ndekise ohenda, momo omunu waño o kasi oku ndi katukila.
Eteke liosi ovo vamamako oku liyaka lame loku ndi talisa ohali.
2 Ovanyãli vange va ndi katukila eteke liosi;
Valua va liyaka lame loku lipanda.
3 Eci ñala lusumba,+ ndi kolela kokuove.+
4 Nda kolela ku Suku, una ndi sivaya ondaka yaye,
Nda kolela ku Suku, si kuete usumba.
5 Eteke liosi ovo va ndi kokela ovitangi;
Ovo va sima lika oku ndi lemẽha.+
6 Ovo va lisalamisa oco va ñatukile;
Ovo va lavulula olonjila viange viosi,+
Loku lavoka oku upa omuenyo wange.+
7 Ove o va likala omo liũvi wavo.
A Suku, yambuila omanu vonyeño yove.+
8 Ove o kuama olongenda viange.+
Kapa asuẽlẽla ange vonjeke yove yocipa.+
Siti via sonehiwa velivulu liove?+
9 Keteke ndi pinga ekuatiso, ovanyãli vange va ka tila.+
Nda kolela okuti, Suku o kasi lame.+
10 Nda kolela ku Suku, una ndi sivaya ondaka yaye;
Nda kolela ku Yehova, una ndi sivaya ondaka yaye;
11 Nda kolela ku Suku; si kuete usumba.+
Omunu waño o ndinga nye?+