Olosamo
Kusongui wolonjimbi. Osamo ya Daviti. Ocisungo.
68 Suku a katuke, ovanyãli vaye va sanduiwe,
Kuenda vana vo nyãle va tile kovaso aye.+
2 Ndeci ofela yambata owisi, ove va lupuisavo;
Ndeci osela yi yenguluka kovaso yondalu,
Olondingaĩvi vi kunduiwe kovaso a Suku.+
4 Imbili Suku ovisungo; imbili onduko yaye ovisungo viesivayo.*+
Imbili ovisungo ku Una o pita katapi ekalasoko.*
Yehova oyo onduko yaye!+ Sanjukili kovaso aye!
6 Suku eca onjo ku vana va kasi ulika oco va kalemo;+
Eye o yovola olomandekua kuenda o vi lingisa olohuasi.+
Pole, vakuesino va sesamẽla oku kala vofeka yimue yekango.+
8 Ilu lieve lia luluma;+
Ilu lia lokisa* ombela omo lia Suku;
Omunda Sinai ya luluma omo lia Suku, Suku ya Isareli.+
9 Ove wa lingisa okuti oyo yi loka calua, A Suku;
Ove wa kavuluisa omanu vove* va kavele.
10 Ovo va tunga volombalaka viove;+
A Suku vuwa wove, wa tekula ohukũi.
12 Olosoma lolohoka viavo vi tila,+ ovio vi tila!
Ukãi una o siala konjo, o tambula onepa yimue kovina via pundiwa.+
13 Ndaño okuti ene wa pekeli pokati koviyokola viovilombo,*
Ku ka kala avava opomba a lañiwa lopalata,
Lovonya wulu wa fina.
15 Omunda yo Basiane,+ oyo omunda ya Suku;
Omunda yo Basiane yi kuete ovitumãlo vialua vialepa.
16 A munda yi kuete ovitumãlo vialua via lepa, momo lie o vanjela lonya,
Pole, Yehova o ka kalako otembo ka yi pui.+
17 Akãlu wuyaki a Suku, a soka olohulukãi vialua, olohulukãi lolohulukãi.+
Yehova weya kocitumãlo ci kola oku tunda ko Sinai.+
18 Ove wa londa kocitumãlo ca lepa;+
Wambata olomandekua;
Ove wa tambula alume vana va linga olombanjaile,+
Ocili, ndaño muẽle vana va tĩlisa ovitima viavo oco okuti, ove o tunga pokati kavo,+ A Yehova Suku.
19 Yehova a sivayiwe una ambata ocilemo cetu eteke leteke,+
Suku yocili okuti eye epopelo lietu. (Sela)
21 Ocili, Suku o ka nyanyõla ovitue viovanyãli vaye,
O ka nyanyõla ekõlõkõlo liomunu wosi amamako oku linga ekandu.*+
22 Yehova wa popia hati: “Ame ndi ka vopa ko Basiane;+
Ame ndi ka vopa valondo okalunga,
23 Oco okuti omãhi yove yi liata kosonde yovanyãli vove+
Kuenda elimi liolombua viove li lesa kosonde yavo.”
24 A Suku, ovo va mõla oku iñila kuove kueyulo,
Oku iñila kua Suku yange, Soma yange, vocitumãlo ci kola.+
25 Olonjimbi vi pita kovaso, vakuakusika va kuama konyima yavo loku sika ovikuata viovisikilo via pangiwa lovikolo;+
Pokati kavo pali amalẽhe akãi va sika olopandelu.+
27 Benjamini+ okuti umalẽhe o pokuisa omanu,
Kumue lolombuale via Yuda lowiñi wavo wa kala oku kaluka,
Lolombuale via Sevulono kuenda olombuale via Nafitali.
28 Suku yove wa handeleka okuti, ove o ka pama.
Lekisa ongusu yove, A Suku, ndeci wa siata oku linga kokuetu.+
30 Lemẽla ovinyama via tunga pokati kolondeya,
Ocimunga colongombe+ lolonãle vialio,
Toke eci omanu va kekama loku nena* olosiekele viopalata.
Pole, eye o sandola omanu vana va sanjukila uyaki.
33 Una endela kilu liovailu o kosimbu.+
Tala! Eye o lemĩla londaka yaye, ondaka yaye ya pama.
34 Limbuki ongusu ya Suku.+
Ulamba waye u kasi ku Isareli,
Kuenda ongusu yaye yi kasi kilu.*
35 Suku o komõhisa oku upisa kocitumãlo caye* ci kola culamba.+
Eye Suku ya Isareli,
Una eca ongusu lunene komanu.+
Suku a sivayiwe.