ELIVULU LIATETE LIASAPULO

5 Omãla va Yafete va kala Gomere, Magoge, Madai, Yavane, Tuvale,+ Meseke+ la Tirasi.+

6 Omãla va Gomere va kala Asikinasi, Rifati la Togarma.+

7 Omãla va Yavane va kala Elisa, Tarsisi, Kitimi la Rodani.

8 Omãla va Hama va kala Kusi,+ Misarimi, Puti la Kanana.+

9 Omãla va Kusi va kala Seva,+ Havila, Savata, Raama+ la Saveteka.

Omãla va Raama va kala Sieva la Dedane.+

10 Kusi wa linga isia ya Nimuroti.+ Eye wa kala omunu watete wa linga ukuonene kilu lieve.

11 Misarimi wa linga isia ya Ludu,+ ya Anami, ya Lehavi, ya Nafatuhi,+ 12 ya Patrusi,+ ya Kesuluhi, (kuna va Filisiti+ va tunda) kuenda ya Kafitore.+

13 Kanana wa linga isia ya Sidono+ okuti, omõlaye uveli kuenda ya Hiti,+ 14 oku kongelamo va Yevusi,+ va Amori,+ va Girigasi,+ 15 va Hivi,+ va Ariki, va Sinete, 16 va Arewada,+ va Semari kuenda va Hamati.

18 Aripasade wa linga isia ya Sela+ kuenda Sela wa linga isia ya Evere.

19 Evere wa linga isia yomãla vavali valume. Onduko ya umue ya kala Pelegi,*+ momo osimbu a kala komuenyo, ilu lieve lia tepiwile.* Onduko ya manjaye ya kala Yokatane.

20 Yokatane wa linga isia ya Alimodade, ya Selefe, ya Hacarimaweti, ya Yera,+ 21 ya Hadorama, ya Usale, ya Dikila, 22 ya Ovale, ya Avimale, ya Sieva, 23 ya Ofiri,+ ya Havila+ kuenda ya Yovave; vosi ava va kala omãla va Yokatane.

28 Omãla va Avirahama va kala Isake+ kuenda Isameli.+

29 Evi ovio ovitumbulukila viavo: omõla uveli wa Isameli eye Nevayoti,+ noke Kedare,+ Adivele, Mivisama,+ 30 Misima, Duma, Masa, Hadade, Tema, 31 Yeturi, Nafisi kuenda Kedema. Ava ovo va kala omãla va Isameli.

32 Omãla vana Ketura+ ukama wa Avirahama a cita, va kala Simirama, Ikasane, Medana, Midiane,+ Isimbake kuenda Siuhi.+

Omãla va Ikasane va kala Sieva la Dedane.+

33 Omãla va Midiane va kala Efa,+ Efere, Hanoke, Avida kuenda Eldaha.

Vosi ava va kala omãla va Ketura.

34 Avirahama wa linga isia ya Isake.+ Omãla va Isake va kala Esau+ kuenda Isareli.+

35 Omãla va Esau va kala Elifasi, Ruele, Yewusi, Yalame la Kora.+

36 Omãla va Elifasi va kala Temani,+ Omari, Sefo, Gatame, Kenasi, Timina la Amaleke.+

37 Omãla va Ruele va kala Nahati, Sera, Siama la Misa.+

38 Omãla va Seire+ va kala Lotana, Sovale, Sivone, Ana, Disione, Eseri la Disiane.+

39 Omãla va Lotana va kala Hori kuenda Homama. Manji ukãi wa Lotana wa kala Timina.+

40 Omãla va Sovale va kala Aluana, Manahata, Evale, Sefo la Onami.

Omãla va Sivone va kala Aya la Ana.+

41 Omõla* wa Ana wa kala Disione.

Omãla va Disione va kala Hemidana, Esibana, Yitirana la Kerane.+

42 Omãla va Eseri+ va kala Bilihana, Sawana kuenda Akana.

Omãla va Disiane va kala Usi kuenda Arane.+

43 Evi ovio olosoma via vialele vofeka ya Edome+ osimbu ka kua kaile handi osoma ya vialele va Isareli:*+ Bela omõla a Beore; onduko yolupale luaye ya kala Dinihava. 44 Eci Bela a fa, Yovave omõla a Sera wo ko Bosara+ wa fetika oku viala pomangu yaye. 45 Eci Yovave a fa, Husama wo kofeka ya va Temani wa fetika oku viala pomangu yaye. 46 Eci Husama a fa, Hadade omõla a Betate una wa yula Midiane vocikanjo* co Moavi wa fetika oku viala pomangu yaye. Onduko yolupale luaye ya kala Awite. 47 Eci Hadade a fa, Samala wo ko Masereka wa fetika oku viala pomangu yaye. 48 Eci Samala a fa, Saulu wo ko Rehovote ocipepi Lolui, wa fetika oku viala pomangu yaye. 49 Eci Saulu a fa, Baale-Hanana omõla a Akibore wa fetika oku viala pomangu yaye. 50 Eci Baale-Hanana a fa, Hadade wa fetika oku viala pomangu yaye. Onduko yolupale luaye ya kala Pau kuenda onduko yukãi waye ya kala Mehetavele omõla ukãi wa Matirete okuti, omõla ukãi wa Mesahave. 51 Noke Hadade wa fa.

Asongui* va Edome va kala usongui Timina, usongui Aliva, usongui Yetete,+ 52 usongui Oholivama, usongui Ela, usongui Pinone, 53 usongui Kenasi, usongui Temani, usongui Mibisare, 54 usongui Magedele, usongui Irami. Ava ovo va kala asongui va Edome.

2 Ava ovo va kala omãla va Isareli:+ Ruvene,+ Simeone,+ Lewi,+ Yuda,+ Isakare,+ Sevulono,+ 2 Dani,+ Yosefe,+ Benjamini,+ Nafitali,+ Gadi+ kuenda Asiyere.+

3 Omãla va Yuda va kala Ere, Onane kuenda Sela. Omãla vaco vatatu, va citiwa lomõla ukãi wa Siuwa u Kanana.+ Pole, Ere omõla uveli wa Yuda, wa enda oku sumuisa Yehova, omo liaco, Eye wo weca kolofa.+ 4 Tamare+ ukãi womõla ulume wa Yuda, wo citila Peresi+ kuenda Sera. Omãla vosi va Yuda va kala vatãlo.

5 Omãla va Peresi va kala Hecirone kuenda Hamuli.+

6 Omãla va Sera va kala Simiri, Etani, Hemani, Kalikole kuenda Dara. Vosi yavo va kala vatãlo.

7 Omõla* wa Karimi wa kala Akara,* una wa nenela eyambulo* o Isareli+ okuti, ka pokuile konumbi yatiamẽla kovina via nõliwila oku nyõliwa.+

8 Omõla* wa Etani wa kala Asariya.

9 Omãla va Hecirone vana va citiwa kokuaye, va kala Yerahimele,+ Ramu+ kuenda Keluvai.*

10 Ramu wa linga isia ya Aminadava.+ Aminadava wa linga isia ya Nahisione+ usongui wovitumbulukila via Yuda. 11 Nahisione wa linga isia ya Salima.+ Salima wa linga isia ya Boasi.+ 12 Boasi wa linga isia ya Ovede. Ovede wa linga isia ya Jese.+ 13 Jese wa linga isia ya Eliyava omõlaye uveli, wavali Avinadave,+ watatu Simea,+ 14 wakuãla Netanele, watãlo Radai, 15 wepandu Oceme kuenda wepanduvali Daviti.+ 16 Vamanjavo akãi va kala Seruya kuenda Avigaile.+ Omãla vatatu va Seruya va kala Avisiai,+ Yoava+ kuenda Asahele.+ 17 Avigaile wa cita Amasa+ kuenda isia ya Amasa wa kala Yetere u Isameli.

18 Kalembe* omõla a Hecirone wa linga isia yomãla pocakati cukãi waye Asuva kuenda pocakati ca Yeriote; kuenje ava ovo va kala omãla va Asuva: Yesere, Siovava kuenda Aridone. 19 Eci Asuva a fa, Kalembe wa kuela Efarata+ kuenda wo citila Huru.+ 20 Huru wa linga isia ya Uri. Uri wa linga isia ya Becalele.+

21 Noke Hecirone wa lipekela lomõla ukãi a Makiri+ isia ya Gileada.+ Eye wo kuela eci a kuata 60 kanyamo kuenje ukãi waco wo citila Seguvi. 22 Seguvi wa linga isia ya Yairi+ una wa kuatele 23 kalupale vofeka ya Gileada.+ 23 Noke Gesiuri+ la Suria+ va tambula kokuavo o Hawote-Yairi+ kumue lo Kenata+ kuenda ovaimbo a sungueko okuti, 60 kalupale. Vosi ava va kala ovitumbulukila via Makiri isia ya Gileada.

24 Noke yolofa via Hecirone+ ko Kalembe-Efirata, Aviya ukãi wa Hecirone wo citila Asihuru+ isia ya Tekoa.+

25 Omãla va Yerahimele uveli wa Hecirone va kala Ramu uveli, Bunda, Orene, Oceme kuenda Ahiya. 26 Yerahimele wa kuatele ukãi ukuavo okuti onduko yaye Atara. Eye wa kala ina ya Onami. 27 Omãla va Ramu uveli wa Yerahimele va kala Maaci, Yamini kuenda Ekere. 28 Omãla va Onami va kala Siamai kuenda Yada. Omãla va Siamai va kala Nadava kuenda Avisiura. 29 Onduko yukãi wa Avisiura ya kala Avihayili, una wo citila Ahibane kuenda Molide. 30 Omãla va Nadava va kala Selede kuenda Apayimi. Pole, Selede wa fa okuti ka kuatele omãla. 31 Omõla* a Apayimi wa kala Yisi. Omõla* a Yisi wa kala Sesane kuenda omõla* a Sesane, Ahilai. 32 Omãla va Yada manji a Siamai va kala Yetere kuenda Yonatão. Pole, Yetere wa fa okuti ka kuatele omãla. 33 Omãla va Yonatão va kala Pelete kuenda Sasa. Ava ovo va kala ovitumbulukila via Yerahimele.

34 Sesane ka kuatele omãla valume, pole, wa kuatele lika omãla vakãi. Sesane wa kuatele ukuenje umue u Egito onduko yaye Yariha. 35 Sesane wa eca omõlaye ukãi kukuenje waye Yariha oco a linge ukãi waye kuenje ukãi waco wo citila Atayi. 36 Atayi wa linga isia ya Natana. Natana wa linga isia ya Savada. 37 Savada wa linga isia ya Efilala. Efilala wa linga isia ya Ovede. 38 Ovede wa linga isia ya Yehu. Yehu wa linga isia ya Asariya. 39 Asariya wa linga isia ya Helesi. Helesi wa linga isia ya Eleasa. 40 Eleasa wa linga isia ya Sisamai. Sisamai wa linga isia ya Sialume. 41 Sialume wa linga isia ya Yekamiya. Yekamiya wa linga isia ya Elisiama.

42 Omãla va Kalembe*+ manji a Yerahimele va kala Mesia uveli waye, una wa kala isia ya Sife kuenda omãla va Maresia isia ya Hevirone. 43 Omãla va Hevirone va kala Kora, Tapuha, Rekeme kuenda Sema. 44 Sema wa linga isia ya Rahama isia ya Yorikoma. Rekeme wa linga isia ya Siamai. 45 Omõla a Siamai wa kala Maona. Maona wa kala isia ya Bete-Cure.+ 46 Efa ukama wa Kalembe wa cita Harane, Mosa kuenda Gasese. Harane wa linga isia ya Gasese. 47 Omãla va Yadai va kala Regeme, Yotama, Gesana, Pelete, Efa kuenda Siaafe. 48 Mahaka ukama wa Kalembe, wa cita Severe kuenda Tirihana. 49 Vokuenda kuotembo, ukama waco wa cita Siaafe isia ya Madimana,+ Sieve isia ya Makebena kuenda Gevea.+ Omõla ukãi wa Kalembe+ wa kala Akisa.+ 50 Evi ovio via kala ovitumbulukila via Kalembe.

Omãla va Huru+ uveli wa Efarata+ va kala Sovale isia ya Kiriyata-Yeari,+ 51 Salima isia ya Beteleme+ kuenda Harefa isia ya Bete-Gadere. 52 Sovale isia ya Kiriyata-Yeari wa kuatele omãla: Haroe kuenda onepa yimue ya va Manaheta. 53 Apata a Kiriyata-Yeari a kala va Itiri,+ va Puti, va Siumati kuenda va Misira. Kapata aco oko kua tunda va Corati+ kuenda va Esitaole.+ 54 Omãla va Salima va kala Beteleme,+ va Netofa, Ataroti-Bete-Yoava, onepa yimue ya va Manahata kuenda va Cori. 55 Apata a vakuavisonehua vana va kala ko Yavesi a kala va Tirata, va Simeata kuenda va Sukata. Ava ovo va kala va Keni+ vana va tunda ku Hamati isia yonjo ya Rekava.+

3 Omãla va Daviti vana vo citilua ko Hevirone vava:+ Uveli Aminone,+ inaye wa kala Ahinoame+ wo ko Yesirele; wavali Daniele, inaye wa kala Avigaile+ u Karimele; 2 watatu Avisalome,+ omõla a Mahaka omõla ukãi a Talimai soma yo Gesiuri; wakuãla Adoniya,+ omõla a Hagiti; 3 watãlo Sefatiya, inaye wa kala Avitala; kuenda wepandu Itirema, inaye wa kala Egila ukãi wa Daviti. 4 Omãla vaco epandu, vo citilua ko Hevirone; eye wa vialako 7 kanyamo lolosãi 6 kuenda eye wa viala o Yerusalãi+ 33 kanyamo.

5 Omãla vo citilua ko Yerusalãi+ vava: Simea, Siovava, Natana+ kuenda Salomone;+ ina yomãla ava vakuãla, wa kala Batisieva+ omõla ukãi a Amiyele. 6 Kuenda omãla vakuavo ecea va kala Yivihare, Elisiama, Elifelete, 7 Noga, Nefege, Yafiya, 8 Elisiama, Eliada kuenda Elifelete. 9 Vosi ava va kala omãla va Daviti, oku upamo omãla vakama la Tamare+ una wa kala manjavo ukãi.

10 Omõla wa Salomone wa kala Rehovama;+ Aviya+ wa kala omõlaye, Asa+ omõlaye, Yehosafata+ omõlaye, 11 Yehorama+ omõlaye, Ahasiya+ omõlaye, Yoasi+ omõlaye, 12 Amasiya+ omõlaye, Asariya+ omõlaye, Yotama+ omõlaye, 13 Ahasi+ omõlaye, Hesekiya+ omõlaye, Manase+ omõlaye, 14 Amoni+ omõlaye, Yosiya+ omõlaye. 15 Omãla va Yosiya va kala: uveli Yohanana, wavali Yohoyakimi,+ watatu Sedekiya,+ wakuãla Sialume. 16 Omãla va Yohoyakimi va kala Yekoniya+ omõlaye kuenda Sedekiya omõlaye. 17 Omãla va Yekoniya omandekua va kala Sialitiyele, 18 Malikirama, Pedaya, Senacara, Yekamiya, Hosiama kuenda Nedabiya. 19 Omãla va Pedaya va kala Seruvavele+ la Simei; kuenda omãla va Seruvavele va kala Mesiulama la Hananiya (kuenda Selomiti wa kala manjavo ukãi); 20 kuenda omãla vakuavo vatãlo va kala Hasiuva, Ohele, Berekiya, Hasadiya kuenda Yusava-Hedede. 21 Kuenda omãla va Hananiya va kala Pelatiya la Yesiaya; omõla* a Yesiaya wa kala Refaya; omõla* a Refaya wa kala Ariname; omõla* a Ariname wa kala Ovadiya; omõla* a Ovadiya wa kala Sekaniya; 22 kuenda omãla va Sekaniya va kala Semaya kuenda omãla va Semaya: Hatusi, Yigala, Bariya, Neariya kuenda Siafata okuti, vosi yavo va soka epandu. 23 Omãla va Neariya va kala Elioenai, Hisikiya kuenda Asirikama okuti, vatatu. 24 Kuenje omãla va Elioenai va kala Hodaya, Eliasivi, Pelaya, Akuve, Yohanana, Delaya kuenda Anani okuti, epanduvali.

4 Omãla va Yuda va kala Peresi,+ Hecirone,+ Karimi, Huru+ kuenda Sovale.+ 2 Raya omõla a Sovale wa linga isia ya Yahate; Yahate wa linga isia ya Ahumai la Lahada. Ava ovo va kala apata a va Corati.+ 3 Ava va kala omãla va isia ya Etami+ vava: Yesirele, Yisima la Yidibasi (onduko ya manjavo ukãi ya kala Haceleliponi), 4 Penuele wa kala isia ya Gedore kuenda Eseri wa kala isia ya Husia. Ava ovo va kala omãla va Huru,+ uveli wa Efarata haeye isia ya Beteleme.+ 5 Asihuru+ isia ya Tekoa+ wa kuatele akãi vavali okuti, Hela la Naara. 6 Naara wo citila Ahusama, Hefere, Temeni kuenda Hahasitari. Ava ovo va kala omãla va Naara. 7 Omãla va Hela va kala Serete, Yicihare kuenda Etani. 8 Kosi wa linga isia ya Anuvi, ya Soveva kuenda yapata a Aharihele omõla a Haruma.

9 Yavesi wa sumbiwile vali calua okuti, vamanjaye ci sule; kuenda inaye wo luka hati, Yavesi,* poku popia hati: “Ndo cita lolongembia.” 10 Yavesi wa vilikiya Suku ya Isareli poku popia hati: “Ove, nda wa ndi sumũlũisile loku luisa ocikanjo cange kuenda ecelela okuti, eka liove li kala lame loku ndi teyuila kocilunga oco ka ci ka ndi nenele epese!” Omo liaco, Suku wa eca eci eye a pingile.

11 Keluvu manji a Suwa wa linga isia ya Mehiri, una wa kala isia ya Esitono. 12 Esitono wa linga isia ya Bete-Rafa, ya Paseha kuenda ya Tehina, isia ya Ir-Nahasi. Ava ovo va kala alume vo ko Reka. 13 Kuenje omãla va Kenasi va kala Otiniyele+ la Seraya kuenda omõla* a Otiniyele wa kala Hatate. 14 Mehonotai wa linga isia ya Ofira. Seraya wa linga isia ya Yoava isia yo Ge-Harasimi,* oyo ya tambula onduko yaco momo olonungi viaco via kala olomesele.

15 Omãla va Kalembe+ omõla a Yefune va kala Iru, Ela la Naame; kuenda omõla* a Ela wa kala Kenasi. 16 Omãla va Yehalelele va kala Sife, Sifa, Tiriya kuenda Asarele. 17 Omãla va Esira va kala Yetere, Mereda, Efere kuenda Yalone; ukãi* waco wemina kuenda wa cita Miriama, Siamai kuenda Yisiba isia ya Esitemoa. 18 (Kuenje ukãi waye u Yudea, wa cita Yerede isia ya Gedore, Heveri isia ya Soko kuenda Yekutiyele isia ya Sanoha.) Ava ovo va kala omãla va Bitiya, omõla ukãi wa Fareo, una wa kuela la Mereda.

19 Omãla vukãi wa Hodiya, manji ukãi a Nahama, va kala va isia ya Keila u Garama kuenda ya Esitemoa u Maakati. 20 Omãla va Simone va kala Aminone, Rina, Bene-Hanana kuenda Tiloni. Kuenje omãla va Yisi va kala Sohete la Bene-Sohete.

21 Omãla va Sela,+ omõla a Yuda va kala Ere isia ya Leka, Laada isia ya Maresia kuenda apata olonalavayi vakuakupanga olonanga viovalatanya vio vonjo ya Asibea, 22 la Yokimi, alume vo Koseva, Yoasi kuenda Sarafa vana va likuela lakãi va Moavi kuenda Yasuvileheme. Ovolandu a-a osimbu.* 23 Ovo va kala vakuakutunga olombia vana va kala ko Netayimi kuenda ko Gedera. Oko ovo va kala kuenda va enda oku talavayela soma.

24 Omãla va Simeone+ va kala Nemuele, Yamini, Yarivi, Sera kuenda Saulu.+ 25 Sialume wa kala omõlaye, Mivisama omõlaye kuenda Misima omõlaye. 26 Omãla va Misima va kala Hamuele omõlaye, Sakuru omõlaye, Simei omõlaye. 27 Simei wa kuatele 16 komãla valume kuenda 6 komãla vakãi; pole, vamanjaye ka va kuatele omãla valua kuenda pokati kapata avo, lalimue lia kuatele omãla valua ndeci alume vo ko Yuda.+ 28 Ovo va kala ko Beresieva,+ ko Molada,+ ko Hasare-Siuale,+ 29 ko Biliha, ko Eseme,+ ko Tolada, 30 ko Betuele,+ ko Horima,+ ko Cikilage,+ 31 ko Bete-Makavoti, ko Hacare-Susimi,+ ko Betebiri kuenda ko Siarai. A-a o-o a kala alupale avo toke eci Daviti a fetika oku viala.

32 Ovaimbo avo a kala o Etami, o Ayini, o Rimone, o Tokene kuenda o Asiana+ okuti, alupale atãlo, 33 kumue lovaimbo avo ana a kala kolonele viosi vialupale aco toke ko Baale. Evi ovio via kala olonduko via sonehiwa vovolala epata liavo kuenda ovitumãlo va kala. 34 Mesiovava, Yamileke, Yosia omõla a Amasiya, 35 Yoeli, Yehu omõla a Yosiviya omõla a Seraya omõla a Asiyele, 36 kuenda Elioenai, Yaakova, Yesiohaya, Asaya, Adiyele, Yesimiele, Benaya, 37 kuenda Sisa omõla a Sifi omõla a Alone omõla a Yedaya omõla a Simiri omõla a Semaya; 38 ava va tukuiwa ndeti kolonduko, va kala asongui pokati kapata avo kuenda etendelo lia vakuanjo ya va isiavo, lia livokiya. 39 Kuenje ovo va enda toke puvelo wo Gedore, konele yutundilo wocimbota oco va sandiliye ovisenge vioku lisila oviunda viavo. 40 Ovo va sanga ovisenge viwa haivio via lẽla kuenda ofeka ya kala yinene, ya tulumũha kuenda ya kuatele ombembua. Vana va kalamo osimbu, va kala va Hama.+ 41 Omanu vana va sonehiwa kolonduko veya vokuenda kuoloneke via Soma Hesekiya+ wo ko Yuda kuenda va kundula olombalaka via va Hama levi via va Meunimi vana va kala vofeka yaco. Ovo va va kundula keteke liaco; kuenje va piñala vocitumãlo cavo momo vocitumãlo caco, mua kala ovisenge vioku lisilamo oviunda viavo.

42 Vamue pokati ka va Simeone okuti, 500 kalume, va enda toke Komunda Seire+ kumue la Pelatiya, la Neariya, la Refaya kuenda Usiyele omãla va Yisi vana va va songuila. 43 Kuenje ovo va kundula va Amaleke+ vosi va supilepo okuti, vana va puluka kuenda omo va tunga toke etaili.

5 Ava ovo omãla va Ruvene+ omõla uveli wa Isareli. Eye wa kala uveli, pole, omo lioku sepula* ula wa isiaye,+ unuñulu waye wa eciwa komãla va Yosefe+ omõla a Isareli; omo liaco, eye ka kongeliwile vulala wepata lepata oco a kale onuñulu. 2 Ndaño okuti, Yuda+ wa velelepo vamanjaye kuenda vokuaye mua tunda una wa laikele oku kala usongui,+ pole, unuñulu wa eciwa ku Yosefe. 3 Omãla va Ruvene uveli wa Isareli, va kala Hanoke, Falu, Hecirone kuenda Karimi.+ 4 Omãla va Yoeli va kala Semaya omõlaye, Goge omõlaye, Simei omõlaye, 5 Mika omõlaye, Raya omõlaye, Baale omõlaye, 6 kuenda Beera omõlaye, una Soma Tigilati-Pinesere+ wo ko Asuria ambatele kumandekua; eye wa kala usongui umue wa va Ruvene. 7 Vamanjaye ndomo ci likuata lapata avo vana va sonehiwa vulala wepata lepata ndomo ci likuata lovitumbulukila viavo, va kala Yeyele usongui, Sakariya, 8 kuenda Bela omõla a Asasa omõla a Sema omõla a Yoeli, una wa kala kofeka yupisa ko Aroere+ toke ko Nevo kuenda ko Baale-Meone.+ 9 Kutundilo eye wa tunga toke kefetikilo liekalasoko Kolui Ferati,+ momo oviunda viavo via livokiyile calua vofeka yo Gileada.+ 10 Koloneke via Saulu, ovo va linga uyaki la va Hagere kuenje va va yula, ovo va kala volombalaka viavo vocikanjo cosi co kutundilo wo Gileada.

11 Ovitumbulukila via Gadi, via kala ocipepi lavo vofeka yo Basiane toke ko Saleka.+ 12 Ko Basiane, Yoeli wa kala usongui, Siafama wa kala wavali kuenda kua kalavo Yaanai la Siafata. 13 Kuenje vamanjavo vana va tiamẽlele kolonjo via va isiavo va kala Mingeli, Mesiulama, Sieva, Yorai, Yakana, Sia kuenda Evere okuti, vosi yavo va soka epanduvali. 14 Ava ovo va kala omãla va Avihayili omõla a Huri omõla a Yaroha omõla a Gileada omõla a Mingeli omõla a Yesisiai omõla a Yahido omõla a Busi. 15 Ahi omõla a Avidiyele omõla a Guni, wa kala usongui wonjo ya va isiavo. 16 Ovo va kala ko Gileada,+ ko Basiane+ lo kovaimbo a sungueko kuenda kovisenge viosi via Siarone vioku lisila oviunda, toke oku via sulila. 17 Vosi yavo va sonehiwile vulala wepata lepata koloneke via Yotama Soma+ ya Yuda kuenda koloneke via Yerevoama*+ Soma ya Isareli.

18 Va Ruvene, va Gadi kuenda onepa yimue yocikoti ca Manase, va kuatele eci ci soka 44.760 kasualali va pama volohoka viavo vana vambatele oviyepelo, lolosipata loku limalẽha lolohonji* kuenda ovo va pindisiwile kuyaki. 19 Ovo va linga uyaki la va Hagere, la Yeturi,+ la Nafisi+ kuenda la Nodava. 20 Eci ovo va kala oku liyaka lavo, Suku wa va kuatisa kuenda wa eca peka liavo va Hagere la vosi vana va kala lavo, momo ovo va pinga ekuatiso kokuaye vokuenda kuyaki kuenda eye wa tambulula epingilo liavo momo vo kolelele.+ 21 Ovo va tambula oviunda viavo okuti, 50.000 violongamelo, 250.000 violomeme, 2.000 viovimbulu kuenda 100.000 komanu. 22 Ovanyãli valua va pondiwa momo uyaki wa kala oku lingiwa la Suku yocili.+ Kuenje ovo va tunga vofeka yomanu vaco toke kotembo yumandekua.+

23 Ovitumbulukila vionepa yimue yocikoti ca Manase+ via kala vofeka oku upisa ko Basiane toke ko Baale-Herimone kuenda ko Senire lo Komunda Herimone.+ Ovio via luile calua. 24 Ava ovo va kala asongui volonjo via va isiavo: Efere, Yisi, Eliyele, Asiriyele, Yeremiya, Hodaya kuenda Yahidiyele; ovo va kala asualali va pama, alume va kemãla kuenda asongui volonjo via va isiavo. 25 Pole, ovo va lingila ekandu Suku ya vakukululu yavo kuenda ovo va linga ukahonga lolosuku viomanu vo kofeka+ yina Suku a kunduile kovaso avo. 26 Omo liaco, Suku ya Isareli wa vetiya espiritu lia Soma Pulu wo ko Asuria+ (okuti, Soma Tigilati-Pinesere+ wo ko Asuria) kuenje eye wambata kumandekua va Ruvene, la va Gadi kuenda onepa yimue yocikoti ca Manase kuenje wa va nena toke ko Hala, ko Havore, ko Hara kuenda kolui Gosane+ kuna ovo va kasi toke etaili.

6 Omãla va Lewi+ va kala Gerisiono, Kohata+ kuenda Merari.+ 2 Omãla va Kohata va kala Amirama, Yicihare,+ Hevirone kuenda Usiyele.+ 3 Omãla va Amirama+ va kala Arone,+ Mose+ kuenda Miriama.+ Omãla va Arone va kala Nadava, Avihu,+ Eleasa+ kuenda Itamare.+ 4 Eleasa wa linga isia ya Finehase;+ Finehase wa linga isia ya Avisiwa. 5 Avisiwa wa linga isia ya Buki; Buki wa linga isia ya Usi. 6 Usi wa linga isia ya Serahiya; Serahiya wa linga isia ya Merayote. 7 Merayote wa linga isia ya Amariya; Amariya wa linga isia ya Ahituva.+ 8 Ahituva wa linga isia ya Sadoke;+ Sadoke wa linga isia ya Ahimasi.+ 9 Ahimasi wa linga isia ya Asariya; Asariya wa linga isia ya Yohanana. 10 Yohanana wa linga isia ya Asariya; Eye wa vumba ndocitunda vonjo yina Salomone a tunga ko Yerusalãi.

11 Asariya wa linga isia ya Amariya; Amariya wa linga isia ya Ahituva. 12 Ahituva wa linga isia ya Sadoke;+ Sadoke wa linga isia ya Sialume. 13 Sialume wa linga isia ya Hilikiya;+ Hilikiya wa linga isia ya Asariya. 14 Asariya wa linga isia ya Seraya;+ Seraya wa linga isia ya Yehocadaka.+ 15 Kuenje Yehocadaka wa enda kumandekua eci Yehova a tuala o Yuda kuenda o Yerusalãi kumandekua pocakati ca Nevukandesa.

16 Omãla va Lewi va kala Gerisiomo,* Kohata kuenda Merari. 17 Olonduko viomãla va Gerisiomo vievi: Livini kuenda Simei.+ 18 Omãla va Kohata va kala Amirama, Yicihare, Hevirone kuenda Usiyele.+ 19 Omãla va Merari va kala Mahili kuenda Musi.

Ava ovo va kala apata a va Lewi ndomo ci likuata la vakukululu yavo:+ 20 Ku Gerisiomo,+ Livini omõlaye, Yahate omõlaye, Sima omõlaye, 21 Yowa omõlaye, Ido omõlaye, Sera omõlaye, Yeaterai omõlaye. 22 Omãla* va Kohata va kala Aminadava omõlaye, Kora+ omõlaye, Asire omõlaye, 23 Elikana omõlaye, Eviyasafe+ omõlaye, Asire omõlaye, 24 Tahate omõlaye, Uriyele omõlaye, Usiya omõlaye kuenda Saulu omõlaye. 25 Omãla va Elikana va kala Amasai kuenda Ahimote. 26 Catiamẽla ku Elikana, omãla va Elikana va kala Sofai omõlaye, Nahati omõlaye, 27 Eliyava omõlaye, Yerohama omõlaye, Elikana+ omõlaye. 28 Omãla va Samuele+ va kala, uveli Yoeli kuenda wavali Aviya.+ 29 Omãla* va Merari va kala Mahili,+ Livini omõlaye, Simei omõlaye, Usa omõlaye, 30 Simea omõlaye, Hagiya omõlaye kuenda Asaya omõlaye.

31 Ava ovo vana Daviti a nõla oco va songuile ovisungo vonjo ya Yehova noke lioku kapamo Ocikasia.+ 32 Ovo va kuatele ocikele covisungo vo tavernakulu yombalaka yohongele, toke eci Salomone a tunga onjo ya Yehova ko Yerusalãi+ kuenda va enda oku tẽlisa upange wavo ndomo va handelekiwile.+ 33 Ava ovo alume vana va vumba kumue lomãla vavo: Ku va Kohata, Hemani+ onjimbi, omõla a Yoeli+ omõla a Samuele 34 omõla a Elikana+ omõla a Yerohama omõla a Eliyele omõla a Towa 35 omõla a Sufe omõla a Elikana omõla a Mahata omõla a Amasai 36 omõla a Elikana omõla a Yoeli omõla a Asariya omõla a Sofoniya 37 omõla a Tahate omõla a Asire omõla a Eviyasafe omõla a Kora 38 omõla a Yicihare omõla a Kohata omõla a Lewi omõla a Isareli.

39 Manjaye Asafe+ wa talama konele yaye yondio; Asafe wa kala omõla a Berekiya omõla a Simea 40 omõla a Mingeli omõla a Baaseya omõla a Malikiya 41 omõla a Etini omõla a Sera omõla a Adaya 42 omõla a Etani omõla a Sima omõla a Simei 43 omõla a Yahate omõla a Gerisiomo omõla a Lewi.

44 Ovitumbulukila via Merari+ okuti vamanjavo, va kala konele yepĩli; kua kala Etani+ omõla a Kisi omõla a Avidi omõla a Maluke 45 omõla a Hasiaviya omõla a Amasiya omõla a Hilikiya 46 omõla a Amisi omõla a Bani omõla a Siamere 47 omõla a Mahili omõla a Musi omõla a Merari omõla a Lewi.

48 Vamanjavo va Lewi va nõliwile* oco va linge upange wosi wotavernakulu okuti, onjo ya Suku yocili.+ 49 Arone lomãla vaye+ va enda oku tuimisila owisi wovilumba kutala wocilumba coku pia elisi+ kuenda kutala winsensu,+ loku linga upange watiamẽla kovina vi kola koku kola, oco va tuvike akandu a Isareli,+ ndomo ci likuata lovina viosi Mose ukuenje wa Suku yocili a handelekele. 50 Evi ovio via kala ovitumbulukila via Arone:+ Eleasa+ omõlaye, Finehase omõlaye, Avisiwa omõlaye, 51 Buki omõlaye, Usi omõlaye, Serahiya omõlaye, 52 Merayote omõlaye, Amariya omõlaye, Ahituva+ omõlaye, 53 Sadoke+ omõlaye kuenda Ahimasi omõlaye.

54 A-a o-o a kala ovaimbo avo ndomo ci likuata lovilombo* viavo vocikanjo cavo: ocela catete ca kupukila kovitumbulukila via Arone vana va tiamẽla kepata lia va Kohata, 55 ovo va tambula o Hevirone+ kofeka yo Yuda, kumue lovisenge via lisunguile lavio vioku lisila oviunda. 56 Pole, ovapia o volupale kumue lovaimbo aco, ovo va vi eca ku Kalembe+ omõla a Yefune. 57 Kuenje ovitumbulukila via Arone via tambula alupale* ocitililo,+ o Hevirone+ kuenda via tambulavo o Livina+ kumue lovisenge viaco vioku lisila oviunda, o Yatiri,+ o Esitemoa kumue lovisenge viaco vioku lisila oviunda,+ 58 o Hileni kumue lovisenge viaco vioku lisila oviunda, o Deviri+ kumue lovisenge viaco vioku lisila oviunda, 59 o Asiana+ kumue lovisenge viaco vioku lisila oviunda kuenda o Bete-Siemese+ kumue lovisenge viaco vioku lisila oviunda; 60 kocikoti ca Benjamini, o Geva+ kumue lovisenge viaco vioku lisila oviunda, o Alemete kumue lovisenge viaco vioku lisila oviunda kuenda o Anatote+ kumue lovisenge viaco vioku lisila oviunda. Alupale avo osi ndomo ci likuata lapata avo, a kala 13 kalupale.+

61 Va Kohata va supapo, va tambula* ekũi kalupale kepata liocikoti, konepa yimue yocikoti kuenda konepa yimue yocikoti ca Manase.+

62 Va Gerisiomo ndomo ci likuata lapata avo, va tambula 13 kalupale kocikoti ca Isakare, kocikoti ca Asiyere, kocikoti ca Nafitali kuenda kocikoti ca Manase ko Basiane.+

63 Va Merari ndomo ci likuata lapata avo, va tambula locela 12 kalupale kocikoti ca Ruvene, kocikoti ca Gadi kuenda kocikoti ca Sevulono.+

64 Omo liaco, va Isareli va eca ku va Lewi alupale aco kumue lovisenge viavo vioku lisila oviunda.+ 65 Handi vali, ovo va eca locela alupale aco a tunda kocikoti ca Yuda, kocikoti ca Simeone kuenda kocikoti ca Benjamini ana a tukuiwa lolonduko viavo.

66 Amue pokati kapata a va Kohata a tambula alupale kocikoti ca Efarimi ndocikanjo cavo.+ 67 Ovo va eca alupale* ocitililo, o Sekeme+ kumue lovisenge viaco vioku lisila oviunda vovaimbo a kasi kolomunda via Efarimi, o Gesere+ kumue lovisenge viaco vioku lisila oviunda, 68 o Yokimeama kumue lovisenge viaco vioku lisila oviunda, o Bete-Horone+ kumue lovisenge viaco vioku lisila oviunda, 69 o Ayalone+ kumue lovisenge viaco vioku lisila oviunda lo Gati-Rimone+ kumue lovisenge viaco vioku lisila oviunda; 70 kuenda konepa yocikoti ca Manase, o Anere kumue lovisenge viaco vioku lisila oviunda kuenda o Bileame kumue lovisenge viaco vioku lisila oviunda; alupale aco a eciwa kapata a supapo a va Kohata.

71 Va Gerisiomo va tambula kepata lionepa yimue yocikoti ca Manase, o Golane+ ko Basiane kumue lovisenge viaco vioku lisila oviunda kuenda o Asitarote kumue lovisenge viaco vioku lisila oviunda;+ 72 kuenda kocikoti ca Isakare, o Kedesi kumue lovisenge viaco vioku lisila oviunda, o Daverati+ kumue lovisenge viaco vioku lisila oviunda,+ 73 o Ramote kumue lovisenge viaco vioku lisila oviunda, lo Anemi kumue lovisenge viaco vioku lisila oviunda; 74 kuenda kocikoti ca Asiyere, o Masiale kumue lovisenge viaco vioku lisila oviunda, o Avidone kumue lovisenge viaco vioku lisila oviunda,+ 75 o Hukoke kumue lovisenge viaco vioku lisila oviunda kuenda o Rehove+ kumue lovisenge viaco vioku lisila oviunda; 76 kuenda kocikoti ca Nafitali, o Kedesi+ ko Galilea+ kumue lovisenge viaco vioku lisila oviunda, o Hamono kumue lovisenge viaco vioku lisila oviunda kuenda o Kiriyatayi kumue lovisenge viaco vioku lisila oviunda.

77 Va Merari va supapo, va tambula kocikoti ca Sevulono,+ o Rimone kumue lovisenge viaco vioku lisila oviunda, o Tavore kumue lovisenge viaco vioku lisila oviunda; 78 kuenda vimbo lio Yordão ko Yeriko, kutundilo wo Yordão, kocikoti ca Ruvene ovo va tambula o Becere vekalasoko kumue lovisenge viaco vioku lisila oviunda, o Yahaca+ kumue lovisenge viaco vioku lisila oviunda, 79 o Kedemoti+ kumue lovisenge viaco vioku lisila oviunda kuenda o Mefaata kumue lovisenge viaco vioku lisila oviunda; 80 kuenda kocikoti ca Gadi, o Ramote ko Gileada kumue lovisenge viaco vioku lisila oviunda, o Mahanayimi+ kumue lovisenge viaco vioku lisila oviunda, 81 o Hesibone+ kumue lovisenge viaco vioku lisila oviunda kuenda o Yasere+ kumue lovisenge viaco vioku lisila oviunda.

7 Omãla va Isakare va kala Tola, Puwa, Yasiuvu la Simironi+ okuti, vakuãla. 2 Omãla va Tola va kala Usi, Refaya, Yeriyele, Yahimai, Yivisama la Semuele okuti, asongui volonjo via va isiavo. Ovitumbulukila via Tola via kala asualali va pama okuti, etendelo liaco koloneke via Daviti lia sokele 22.600. 3 Ovitumbulukila* via Usi via kala Yisirahiya kuenda omãla va Yisirahiya: Mingeli, Ovadiya, Yoeli la Yisiya okuti, vosi yavo vatãlo va kala asongui.* 4 Kuenje kumue lavo ndomo ci likuata lovitumbulukila viavo, ndomo ci likuata lolonjo via va isiavo, kua kala 36.000 kasualali kolohoka viavo okuti, va lipongiyila uyaki, momo va kuatele akãi valua lomãla valua. 5 Vamanjavo vo kapata osi a Isakare va kala asualali va pama. Vosi yavo va sokele 87.000 ndomo va sonehiwa vulala wepata lepata.+

6 Omãla va Benjamini+ va kala Bela,+ Bekere+ la Yediyaele+ okuti, vatatu. 7 Omãla va Bela va kala Ecibone, Usi, Usiyele, Yerimote la Iri okuti, vatãlo kuenda ovo va kala asongui volonjo via va isiavo, haivo asualali va pama kuenda ci soka 22.034 va kala vulala wavo wepata lepata.+ 8 Omãla va Bekere va kala Semira, Yoasi, Eliyesere, Elioenai, Omiri, Yeremote, Aviya, Anatote la Alemete okuti, vosi yavo va kala omãla va Bekere. 9 Ulala wavo wepata lepata ndomo ci likuata lovitumbulukila viavo okuti, asongui volonjo via va isiavo, va sokele 20.200 kasualali va pama. 10 Omãla va Yediyaele+ va kala Bilihana kuenda omãla va Bilihana: Yewusi, Benjamini, Ehudi, Kenaana, Setana, Tarsisi la Ahisiahara. 11 Vosi yavo va kala omãla va Yediyaele ndomo ci likuata lasongui va vakukululu yavo okuti, 17.200 kasualali va pama va lipongiyila oku iñila kusualali, kuyaki.

12 Va Sefufama kuenda va Hupimi* va kala omãla va Ire;+ va Husi va kala omãla va Ahere.

13 Omãla va Nafitali+ va kala Yahiciyele, Guni, Yesere la Sialume okuti, ovitumbulukila* via Biliha.+

14 Omãla va Manase:+ Asiriyele una wa citiwa lukama waye u Suria. (Ukãi waco wa cita Makiri+ isia ya Gileada. 15 Makiri wa sandela ukãi umue Hupimi kuenda Sefufama kuenje onduko ya manjaye ukãi ya kala Mahaka.) Wavali onduko yaye Celofehada,+ pole, Celofehada wa kuatele lika omãla vakãi.+ 16 Mahaka ukãi wa Makiri, wa cita omõla kuenda wo luka hati, Peresi; kuenda onduko ya manjaye ya kala Serese; kuenje omãla vaye va kala Ulame la Rekeme. 17 Omõla* a Ulame wa kala Bedane. Ava ovo va kala omãla va Gileada omõla a Makiri omõla a Manase. 18 Manjaye ukãi wa kala Hamolekete. Manjaco ukãi wa cita Isihode, Aviyesere la Mahala. 19 Omãla va Semida va kala Ahiyana, Sekeme, Likihi la Aniyama.

20 Omãla va Efarimi+ va kala Siutela,+ Berede omõlaye, Tahate omõlaye, Elada omõlaye, Tahate omõlaye, 21 Savada omõlaye, Siutela omõlaye, Eseri la Eleada. Alume va Gati+ vana va citiwa vofeka, va lokilako oco va ka punde oviunda viomãla va Efarimi kuenje va ponda Eseri la Eleada. 22 Efarimi isiavo, wa lila vokuenda kuoloneke vialua kuenda vamanjaye vamamako oku iya oco vo lembeleke. 23 Noke eye wa lipekela lukãi waye kuenje ukãi wemina kuenda wa cita omõla umue. Noke wo luka hati, Beriya* momo eye eci a cita kotembo yaco, wa kala oku tala ohali vonjo yaye. 24 Omõlaye ukãi wa kala Seera una wa tunga o Bete-Horone+ yo Kombuelo+ leyi yo Konano kuenda o Usini-Sera. 25 Kua kala Refa omõlaye, Resefe, Tẽla omõlaye, Tahana omõlaye, 26 Laadana omõlaye, Amihudu omõlaye, Elisiama omõlaye, 27 Nune omõlaye kuenda Yehosua*+ omõlaye.

28 Ocipiñalo cavo lovaimbo avo, via kala o Betele+ kumue lovaimbo a sungueko lo kutundilo wo Naarana kuenda kutakelo wo Gesere kumue lovaimbo a sungueko lo Sekeme kumue lovaimbo a sungueko, toke ko Asa* kumue lovaimbo a sungueko; 29 ocipepi lovitumbulukila via Manase, o Bete-Siane+ kumue lovaimbo a sungueko, o Taanake+ kumue lovaimbo a sungueko, o Megido+ kumue lovaimbo a sungueko kuenda o Dori+ kumue lovaimbo a sungueko. Valupale aco, omo ovitumbulukila via Yosefe omõla a Isareli via kala.

30 Omãla va Asiyere va kala Imina, Yisiwa, Yisivi la Beriya+ kuenda manjavo ukãi wa kala Sera.+ 31 Omãla va Beriya va kala Heveri la Malikiyele una wa kala isia ya Birisawiti. 32 Heveri wa linga isia ya Yafilete, ya Siomere la Hotama kuenda ya Siuwa manjavo ukãi. 33 Omãla va Yafilete va kala Pasake, Bimihala la Asiwata. Ava ovo va kala omãla va Yafilete. 34 Omãla va Siamere* va kala Ahi, Rohiga, Yehuva la Arama. 35 Omãla va manjaye Helema* va kala Sofa, Yimena, Selesi la Amale. 36 Omãla va Sofa va kala Suva, Harinefere, Siuwale, Beri, Yimira, 37 Becere, Hodi, Siama, Silisia, Yitirana la Bera. 38 Omãla va Yetere va kala Yefune, Pisipa la Ara. 39 Omãla va Ula va kala Ara, Haniyele la Reciya. 40 Vosi ava, va kala omãla va Asiyere okuti, asongui volonjo via va isiavo, va nõliwa, asualali va pama, haivo asongui va velapo; kuenje etendelo liavo lina lia sonehiwa vulala wepata lepata,+ lia kala eci ci soka 26.000 kalume+ va lipongiyila uyaki.

8 Benjamini+ wa linga isia ya Bela+ uveli waye, Asibele+ wavali, Ahara watatu, 2 Noha wakuãla kuenda Rafa watãlo. 3 Omãla va Bela va kala Adara, Gera,+ Avihuda, 4 Avisiwa, Namana, Ahoa, 5 Gera, Sefufama la Hurama. 6 Ava ovo va kala omãla va Ehudi, asongui volonjo via va isia violonungi vio Geva+ vana vambatiwa kumandekua ko Manahata: 7 Namana, Ahiya kuenda Gera okuti, eye wa vambata kumandekua kuenda eye wa linga isia ya Usa la Ahihude. 8 Siaharayi wa linga isia yomãla vocikanjo* ca va Moavi noke lioku va tundisa. Husimi la Baara va kala akãi* vaye. 9 Pocakati cukãi waye Hodesi, eye wa linga isia ya Yovave, ya Siviya, ya Mesia, ya Malikama, 10 ya Yewusi, ya Siakiya kuenda ya Mirima. Ava ovo va kala omãla vaye okuti, asongui volonjo via va isia.

11 Pocakati ca Husimi, eye wa linga isia ya Avituva la Elipaala. 12 Omãla va Elipaala va kala Evere, Misama, Siamede, (una wa tunga o Ono+ kuenda o Lode+ kumue lovaimbo a sungueko), 13 Beriya la Sema. Ava ovo va kala asongui volonjo via va isia violonungi vio Ayalone.+ Ovo va tundisa olonungi vio ko Gati. 14 Kua kala Ahiyo, Siasiaka, Yeremote, 15 Sevadiya, Arade, Edere, 16 Mingeli, Yisipa, Yoha, va kala omãla va Beriya; 17 Sevadiya, Mesiulama, Heseki, Heveri, 18 Yisimirai, Yisiliya, Yovave, va kala omãla va Elipaala; 19 Yakimi, Sikiri, Savidi, 20 Elienai, Silitai, Eliyele, 21 Adaya, Beraya, Simirata, va kala omãla va Simei; 22 Yisipana, Evere, Eliyele, 23 Avidone, Sikiri, Hanana, 24 Hananiya, Elami, Antotiya, 25 Yifedeya, Penuele, va kala omãla va Siasiaka; 26 Siamiserai, Sehariya, Ataliya, 27 Yeresiya, Eliya, Sikiri, va kala omãla va Yerohama. 28 Ovo va kala asongui volonjo via va isia, ndomo ci likuata lovitumbulukila viavo. Asongui vaco, va kala ko Yerusalãi.

29 Yeyele isia ya Giveone wa kala ko Giveone.+ Onduko yukãi waye ya kala Mahaka.+ 30 Omõlaye uveli wa kala Avidone, noke kueya Suru, Kisi, Nadava, 31 Gedore, Ahiyo kuenda Sakare. 32 Mikilote wa linga isia ya Simeya. Vosi yavo va kala ocipepi la vamanjavo ko Yerusalãi kumue la vamanjavo vakuavo.

33 Nere+ wa linga isia ya Kisi; Kisi wa linga isia ya Saulu;+ Saulu wa linga isia ya Yonatão,+ ya Malikisua,+ ya Avinadave+ kuenda ya Esibaale.*+ 34 Omõla a Yonatão wa kala Meriva-Baale.*+ Meriva-Baale wa linga isia ya Mika.+ 35 Omãla va Mika va kala Pitone, Meleke, Terea kuenda Ahasi. 36 Ahasi wa linga isia ya Yehoada; Yehoada wa linga isia ya Alemete, ya Asimawete kuenda ya Simiri. Simiri wa linga isia ya Mosa. 37 Mosa wa linga isia ya Binea, Rafa omõlaye, Eleasa omõlaye, Acele omõlaye. 38 Acele wa kuatele omãla epandu kuenda olonduko viavo via kala Asirikama, Bokeru, Isameli, Siariya, Ovadiya kuenda Hanana. Vosi ava va kala omãla va Acele. 39 Omãla vamanjaye Eseke va kala, Ulame uveli waye, Yewusi wavali kuenda Elifelete watatu. 40 Omãla va Ulame va kala asualali va pama okuti, va tẽlele oku talavaya* lohonji kuenda ovo va kuatele omãla valua lolonekulu vialua via sokele 150. Vosi ava va kala ovitumbulukila via Benjamini.

9 Va Isareli vosi va kongeliwile vulala wepata lepata kuenda va sonehiwa Velivulu Liolosoma vio Isareli. Kuenje Yuda wambatiwa kumandekua ko Bavulono omo liekambo liayo liekolelo.+ 2 Olonungi viatete vina via tiuka kocipiñalo cavo valupale avo, va kala vamue pokati ka va Isareli, ovitunda, va Lewi kuenda vakuakutata onembele.*+ 3 Vamue pokati kovitumbulukila via Yuda,+ via Benjamini,+ via Efarimi kuenda via Manase va kala ko Yerusalãi oku kongelamo: 4 Utai omõla a Amihudu omõla a Omiri omõla a Imiri omõla a Bani okuti, wa tiamẽla kovitumbulukila via Peresi+ omõla a Yuda. 5 Povitumbulukila via Silo, pa kala Asaya uveli kuenda omãla vaye. 6 Pomãla va Sera,+ Yewele kuenda 690 ya vamanjavo.

7 Povitumbulukila via Benjamini, Salu omõla a Mesiulama omõla a Hodaya omõla a Hasenua, 8 Yivineya omõla a Yerohama, Ela omõla a Usi, omõla a Mikiri kuenda Mesiulama omõla a Sefatiya omõla a Ruele omõla a Yiviniya. 9 Vamanjavo ndomo ci likuata lulala wocitumbulukila, va kala 956. Alume vaco vosi, va kala asongui volonjo via va isiavo.*

10 Povitunda pa kala Yedaya, Yehoyarive, Yakini,+ 11 Asariya omõla a Hilikiya omõla a Mesiulama omõla a Sadoke omõla a Merayote omõla a Ahituva usongui umue wonjo* ya Suku yocili, 12 Adaya omõla a Yerohama omõla a Pasihuri omõla a Malikiya, la Maasai omõla a Adiyele omõla a Yahisera omõla a Mesiulama omõla a Mesilemite omõla a Imere, 13 kuenda vamanjavo okuti, asongui volonjo via va isia va soka 1.760 kalume va pama, va loñoloha haivo va lipongiyila oku linga upange wonjo ya Suku yocili.

14 Kuenje pokati ka va Lewi, pa kala Semaya+ omõla a Hasiuvu omõla a Asirikama omõla a Hasiaviya wo kovitumbulukila via Merari; 15 la Bakibakare, Heresi, Galala, Mataniya omõla a Mika omõla a Sikiri omõla a Asafe, 16 Ovadiya omõla a Semaya omõla a Galala omõla a Yedutunu la Berekiya omõla a Asa omõla a Elikana, una wa kala kovaimbo a va Netofa.+

17 Vakualombundi+ va kala Sialume, Akuve, Talimoni, Ahimana kuenda manjavo Sialume wa kala usongui, 18 kuenje toke kotembo yaco, eye wa kala pombundi ya soma konele yutundilo.+ Ava ovo va kala vakualombundi viovilombo via va Lewi. 19 Sialume omõla a Kore omõla a Eviyasafe omõla a Kora la vamanjaye vakuanjo ya isiaye okuti va Kora, va kuatele ocikele cupange woku lava polombundi viombalaka kuenda va isiavo va kala vakuakulava puvelo wocilombo ca Yehova. 20 Kosimbu Finehase+ omõla a Eleasa,+ eye wa kala usongui wavo; Yehova wa kala laye. 21 Sakariya+ omõla a Meselemiya wa kala ukualombundi puvelo wombalaka yohongele.

22 Vosi vana va nõliwile nda vakualombundi povivelo, va sokele 212. Ovo va kala vovaimbo avo ndomo ci likuata lulala wavo wepata lepata.+ Daviti la Samuele ukuavinjonde+ va nõla alume vaco oco va linge upange waco wa koleliwa. 23 Ovo kumue lomãla vavo, va kuatele ocikele coku lava polombundi vionjo ya Yehova,+ okuti onjo yombalaka. 24 Vakualombundi va kala kolonele vikuãla okuti, kutundilo, kutakelo, konano kuenda kombuelo.+ 25 Olonjanja vimue, vamanjavo va sukilile oku iya oku tundilila kovaimbo avo, oco va talavaye lavo vokuenda kuoloneke epanduvali. 26 Kua kala asongui* vakuãla vakualombundi va kuatele ocikele coku linga upange wa koleliwa. Ovo va kala va Lewi kuenda va kuatele ocikele coku tata olohondo lohondo* yoku seleka ovokuasi vionjo ya Suku yocili.+ 27 Ovo va enda oku pita uteke povitumãlo viavo va ilikiwila kolonepa viosi vionjo ya Suku yocili, momo va kuatele ocikele coku lavulula kuenda va kuatelevo ocikele coku kala losapi kuenje va enda oku yikula olombundi omẽle lomẽle.

28 Vamue pokati kavo va kuatele ocikele coku tata ovikuata+ viupange; ovo va enda oku vi tenda eci va vi tiula kuenda oku vi tenda eci va enda oku viupa. 29 Vamue pokati kavo va tambula ocikele coku tata ovikuata vikuavo, ovikuata viosi vi kola+ kuenda osema ya fina,+ ovinyu,+ ulela,+ insensu+ kuenda ulela wonguendu.+ 30 Vamue pokati komãla vovitunda va enda oku tenga ulela u kuete elemba liwa wa pangiwa lulela wonguendu. 31 Matitiya okuti, umue pokati ka va Lewi, una wa kala uveli wa Sialume u Kora, wa kuatele ocikele coku linga upange wa koleliwa woku lava ovina via pangiwa voviyo.+ 32 Vamue pokati ka vamanjavo okuti va Kohata, va kala locikele coku pongiya olombolo*+ via tumbikiwa, kasambata osi.+

33 Ava ovo va kala olonjimbi, asongui volonjo via va isia via va Lewi volohondo* okuti, ka va kuatele ovopange akuavo; momo kutanya kuenda kuteke ca kala ocikele cavo oku kala kupange. 34 Ava ovo va kala asongui volonjo via va isia via va Lewi, ndomo ci likuata lulala wavo wocitumbulukila okuti, asongui. Ovo va kala ko Yerusalãi.

35 Yeyele isia ya Giveone wa kala ko Giveone.+ Onduko yukãi waye ya kala Mahaka. 36 Omõlaye uveli wa kala Avidone, noke kueya Suru, Kisi, Nere, Nadava, 37 Gedore, Ahiyo, Sakariya la Mikilote. 38 Mikilote wa linga isia ya Simeama. Vosi yavo va kala ocipepi la vamanjavo ko Yerusalãi kumue la vamanjavo vakuavo. 39 Nere+ wa linga isia ya Kisi; Kisi wa linga isia ya Saulu;+ Saulu wa linga isia ya Yonatão,+ ya Malikisua,+ ya Avinadave+ kuenda ya Esibaale. 40 Omõla a Yonatão wa kala Meriva-Baale.+ Meriva-Baale wa linga isia ya Mika.+ 41 Omãla va Mika va kala Pitone, Meleke, Tarea kuenda Ahasi. 42 Ahasi wa linga isia ya Yara; Yara wa linga isia ya Alemete, ya Asimawete kuenda ya Simiri. Simiri wa linga isia ya Mosa. 43 Mosa wa linga isia ya Binea kuenda Refaya omõlaye, Eleasa omõlaye, Acele omõlaye. 44 Acele wa kuatele omãla epandu kuenda olonduko viavo via kala Asirikama, Bokeru, Isameli, Siariya, Ovadiya kuenda Hanana. Ava ovo va kala omãla va Acele.

10 Va Filisiti va kala oku liyaka lo Isareli. Kuenje alume vo Isareli va tila va Filisiti kuenda valua va pondiwila Komunda Giliboa.+ 2 Va Filisiti vamamako oku landula ocipepi Saulu kumue lomãla vaye kuenje va Filisiti va ponda Yonatão, la Avinadave kuenda Malikisua okuti,+ omãla va Saulu. 3 Uyaki woku katukila Saulu wa livokiya kuenda vakualohonji vo sanga kuenje eye wa lemẽhiwa la vakualohonji.+ 4 Noke Saulu wa sapuila ulume ukuakuambata ovimalẽho viaye viuyaki hati: “Pola osipata yove kuenda ndi ponde oco alume ava ka va seviwile evamba ka va keye kuenje va ndi tata lãvi*+ loku ndi ponda.” Pole, ulume ukuakuambata ovimalẽho viaye viuyaki ka tavele, momo wa kuata usumba walua. Omo liaco, Saulu wa tikula osipata, yu wa kupukila kilu liaco.+ 5 Eci ulume ukuakuambata ovimalẽho viaye viuyaki a mola okuti Saulu wa fa, eye wa kupukilavo kilu liosipata yaye muẽle kuenje wa fa. 6 Omo liaco, Saulu lomãla vaye vatatu va fa kuenda vosi vakuanjo yaye va fila kumosi.+ 7 Eci omanu vosi va Isareli vana va kala vocimbota* va mola okuti, asualali va tila kuenda Saulu lomãla vaye va fa, ovo va fetika oku tunda valupale avo loku tila; kuenje va Filisiti veya yu va a piñala.

8 Keteke lia kuamamo, eci va Filisiti veya oco vongolole ovina viovivimbi, va sanga Saulu lomãla vaye okuti, va fila Komunda Giliboa.+ 9 Kuenje ovo vo lulisa, va teta utue waye kuenda va tikula ocimalẽho caye cuyaki kuenje ovo va tuma ondaka kofeka ya va Filisiti oco va sandeke esapulo koviteka viavo+ kuenda komanu. 10 Kuenje ovo va kapa ocimalẽho caye cuyaki vonjo* ya suku yavo kuenda va tulika ekõlõkõlo liaye vonjo ya Dagoni.+

11 Eci vosi vo ko Yavesi+ vo Gileada va yeva ovina viosi va Filisiti va linga ku Saulu,+ 12 asualali vosi va katuka kuenje vambata etimba lia Saulu kuenda atimba vomãla vaye. Va a tuala toke ko Yavesi kuenda va kenda akepa avo vemẽhi liuti unene ko Yavesi+ kuenje va likandangiya oku lia oloneke epanduvali.

13 Omo liaco, Saulu wa fa omo liekambo lioku kala ukuacili ku Yehova, momo eye ka pokuile kondaka ya Yehova+ kuenda wa sandiliya ukuakuvangula lolondele+ 14 okuti ka kũlĩhĩsile Yehova. Omo liaco, Eye wo weca kolofa kuenda wa eca usoma ku Daviti omõla a Jese.+

11 Vokuenda kuotembo, va Isareli vosi va likongela ku Daviti ko Hevirone+ kuenda va popia vati: “Tala! Etu tukepa kuenda tusitu yove.*+ 2 Kosimbu eci Saulu a kala osoma, ove wa enda oku songuila o Isareli kovoyaki avo.*+ Kuenje Yehova Suku yove wa ku sapuila hati: ‘Ove o ka linga ungombo womanu vange va Isareli kuenda o ka linga usongui womanu vange va Isareli.’”+ 3 Omo liaco, akulu vosi vo ko Isareli veya ku soma ko Hevirone kuenda Daviti wa linga lavo ocisila cimue ko Hevirone kovaso a Yehova. Noke ovo va waveka Daviti oco a linge osoma yo Isareli+ ndeci ci likuata londaka Yehova a popele pocakati ca Samuele.+

4 Noke Daviti lo Isareli yosi va enda ko Yerusalãi okuti, o Yevusi+ muna mua kala va Yevusi okuti,+ olonungi via tungile vofeka yaco. 5 Olonungi vio Yevusi via pembula Daviti viti: “Ove lalimue eteke o ka iñila mulo!”+ Noke, Daviti wa tambula ocitumãlo ceteyuilo co ko Siono okuti,+ kaliye Olupale lua Daviti.+ 6 Omo liaco, Daviti wa popia hati: “Omunu wosi o kundula tete va Yevusi, o ka kala usongui* kuenda ombuale.” Yoava+ omõla a Seruya eye wa lamana tete kuenje wa linga usongui. 7 Noke Daviti wa tungila vocitumãlo ceteyuilo. Eli olio esunga lieci ovo va ci tukuila hati, Olupale lua Daviti. 8 Eye wa fetika oku tunga kolonele viosi violupale, oku upisa Kondunda* toke kolonele viaco kuenda Yoava wa tumbulula onepa yikuavo yolupale. 9 Omo liaco, Daviti wamamako oku pama calua+ kuenda Yehova ukualohoka wa kala laye.

10 Ava ovo asongui vasualali va pama va Daviti vana va eca kokuaye ekuatiso lia pama kuviali waye, kumue lo Isareli yosi oco vo lingise osoma ndeci ci likuata londaka ya Yehova yatiamẽla ku Isareli.+ 11 Owu owo ulala wolonduko viasualali va pama va Daviti: Yasioveama+ omõla u Hakimoni umue, usongui walume vatatu.+ Vepuluvi limue, eye wa ponda eci ci soka 300 komanu lunga waye.+ 12 Noke wa kuamamo Eleasara+ omõla a Dodo u Ahiho.+ Eye wa kala umue pokati kasualali vatatu va pama. 13 Eye wa kala la Daviti ko Pasidamimi,+ kuna va Filisiti va liongoluile pamosi oco va linge uyaki. Kua kala epia limue lieyukile osevata kuenda omanu va tilile omo lia va Filisiti. 14 Pole, eye wa talama pokati kepia kuenda wa li teyuila kuenje wamamako oku kundula va Filisiti kuenje Yehova wa eca eyulo* limue linene.+

15 Pokati keci ci soka 30 kasongui, pa tunda vatatu va lokila toke kewe ku Daviti veleva lio ko Adulama+ osimbu olohoka via va Filisiti via tungile ocilombo Vocimbota* co Refayimi.+ 16 Daviti wa kala vocitumãlo ceteyuilo kuenda ocimunga cimue casualali ca va Filisiti ca kala ko Beteleme. 17 Noke Daviti wa situlula onjongole yaye poku popia hati: “Nda nda nyuile ño ovava a tunda vocisimo ci kasi ocipepi lombundi yo Beteleme, nda nda sanjuka!”+ 18 Omo liaco, vatatu va iñila vocilombo ca va Filisiti kuenda vopa ovava vocisimo ocipepi lombundi yo Beteleme kuenje va a nena ku Daviti; pole, Daviti wa likala oku a nyua kuenda wa a pesila kovaso a Yehova. 19 Eye wa popia hati: “Ka ca sungulukile kokuange, kovaso a Suku yange oku ci linga! Ndi sukila hẽ oku nyua osonde yalume ava va kapa omuenyo wavo kohele?+ Momo ovo va kapa omuenyo wavo kohele oco va a nene.” Omo liaco, eye wa likala oku a nyua. Evi ovio ovina asualali vaye vatatu va pama va linga.

20 Avisiai+ manji a Yoava+ wa linga usongui wocimunga cikuavo calume vatatu; eye wa ponda eci ci soka 300 komanu lunga waye kuenda eye wa kemãlele ndalume vaco vatatu.+ 21 Pokati kalume vakuavo vatatu, eye wa kemãlelepo vali calua okuti, alume vavali va kala laye ci sule kuenda eye wa kala usongui wavo; pole, ka pitĩlile vocisoko calume vatatu vatete.

22 Benaya+ omõla a Yehoyada, wa kala ulume umue ukuotõi* una wa linga ovina vialua vi komõhisa ko Kavasele.+ Eye wa ponda omãla vavali va Ariyele wo ko Moavi kuenda eye wa lokila vocisimo cimue keteke limue kua kala ocikokoto kuenje wa ponda ohosi yimue.+ 23 Eye wa pondavo ulume umue unene calua u Egito okuti, utunga waye u soka ovikeya vitãlo.*+ Ndaño okuti, u Egito wa kuatele unga umue peka liaye nduti womakina ya vakuakupota,+ eye wa liyaka laye lombueti yimue kuenda wa tambula unga peka liu Egito kuenje wo ponda lunga waco.+ 24 Evi ovio ovina Benaya omõla a Yehoyada a linga kuenda eye wa kuatele ekemãlo ndeli liasualali vatatu va pama. 25 Ndaño okuti, eye wa kemãlelepo vali calua okuti alume akũi atatu ci sule, ka pitĩlile vocisoko calume vatatu.+ Pole, Daviti wo nõla oco a linge ondavululi yaye.

26 Asualali va pama volohoka viongusu va kala Asahele+ manji a Yoava, Elihanana omõla a Dodo wo ko Beteleme,+ 27 Siamote u Harorite, Helesi u Peloni, 28 Ira+ omõla a Ikesi u Tekoa, Aviyesere+ u Anatote, 29 Sibekai+ u Husiati, Ilai u Ahiho, 30 Maharai+ u Netofa, Helede+ omõla a Baana u Netofa, 31 Itai omõla a Rivai wo ko Givea ya va Benjamini,+ Benaya u Piratoni, 32 Hurai wo kakango* o ko Gasi,+ Aviyele u Aravati, 33 Asimawete u Baharumi, Eliava u Sialavoni, 34 omãla va Hasieme u Gisoni, Yonatão omõla a Siage u Harari, 35 Ahima omõla a Sakare u Harari, Elifale omõla a Uri, 36 Hefere u Mekerati, Ahiya u Peloni, 37 Hesero u Karimele, Naarai omõla a Esivai, 38 Yoeli manji a Natana, Mivihare omõla a Hagiri, 39 Seleki u Amoni, Naharai u Berote okuti, ukuavimalẽho viuyaki via Yoava omõla a Seruya; 40 Ira u Itiri, Gareve u Itiri, 41 Uriya+ u Hiti, Savada omõla a Ahilai, 42 Adina omõla a Sisa u Ruvene, haeye usongui umue wa va Ruvene kuenda ci soka 30 va kala laye; 43 Hanana omõla a Mahaka, Yosiafata u Mitini, 44 Usiya u Asitarote, Siama la Yeyele, omãla va Hotama u Aroere; 45 Yediyaele omõla a Simiri la Yoha manjaye u Tisi; 46 Eliyele u Mahava, Yerivai la Yosiaviya omãla va Elianama kuenda Yitima u Moavi; 47 Eliyele, Ovede kuenda Yahasiyele u Mesova.

12 Ava ovo va kala alume va likongela ku Daviti ko Cikilage,+ osimbu eye a kala oku tila omo lia Saulu+ omõla a Kisi kuenda ovo va kala pokati kasualali va pama vana va kala oku u kuatisa kuyaki.+ 2 Ovo va limalẽhele lohonji kuenda va tẽlele oku talavaya leka liondio kuenda leka liepĩli,+ oco va imbe ovawe lepipili+ ale oku asa ovisongo lohonji. Ovo va kala vamanji va Saulu okuti, vakuacikoti ca Benjamini.+ 3 Usongui wa kala Ahiesere kuenda wa kuamamo Yoasi okuti, vosi yavo omãla va Sema u Givea;+ Kua kalavo Yisiyele la Pelete omãla va Asimawete, Beraka, Yehu u Anatote,+ 4 Yisimaya u Giveone okuti,+ esualali limue lia pama pokati kakũi atatu,+ haeye usongui wavo; kuendavo Yeremiya, Yahasiele, Yohanana, Yosavada u Gedera, 5 Elusai, Yerimote, Bialiya, Semariya, Sefatiya u Harifi 6 Elikana, Yisiya, Asariele, Yoesere kuenda Yasioveama va Kora;+ 7 la Yoela kuenda Sevadiya omãla va Yerohama wo ko Gedore.

8 Vamue pokati ka va Gadi, va likongela ku Daviti kocitumãlo ceteyuilo vekalasoko;+ ovo va kala asualali va pama, asualali va pindisiwa ciwa kuyaki haivo va limalẽha lociyepelo cinene kuenda onjelia okuti, ovipala viavo via kala ndevi violohosi kuenda va kala vakuanjanga ndolombambi kilu liolomunda. 9 Eseri wa kala usongui, Ovadiya wavali, Eliyava watatu, 10 Mesimana wakuãla, Yeremiya watãlo, 11 Atayi wepandu, Eliyele wepanduvali, 12 Yohanana wecelãla, Elisavade wecea, 13 Yeremiya wekũi kuenda Makibanai wekũi lamosi. 14 Ava ovo va kala va Gadi+ asongui volohoka. U o sule wa tẽlele oku liyaka leci ci soka 100 kasualali kuenda u wa velapo leci ci soka 1.000 kasualali.+ 15 Ava ovo alume vana va yoka o Yordão kosãi yatete, eci oyo ya kala oku samõhaila kolohulo vialuo kuenda ovo va tundisa vosi vana va kala kolofeka vio kombuelo kutundilo kuenda kutakelo.

16 Vamue pokati kalume va Benjamini kuenda va Yuda veyavo ku Daviti kocitumãlo caye ceteyuilo.+ 17 Noke Daviti wa tunda oco a ñualẽhele lavo kuenda wa va sapuila hati: “Nda weyi kokuange lombembua oco vu ndi kuatisi, tu kala akamba. Pole, nda weyilili oku ndi pakula kovanyãli vange osimbu ovaka ange ka a lingile lacimue cĩvi, Suku ya vakukululu yetu a ci mole kuenda a sombise.”+ 18 Kuenje espiritu lia wila* Amasai+ usongui wakũi atatu kuenje wa popia hati:

“Etu tuakuenje vove, A Daviti kuenda tu kasi love Amõla a Jese.+

Omo liaco, Daviti wa va tambula kuenda wa va nõla oco va kale pokati kasongui vasualali.

19 Alume vamue vo kocikoti ca Manase va siapovo olohoka via Saulu oco va likongele ku Daviti eci eya la va Filisiti oco va linge uyaki la Saulu; pole, eye ka kuatisile va Filisiti momo olombiali via va Filisiti+ noke yoku li kũlĩhĩsa, vio tuma oku tiukila loku popia vati: “Eye o ka likongela ku ñala yaye Saulu kuenje eci ci ka kapa omuenyo wetu kohele.”+ 20 Alume vo kocikoti ca Manase vana va likongela kokuaye eci eye a enda ko Cikilage+ vava: Adina, Yosavada, Yediyaele, Mingeli, Yosavada, Elihu kuenda Silitai okuti, asongui volohulukãi via Manase.+ 21 Ovo va kuatisa Daviti kovingumba, momo vosi yavo va kala alume va pama, vakuotõi+ kuenda va linga asongui volohoka. 22 Eteke leteke, omanu vamamako oku likongela ku Daviti+ oco vo kuatise toke eci ocilombo caye ca linga cinene ndocilombo ca Suku.+

23 Eli olio etendelo liasongui valume vana va limalẽhela uyaki okuti, veya toke ku Daviti ko Hevirone+ oco va pongolole usoma wa Saulu kokuaye ndeci Yehova a ci handelekele.+ 24 Kua kala 6.800 kalume va Yuda vana vambata ociyepelo cinene kuenda onjelia haivo va limalẽhela oku linga uyaki. 25 Ku va Simeone, kua kala 7.100 kalume volohoka va pama haivo vakuotõi.

26 Ku va Lewi kua kala 4.600 kalume. 27 Yehoyada+ wa kala usongui womãla va Arone+ kuenda eye wa kala leci ci soka 3.700 kalume, 28 kua kalavo Sadoke+ umalẽhe umue wa pama haeye ukuotõi, leci ci soka 22 kasongui vonjo ya isiaye.

29 Ku va Benjamini vamanji va Saulu+ kua kala 3.000 kalume kuenda onepa yalua yetendelo liaco, kosimbu ya enda oku teyuila olonjongole vionjo ya Saulu. 30 Ku va Efarimi kua kala 20.800 kalume va pama, vakuotõi haivo va kemãla pokati kolonjo via va isiavo.

31 Konepa yocikoti ca Manase, kua kala 18.000 kalume vana va nõliwa kolonduko oco veye ku Daviti oku u lingisa osoma. 32 Kocikoti ca Isakare, kua kala 200 kasongui vana va kuatele elomboloko liolotembo kuenda va kũlĩhĩle eci Isareli a sukilile oku linga. Vamanjavo vosi va kala oku songuiwa lavo. 33 Kocikoti ca Sevulono kua kala 50.000 kalume vana va tẽlele oku vumba kolohoka okuti va lipongiya ndovimunga viasualali lovimalẽho viosi viuyaki, vosi va likongela ku Daviti lutima umue wocili.* 34 Kocikoti ca Nafitali kua kala 1.000 kasongui leci ci soka 37.000 kalume va limalẽha lociyepelo cinene kuenda unga. 35 Ku va Dani, vana va lipongiya ndovimunga viasualali va kala 28.600. 36 Kocikoti ca Asiyere, vana va tẽlele oku vumba kolohoka okuti va lipongiya ndovimunga viasualali va kala 40.000.

37 Konele yikuavo yo Yordão,+ ku va Ruvene, ku va Gadi kuenda onepa yimue yocikoti ca Manase kua kala 120.000 kasualali va limalẽha lovimalẽho viosi viuyaki. 38 Vosi yavo va kala alume vuyaki okuti, va enda oku likongela kulala wuyaki; ovo veya lutima wosi* ko Hevirone oco va lingise Daviti osoma ko Isareli yosi kuendavo va Isareli vosi vakuavo va kala lutima umuamue koku lingisa Daviti osoma.+ 39 Kuenje ovo vamamako oku kala la Daviti vokuenda kuoloneke vitatu, va lia loku nyua ovina vamanjavo va va pongiyila. 40 Handi vali, vana va tunga ocipepi lavo la vana va tunga ocipãla ndeci Isakare, Sevulono kuenda Nafitali, va kala oku nena okulia poku kuambatela kovimbulu, kolongamelo, kolomula kuenda kolongombe ndeci: osema, akende a pangiwa lakuyu, ayuva a kukuta, ovinyu kuenda ulela. Va nenavo olongombe lolomeme vialua momo kua kala esanju ko Isareli.

13 Daviti wa kũlĩhĩsa asongui volohulukãi lava vocita kuenda asongui vosi vakuavo.+ 2 Noke Daviti wa sapuila ekongelo liosi lio Isareli hati: “Nda ca sunguluka kokuene kuenda nda ci taviwa la Yehova Suku yetu, tu tumi ondaka ku vamanjetu va supapo kovaimbo osi o Isareli kuendavo kovitunda, ku va Lewi valupale avo+ kumue lovisenge vioku lisila oviunda, oco veye oku likongela kokuetu. 3 Tu neni vali Ocikasia+ ca Suku yetu.” Momo koloneke via Saulu, ovo ka va endaile oku ci tata.+ 4 Ekongelo liosi lia tava oku ci linga, momo ocisimĩlo caco ca sungulukile komanu vosi. 5 Omo liaco, Daviti wongolola o Isareli yosi oku upisa kolui* luo Egito toke ko Lebo-Hamati*+ oco va nene Ocikasia ca Suku yocili, oku upisa ko Kiriyata-Yeari.+

6 Daviti kuenda o Isareli yosi va enda ko Baala+ ko Kiriyata-Yeari yina ya tiamẽla ko Yuda oco va kope Ocikasia ca Suku yocili Yehova, una wa tumãla kocalo kilu* lia va keruvi,+ muna onduko yaye yi tukuiwa. 7 Pole, ovo va kapa Ocikasia ca Suku yocili vokalosa kokaliye+ kuenda va cupa konjo ya Avinadave kuenje Usa la Ahiyo ovo va kala oku songuila okalosa kaco.+ 8 Daviti kumue lo Isareli yosi va kala oku linga ocipito kovaso a Suku yocili longusu yavo yosi, lovisungo, lolohalupa, lovikuata vikuavo viovisikilo via pangiwa lovikolo, lolopandelu,+ lolosimbalu+ kuenda alumbeta.+ 9 Pole, eci ovo va pitĩla pocimbandi co Kidono, Usa wolõla okuokuo kuaye kuenda wa kuata Kocikasia momo olongombe nda via ci kupula. 10 Omo liaco, onyeño ya Yehova ya wengukila Usa kuenda Eye wo ponda, momo eye woluĩla eka liaye Kocikasia+ kuenje eye opo a fila kovaso a Suku.+ 11 Pole, Daviti wa tema* momo onyeño ya Yehova ya wengukila Usa; kuenje ocitumãlo caco ceya oku tukuiwa hati, Perece-Usa* toke etaili.

12 Omo liaco, Daviti wa kuatela usumba Suku yocili keteke liaco kuenje wa popia hati: “Ndi pondola oku nena ndati Ocikasia ca Suku yocili oku ñasi?”+ 13 Daviti ka nenele Ocikasia kuna eye a kala okuti, Volupale lua Daviti, pole, eye wa handeleka oco cambatiwe konjo ya Ovede-Edome u Giti. 14 Ocikasia ca Suku yocili, ca kala kumue la vakuanjo ya Ovede-Edome kuenda camamako oku kala konjo yaye vokuenda kuolosãi vitatu kuenje Yehova wamamako oku sumũlũisa vakuanjo ya Ovede-Edome la cosi a kuatele.+

14 Soma Hirama+ wo ko Turo wa tuma olomunga ku Daviti kumue lavaya osedru la vakuakutunga* kuenda va kalupindelu oco vo tungile onjo* yimue.+ 2 Kuenje Daviti wa kũlĩhĩle okuti, Yehova wo tumbika ndosoma ko Isareli+ momo usoma waye, wa kemãlele calua omo liomanu Vaye va Isareli.+

3 Daviti wa kuata akãi valua+ vo Yerusalãi kuenje Daviti wa linga isia yomãla valua valume kuenda vakãi.+ 4 Olonduko viomãla vaye va citiwila ko Yerusalãi+ vievi: Siamuwa, Siovava, Natana,+ Salomone,+ 5 Yivihare, Elisua, Elipelete, 6 Noga, Nefege, Yafiya, 7 Elisiama, Beliada la Elifelete.

8 Eci va Filisiti va yeva okuti Daviti wa wavekiwa ndosoma ko Isareli yosi,+ va Filisiti vosi va enda oku ka sandiliya Daviti.+ Eci Daviti a ci yeva, eye wa enda oco a liyake lavo. 9 Kuenje va Filisiti veya kuenda va fetika oku katukila Ocimbota* co Refayimi.+ 10 Daviti wa kũlĩhĩsa Suku poku popia hati: “Citava hẽ okuti, ngenda oku ka liyaka la va Filisiti? Anga hẽ o ka va eca peka liange?” Kuenje Yehova wo sapuila hati: “Kuende, ame ndi ka va eca muẽle peka liove.”+ 11 Omo liaco, Daviti wa enda ko Baale-Perasimi+ kuenje oko a va kunduila. Noke Daviti wa popia hati: “Suku yocili wa kundula ovanyãli vange pocakati ceka liange ndepangu limue lia pangiwa lovava.” Eli olio esunga lieci ocitumãlo caco ca tukuiwila hati, Baale-Perasimi.* 12 Va Filisiti va siako olosuku viavo kuenje eci Daviti a eca ocihandeleko, ovio via timĩhiwa vondalu.+

13 Noke va Filisiti va katukila vali ocimbota.*+ 14 Daviti wa kũlĩhĩsa vali Suku, pole, Suku yocili wo sapuila hati: “Ku ka ende kovaso yavo. Pole, ñuala konyima yavo kuenda va katukila kovaso yoviti vio amoreira.+ 15 Kuenje eci o yeva ocileñi ci yevala ndocileñi comanu va endela kilu lioviti vio amoreira, va katukila momo Suku yocili o ka ku pitila kovaso oco o kundule olohoka via va Filisiti.”+ 16 Omo liaco, Daviti wa linga ndeci Suku yocili o handelekele+ kuenda ovo va kundula olohoka via va Filisiti oku upisa ko Giveone toke ko Gesere.+ 17 Kuenje oluhimo lua Daviti lua li sanduila kolofeka viosi kuenda Yehova wo lingisa okuti, olofeka viosi viu kuatela usumba.+

15 Kuenje Daviti wamamako oku litungila olonjo Volupale lua Daviti kuenda wa pongiya ocitumãlo cimue Cocikasia ca Suku yocili loku ci tungila ombalaka yimue.+ 2 Noke Daviti wa popia hati: “Lomue ambata Ocikasia ca Suku yocili te lika va Lewi, momo Yehova wa va nõla oco vambate Ocikasia ca Yehova loku u vumba otembo yosi.”+ 3 Kuenje Daviti wongolola o Isareli yosi ko Yerusalãi, oco va nene Ocikasia ca Yehova vocitumãlo cina eye a pongiyile.+

4 Daviti wongolola ovitumbulukila via Arone+ kuenda va Lewi:+ 5 ku va Kohata kua kala Uriyele usongui kuenda 120 ya vamanjaye; 6 ku va Merari kua kala Asaya+ usongui kuenda 220 ya vamanjaye; 7 ku va Gerisiomo kua kala Yoeli+ usongui kuenda 130 ya vamanjaye; 8 kovitumbulukila via Elicafana+ kua kala Semaya usongui kuenda 200 ya vamanjaye; 9 kovitumbulukila via Hevirone kua kala Eliyele usongui kuenda 80 ya vamanjaye; 10 kovitumbulukila via Usiyele+ kua kala Aminadava usongui kuenda 112 ya vamanjaye. 11 Handi vali, Daviti wa vilikiya ovitunda Sadoke+ la Aviyatare+ kuenda va Lewi okuti, Uriyele, Asaya, Yoeli, Semaya, Eliyele la Aminadava, 12 kuenje wa va sapuila hati: “Ene wasongui volonjo via va isia via va Lewi. Liyelisi ene muẽle, ene kumue la vamanjene kuenda neni Ocikasia ca Yehova Suku ya Isareli vocitumãlo cina ame nda ci pongiyila. 13 Omo okuti ene ka wa cambateli konjanja yatete,+ onyeño ya Yehova Suku yetu ya tu wengukila+ momo ka tua kuamẽle olonumbi viaye.”+ 14 Omo liaco, ovitunda kuenda va Lewi va liyelisa ovo muẽle oco va nene Ocikasia ca Yehova Suku ya Isareli.

15 Kuenje va Lewi, vambata Ocikasia ca Suku yocili kapepe avo lolombueti+ ndeci Mose a ci handelekele pocakati condaka ya Yehova. 16 Noke Daviti wa sapuila asongui va va Lewi oco va nõle vamanjavo olonjimbi oco va imbe lesanju, va kuamiwe lovikuata vioku sika ndeci: ovikuata viovisikilo via pangiwa lovikolo, olohalupa+ kuenda olosimbalu.+

17 Omo liaco, va Lewi va nõla Hemani+ omõla a Yoeli kuenda ku vamanjaye va nõla Asafe+ omõla a Berekiya kuenje ku va vamanjavo va Merari va nõla Etani+ omõla a Kusiaya. 18 Kumue lavo, kua kala vamanjavo va tiamẽla ketepiso liavali+ okuti, Sakariya, Bene, Yaasiyele, Semiramote, Yehiyele, Uni, Eliyava, Benaya, Maaseya, Matitiya, Elifele la Mikineya kuenda vakualombundi, va kala Ovede-Edome la Yeyele. 19 Olonjimbi Hemani,+ Asafe+ la Etani, ovo va laikele oku sika olosimbalu viosipi;+ 20 kuenda Sakariya, Asiyele, Semiramote, Yehiyele, Uni, Eliyava, Maaseya la Benaya va sika ovikuata viovisikilo via pangiwa lovikolo via semũlũiwa vo Alamote;*+ 21 kuenje Matitiya,+ Elifele, Mikineya, Ovede-Edome, Yeyele la Asasiya va sika olohalupa via semulũiwa vo Seminite*+ oco va kale ndasongui. 22 Kenaniya+ usongui wa va Lewi wa songuila oku ambatiwa Kuocikasia momo wa loñolõhele koku ci linga, 23 kuenje Berekiya la Elikana va kala vakualombundi vana va vumba ocipepi Locikasia. 24 Ovitunda Siebaniya, Yosiafata, Netanele, Amasai, Sakariya, Benaya la Eliyesere va sika lolukandi olombeta kovaso Yocikasia ca Suku yocili+ kuenda Ovede-Edome la Yehiya va kalavo vakualombundi vana va vumba ocipepi Locikasia.

25 Noke Daviti kuenda akulu vo Isareli lasongui vohulukãi va enda lonjolela+ konjo ya Ovede-Edome+ oco va kope ocikasia covisila via Yehova. 26 Eci Suku yocili a kuatisa va Lewi vana va kala oku ambata ocikasia covisila via Yehova, ovo va lumba olonãle epanduvali lovitupi violomeme epanduvali.+ 27 Daviti wa walele ocikutu cimue ka ci kuete ovoko ca pangiwa lonanga yovalatanya kumue la va Lewi vosi vana va kala oku ambata Ocikasia, olonjimbi kuenda Kenaniya una wa kala oku songuila olonjimbi vina viambata Ocikasia; Daviti wa walelevo evendalia liovalatanya.+ 28 Va Isareli vosi va kala oku nena ocikasia covisila via Yehova loku kaluka lesanju+ kumue locileñi combinga, lolombeta,+ lolosimbalu okuti va kala oku sika lolukandi ovikuata viovisikilo via pangiwa lovikolo kuenda olohalupa.+

29 Pole, eci ocikasia covisila via Yehova ca pitĩla Volupale lua Daviti,+ Mikale omõla ukãi wa Saulu+ wa vanjela ponjanela kuenje wa mola okuti, Soma Daviti wa kala oku tẽha tẽha loku linga ocipito; noke eye wa fetika oku u pembula vutima waye.+

16 Omo liaco, ovo va nena Ocikasia ca Suku yocili kuenje va ci kapa vokati kombalaka Daviti a ci tungila;+ kuenda va eca ovilumba vioku pia elisi lovilumba viombembua kovaso a Suku yocili.+ 2 Eci Daviti a mala oku eca ovilumba vioku pia elisi+ lovilumba viombembua,+ eye wa sumũlũisa omanu vonduko ya Yehova. 3 Handi vali, eye wa eca ku va Isareli vosi okuti, kulume lulume kuenda kukãi lukãi, ombolo yimue yi kasi ndombunje, ekende limue liepako lieva kuenda ekende limue liayuva. 4 Noke eye wa nõla vamue pokati ka va Lewi oco va vumbile kovaso Yocikasia ca Yehova+ loku sumbila,* loku pandula kuenda oku sivaya Yehova Suku ya Isareli. 5 Asafe+ eye wa kala usongui kuenda wavali wa kala Sakariya; kuenje Yeyele, Semiramote, Yehiyele, Matitiya, Eliyava, Benaya, Ovede-Edome la Yeyele,+ va sika ovikuata viovisikilo via pangiwa lovikolo kuenda olohalupa;+ kuenje Asafe wa sika olosimbalu,+ 6 kuenda Benaya la Yahasiele ovitunda va enda oku sika alumbeta otembo yosi kovaso yocikasia covisila via Suku yocili.

7 Keteke liaco, oco Daviti a linga onjanja yatete ocisungo cimue colopandu ku Yehova pocakati ca Asafe+ la vamanjaye:

10 Lipandi eci catiamẽla konduko yaye yi kola.+

Ovitima via vana va sanda Yehova vi sanjuke.+

11 Sandi Yehova+ kuenda ongusu yaye.

Sandi ocipala* caye otembo yosi.+

14 Eye, eye Yehova Suku yetu.+

Asombiso aye a kasi kilu lieve liosi.+

23 Imbili Yehova ovisungo, a ilu lieve liosi!

Sapuli ovilinga viaye viepopelo eteke leteke!+

25 Momo, Yehova unene kuenda o sesamẽla esivayo liosi.

Eye o komõhisa calua okuti, olosuku viosi vikuavo ci sule.+

Kekamẽli* Yehova lovowalo a kola.*+

30 Lulumili kovaso aye, a ilu lieve liosi!

Ilu lieve* lia kolisiwa; olio ka li sengiwa.*+

Kuenje omanu vosi va popia vati: “Amene!”* kuenje va sivaya Yehova.

37 Noke Daviti wa sia Asafe+ la vamanjaye kovaso yocikasia covisila via Yehova oco va vumbe otembo yosi kovaso Yocikasia,+ ndomo ci likuata lupange weteke leteke.+ 38 Ovede-Edome la vamanjaye va kala eci ci soka 68 kuenda Ovede-Edome omõla a Yedutunu la Hosa va kala vakualombundi; 39 kuenje Sadoke+ ocitunda kuenda vakuavo vana va linga upange wutunda, va kala kovaso yotavernakulu ya Yehova vocitumãlo ci kola ko Giveone+ 40 oco va ece ovilumba vioku pia elisi ku Yehova olonjanja viosi kutala wocilumba coku pia elisi komẽle lo koñolosi kuenda oco va linge ovina viosi via sonehiwa Vocihandeleko ca Yehova cina a handelekele Isareli.+ 41 Kumue lavo, kua kala Hemani la Yedutunu+ kuenda alume vakuavo va nõliwa vana va tambula ocikele ndomo ci likuata lolonduko viavo, oco va ece olopandu ku Yehova,+ momo “ocisola caye ka ci pongoloka ci kala otembo ka yi pui”;+ 42 kuenda kumue lavo, kua kala Hemani+ la Yedutunu oco va sike olombeta, olosimbalu kuenda ovikuata vioku siyava* Suku yocili; kuenje omãla va Yedutunu+ va kala pombundi. 43 Kuenje omanu vosi va enda kolonjo viavo kuenda Daviti wa enda oco a sumũlũise vakuanjo yaye muẽle.

17 Eci Daviti a kala vonjo* yaye muẽle, wa sapuila Natana+ uprofeto hati: “Ame ñasi vonjo yimue yolosedru,+ osimbu okuti ocikasia covisila via Yehova ci kasi vemẽhi liombalaka.”+ 2 Natana wa tambulula Daviti hati: “Linga cosi ci kasi vutima wove, momo Suku yocili o kasi love.”

3 Vuteke waco, ondaka ya Suku yeya ku Natana, yiti: 4 “Kuende, sapuila ukuenje wange Daviti okuti: ‘Ca popia Yehova ceci hati: “Haveko o ndi tungila onjo oco ndi kalemo.+ 5 Momo lalimue eteke nda kalele vonjo yimue, tunde keteke ndopa Isareli Kegito toke etaili, pole, nda endaenda kombalaka lombalaka kuenda kotavernakulu lotavernakulu.*+ 6 Vokuenda kuotembo yosi, eci nda endaenda kumue lo Isareli yosi, anga hẽ eteke limue nda popele ondaka yimue ku umue pokati kolonganji via Isareli vina ame nda nõla oco vi linge angombo vomanu vange loku popia hati: ‘Momo lie ka wa nungilili onjo yimue yolosedru?’”’

7 “Kaliye sapuila ukuenje wange Daviti okuti: ‘Ca popia Yehova ukualohoka ceci hati: “Ame nda ku upa vovisenge vioku lisila oviunda, konyima yoviunda, oco o linge usongui womanu vange va Isareli.+ 8 Ndi ka kala love kuosi wenda+ kuenda ndi ka imũla* ovanyãli vove vosi kovaso ove;+ kuenje ndi ka lingisa onduko yimue kokuove ndonduko yalume va kemãla vo kilu lieve.+ 9 Ndi ka nõlela omanu vange va Isareli ocitumãlo cimue loku va kapamo. Ovo omo va ka kala kuenda lomue o ka va sakalaisa vali; kuenje olondingaĩvi ka vi ka va talisa vali ohali* ndeci via linga kosimbu,+ 10 tunde keteke nda nõlela omanu vange va Isareli+ olonganji. Kuenda ndi ka yula ovanyãli vove vosi.+ Handi vali, ndu ku sapuila siti: ‘Yehova o ka ku tungila onjo* yimue.’

11 “‘“Eci oloneke viove vi pitĩla kesulilo kuenda o fa,* ndi ka katula ocitumbulukila* cove ci kuamamo okuti, umue pokati komãla vove+ kuenda ndi kolisa usoma waye.+ 12 Eye o ka nungila onjo yimue+ kuenda ndi ka kolisa ocalo caye otembo ka yi pui.+ 13 Ame ndi ka linga isiaye kuenda eye o ka linga omõlange.+ Ocisola cange ka ci pongoloka si cupi kokuaye+ ndeci nda cupa ku una wa ku lianga.+ 14 Ndu u tumbika vonjo yange kuenda kusoma wange otembo ka yi pui+ kuenje ocalo caye ci ka kala otembo ka yi pui.”’”+

15 Natana wa sapuila Daviti olondaka evi viosi locinjonde eci cosi.

16 Omo liaco, Soma Daviti wa iñila kuenda wa tumãla kovaso a Yehova loku popia hati: “Ame helie, A Yehova Suku? Kuenda vakuepata liange hẽ velie oco o ndi nene toke palo?+ 17 Handi vali hacoko lika, A Suku, ove o popiavo catiamẽla konjo yukuenje wove toke otembo yalua kovaso yoloneke+ kuenda wa mbanja ndu okuti, ndulume umue o sesamẽla oku kemãlisiwa* calua, A Yehova Suku. 18 Nye vali ukuenje wove Daviti a pondola oku ku sapuila catiamẽla kesumbilo lia eciwa kokuange osimbu okuti, ove wa kũlĩha ciwa ukuenje wove?+ 19 A Yehova, omo liukuenje wove kuenda ndomo ci likuata lutima wove,* wa linga ovina evi viosi vinene poku situlula unene wove.+ 20 A Yehova, ka kuli laumue wa lisoka love+ kuenda ka kuli Suku te lika ove;+ ovina viosi tua yeva lovatũi etu vi cimbila uvangi. 21 Ofeka yipi yikuavo kilu lieve ya lisoka lomanu vove va Isareli?+ Suku yocili wa va yovola ndomanu vaye.+ Ove muẽle wa li lingila onduko yimue omo liovilinga viove+ vinene haivio vi komõhisa poku tundisa olofeka kovaso yomanu vove+ vana ove wa yovola Kegito. 22 Omanu vove va Isareli wa va lingisa omanu vove muẽle otembo yosi;+ kuenda ove A Yehova, wa linga Suku yavo.+ 23 Kaliye A Yehova, ohuminyo wa linga yatiamẽla kukuenje wove kuenda konjo yaye yi tẽlisiwe otembo yosi kuenda linga ndomo wa likuminya.+ 24 Onduko yove yi kale otembo yosi* kuenda yi kemãlisue otembo ka yi pui+ oco omanu va popie vati: ‘Yehova ukualohoka Suku ya Isareli eye Suku ku Isareli’ kuenda onjo yukuenje wove Daviti yi kolisiwe kovaso ove.+ 25 Momo ove a Suku yange, wa situluila kukuenje wove ocipango cove coku u tungilako onjo yimue. Eli olio esunga lieci ukuenje wove a kuetele ekolelo lioku linga ohutililo eyi kokuove. 26 Kaliye, A Yehova ove wu Suku yocili kuenda wa likuminya ovina evi viwa viatiamẽla kukuenje wove. 27 Omo liaco, sanjukila oku sumũlũisa onjo yukuenje wove kuenda oyo yamameko otembo ka yi pui kovaso ove, momo ove A Yehova, wa yi sumũlũisa kuenda oyo yi sumũlũisiwe otembo ka yi pui.”

18 Noke yotembo yimue, Daviti wa kundula va Filisiti kuenje wa va yula loku tambula o Gati+ kumue lovaimbo a sungueko povaka a va Filisiti.+ 2 Eye wa yula Moavi+ kuenje va Moavi va linga apika va Daviti kuenda va enda oku feta ulambu.+

3 Daviti wa yula Soma Hadadesere+ wo ko Sova+ ocipepi lo Hamati+ osimbu eye a kala oku enda oku ka tumbika omoko yaye yoku viala Kolui Ferati.+ 4 Daviti wa tambula 1.000 kakãlu, 7.000 kalume vakuakuendela kolokavalu kuenda 20.000 kasualali vakuakuendela posi.+ Noke, Daviti wa teta asipa akonjo olokavalu viosi viakãlu uyaki, pole, wa supisapo 100.+ 5 Eci va Suria vo ko Damasko veya oco va kuatise Soma Hadadesere wo ko Sova, Daviti wa ponda 22.000 ya va Suria.+ 6 Noke Daviti wa tumbika asualali ko Suria yo ko Damasko kuenje va Suria va linga apika va Daviti kuenda va enda oku feta ulambu. Yehova wa eca ku Daviti eyulo* kuosi eye a enda.+ 7 Handi vali, Daviti wa tambula oviyepelo viulu kakuenje va Hadadesere kuenje wa vi nena ko Yerusalãi. 8 Oku upisa ko Tivihati lo ko Kuni, alupale a Hadadesere, Daviti wa tambula etendelo limue linene liosipi. Losipi yaco, Salomone wa tunga ombasia yinene yovava yosipi yi tukuiwa okuti Okalunga,+ lolongunji kuenda ovikuata viosipi.+

9 Eci Soma Tou wo ko Hamati a yeva okuti, Daviti wa yula olohoka viosi via Soma Hadadesere+ wo ko Sova,+ 10 vepuluvi liaco, eye wa tuma omõlaye Hadorama ku Soma Daviti oco o lame loku u pandiya, omo a liyaka la Hadadesere loku u yula (momo Hadadesere olonjanja vialua wa liyaka la Tou) kuenje eye wa nena ovikuata viñi viñi viulu, viopalata kuenda viosipi. 11 Soma Daviti wa kolisa ovina viaco ku Yehova+ kumue lopalata kuenda ulu eye a pundile kolofeka viosi okuti: ko Edome lo ko Moavi, ku va Amoni,+ ku va Filisiti+ kuenda ku va Amaleke.+

12 Avisiai+ omõla a Seruya+ wa kundula 18.000 ya va Edome Vocimbota Comongua.+ 13 Eye wa kapa asualali ko Edome kuenje va Edome vosi va linga akuenje va Daviti.+ Yehova wa eca ku Daviti eyulo* kuosi eye a enda.+ 14 Daviti wamamako oku viala o Isareli+ yosi kuenje wa tumbika esunga kuenda esunguluko komanu vaye vosi.+ 15 Yoava omõla a Seruya wa kala usongui wolohoka,+ Yehosafata+ omõla a Ahilude wa kala ulomboluili, 16 Sadoke omõla a Ahituva la Ahimeleke omõla a Aviyatare, va kala ovitunda kuenda Siavisia wa kala usonehi. 17 Benaya omõla a Yehoyada, wa kala usongui wa va Kereti+ la va Peleti+ kuenje omãla va Daviti va kala asongui va velapo va soma.

19 Noke liovina viaco, Nahase soma ya va Amoni wa fa kuenje omõlaye wa linga osoma pomangu yaye.+ 2 Noke Daviti wa popia hati: “Ndi ka lekisa ocisola ka ci pongoloka+ ku Hanuni omõla a Nahase, momo isiaye wa lekisa ocisola ka ci pongoloka kokuange.” Omo liaco, Daviti wa tuma olomunga oco vo lembeleke omo liolofa via isiaye. Pole, eci akuenje va Daviti va pitĩla vofeka ya va Amoni+ oco va lembeleke Hanuni, 3 olombuale via va Amoni via sapuila Hanuni viti: “Ove o sima hẽ okuti, Daviti o kasi oku lekisa esumbilo ku isiove poku ku tumisa vakuakulembeleka? Akuenje vaye ka veyilile hẽ oco va konomuise lutate, oku ku yula loku kũlĩhĩsa ofeka?” 4 Omo liaco, Hanuni wa kuata akuenje va Daviti+ kuenda wa va teta olonjele, wa tetavo ovowalo avo pokati toke vatako avo kuenje wa va tuma oku enda. 5 Eci Daviti vo sapuila ovina via pita lalume vaco, vepuluvi liaco, wa tuma alume vakuavo oku ka liñualẽhela lavo, momo alume vaco va kutisiwa osõi yalua; kuenje soma wa va sapuila hati: “Kali vo Yeriko+ toke eci olonjele viene vi kula vali, noke tiuki.”

6 Vokuenda kuotembo, va Amoni va limbuka okuti va suvukiwa la Daviti, omo liaco, Hanuni la va Amoni va tuma 1.000 kolotalendo* viopalata oco va pañinye akãlu uyaki kuenda vakuakuendela kolokavalu ko Mesopotamia,* ko Arama-Maaka lo ko Sova.+ 7 Omo liaco, va pañinya 32.000 kakãlu uyaki, kumue la soma yo Mahaka kuenda omanu vaye. Noke ovo veya kuenda va tunga ocilombo kovaso a Medeva.+ Va Amoni va tunda valupale avo kuenda va liongoluila pamosi oco va linge uyaki.

8 Eci Daviti a yeva ovina viaco, wa tuma Yoava+ kuenda olohoka viosi oku kongelamo asualali vaye va pamapo vali.+ 9 Va Amoni va tunda kuenda va lipongiya ndovimunga viasualali puvelo wolupale osimbu olosoma vina vieya via kala vusenge.

10 Eci Yoava a limbuka okuti asualali va kala oku iya kokuaye kovaso lo konyima, eye wa nõla vamue pokati kasualali va velapo vo ko Isareli kuenda wa va pongiya ndovimunga viasualali oco va liyake la va Suria.+ 11 Eye wa kapa alume vakuavo oco va songuiwe* la manjaye Avisiai+ okuti, o va pongiya ndovimunga viasualali oco va liyake la va Amoni. 12 Noke eye wa popia hati: “Nda va Suria+ va pamapo vali calua okuti ame ci sule, enju oco o ndi kuatise; pole, nda va Amoni va pamapo vali calua okuti ove ci sule, ndiya oku ku kuatisa. 13 Tu sukila oku pama loku kuata utõi+ oco tu kuatise omanu vetu, lalupale a Suku yetu kuenda Yehova o ka linga eci ciwa kovaso aye.”

14 Noke Yoava kumue lalume vaye vamako oco va liyake la va Suria kuenje va Suria va tila kovaso aye.+ 15 Eci va Amoni va limbuka okuti va Suria va tila, ovo va tilavo Avisiai manji a Yoava kuenje va iñila volupale. Noke liovina viaco, Yoava weya ko Yerusalãi.

16 Eci va Suria va limbuka okuti va yuliwa la va Isareli, va tuma olomunga oco va kovonge va Suria va kala vimbo Liolui*+ kuenje va kala oku songuiwa la Siofake usongui wolohoka via Hadadesere.+

17 Eci va ci sapuila ku Daviti vepuluvi liaco, eye wongolola o Isareli yosi kuenda wa yoka o Yordão kuenje weya kokuavo loku lipongiya ndovimunga viasualali poku liyaka lavo. Daviti wa lipongiya ndovimunga viasualali oco a lisange la va Suria kuenje va liyaka laye.+ 18 Pole, va Suria va tila va Isareli; kuenda Daviti wa ponda 7.000 kalume vakuakuendisa akãlu kuenda 40.000 kasualali a va Suria vakuakuendela posi kuenda wa ponda Siofake usongui wolohoka. 19 Eci akuenje va Hadadesere va limbuka okuti va yuliwa lo Isareli,+ haico va linga ombembua la Daviti kuenje va linga apika vaye;+ noke o Suria ka ya yonguile vali oku kuatisa va Amoni.

20 Kefetikilo liunyamo* okuti, oyo otembo olosoma via siata oku enda kuyaki, Yoava+ wa songuila olohoka kuenda wa kundula ofeka ya va Amoni; eye wa enda kuenda wa ñuala ocingonja o Raba,+ osimbu Daviti a kala vo Yerusalãi.+ Yoava wa katukila o Raba kuenda wa yi kundula.+ 2 Noke Daviti wopa ekolowa kutue wa Malikama* kuenda wa limbuka okuti, ekolowa liaco lia kuatele ocilemo cotalendo* yimosi yulu kuenda vekolowa liaco, mua kala ovawe a tĩla; kuenje lia kapiwa kutue wa Daviti. Eye wa tikulavo ovina vialua via pundiwa volupale.+ 3 Kuenje eye wopa omanu va kalamo, wa va kapa koku linga upange+ woku songa ovawe, oku talavaya lovimalẽho viutale via tua kuenda lolondiaviti. Eci oco Daviti a linga lalupale osi a va Amoni. Noke Daviti lasualali vaye vosi va tiukila ko Yerusalãi.

4 Noke liovina viaco, uyaki wa fetika pokati ka va Isareli la va Filisiti ko Gesere. Vokuenda kuotembo yaco, Sibekai+ u Husiati wa ponda Sipai, una wa kala ocitumbulukila ca Refayimi+ kuenda va Filisiti va yuliwa.

5 Kua kala vali uyaki la va Filisiti kuenje Elihanana omõla a Yairi wa ponda Lahimi manji a Goliata+ u Giti una okuti, unga waye wa kuatele ocikundo cimue ca kala ndomakina ya vakuakupota.+

6 Kueya vali uyaki ko Gati+ kuna kua kala ulume umue unene calua okuti,+ eka leka lia kuatele ovimuine 6 kuenda omãhi lomãhi ya kuatelevo ovimuine 6 okuti vo cosi wa kuatele 24 kovimuine; eye wa kalavo ukuacitumbulukila ca Refayimi.+ 7 Eye wa enda oku sepula+ Isareli. Kuenje Yonatão omõla a Simea+ okuti, manji a Daviti wa ponda ulume waco.

8 Alume vaco va kala ovitumbulukila via Refayimi+ ko Gati+ kuenje Daviti kumue lakuenje vaye va va ponda.

21 Noke Satana* wa nõlapo oku katukila o Isareli kuenda wa vetiya Daviti oco a tende o Isareli.+ 2 Omo liaco, Daviti wa sapuila Yoava+ lasongui vomanu hati: “Kuendi, tendi o Isareli oku upisa ko Beresieva toke ko Dani;+ noke ndi sapuili oco ndi kũlĩhe etendelo liavo.” 3 Pole, Yoava wa popia hati: “Yehova a vokiye omanu vaye ci soka 100 kolonjanja! A ñala yange a soma, vosi yavo hakuenjeko hẽ va ñala yange? Momo lie ñala yange a yonguila oku ci linga? Momo lie eye a nenela eko limue ko Isareli?”

4 Pole, ondaka ya soma ya yula ondaka ya Yoava. Kuenje Yoava wa tunda kuenda wa linga ungende ko Isareli, noke liovina viaco, weya ko Yerusalãi.+ 5 Yoava wa eca ku Daviti etendelo liomanu vana va sonehiwa. O Isareli yosi ya tẽla 1.100.000 kalume va limalẽha lolosipata kuenda o Yuda ya tẽla 470.000 kalume va limalẽha lolosipata.+ 6 Pole, ovikoti via Lewi levi via Benjamini ka via sonehiwile pokati kavo,+ momo ondaka ya soma ka ya sungulukile ku Yoava.+

7 Ovina viaco via sumuisa Suku yocili kuenje eye wa yambula o Isareli. 8 Noke Daviti wa sapuila Suku yocili hati: “Nda linga ekandu+ linene omo lieci nda linga. Kaliye linga ohenda, ecela oku lueya kukuenje wove,+ momo eci nda linga uveke.”+ 9 Kuenje Yehova wa popia la Gadi+ una wa enda oku sapuila ku Daviti ovinjonde via tunda ku Suku hati: 10 “Kuende, sapuila Daviti hati: ‘Ca popia Yehova ceci hati: “Ndi laika oku eca kokuove ayambulo atatu. Nõla eli ndi laika oku nena kokuove.”’” 11 Omo liaco, Gadi weya ku Daviti kuenda wo sapuila hati: “Ca popia Yehova ceci hati: ‘Nõla eci o yongola 12 nda ku kala anyamo atatu onjala,+ nda olosãi vitatu okuti o yuliwa lovanyãli vove osimbu osipata yovanyãli vove yi ku katukila,+ ale nda oloneke vitatu vieyambulo losipata ya Yehova osimbu ku kala efengi vofeka+ kuenje ungelo wa Yehova o nena ekundu+ kocikanjo cosi ca Isareli.’ Kaliye sokolola ketambululo ndi ka eca ku Una wa numa.” 13 Omo liaco, Daviti wa sapuila Gadi hati: “Eci ca tĩla calua kokuange. Mange ohenda, hĩse ndi kupukile peka lia Yehova, momo ohenda yaye yalua calua;+ pole, ku ka ecelele okuti ndi kupukila peka liomunu.”+

14 Noke Yehova wa tuma efengi+ limue vo Isareli kuenje kua fa 70.000 komanu va Isareli.+ 15 Handi vali, Suku yocili wa tuma ungelo umue ko Yerusalãi oco a yi kundule; pole, eci a laikele oku ci linga, Yehova wa ci mola kuenda wa livela* omo liefengi liaco+ kuenje wa sapuila ungelo wa laikele oku nena enyõleho liaco hati: “Ci tẽla!+ Eka liove li liwekepo.” Ungelo wa Yehova wa talama ocipepi locimbandi ca Orinane+ u Yevusi.+

16 Eci Daviti a petula ovaso aye, wa mola okuti ungelo wa Yehova o tãi pokati kongongo lovailu losipata+ yimue peka okuti, wa yolũila ko Yerusalãi. Daviti kumue lakulu va li sikĩlĩla locikelẽyi+ kuenda vepuluvi liaco, va petamisa ovipala viavo posi.+ 17 Daviti wa sapuila Suku yocili hati: “Hameko hẽ nda tuma oku tenda omanu? Ame, ame nda linga ekandu kuenda ame nda lueya;+ pole, olomeme evi nye via linga? A Yehova Suku yange, mange ohenda, eka liove li mbuile ame kuenda vakuanjo ya isiange; pole, ku ka nene efengi eli komanu vove.”+

18 Noke ungelo wa Yehova wa tuma Gadi+ oco a sapuile Daviti oku lamana loku tungila Yehova utala umue pocimbandi ca Orinane u Yevusi.+ 19 Omo liaco, Daviti wa lamana ndondaka ya Gadi, yina eye a popela vonduko ya Yehova. 20 Vepuluvi liaco, Orinane wa ñualapo yu wa mola ungelo kuenje omãla vaye vakuãla vana va kala laye va salama. Orinane wa kala oku sasa otiliku. 21 Eci Daviti a pitĩla kokuaye, Orinane wa vanja, yu wa mõla Daviti kuenje vepuluvi liaco, wa tunda pocimbandi kuenda wa kekamẽla Daviti locipala caye posi. 22 Daviti wa sapuila Orinane hati: “Ndandise* ocitumãlo co pocimbandi oco nungilepo Yehova utala. Ci ndandise vondando yaco yosi, oco efengi li kasi pokati komanu li imũhe.”+ 23 Pole, Orinane wa sapuila Daviti hati: “Ci kale cove kuenda ñala yange soma a linge eci co sungulukila.* Ñasi oku eca olongombe viovilumba vioku pia elisi lomakina yoku sasa+ oco yi linge olohũi kuenda otiliku ndocilumba colomema. Ame ndi vi eca viosi.”

24 Pole, Soma Daviti wa sapuila Orinane hati: “Sio, ndi sukila oku ci landa vondando yaco yosi, momo si tambula ocina cove loku ceca ku Yehova ale oku eca ocilumba coku pia elisi okuti, si feti cimue.”+ 25 Omo liaco, Daviti wa eca 600 kolosiekele* viulu ku Orinane ndomo ci likuata locitumãlo caco. 26 Kuenje Daviti wa tungila Yehova utala+ pocitumãlo caco kuenda wa eca ovilumba vioku pia elisi lovilumba viombembua kuenje wa vilikiya ku Yehova una wo tambulula poku tuma ondalu+ oku upisa kovailu kilu liutala wocilumba coku pia elisi. 27 Noke Yehova wa handeleka ungelo+ oco a tiuwiye osipata yaye vocilalo cayo. 28 Kotembo yaco, eci Daviti a mola okuti Yehova wo tambuluila pocimbandi ca Orinane u Yevusi, eye wamamako oku lumbila pocitumãlo caco. 29 Otavernakulu ya Yehova yina Mose a tungile vekalasoko kuenda utala wocilumba coku pia elisi, kotembo yaco, via kala pocitumãlo ci kola ko Giveone.+ 30 Pole, Daviti ka tẽlele oku enda kocitumãlo caco oco a kũlĩhĩse Suku, momo wa kala lusumba walua, omo liosipata yungelo wa Yehova.

22 Daviti wa popia hati: “Palo opo pa ka kala onjo ya Yehova Suku yocili kuenda palo opo pa ka kala utala una va Isareli va ka ecaila ovilumba vioku pia elisi.”+

2 Noke Daviti wa handeleka oku ongolola ovingendeleyi via kala+ vofeka yo Isareli kuenje wa eca kokuavo ocikele coku kala vakuakuteta ovawe oco va tete loku pongiya ovawe oku tunga onjo ya Suku yocili.+ 3 Daviti wa pongiyavo utale walua woku panga olopeleko viapito olombundi kuenda ovitokeko, losipi yalua okuti ka ca tẽliwile oku yi pesalisa,+ 4 handi vali, wa pongiyavo avaya alua osedru,+ momo va Sidono+ la va Turo+ va nenele etendelo lialua liavaya osedru ku Daviti. 5 Kuenje Daviti wa popia hati: “Omõlange Salomone handi umalẽhe, ka kuete uloño*+ walua kuenda onjo yi tungilua Yehova, yi sukila oku posoka calua+ oco okuti ekemãlo liayo lulamba+ wayo vi kũlĩhĩwa kolofeka viosi.+ Kuenje ame ndu pongiyilako.” Omo liaco, Daviti wa pongiya ovikuata vialua osimbu ka file.

6 Noke eye wa vilikiya Salomone omõlaye kuenda wo handeleka oco a tungile onjo yimue Yehova Suku ya Isareli. 7 Daviti wa sapuila omõlaye Salomone hati: “Onjongole yange yo vutima, ya kala yoku tunga onjo yimue yeca esivayo konduko ya Yehova Suku yange.+ 8 Pole, ondaka ya Yehova yeya kokuange yiti: ‘Ove wa pesela osonde yalua kuenda wa linga ovoyaki anene. Ku ka tunga onjo yimue yeca esivayo konduko yange,+ momo wa pesela osonde yalua kilu lieve kovaso ange. 9 Tala! Ove o ka kuata omõla+ umue o ka kala ulume umue ukuambembua* kuenje ndi ka eca kokuaye epuyuko kovanyãli vaye vosi vo ñuala,+ onduko yaye yi ka kala Salomone*+ kuenda koloneke viaye ndi ka eca ombembua lekavuluko ko Isareli.+ 10 Eye, eye o ka tunga onjo yimue yeca esivayo konduko yange.+ Eye o ka kala omõlange kuenda ame ndi ka kala isiaye.+ Ndi ka kolisa ocalo cusoma waye ko Isareli otembo ka yi pui.’+

11 “Kaliye amõlange, Yehova a kale love oco o sumũlũhe loku tunga onjo ya Yehova Suku yove, ndeci eye a popia catiamẽla kokuove.+ 12 Yehova a ku ĩhe olondunge lelomboloko+ eci a ka ku ĩha omoko yoku viala o Isareli oco o lave ocihandeleko ca Yehova Suku yove.+ 13 Kuenje o ka sumũlũha nda wa pokola kovisila+ kuenda koviholo vina Yehova a handelekele Mose oku eca ku Isareli.+ Kuata utõi kuenda pama. Ku ka kuate usumba ale oku yokoka.+ 14 Lelikolisilo lialua, nda pongiyila onjo ya Yehova 100.000 kolotalendo* viulu, 1.000.000 kolotalendo viopalata kuenda etendelo lialua liosipi, lutale+ okuti ka ca tavele oku vi pesalisa kuenda nda pongiyavo avaya lovawe,+ pole, ove o ka vokiya kovina viaco. 15 O kuete etendelo lialua liolondingupange ndeci: Vakuakuteta ovawe,+ vakuakutunga, olokalupindelu kuenda olomesele viosi via loñoloha kovopange.+ 16 Etendelo liulu, opalata, osipi kuenda utale, ka via tẽliwile oku vi tenda.+ Votoka, fetika upange kuenda Yehova a kale love.”+

17 Noke Daviti wa handeleka olombuale viosi vio ko Isareli, oco vi kuatise omõlaye Salomone poku popia hati: 18 “Yehova Suku yene ka kasi hẽ pokati kene kuenda ka ecele hẽ kokuene epuyuko kovanyãli vene vosi vo ñuali? Momo eye wa eca peka liange olonungi viofeka kuenda ofeka yaco ya pokuisua kovaso a Yehova lo kovaso omanu vaye. 19 Kaliye lutima wene wosi, lomuenyo wene wosi nõlipo oku sanda Yehova Suku yene+ kuenda fetiki oku tunga ocitumãlo ci kola ca Yehova Suku yocili,+ oco vu neni ocikasia covisila via Yehova kuenda ovikuata vi kola via Suku yocili+ vonjo yi laika oku tungiwa yeca esivayo konduko ya Yehova.”+

23 Eci Daviti a kuka haeye wa kala oku panda koku fa,* wa tumbika Salomone kuviali oco a linge osoma yo Isareli.+ 2 Kuenje wongolola olombuale viosi vio Isareli, ovitunda+ kuenda va Lewi.+ 3 Va Lewi vosi va kuatele 30 kanyamo lava va pitahãlamo va tendiwa+ ulume lulume. Kuenje etendelo liavo, lia tẽla 38.000. 4 Pokati kavo 24.000 va kuatele ocikele coku songola upange wonjo ya Yehova, 6.000 va kala asongui kuenda olonganji,+ 5 kua kalavo 4.000 vakualombundi+ kuenda 4.000 va enda oku eca esivayo+ ku Yehova lovisikilo vina Daviti a popele hati: “Nda vi pongiyila oku eca lavio esivayo.”

6 Noke Daviti wa va tepa vovimunga+ ndomo ci likuata lomãla va Lewi okuti: Gerisiono, Kohata kuenda Merari.+ 7 Ku va Gerisiono kua kala Laadana kuenda Simei. 8 Omãla va Laadana va kala Yehiyele usongui, Setama kuenda Yoeli+ okuti, vatatu. 9 Omãla va Simei va kala Selomoti, Hasiyele kuenda Harane okuti, vatatu. Ava ovo va kala asongui volonjo via va isia via Laadana. 10 Omãla va Simei va kala Yahate, Sina, Yewusi kuenda Beriya. Kakuãla kavo va kala omãla va Simei. 11 Yahate wa kala usongui kuenda Sisa wa kala wavali. Pole, omo okuti Yewusi la Beriya ka va kuatele omãla valua, va tendiwile okuti, vakuanjo yimosi kuenda va kuatele ocikele cimuamue.

12 Omãla va Kohata va kala Amirama, Yicihare,+ Hevirone la Usiyele+ okuti, vakuãla. 13 Omãla va Amirama va kala Arone+ la Mose.+ Pole, Arone wa tepiwa ku vakuavo,+ ha kolisa Ohondo yi Kola Koku Kola, eye kumue lomãla vaye, oco va ece ovilumba kovaso a Yehova, oku u vumba loku tukula asumũlũho vonduko yaye otembo yosi.+ 14 Catiamẽla ku Mose, ukuenje wa Suku yocili, omãla vaye va tendiwile vocikoti ca va Lewi. 15 Omãla va Mose va kala Gerisiomo+ la Eliyesere.+ 16 Pokati komãla va Gerisiomo, Sevuele+ eye wa kala usongui. 17 Kovitumbulukila* via Eliyesere, Rehaviya+ eye wa kala usongui; Eliyesere ka kuatele vali omãla vakuavo, pole, Rehaviya wa kuatele omãla valua. 18 Pokati komãla va Yicihare,+ Selomiti+ eye wa kala usongui. 19 Omãla va Hevirone va kala Yeriya okuti, usongui kuenda Amariya eye wa kala wavali, Yahasiele watatu kuenda Yekameama+ wakuãla. 20 Omãla va Usiyele+ va kala Mika usongui kuenda Yisiya eye wa kala wavali.

21 Omãla va Merari va kala Mahili la Musi.+ Omãla va Mahili va kala Eleasara la Kisi. 22 Eleasara wa fa okuti, ka kuatele omãla valume, pole, wa kuatele lika omãla vakãi. Kuenje omãla va Kisi vana va kala vakuepata* liavo va va kuela. 23 Omãla va Musi va kala Mahili, Edere kuenda Yeremote okuti, vatatu.

24 Ava ovo va kala omãla va Lewi va sonehiwa ndomo ci likuata lolonjo via va isiavo okuti, asongui volonjo via va isiavo. Va Lewi vana va kuatele 20 kanyamo lava va pitahãlamo va tendiwa loku tukuiwa kolonduko oco va linge upange wonjo ya Yehova. 25 Daviti wa popele hati: “Yehova Suku ya Isareli wa eca epuyuko komanu vaye+ kuenda o ka kala ko Yerusalãi otembo ka yi pui.+ 26 Handi vali, va Lewi ka va kambata vali otavernakulu ale ovikuata viupange va enda oku talavaya lavio kefendelo.”+ 27 Ndomo olonumbi via sulako via Daviti via lekisa, va Lewi vakuanyamo 20 lava va pitahãlamo, va tendiwa. 28 Ocikele cavo ca kala coku kuatisa omãla va Arone+ kupange wonjo ya Yehova loku tata ovitali, olohondo vioku lilamo,+ oku yelisa ovina vi kola kuenda upange wosi u sukiliwa vonjo ya Suku yocili. 29 Ovo va enda oku kuatisa oku linga olombolo via tumbikiwa,*+ osema ya fina yocilumba colomema, olombolo ka vi kuete etumbisa,+ olombolo via yokiwa pociyo, osema ya tengiwa lulela+ kuenda ovilemo viosi lolonjongo viosi. 30 Ovo va sukilile oku eca olopandu loku sivaya Yehova omẽle lomẽle+ kuenda oku ci lingavo koñolosi.+ 31 Ovo va enda oku kuatisa olonjanja viosi eci ovilumba vioku pia elisi vi lumbiwa ku Yehova Kasambata,+ koku molẽha kuosãi yokaliye+ kuenda kovipito via sokiyiwa,+ ndomo ci likuata letendelo lieci ca kisikiwile vovihandeleko kuenda va enda oku ci linga olonjanja viosi kovaso a Yehova. 32 Ovo va kuatelevo ovikele vioku tata ombalaka yohongele, locitumãlo ci kola kuenda oku kuatisa vamanjavo okuti omãla va Arone, kupange wonjo ya Yehova.

24 Kaliye ovimunga viovitumbulukila via Arone vievi: Omãla va Arone va kala Nadava, Avihu,+ Eleasara kuenda Itamare.+ 2 Pole, Nadava la Avihu va fa osimbu isiavo+ a kala komuenyo kuenda ka va kuatele omãla; pole, Eleasara+ la Itamare vamamako oku vumba ndovitunda. 3 Daviti kumue la Sadoke+ una watiamẽla komãla va Eleasara kuenda Ahimeleke una watiamẽla komãla va Itamare, wa va tepaisa vovimunga oco va tẽlise upange wavo. 4 Omo okuti omãla va Eleasara va kuatele asongui valua okuti, omãla va Itamare ci sule, ovo va va tepa ndoco: Omãla va Eleasara va kuatele 16 kasongui volonjo via va isiavo kuenda omãla va Itamare va kuatele 8 kasongui volonjo via va isiavo.

5 Handi vali, ovo va tepiwa locela,+ ocimunga locimunga, momo pa kala asongui va kuatele ocikele coku tata ocitumãlo ci kola kuenda asongui va enda oku vumba Suku yocili, ci kaile vomãla va Eleasara kuenda vomãla va Itamare. 6 Noke Semaya omõla a Netanele usonehi wa va Lewi, wa soneha olonduko viavo kovaso ya soma, yolombuale, ya Sadoke+ ocitunda, ya Ahimeleke+ omõla a Aviyatare+ kuenda kovaso yasongui volonjo via va isia viovitunda kuenda ya va Lewi. Kua enda oku nõliwa onjo yimue ya va isia ya Eleasara kuenda kua enda oku nõliwavo yimue ya Itamare.

7 Ocela catete ca kupukila ku Yehoyarive; cavali ku Yedaya, 8 catatu ku Harimi, cakuãla ku Seori, 9 catãlo ku Malikiya, cepandu ku Miyamine, 10 cepanduvali ku Hakosi, cecelãla ku Aviya,+ 11 cecea ku Yesiua, cekũi ku Sekaniya, 12 11 ku Eliasivi, 12 ku Yakimi, 13 13 ku Hupa, 14 ku Yeseveava, 14 15 ku Biliga, 16 ku Imere, 15 17 ku Hesiri, 18 ku Haficece, 16 19 ku Petahiya, 20 ku Yehesekele, 17 21 ku Yakini, 22 ku Gamulu, 18 23 ku Delaya, 24 ku Maasiya.

19 Evi ovio via kala ovikele viovopange avo+ eci va enda oku iñila vonjo ya Yehova ndomo ca siwa la kukululu yavo Arone, ndeci Yehova Suku ya va Isareli o handelekele.

20 Va Lewi va supilepo vava: pokati komãla va Amirama,+ pa kala Siuvaele;+ pokati komãla va Siuvaele, Yehideya; 21 ku Rehaviya:+ pokati komãla va Rehaviya, Yisiya usongui; 22 ku va Yicihare, Selomoti;+ pokati komãla va Selomoti, Yahate; 23 kuenda pokati komãla va Hevirone, Yeriya+ usongui, wavali Amariya, watatu Yahasiele, wakuãla Yekameama; 24 pokati komãla va Usiyele, Mika; pokati komãla va Mika, Siamiri. 25 Manji a Mika wa kala Yisiya; pokati komãla va Yisiya, Sakariya.

26 Omãla va Merari+ va kala Mahili la Musi; pokati komãla va Yahasiya, Beno. 27 Pokati kovitumbulukila via Merari: ku Yahasiya, pa kala Beno, Siohama, Sakuru kuenda Iviri; 28 ku Mahili, Eleasara okuti, ka kuatele omãla;+ 29 ku Kisi: omãla va Kisi, Yerahimele; 30 omãla va Musi va kala Mahili, Edere kuenda Yerimote.

Ava ovo va kala omãla va Lewi ndomo ci likuata lolonjo via va isiavo. 31 Ovo va imbavo ocela+ ndeci vamanjavo omãla va Arone va linga kovaso a Soma Daviti, a Sadoke, a Ahimeleke kuenda kasongui volonjo via va isia viovitunda kuenda ku va Lewi. Onjo ya va isia yukulu ya tatiwa lonjila yimuamue ndeyi yumalẽhe.

25 Handi vali, Daviti kuenda asongui vovimunga viupange, va nõla omãla vamue va Asafe, va Hemani kuenda va Yedutunu+ oco va vumbe loku imba owanji lolohalupa, lovikuata viovisikilo via pangiwa lovikolo+ kuenda lolosimbalu.+ Ulala walume wasongui va enda oku linga upange waco wowu, 2 pomãla va Asafe: Sakuru, Yosefe, Netaniya kuenda Asarela okuti, omãla va Asafe vana va kala oku songuiwa la Asafe, una wa enda oku imba owanji kovaso a soma. 3 Ku Yedutunu,+ omãla va Yedutunu: Gedeliya, Seri, Yesiaya, Simei, Hasiaviya kuenda Matitiya+ okuti, epandu, va songuiwile la isiavo Yedutunu una, wa enda oku imba owanji lohalupa, loku eca olopandu kuenda oku sivaya Yehova.+ 4 Ku Hemani,+ omãla va Hemani: Bukiya, Mataniya, Usiyele, Sevuele, Yerimote, Hananiya, Hanani, Eliata, Gidaliti, Romamitiesere, Yosibikasia, Maloti, Hotiri kuenda Mahasiote. 5 Vosi yavo va kala omãla va Hemani una ukuakusapuila soma ovinjonde viatiamẽla kolondaka via Suku yocili, oco a ece esivayo kokuaye; Suku yocili wa eca ku Hemani 14 komãla valume kuenda omãla 3 vakãi. 6 Vosi yavo va kala oku songuiwa la isiavo oco va imbile ovisungo vonjo ya Yehova lolosimbalu, lovikuata viovisikilo viovikolo kuenda lolohalupa+ oco va linge upange vonjo ya Suku yocili.

Soma wa kala oku songuila Asafe, Yedutunu kuenda Hemani.

7 Etendelo liavo kuenda lia vamanjavo va pindisiwile koku imbila ovisungo Yehova, vosi va loñolõhele, lia sokele 288. 8 Omo liaco, va imba ocela+ oco va ece ovikele kokuavo ci kaile kuava vatito kuenda kuava vanene, va loñolõha kuenda vana va kala oku lilongisa.

9 Ocela catete, ca kupukila Yosefe omõla a Asafe,+ cavali ca kupukila Gedeliya+ (eye la vamanjaye kuenda omãla vaye va kala 12); 10 catatu ca kupukila Sakuru+ lomãla vaye kuenda vamanjaye okuti 12; 11 ca kuãla ca kupukila Yiciri lomãla vaye kuenda vamanjaye okuti 12; 12 catãlo ca kupukila Netaniya+ lomãla vaye kuenda vamanjaye okuti 12; 13 cepandu ca kupukila Bukiya lomãla vaye kuenda vamanjaye okuti 12; 14 cepanduvali ca kupukila Yesiarela lomãla vaye kuenda vamanjaye okuti 12; 15 cecelãla ca kupukila Yesiaya lomãla vaye kuenda vamanjaye okuti 12; 16 cecea ca kupukila Mataniya lomãla vaye kuenda vamanjaye okuti 12; 17 cekũi ca kupukila Simei lomãla vaye kuenda vamanjaye okuti 12; 18 11 ca kupukila Asariele lomãla vaye kuenda vamanjaye okuti 12; 19 12 ca kupukila Hasiaviya lomãla vaye kuenda vamanjaye okuti 12; 20 13 ca kupukila Siuvaele+ lomãla vaye kuenda vamanjaye okuti 12; 21 14 ca kupukila Matitiya lomãla vaye kuenda vamanjaye okuti 12; 22 15 ca kupukila Yeremote lomãla vaye kuenda vamanjaye okuti 12; 23 16 ca kupukila Hananiya lomãla vaye kuenda vamanjaye okuti 12; 24 17 ca kupukila Yosibikasia lomãla vaye kuenda vamanjaye okuti 12; 25 18 ca kupukila Hanani lomãla vaye kuenda vamanjaye okuti 12; 26 19 ca kupukila Maloti lomãla vaye kuenda vamanjaye okuti 12; 27 20 ca kupukila Eliata lomãla vaye kuenda vamanjaye okuti 12; 28 21 ca kupukila Hotiri lomãla vaye kuenda vamanjaye okuti 12; 29 22 ca kupukila Gidaliti+ lomãla vaye kuenda vamanjaye okuti 12; 30 23 ca kupukila Mahasiote+ lomãla vaye kuenda vamanjaye okuti 12; 31 24 ca kupukila Romamitiesere+ lomãla vaye kuenda vamanjaye okuti 12.

26 Ovimunga viavakualombundi+ via kala ndoco: ku va Kora, kua kala Meselemiya+ omõla a Kore umue pokati komãla va Asafe. 2 Omãla va Meselemiya va kala: Sakariya okuti uveli, wavali Yediyaele, watatu Sevadiya wakuãla Yatiniyele, 3 watãlo Elami, wepandu Yehohanana, wepanduvali Eliyoenai. 4 Omãla va Ovede-Edome va kala: Semaya uveli, wavali Yehosavada, watatu Yowa, wakuãla Sakare, watãlo Netanele, 5 wepandu Amiyele, wepanduvali Isakare, wecelãla Peulitai; momo Suku wo sumũlũisile.

6 Komõlaye Semaya, kua citiwa omãla okuti va kala asongui volonjo via va isiavo, momo va kala alume va pama haivo va loñolõhele. 7 Omãla va Semaya va kala: Otini, Refaele, Ovede, la Elisavade; kuenda vamanjaye Elihu la Semakiya, va kalavo alume va loñolõhele. 8 Vosi yavo va kala omãla va Ovede-Edome; Ovo kumue lomãla vavo kuenda vamanjavo va kala alume va loñolõhele haivo vamia kovopange, kuenje ci soka 62 va tiamẽlele ku Ovede-Edome. 9 Meselemiya+ wa kuatele omãla kuenda vamanjaye, va soka 18 kalume va loñolõhele. 10 Hosa omõla a Merari wa kuatele omãla. Simiri eye wa kala usongui ndaño okuti haeyeko wa kala uveli, isiaye wo nõla oco a linge usongui, 11 wavali Hilikiya, watatu Tevaliya, wakuãla Sakariya. Omãla kuenda vamanji va Hosa va kala 13.

12 Asongui vovimunga via vakualombundi, va kuatele ovikele vioku linga ovopange vonjo ya Yehova, ndeci vamanjavo. 13 Va imba ocela+ pokati kolonjo via va isia, ci kaile kuava vatito ale vanene ndomo ci likuata lasongui va va isiavo oco va nõle u o laika oku kala pombundi lombundi. 14 Ocela co kutundilo ca kupukila ku Selemiya. Noke omõlaye Sakariya una wa kala ondunguli ya lunguka, vo wimbila ocela kuenje ocela caye ca kupukila konano. 15 Ovede-Edome wa kala lonepa yombuelo kuenda omãla vaye+ va tambula ocikele coku lava olosila. 16 Sefufama la Hosa+ va kala lonepa yutakelo ocipepi Lombundi Sialekete ocipepi lonjila yi lamana kuenda ocimunga colondavululi co konele yimue, ca lisoka locimunga colondavululi co konele yikuavo; 17 kutundilo kua kala epandu lia va Lewi; eteke leteke konano kua kala vakuãla, kombuelo vakuãla kuenda kolosila kua kala olondavululi vivali ocipepi lolondavululi vikuavo vivali;+ 18 kocindumba cutakelo kua kala olondavululi vikuãla vonjila+ kuenda vivali pocindumba. 19 Evi ovio via kala ovimunga via vakualombundi viomãla va Kora kuenda via va Merari.

20 Catiamẽla ku va Lewi, Ahiya eye wa kuatele ocikele coku tata ohondo yoku seleka ovokuasi vionjo ya Suku yocili kuenda ohondo yoku seleka ovokuasi viovina via kolisiwa.*+ 21 Pokati komãla va Laadana okuti, omãla vakuacitumbulukila ca Gerisiono, pa kala Yehiyeli wa kala umue pokati kasongui volonjo via va isia va tiamẽlele ku Laadana+ 22 kuenda omãla va Yehiyeli va kala, Setama la manjaye Yoeli. Ovo va kuatele ocikele coku tata ohondo yoku seleka ovokuasi vionjo ya Yehova.+ 23 Pokati ka va Amirama, va Yicihare, va Hevirone kuenda va Usiyele,+ 24 Sevuele omõla a Gerisiomo, omõla a Mose, wa kala usongui wolosila. 25 Catiamẽla ku vamanjaye, ku Eliyesere+ kua kala omõlaye Rehaviya,+ omõlaye Yesiaya, omõlaye Yorame, omõlaye Sikiri kuenda omõlaye Selomoti. 26 Selomoti la vamanjaye va kuatele ocikele coku tata ohondo yosi yoku seleka ovokuasi viovina via kolisiwa,+ vina Soma Daviti,+ lasongui volonjo via va isia,+ lasongui vohulukãi, lasongui vocita kuenda asongui volohoka va kolisa. 27 Ovo va kolisile ovikuata+ va punda+ kuyaki oco va semũlũle onjo ya Yehova; 28 kua kalavo ovina viosi via kolisiwa+ la Samuele ukuavinjonde, Saulu omõla a Kisi,+ Avinere omõla a Nere kuenda Yoava+ omõla a Seruya.+ Ovina viosi omunu umue a kolisa, via enda oku tatiwa la Selomiti kumue la vamanjaye.

29 Ku va Yicihare,+ Kenaniya kumue lomãla vaye va kuatele ocikele coku linga ovopange ofeka ndolombiali kuenda ndolonganji+ ko Isareli.

30 Ku va Hevirone,+ Hasiaviya la vamanjaye va sokele 1.700 kalume va loñolõha, va kuatele ocikele coku viala o Isareli konele yutakelo yo Yordão oco va tẽlise upange wosi wonjo ya Yehova lowu wa soma. 31 Ku va Hevirone, Yeriya+ wa kala usongui wa va Hevirone ndomo ci likuata lulala wocitumbulukila conjo ya va isiavo. Kunyamo 40 wuviali wa Daviti,+ kua lingiwa ekonomuiso limue kuenje pokati kavo pa sangiwa alume va pama haivo va loñolõha ko Yasere+ okuti, ko Gileada. 32 Vamanjaye va kala 2.700 kalume va loñolõha okuti, asongui volonjo via va isia. Omo liaco, Soma Daviti wa eca kokuavo omoko yoku songuila va Ruvene, va Gadi kuenda onepa yimue yocikoti ca va Manase, oco va tate ovina viosi via tiamẽla ku Suku yocili kuenda ku soma.

27 Evi ovio via kala ovimunga via va Isareli, vina via tiamẽlele kolohoka via soma.+ Vovimunga viaco, mua kongelele asongui vapata, asongui vohulukãi,+ asongui vocita kuenda asongui vana va kuatele ocikele coku tata ovimunga. Ocimunga locimunga ca kuata onjanja yayo vokuenda kunyamo kuenda vocimunga locimunga mua kala 24.000 kalume.

2 Vocimunga catete, kosãi yatete usongui wa kala Yasioveama+ omõla a Savidiyele kuenda vocimunga caye mua kala 24.000 kalume. 3 Pokati komãla va Peresi,+ eye wa kala usongui wa vakesongo vosi vovimunga va tambula ocikele coku talavaya kosãi yatete. 4 Vocimunga cosãi yavali, mua kala Dodai+ u Ahiho+ kumue locimunga caye kuenda Mikilote eye wa kala usongui kuenje vocimunga caye mua kala 24.000 kalume. 5 Usongui wocimunga catatu, wa nõliwa oku talavaya vokuenda kuosãi yatatu, wa kala Benaya,+ omõla a Yehoyada+ ocitunda ca velapo kuenda vocimunga caye mua kala 24.000 kalume. 6 Benaya wa kala esualali limue lia pama pokati kasualali akũi atatu haeye wa kala usongui wakũi atatu kuenda omõlaye Amisavada eye wa kala usongui wocimunga caco. 7 Usongui wocimunga cakuãla cosãi yakuãla, wa kala Asahele,+ manji+ a Yoava kuenje omõlaye Sevadiya eye wa kuamamo kuenda vocimunga caye mua kala 24.000 kalume. 8 Usongui wocimunga catãlo yosãi yatãlo, wa kala Siamihuta u Yisirahiya kuenda vocimunga caye mua kala 24.000 kalume. 9 Usongui wepandu, wosãi yepandu wa kala Ira+ omõla a Ikesi u Tekoa+ kuenda vocimunga caye mua kala 24.000 kalume. 10 Usongui wepanduvali, wosãi yepanduvali wa kala Helesi+ u Peloni umue pokati ka va Efarimi kuenda vocimunga caye mua kala 24.000 kalume. 11 Usongui wecelãla, wosãi yecelãla wa kala Sibekai+ u Husiati umue pokati ka va Sera+ kuenda vocimunga caye mua kala 24.000 kalume. 12 Usongui wecea, wosãi yecea wa kala Aviyesere+ u Anatote+ umue pokati ka va Benjamini kuenda vocimunga caye mua kala 24.000 kalume. 13 Usongui wekũi, wosãi yekũi wa kala Maharai+ u Netofa umue pokati ka va Sera+ kuenda vocimunga caye mua kala 24.000 kalume. 14 Usongui 11 wosãi 11, wa kala Benaya+ u Piratoni umue pokati komãla va Efarimi kuenda vocimunga caye mua kala 24.000 kalume. 15 Usongui 12 wosãi 12, wa kala Heldai u Netofa umue pokati ka va Otiniyele kuenda vocimunga caye mua kala 24.000 kalume.

16 Ava ovo va kala asongui vovikoti via Isareli: Wa va Ruvene wa kala Eliyesere omõla a Sikiri; wa va Simeone wa kala Sefatiya omõla a Mahaka; 17 wa va Lewi wa kala Hasiaviya omõla a Kemuele; wa Arone wa kala Sadoke; 18 wa Yuda wa kala Elihu,+ umue pokati ka vamanji a Daviti; wa Isakare wa kala Omiri omõla a Mingeli; 19 wa Sevulono wa kala Yisimaya omõla a Ovadiya; wa Nafitali wa kala Yerimote omõla a Asiriyele; 20 wa va Efarimi wa kala Hosea omõla a Asasiya; Yoeli omõla a Pedaya wa tiamẽlele konepa yimue yocikoti ca Manase; 21 konepa yimue yocikoti ca Manase ko Gileada, wa kala Ido, omõla a Sakariya; wa Benjamini wa kala Yahasiyele omõla a Avinere;+ 22 wa Dani wa kala Asariele omõla a Yerohama. Ava ovo va kala olombuale viovikoti via Isareli.

23 Daviti ka tendele vana va kuatele 20 kanyamo lava ka va pitĩlilemo, momo Yehova wa likuminyile oku luisa Isareli ndolombungululu vio kovailu.+ 24 Yoava omõla a Seruya wa fetika oku tenda, pole, ka malusuile oku ci linga; noke onyeño ya Suku ya wengukila Isareli* omo+ lioku tenda kuaco kuenda etendelo liaco, ka lia sonehiwile vulala wulandu wotembo ya Soma Daviti.

25 U wa kala oku songuila ohondo yoku seleka ovokuasi a soma,+ Asimawete omõla a Adiyele. Yonatão omõla a Usiya wa kala usongui wolosila* vovapia, valupale, vovaimbo kuenda volosapalalo. 26 U wa kala oku songuila ava va talavaya vepia loku lima osi, wa kala Esiri omõla a Keluvu. 27 Simei u Rama wa kuata ocikele coku tata oviumbo viayuva; Savidi u Sifimi wa kala usongui wolosila va enda oku seleka ovinyu. 28 U wa kuatele ocikele coku tata oviti violiveira+ kuenda oviti viakuyu ko Sefela+ wa kala Baale-Hanana u Gedere; kuenda u wa kala usongui wolosila viulela, wa kala Yoasi. 29 U wa kuatele ocikele coku tata oviunda via enda oku lisiwa ko Siarone,+ wa kala Sitirai u Siarone kuenda Siafata omõla a Adilai eye wa kuata ocikele coku songuila oviunda kovimbota.* 30 U wa kuatele ocikele coku tata olongamelo, wa kala Ovili u Isameli; u wa kuatele ocikele coku songuila ovimbulu,* wa kala Yehideya u Meronote. 31 U wa kuatele ocikele coku songuila oviunda violomeme wa kala Yasisi, u Hagere. Vosi ava va kala asongui ovokuasi a Soma Daviti.

32 Yonatão+ ocimumba ca Daviti wa kala ondunguli, ulume umue ukualondunge haeye usonehi. Yehiyele omõla a Hakimoni wa kuatele ocikele coku tata omãla va soma.+ 33 Ahitofele+ wa kala ondunguli ya soma kuenda Husiai+ u Ariki wa kala ekamba* lia soma. 34 Noke lia Ahitofele pa kala Yehoyada omõla a Benaya+ la Aviyatare;+ kuenda Yoava+ wa kala kesongo kolohoka via soma.

28 Daviti wongoluila ko Yerusalãi olombuale viosi vio Isareli: olombuale viovikoti, asongui vovimunga+ va kala oku talavayela soma, asongui vohulukãi, asongui vocita,+ asongui ovokuasi osi, loviunda via soma,+ levi viomãla vaye+ oku kongelamo va kesongo kolohoka kuenda alume vosi va pama haivo va loñolõha.+ 2 Kuenje Soma Daviti wa votoka loku popia hati:

“Njeveleli, a vamanjange kuenda amanu vange. Onjongole yange yo vutima, ya kala yoku tunga onjo yimue oco yi kale ocitumãlo cepuyuko cocikasia covisila via Yehova kuenda ociliatelo colomãhi via Suku yetu+ kuenje nda linga eliangiliyo lioku tunga.+ 3 Pole, Suku yocili wa ndi sapuila hati: ‘Ove ku ka tunga onjo yimue yeca esivayo konduko yange,+ momo wulume umue ukuavita kuenda wa pesela osonde.’+ 4 Pole, Yehova Suku ya Isareli wa ndi nõla pokati konjo yosi ya isiange, oco ndi linge osoma yo Isareli otembo ka yi pui,+ momo eye wa nõla Yuda ndusongui+ kuenda vonjo ya Yuda+ wa nõlamo onjo ya isiange, pomãla va isiange eye wa nõlapo ame oco a ndi lingise osoma yo Isareli yosi.+ 5 Omo okuti Yehova wa nyĩha omãla valua,+ pokati komãla vange vosi, eye wa nõlapo omõlange Salomone+ oco a tumãle komangu yusoma wa Yehova ko Isareli.+

6 “Eye wa ndi sapuila hati: ‘Omõlove Salomone eye o ka tunga onjo yange lovitali viange, momo ndo nõla ndomõlange kuenda ame ndi ka linga isiaye.+ 7 Ndi ka tumbika usoma waye otembo ka yi pui,+ nda eye wamamako oku kapako ovihandeleko viange lolonumbi viange,+ ndeci a kasi oku ci linga cilo.’ 8 Omo liaco, ndu sapuili kovaso yo Isareli yosi, ekongelo lia Yehova kuenda kovaso a Suku yetu siti: Pokoli lutate kuenda sandiliyi oku kũlĩha ovihandeleko viosi via Yehova Suku yene, oco wamamiko oku kala vofeka yiwa+ kuenje vu yeca ndocipiñalo ci kala otembo ka yi pui komãla vene.

9 “Love amõlange a Salomone, kũlĩha Suku ya isiove, u vumba lutima wosi*+ kuenda lomuenyo* wosi, momo Yehova o konomuisa ovitima viosi+ loku kũlĩhĩsa ovisimĩlo viosi.+ Nda o sanda, eye ecelela okuti ove u sanga,+ pole, nda wo yanduluka eye o ka ku likala otembo ka yi pui.+ 10 Tala, kaliye, Yehova wa ku nõla oco o tunge onjo yimue ndocitumãlo ci kola. Kuata utõi kuenda fetika upange.”

11 Noke Daviti wa eca komõlaye Salomone esokiyo liocindumba+ kuenda violohondo+ vialua via litepa, oku kongelamo olosila vioku seleka, olohondo vio kilu yosapalalo, olohondo viovokati kuenda ohondo yocituviko* cohenda.+ 12 Eye wa eca kokuaye esokiyo liovina viosi via situluiwa kokuaye lespiritu lia Suku okuti, viovitali+ vionjo ya Yehova, violohondo viosi vioku lila via ñualako, viohondo yoku seleka ovokuasi vionjo ya Suku yocili kuenda vohondo yoku seleka ovokuasi viovina via kolisiwa.*+ 13 Wa ecavo kokuaye olonumbi viatiamẽla kovimunga viovitunda+ kuenda via va Lewi lovina viosi viatiamẽla kupange wonjo ya Yehova kuenda ovikuata viosi viupange wonjo ya Yehova. 14 Eye wa tukulavo ocilemo culu okuti, ulu wovikuata viosi va laikele oku talavaya lavio kovopange a litepa, ocilemo covikuata viosi viopalata kuenda covikuata viosi va laikele oku talavaya lavio kovopange a litepa. 15 Wa tukulavo ocilemo coviyekelo violondiyelo viulu+ kuenda olondiyelo viaco viulu, ocilemo coviyekelo violondiyelo via litepa lolondiyelo viaco kuenda ocilemo coviyekelo violondiyelo viopalata, viociyekelo lociyekelo condiyelo kuenda olondiyelo viaco, ndomo ci likuata locimãho cavio. 16 Handi vali, wa tukula ocilemo culu wolomesa violombolo via tumbikiwa,*+ viomesa lomesa oku kongelamo opalata yolomesa viopalata, 17 ocilemo colongalufu, catiyela kuenda casanga ulu wa fina, locilemo catiyela atito ulu,+ cetiyela letiyela litito kuenda ocilemo catiyela atito opalata, cetiyela letiyela litito. 18 Eye wa ecavo ocilemo culu wa fina coku tunga utala wisensu+ kuenda wocindekaise cekãlu+ ndeci va keruvi+ vulu vana va nyanyumũla avava avo okuti a sikĩlĩla ocikasia covisila via Yehova. 19 Daviti wa popia hati: “Eka lia Yehova lia kala lame kuenda eye wa nyĩha olondunge oco ndi sonehe+ ovina viosi viesokiyo lioku tunga.”+

20 Noke Daviti wa sapuila omõlaye Salomone hati: “Kuata utõi, pama kuenda fetika upange. Ku ka kuate usumba ale oku yokoka, momo Yehova Suku, Suku yange o kasi love.+ Eye ka ka ku siapo, ale oku ku yanduluka,+ pole, eye o ka kala love toke eci upange wosi wonjo ya Yehova u pua. 21 Ovimunga viovitunda+ la va Lewi,+ vi kasi palo oco vi linge upange wosi wonjo ya Suku yocili. Ove o kuete olonalavayi vakuambili haivo va loñolõha koku linga ovopange osi,+ oku kongelamo olombuale+ kuenda omanu vosi vana va ka kuama olonumbi viove viosi.”

29 Noke Soma Daviti wa sapuila ekongelo liosi hati: “Omõlange Salomone una Suku a nõla,+ handi umalẽhe, haeye ka kuete uloño*+ walua kuenda upange walua momo oyo hanembeleko* yomunu, pole, ya Yehova Suku.+ 2 Ame nda likolisilako oku pongiya oco ku tungiwe onjo ya Suku yange poku angiliya ulu wupange wulu, opalata yupange wopalata, osipi yupange wosipi, utale wupange wutale,+ avaya wupange wavaya,+ ovawe o onixi kuenda ovawe oku laña lonata, ovawe atito oku finisa a kuete avala a litepa, ovawe añi añi a tĩla kuenda ovawe alua o alabastro. 3 Handi vali, omo liocisola ñuetele onjo ya Suku yange,+ kulivo ukuasi wange+ muẽle wulu lopalata vina ndi kasi oku eca konjo ya Suku yange, oco ndi vi vokiye kovina viosi nda pongiyila onjo yi kola, 4 oku kongelamo 3.000 kolotalendo* viulu vio ko Ofiri+ kuenda 7.000 kolotalendo viopalata via yenguluiwa oco va lañe lavio ovimano violonjo, 5 ulu wupange wulu kuenda opalata yupange wopalata lupange wosi wu lingiwa lolomesele. Kaliye helie o lieca olumue etaili lombanjaile yimue peka yoku eca ku Yehova?”+

6 Omo liaco, olombuale violonjo via va isia, lolombuale viovikoti via Isareli, lasongui vohulukãi, lasongui vocita+ kuenda asongui volomĩlu via soma,+ va lieca olumue. 7 Kuenje va eca kupange wonjo ya Suku yocili: 5.000 kolotalendo viulu, 10.000 kolodariku,* 10.000 kolotalendo viopalata, 18.000 kolotalendo viosipi kuenda 100.000 kolotalendo viutale. 8 Omunu wosi wa kuatele ovawe a tĩla wa aca vohondo yoku seleka ukuasi wonjo ya Yehova, una wa kala oku tatiwa la Yehiyele+ u Gerisiono.+ 9 Omanu va sanjukila oku eca olombanjaile viaco vi eciwa lutima wosi, momo va eca ovilumba viaco ku Yehova lutima wosi+ kuenda soma Daviti wa kuatavo esanju lialua.

10 Noke Daviti wa sivaya Yehova kovaso yekongelo liosi. Daviti wa popia hati: “A Yehova Suku ya isietu Isareli, o sesamẽla esivayo otembo ka yi pui.* 11 A Yehova, unene,+ lupami,+ lunumbu, leposo kuenda ulamba* viove,+ momo ovina viosi vi kasi kovailu kuenda posi viove.+ Usoma wove, a Yehova.+ Wa li lingisa ove muẽle utue womanu vosi. 12 Ovokuasi lulamba vi tunda kokuove+ kuenje ove o viala ovina viosi+ kuenda peka liove pali unene+ lupami+ kuenje eka liove li tẽla oku lingisa omunu wosi unene+ loku eca ongusu ku vosi.+ 13 Kaliye A Suku yetu, tu ku pandula loku sivaya onduko yove ya posoka.

14 “Ame helie kuenda omanu vange ovo velie okuti, tu sukila oku eca olombanjaile ndevi vi eciwa lutima wosi? Momo ovina viosi vi tunda kokuove, letu tua eca kokuove eci ca tunda peka liove muẽle. 15 Kovaso ove etu tuvingendeleyi kuenda tuakombe ndeci vakukululu vetu vosi.+ Momo oloneke vietu kilu lieve vi kasi ndulembo umue+ okuti ka u kuete elavoko. 16 A Yehova Suku yetu, ukuasi wosi owu tua pongiya oco tu tungile onjo yimue onduko yove yi kola, wa tunda peka liove muẽle kuenda wosi wa tiamẽla kokuove. 17 A Suku yange, ame nda kũlĩha ciwa okuti, ove o kũlĩhĩsa utima+ kuenda ove o sanjukila esunguluko.+ Vesunga* liutima wange, nda eca lutima wosi ovina viosi evi kuenda nda sanjukila oku mola omanu vove vana va kasi palo oku eca kokuove ovilumba vi eciwa lutima wosi. 18 A Yehova, Suku ya Avirahama, ya Isake kuenda ya Isareli vakukululu yetu, kapa onjongole eyi lovisimĩlo vovitima viomanu vove otembo ka yi pui kuenda songuila ovitima viavo kokuove.+ 19 Kuenje eca utima umue wa sunguluka*+ komõlange Salomone oco eye a pokole kovihandeleko viove,+ kolonumbi viove, koviholo viove kuenda a linge ovina evi viosi loku tunga onembele* yina ame nda lingila eliangiliyo.”+

20 Noke Daviti wa sapuila ekongelo liosi hati: “Kaliye sivayi Yehova Suku yene.” Kuenje ekongelo liosi lia sivaya Yehova Suku ya vakukululu yavo kuenda lia petama loku kekamẽla Yehova kuenda soma. 21 Ovo vamamako oku eca ovilumba ku Yehova kuenda ovilumba vioku pia elisi+ ku Yehova keteke lia kuamamo okuti 1.000 kolonãle, 1.000 kovitupi violomeme, 1.000 kovitupi viotulomeme kuenda ovilumba viavo vioku nyua;+ ovo va lumbilavo o Isareli yosi ovilumba vialua.+ 22 Keteke liaco, ovo vamamako oku lia loku nyua kovaso a Yehova lesanju lialua+ kuenje va lingisa Salomone omõla a Daviti osoma onjanja yavali loku u wavekela kovaso a Yehova ndusongui+ kuenda va wavekavo Sadoke ndocitunda.+ 23 Noke Salomone wa tumãla kocalo+ ca Yehova ndosoma oku piñainya isiaye Daviti kuenje eye wa litunda ciwa kuenda va Isareli vosi va enda oku pokola kokuaye. 24 Olombuale viosi,+ lasualali va pama+ kuenda omãla vosi va Soma Daviti+ va enda oku pokola ku soma Salomone. 25 Kuenje Yehova wa kemãlisa calua Salomone kovaso yo Isareli yosi kuenda wa eca kokuaye ulamba walua okuti layimue osoma ko Isareli ya u kuatele kosimbu.+

26 Omo liaco, Daviti omõla a Jese wa viala o Isareli yosi, 27 kuenda otembo* yuviali waye ko Isareli ya kala 40 kanyamo. Ko Hevirone eye wa vialako 7 kanyamo+ kuenda ko Yerusalãi wa vialako 33 kanyamo.+ 28 Kuenje eye wa fa noke yoku kala komuenyo otembo yalua+ loku sanjukila omuenyo walua,* lukuasi kuenda ulamba; kuenje omõlaye Salomone wa linga osoma pomangu yaye.+ 29 Ulandu wa Soma Daviti, tunde kefetikilo toke kesulilo, wa sonehiwa vovisonehua via Samuele ukuavinjonde, via Natana+ uprofeto kuenda via Gadi+ ukuavinjonde, 30 kumue lusoma waye wosi, upami waye kuenda ovolandu olotembo mua kongeliwa eye lo Isareli kuenda olosoma viosi vi sungueko.