Isaya
66 Ca popia Yehova ceci hati:
“Ovailu ocalo cange kuenda ilu lieve ociliatelo colomãhi viange.+
2 “Eka liange muẽle olio lia panga ovina viosi evi,
Kuenje lonjila yaco, ovina via lulikiwa,” oco Yehova a popia.+
“Omo liaco, ndi ka vanja komunu una womboka,
3 Una o ponda ongombe, o kasi nda una o ponda omunu.+
Una eca ocilumba comeme, o kasi nda una o teya osingo yombua.+
Una eca ombanjaile yimue, o kasi nda una eca osonde yongulu!+
Una o nena ocilumba conguendu conjivaluko,+ o kasi nda una o popia esumũlũho lolondaka vioku tãha.*+
Ovo va nõla olonjila viavo muẽle,
Kuenje va sanjukila eci ca vĩha.
4 Omo liaco, ndi ka nõla ndomo ndi ka va kangisa,+
Kuenda ovina ovo va sumba ovio ndi ka nena kokuavo.
Momo eci nda vilikiya, lomue wa tambulula;
Eci ame nda popia, lomue wa yevelela.+
Ovo vamamako oku linga eci cĩvi kovaso ange,
Kuenda va nõlapo oku linga eci ci ndi sumuisa.”+
5 Yeveleli ondaka ya Yehova ene vu lulumĩla kovaso yondaka yaye yokuti:
“Vamanjene va ku suvuki haivo vo tundisi omo lionduko yange, va popia vati: ‘Yehova a sivayiwe!’+
Pole, Eye o ka molẽha kuenda o ko neneli esanju,
Kuenje ovo, ovo vana va ka kutisiwa osõi.”+
6 Kuli onjuela yimue yi tunda volupale, onjuela yimue yi tunda vonembele!
Oyo onjuela ya Yehova o kasi oku fetuluinya eci ovanyãli vaye va sesamẽla.
7 Osimbu ukãi ka fetikile oku yeva olongembia vioku cita, eye wa cita ale.+
Osimbu ka kuatiwile lolongembia vioku cita, eye wa cita omõla wulume.
8 Helie wa yevele ale ocina eci?
Helie wa muĩle ale ovina evi?
Anga hẽ ofeka yimue yi ka citiwa veteke limuamue?
Ale ofeka yosi yi pondola hẽ oku citiwa vonjanja yimosi?
Omo liaco, eci Siono a fetika oku yeva olongembia vioku cita, eye wa cita omãla vaye.
9 “Anga hẽ ndi ecelela okuti elivala lioku cita li pitĩla, pole, si lingisa okuti ku citiwa omõla?” oco Yehova a popia.
“Ale ndi koka oku citiwa kuoñaña, pole ndi yika imo?” oco Suku a popia.
10 Yoleli kumue lo Yerusalãi kuenda sanjuki layo,+ vosi yene vu yi sole.+
Yoleli calua layo vosi yene vu lisiõsiõla omo liayo,
11 Momo ene vu ka nyama volonete viavo kuenje vu kekuta calua loku lembelekiwa,
Kuenda vu ka nyua calua kuenje vu ka sanjukila vulamba walio walua.
12 Momo ca popia Yehova ceci hati:
“Ndi nena ombembua kokualio ndolui lumue+
Kuenda ulamba wolofeka ndendunde liovava.+
Ene vu ka nyama kuenda vu ka angatiwa,
Kuenda vu ka kala ndomõla umue o kasi kovolu.
13 Ndeci ina a lembeleka omõlaye,
Cimuamue haico okuti, ndi kamamako oku vu lembeleki;+
Kuenda omo lio Yerusalãi ene vu ka lembelekiwa.+
14 Ene vu ka ci mola kuenda utima wene u ka sanjuka,
Akepa ene a ka kuata ongusu ndowangu u talala.
15 “Momo Yehova o keya ndondalu,+
Kuenda akãlu aye uyaki a kasi ndehunguhungu liofela,+
Oco a fetuluinye lonyeño yalua,
Loku pisa lulienge wondalu.+
16 Momo Yehova o ka linga esombiso londalu,
Ocili, losipata yaye, o katukila omanu vosi;
Kuenda vana va ka pondiwa la Yehova va ka lua.
17 “Vana va likolisa loku liyelisa ovo muẽle oco va iñile voviumbo*+ violonelẽho, oku kuama una o kasi vokati, vana va lia ositu yongulu, ovina via vĩha+ kuenda olomuku,+ vosi yavo va ka sulila kumosi,” oco Yehova a popia. 18 “Omo okuti nda kũlĩha ovopange avo lovisimĩlo viavo, ñasi oku iya oco ndi kongele omanu volofeka viosi kuenda vakualimi osi kuenje ovo va keya loku mola ulamba wange.”
19 “Ndi ka kapa ondimbukiso pokati kavo kuenda vana va ka puluka ndi ka va tuma kolofeka vio Tarsisi,+ ko Pulu kuenda ko Ludu,+ vana vakualohonji, ko Tuvale lo ko Yavane,+ kuenda kovifuka viocipãla, vana ka va la yeva esapulo limue liatiamẽla kokuange ale oku mola ulamba wange; kuenje va ka sandeka ulamba wange pokati kolofeka.+ 20 Ovo va ka nena vamanjene vosi vo kolofeka viosi+ ndombanjaile ku Yehova, kolokavalu, kakãlu uyaki, kolokalosa, kolomula kuenda kolongamelo, toke komunda yange yi kola, ko Yerusalãi,” oco Yehova a popia, “ndeci omanu va Isareli va nena ombanjaile yavo vovikuata vimue via yela vonjo ya Yehova.”
21 “Ndi ka nõlavo vamue oco va kale ovitunda kuenda va Lewi,” oco Yehova a popia.
22 “Ndeci ovailu okaliye kuenda ongongo yokaliye+ vina ame ndi lulika vi kamamako kovaso yange,” oco Yehova a popia, “cimuamue haico okuti, ocitumbulukila* cove kuenda onduko yove, vi kamamako.”+