Isaya
1 Ocinjonde Isaya*+ omõla a Amose a mola catiamẽla ko Yuda kuenda ko Yerusalãi koloneke via Usiya,+ via Yotama,+ via Ahasi+ kuenda via Hesekiya+ olosoma vio ko Yuda:+
2 Yeveleli, Availu kuenda yevelela lutate A ilu lieve,+
Momo Yehova wa popia hati:
3 Ongombe ya kũlĩha cime cayo,
Kuenda ocimbulu ca kũlĩha ocimanga ca cime cayo;
Pole, o Isareli ka ya ndi kũlĩhĩle,*+
Omanu vange ka va lingi ovina lelomboloko.”
5 Pi vali ene vu ka pondiwila nda vu kasi oku amamako lesino liene?+
Utue wosi u vela,
Kuenda utima wosi u kuete uvei.+
6 Oku upisa kutue toke kovolu, lacimue ci ñuai.
Kuli apute, loku lemẽhiwa kuenda apute a longa
Apute aco ka a tatiwile,* ale oku muñiwa onjambo ndaño oku wavekiwa lulela.+
7 Ofeka yene ya siala upolokoso.
Alupale ene a timĩhiwa londalu.
Ovingendeleyi via lia apako ofeka yene.+
Oyo yi sokisiwa lofeka yimue ya nyõliwa lovanyãli.+
8 Omanu vo ko Siono va yandulukiwa ndombalaka yimue vocumbo cayuva,
Ndocipundo cimue vepia liolungu,
Ndolupale lumue lua ñualiwa ocingonja.+
9 Nda Yehova ukualohoka ka tu sililepo ovisupe vimue,
Nda tua linga ndo Sodoma,
Kuenda nda tua sokisiwa lo Gomora.+
10 Yeveleli ondaka ya Yehova, ene alombiali vio Sodoma.+
Yeveleli lutate ocihandeleko* ca Suku yetu, ene amanu vo Gomora.+
11 “Ovilumba viene vialua, vi kuete hẽ esilivilo lie kokuange?”+ oco Yehova a popia.
“Ovilumba viene vioku pia elisi, violomeme+ kuenda viulela wovinyama via neta, via ñuma,+
Kuenda si sanjukila osonde+ yotulongombe,+ yolomeme kuenda yovitupi violohombo.+
13 Liwekipo oku nena ovilumba violomema ka vi kuete esilivilo.
Insensu viene via linga viumbondo kokuange.+
Olosãi viokaliye,+ lasambata,+ oku kovonga olohongele+
Si pondola oku ecelela oku talavaya lunene wumbanda+ kumue lohongele yene yilikasi.
14 Ame ndi nyãle olosãi viene viokaliye kuenda ovipito viene.
Ovio via linga ocilemo kokuange;
Ame nda kava lavio.
15 Eci wu tuliki ovaka ene oco vu likutilili,
Ndi sitikila ovaso ange kokuene.+
16 Lisukuli ene muẽle kuenda liyelisi ene muẽle;+
Tundisi kovaso ange ovilinga viene ka via sungulukile;
Liwekipo oku linga eci cĩvi.+
17 Lilongisi oku linga eci ciwa, sandi esunga,+
Tamãlali lukuakukangisa,
Teyuili esunga liomõla ka kuete isia,*
Kuenda tetululi ocitangi cocimbumba.”+
18 “Cilo, enjui kuenda tu tetululi ovitangi vi kasi pokati ketu,” oco Yehova a popia.+
“Ndaño okuti akandu ene a kusuka,
A ka yela ndocikokoto;+
Ndaño a kusuka ngẽ ndonanga yohusu,
A ka yela calua ndovonya a yela.
19 Nda vu lekisa onjongole kuenda vu yevelela,
Vu ka lia ovina viwa viofeka.+
20 Pole, nda ene vu likala kuenda vu sina,
Vu ka nyõliwa losipata,+
Momo omẽla wa Yehova owo wa ci popia.”
21 Olupale luna okuti kosimbu+ lua kolelele Suku, cilo lua linga ocipuepue!+
23 Olombuale vialio vakuepela kuenda akamba vovimunu.+
Vosi yavo va sole ovitukiko kuenda va yolokela konyima yolombanjaile.+
Ka va lekisa esunga komãla ka va kuete isia,*
Kuenda ocitangi cocimbumba lalimue eteke ci pitĩla kokuavo.+
24 Omo liaco, Ñala yocili Yehova ukualohoka,
Una Ukuonene wa Isareli wa popia hati:
“Ci tẽla! Ndi ka liyovola kovanyãli vange,
Kuenje ndi ka fetuluinya ovanyãli vange.+
25 Eka liange li ka ku katukila,
Ndi kopa eliño liosi kokuove,
Ndeci omanu va yengulula opalata oco yi yele.+
26 Ndi ka nena vali olonganji viene ndeci kefetikilo
Kuenda olondunguli viene ndeci kefetikilo.+
Noke yovina viaco, ove o ka tukuiwa okuti, Olupale Luesunga, Imbo Liekolelo.+
27 O Siono yi ka yovuiwa lesunga,+
Kuenda omanu vayo vana va tiuka, va ka yovuiwa lesunguluko.
28 Vakuesino kuenda vakuakandu, va ka kunduiwila pamosi,+
Kuenje vana va yanduluka Yehova va ka sulila.+
29 Momo ovo va ka kuata osõi yoviti via pama vina ene wa yonguili,+
Kuenje ene vu ka kuata osõi omo lioviumbo* violonelẽho ene wa nõli.+
30 Momo ene vu ka kala nduti umue unene okuti, amẽla aco a kasi oku uvuka,+
Kuenda ndocumbo cimue colonelẽho ka ci kuete ovava.
31 Ulume wa pama, o ka kala ndowangu wa kukuta,
Upange waye u ka kala ndolusãse lumue;
Kavali kavio vi ka pila kumosi,
Lomue o ka vima.”