Olosamo
Kusongui wolonjimbi. Osamo ya Daviti.
31 A Yehova, nda sanga ocitililo vokuove.+
Lalimue eteke si ka kutisiwe osõi.+
Mopele omo liesunga liove.+
2 Vonguila etũi* liove kokuange.
Enju lonjanga oku mopela.+
Kala omunda yange yocitililo,
Ocitumãlo cimue ci kuete oviteyuilo coku mopela.+
3 Momo ove wusenje liange kuenda wuciteyuilo cange;+
O ka ndi songuila loku ndekisa onjila,+ mekonda lionduko yove.+
5 Ngeca omuenyo* wange peka liove.+
A Yehova, ove wa ndi yovola, a Suku yocili.*+
6 Nda suvuka vana va fendela oviteka viaño,
Pole, ame nda kolela ku Yehova.
7 Ndi ka sanjukila calua vocisola cove ka ci pongoloka,
Momo ove wa siata oku mola ohali yange;+
Ove wa kũlĩha esumuo liange lialua.
8 Ove kua ngecele peka liunyãli,
Pole, wa ndi talamisa pocitumãlo cimue ca koka.*
9 A Yehova, ndekise ohenda, momo nda sumua.
Ohali ya honguisa ovaso ange+ kuenda etimba liange liosi.+
Ongusu yange ya tepuluka omo lioku lueya kuange;
Akepa ange a hongua.+
11 Nda sepuiwa lovanyãli vange vosi,+
Ca piãla enene vana va lisungue lame.
Akamba vange va ñuetele usumba;
Kuenje eci va ndi mola volokololo va ndi tila.+
12 Va njupa vovitima* viavo kuenda va njivala ndu okuti nda fa;
Ndi kasi ndesanga lia tetuka.
13 Nda yeva ovina vĩvi omanu va popia;
Usumba wa ndi ñuala.+
Eci ovo va likongela oku ndi katukila,
Va sokiya oku upa omuenyo wange.+
14 Pole, A Yehova, nda ku kolela.+
Ndi popia siti: “Ove wu Suku yange.”+
15 Omuenyo wange u kasi peka liove.
Mopele peka liovanyãli vange kuenda lia vana va ndi lambalala.+
16 Lekisa ohenda kukuenje wove.+
Mopele omo liocisola cove ka ci pongoloka.
17 A Yehova, si ka kutisiwe osõi eci ndi vilikiya kokuove.+
18 Olohembi vi linge ovitende,+
Olohembi vina vi vangula loku lipanda, lepela kuenda oku pembula vakuesunga.
Wa u selekela vana va ku sumbila,+
Kuenda wa u lekisa kovaso yomanu vosi mekonda lia vana va sanda ocitililo kokuove.+
21 Yehova a sivayiwe,
Momo lonjila yi komõhisa, eye wa lekisa kokuange ocisola caye+ ka ci pongoloka eci nda kala volupale lua ñualiwa ocingonja.+
22 Catiamẽla kokuange, nda sakalalele kuenje da popia siti:
“Ndi ka kunduiwa kovaso ove.”+
Pole, wa yeva apingilo ange ekuatiso eci nda ku vilikiya.+