Esekiele

1 Kunyamo 30, keteke liatãlo kosãi yakuãla, eci nda kala pokati komanu va kala kumandekua+ ocipepi lolui Kevare,+ ovailu a yuluka kuenda nda fetika oku mola ovinjonde via tunda ku Suku. 2 Keteke liatãlo yosãi, yunyamo watãlo wumandekua wa Soma Yehoyakini,+ 3 ondaka ya Yehova yeya ku Esekiele* omõla a Busi ocitunda, ocipepi lolui Kevare kofeka ya va Kaldea.+ Kocitumãlo caco espiritu* lia Yehova lieya kokuaye.+

4 Osimbu nda kala oku vanja, nda mola ehunguhungu limue liofela,+ lia kala oku tunda konano kuenje kua kala elende limue linene kuenda ociliakulo condalu+ locinyi cimue ca kala oku nina kuenje vokati kondalu, mua kala cimue ca soka ndulu wa tengiwa lopalata.+ 5 Vokati kondalu yaco, mua kala cimue ca setahãla oviluvo vikuãla vi kasi lomuenyo+ kuenda ociluvo lociluvo ca kuata esetahãlo liomunu. 6 Ociluvo lociluvo, ca kuata ovipala vikuãla kuenda avava akuãla.+ 7 Ovolu avio a miũhile kuenda olomãhi viavio via kala ndolomãhi vionãle kuenda via kala oku nina ndosipi ya kanguiwa.+ 8 Vemẽhi liavava ociluvo lociluvo, mua kala eka liomunu. Kakuãla kavio via kuata ovipala kuenda avava. 9 Avava avo a kala oku li lamba. Eci vi enda ka vi ñuala; ociluvo lociluvo ci suñamẽla kovaso.+

10 Esetahãlo liovipala viavio lieli: Ociluvo lociluvo, kakuãla kavio via kuata ocipala comunu, konẽle yondio ocipala cohosi,+ konẽle yepĩli ocipala congombe+ kuenda kakuãla kavio via kuata ocipala+ congonga.+ 11 Eli olio lia kala esetahãlo liovipala viavo. Avava avo a nyanyumũiwa kilu liavo. Ociluvo lociluvo ca kuata avava avali okuti, a enda oku li lamba kuenda avava avali a sikĩlĩla atimba avo.+

12 Ociluvo lociluvo ca enda oku suñamẽla kovaso poku loña oku espiritu li va tuma.+ Eci vi enda ka vi ñuala. 13 Oviluvo vi kasi lomuenyo, via setahãlele akala ondalu. Kua kala ocina cimue ca setahãla ovitonga viondalu ya taima ci lisenga senga konyima lo kovaso, pokati koviluvo vi kasi lomuenyo kuenje vokati kondalu mua kala oku tunda ociliakulo.+ 14 Oviluvo vi kasi lomuenyo via kuatele esetahãlo liociliakulo osimbu vi enda kuenda oku tiuka.

15 Osimbu nda kala oku vanja oviluvo vi kasi lomuenyo, nda mola elola limue posi konele yociluvo lociluvo ci kasi lomuenyo viovipala vikuãla.+ 16 Alola kuenda ndomo a pangiwa, a kala oku nina ndewe lio krisolitu kuenda kakuãla kao a lisetahãlele. Esetahãlo liao kuenda ndomo a pangiwa, lia kala ndu okuti elola limue lia kala vokati kelola likuavo.* 17 Poku enda, via ponduile oku enda kolonele viosi vikuãla okuti ka vi ñuala osimbu vi enda. 18 Oku lepa kualola avio ku komõhisa kuenda alola oviluvo viosi vikuãla vieyukile ovaso kolonele viosi.+ 19 Olonjanja viosi eci oviluvo viaco vi kasi lomuenyo vi enda, alola avo a endela kumosi lavio kuenda eci oviluvo vi kasi lomuenyo vi katuka posi alola a katukavo.+ 20 Oviluvo viaco, via enda oku enda kuosi espiritu lia va tuma okuti, kuosi oku espiritu li enda. Alola aco, a enda oku katukila kumosi lavio momo espiritu lina lia kala oku songuila oviluvo vi kasi lomuenyo,* lia kalavo valola. 21 Olonjanja viosi eci oviluvo viaco vi enda, alola aco a endavo; kuenda eci vi talama alola a talamavo; kuenda eci vi katuka posi alola aco a katukila kumosi lavio, momo espiritu lina lia kala oku songuila oviluvo vi kasi lomuenyo, lia kalavo valola.

22 Kilu liovitue vioviluvo vi kasi lomuenyo kua kala cimue ci ngẽlela ci sokisiwa locikokoto ca kapiwa kovitue viavio.+ 23 Vemẽhi liosi yovitulu,* avava avio a miũhile* okuti evava limue limba ovaso kevava likuavo. Ociluvo lociluvo ca kuata avava avali, oco a sitike onepa yimue yetimba liavio kuenda avava avali, oco a sitike onepa yikuavo. 24 Eci nda yeva onjuvungo yavava avio, ya kala ndocileñi colusipa luovava, ndocileñi Cukuonene Wosi.+ Eci ovio vi enda, onjuvungo yavio ya kala ndonjuela yolohoka. Eci ovio vi talama avava avio a petama.

25 Kilu liosi yovitulu* ya kala kilu liovitue viavio, kua tunda ondaka yimue. (Eci ovio vi talama avava avio a petama.) 26 Kilu liosi yovitulu* yina ya kala kilu liovitue viavio, kua kala cimue ci kasi ndewe liosafira+ kuenda ewe liaco, lia kala ndocalo cimue.+ Kocalo caco kilu, kua tumãlele umue wa setahãla omunu.+ 27 Nda mola cimue ci nina ci kasi ndulu wa tengiwa lopalata okuti,+ ca kala ndulienge wondalu wa kala oku upisa kombunda yaye toke kilu; kuenje oku upisa kombunda yaye toke kombuelo, nda mola cimue ca kala ndondalu.+ Kolonele viaye viosi kua kala ocinyi cimue 28 ndeci colukongolo+ velende, keteke limue liombela. Eli olio lia kala esetahãlo liocinyi ca kala kolonele vialio. Ca kala ndesetahãlo liulamba wa Yehova.+ Eci nda ci mola, nda petamisa ocipala cange kuenje nda fetika oku yeva ondaka ya umue wa kala oku vangula.