OLOSAMO

1 Wa sumũlũha omunu ka endaenda lelungulo liondingaĩvi,

Kuenda ka talayama vonjila ya vakuakandu,+

Haeye ka tumãyala komangu ya vakuakupembula.+

 2 Pole, o sole calua ocihandeleko ca Yehova,+

Kuenda o sokolola ocihandeleko Caye utanya luteke.+

 3 Eye o ka kala nduti wa kũlĩwa ocipepi lolono viovava,

Uti waco wimaima apako votembo yawo,

 4 Olondingaĩvi ka vi kasi ndoco;

Ovio vi kasi ndovinene vi ambatiwa lofela.

 5 Eli olio esunga lieci olondingaĩvi ka vi kamamako oku talama vesombiso;+

Ndaño vakuakandu ka va kamamako oku talama vohongele ya vakuesunga.+

 6 Momo Yehova wa kũlĩha onjila yukuesunga,+

Pole, onjila yondingaĩvi yi ka nyõleha.+

2 Momo lie olofeka viosi via sakalalela

Kuenda omanu va lisiõsuĩla* ocina cimue caño?+

 2 Olosoma vio kilu lieve vi limolẽhisa ndovanyãli

Kuenda vakesongo va velapo va liongoluila* pamosi+

Oku katukila Yehova kuenda ombuavekua yaye.*+

 3 Ovo vati: “Tu tepi alienge ovo va tu kuta lao

Kuenda tu liupi ovikolo viavo!”

 4 Una o kasi kocalo caye kovailu o ka yola;

Yehova o ka va pembula.

 5 Kotembo yaco, eye o ka sapela lavo lonyeño yaye

Kuenda omo lionyeño yaye yalua ovo va ka sakalala,

 6 Eye o ka popia hati: “Ame muẽle nda tumbika osoma yange,+

Kuenje eye o kasi oku viala ko Siono,+ omunda yange yi kola.”

 7 Ndi sapula ocihandeleko ca Yehova;

Eye wa ndi sapuila hati: “Ove wumõlange;+

Etaili nda linga isiove.+

 8 Ndi pinge kuenje ndu ku ĩha olofeka viosi ndocipiñalo cove

Kuenda ongongo yosi ndocipiñalo cove.+

 9 Eci ove o ka viala, o ka kundula* olofeka,+

Kuenje o ka vi nyanyõla ndocimuanyũila cotuma.”+

10 Cilo ene alosoma, lekisi olondunge;

Ene alonganji viongongo, tavi kelungulo.*

11 Vumbi Yehova lesumbilo,

Sanjukili oku lekisa esumbilo.

12 Sumbili* omõla,+ sanga Suku* o ka tema

Kuenje vu fila vonjila,+

Momo onyeño Yaye yi wenguka lonjanga.

 3 Pole, ove A Yehova, o kasi oku ndi teyuila kolonele viosi+ ndociyepelo,

Ove wulamba wange+ kuenda o petula utue wange.+

 4 Ndi ka vilikiya Yehova lolukandi,

Kuenje eye o ka nambuluila oku upisa komunda yaye yi kola.+ (Sela)

 5 Ndi liyala posi kuenda ndi pekela otulo;

Kuenje ndi ka pasuka loku kolapo,

Momo Yehova amamako oku ndi kuatisa.+

 6 Si kuetele usumba ekũi liolohulukãi,

Vina via ndi ñuala kolonele viosi.+

Momo ove o ka veta ovanyãli vange vosi kolombanjo;

Ove o ka teya ovayo olondingaĩvi.+

 3 Kũlĩhi okuti, Yehova o ka tata lonjila yimue yilikasi omunu o pokola kokuaye;*

Yehova o ka yevelela eci ndu vilikiya.

 5 Lumbi ovilumba viesunga,

Kuenda koleli Yehova.+

 7 Ove wa yukisa utima wange lesanju lialua,

Okuti liomanu vana vongula olomema vialua kuenda ovinyu yokaliye li sule.

 8 Ndi ka liyala posi kuenda mekela lombembua,+

Momo A Yehova, ove lika o numãlisa apa pa koka.+

5 A Yehova, yevelela olondaka viange;+

Kuata elomboloko lioku leña leña kuange kuohali.

 2 Yevelela oku liyula kuange kuekuatiso,

A Soma yange kuenda a Suku yange, momo ndi likutilila kokuove.

 3 A Yehova, o ka yevelela ondaka yange komẽle;+

Komẽle ha ku sapuila esakalalo liange+ kuenda ndi talamẽla etambululo liove.

 4 Momo ove ku Sukuko yi sanjukila evĩho;+

Layimue ondingaĩvi yamamako oku kala love.+

Ove o suvuka omanu vosi va lingainga evĩho;+

 6 Ove o ka kundula vana va vangula ovohembi.+

 7 Pole, ame ndi ka iñila vonjo yove+ omo liocisola cove ca piãla haico ka ci pongoloka;+

Ndi ka kekamẽla kovaso yonembele yove yi kola* oco ndekise esumbilo lialua kokuove.+

 8 A Yehova, ndi songuile vesunga liove omo liovanyãli vange;

Ñuatise oku endela vonjila yove okuti, si lilondoka.+

 9 Momo lacimue ovo va popia okuti ci koleliwa;

Vokati kavo muli lika evĩho;

Enguli liavo eyambo limue li kasi upulule;

Ovo va eca epandiyo liesanda lelimi liavo.+

10 Pole, Suku o ka va pisa;

Asokiyo avo oku linga eci cĩvi, a ka va kokela oku kupuka.+

Va tundisiwe omo liakandu avo alua,

Momo ovo va ku sinĩla.

11 Pole, vosi vana va sanda eteyuilo kokuove, va ka sanjuka;+

Ovo va ka kaluka lonjolela otembo yosi.

Ove o ka va teyuila,

Kuenda vana va sole onduko yove, va ka sanjuka mekonda liove.

12 Momo ove A Yehova, o ka sumũlũisa vakuesunga;

Ove o ka lekisa ohenda kokuavo kuenda o ka va teyuila ndociyepelo cinene.+

6 A Yehova, ku ka ndi lungule vonyeño yove,

Kuenda ku ka ndi lemẽle vonyeño yove.+

 3 Ocili, ame nda sakalala calua,+

Kuenje A Yehova, ndu ku pula: “Ohali yange yi kamamako toke otembo yipi?+

 4 A Yehova, tiuka kuenda ndi yovole;+

Ndi popele mekonda liocisola cove ka ci pongoloka.+

 5 Momo koku fa ka kuli oku ku ivaluka;

Helie o ka ku sivaya Vonjembo?*+

 6 Nda kava calua omo lioku leña leña kuange;+

Ndi pita uteke wosi loku yulisa ula wange lasuẽlẽla;*

Njulisa omangu yange ya fina loku lila.+

 7 Ovaso ange a hongua omo liesumuo liange;+

A vuvala omo liomanu vosi va ndi talisa ohali.

 8 Nundi vosi yene alondingaĩvi,

Momo Yehova o ka yevelela ocileñi coku lila kuange.+

 9 Yehova o ka yeva epingilo liange liohenda;+

Yehova o ka tava ohutililo yange.

10 Ovanyãli vange vosi va ka kutisiwa osõi kuenda va ka sumua;

Ovo va ka tiuka ocipikipiki losõi.+

 2 Sanga ovo va ka ndi nyanyõla ndeci ohosi yi linga,+

Va ka ndi kuata okuti, ka ku kala laumue o ndi yovola.

 3 A Yehova Suku yange, nda nda linga cimue cĩvi,

Nda nda linga cimue okuti hacesungako,

 4 Nda nda linga cimue cĩvi komunu wa ndingila eci ciwa,+

Ale nda nda punda unyãli wange okuti, sia kuatele esunga lioku ci linga,*

 5 Unyãli umue a ndi landule loku ndi kuata;

Ecelela okuti, eye o kosela omuenyo wange kilu lieve

Kuenda a kokele ulamba wange oku nyõleha voneketela. (Sela)

 6 A Yehova, votoka vonyeño yove;

Tamalãla lonyeño yovanyãli vange;+

Katuka oco o ndi kuatise kuenda handeleka oco ku lingiwe esunga.+

 7 Olofeka vi ku ñuale;

Kuenda ove vi sombisa oku upisa kocalo cove.

A Yehova, ndi sombise ndomo ci likuata lesunga liange

Kuenda ndomo ci likuata lesunguluko liange.+

Pole, kuatisa vakuesunga,+

Momo ove wu Suku yesunga+ haive o kũlĩhĩsa ovitima+ kuenda ovisimĩlo via longa.*+

11 Suku eye Onganji yesunga,+

Kuenda Suku o sapula asombiso* aye eteke leteke.

12 Nda omunu umue ka likekembela+ Suku o lepika osipata yaye;+

Kuenda o lumbilila ohonji yaye loku yi pongiya.+

13 Eye o pongiya ovimãleho viaye vi ponda;

Eye o pongiya ovisongo viaye viondalu.+

14 Tali una wemina evĩho;

Eye omina ovitangi kuenje o cita ovohembi.+

15 Eye o fẽla ocitunu cimue loku ci lingisa okuti ci longa,

Pole, o kupukila vocitunu eye a fẽla.+

16 Ovitangi eye a koka vi tiukila kutue waye muẽle;+

Ungangala waye u tiukila kokuaye.

17 Ndi ka sivaya Yehova omo liesunga liaye;+

Ndi ka imba ovisungo viesivayo* vonduko ya Yehova+ Fũ.+

8 A Yehova Ñala yetu, onduko yove ya kemãla kuosi kilu lieve;

Ove wa tumbika eposo liove kupãla okuti ovailu a sule!*+

 2 Lolondaka vi tunda vomẽla womãla kuenda woloñaña,+ wa tumbika ongusu yove,

Mekonda liovanyãli vove,

Oco ũhise unyãli lukuakufetuluinya.

 3 Eci ndi vanja ovailu, ovopange ovaka* ove,

Osãi lolombungululu vina ove wa pongiya,+

 4 Omunu hẽ nye okuti ove amamako oku u sokolola,

Kuenda omõla womunu hẽ nye okuti ove u tata?+

 5 Ove wo lingisa okuti, ongusu yaye ka yi lui calua ndeyi ya vana va lisetahãla la Suku,*

Ove wo futisa lulamba kuenda leposo.

 6 Ove wo wĩha unene kovopange ovaka ove;+

Ove wa kapa ovina viosi vemẽhi liolomãhi viaye:

 7 Olomeme viosi lolongombe,

Kuenda ovinyama viovusenge,+

 8 Olonjila viovailu kuenda olõsi vio vokalunga,

Kuenda cosi ci liteva vokalunga.

9 A Yehova, ndi ka ku sivaya lutima wange wosi;

Ndi ka sapula eci catiamẽla kovopange ove osi a komõhisa.+

 2 Ndi ka sanjuka loku yolela kokuove;

A Suku Fũ, ndi ka imbila ovisungo viesivayo* onduko yove.+

 3 Eci ovanyãli vange va tiukila konyima,+

Ovo va ka lilondoka kuenda va ka nyõleha kovaso ove.

 4 Momo ove o nyĩha esunga kuenda o ndi teyuila;

O tumãla kocalo cove loku sombisa lesunga.+

 5 Ove wa lemẽla olofeka+ kuenda wa kundula olondingaĩvi,

Loku imũla onduko yavo otembo ka yi pui.

 6 Ovanyãli va kunduiwa pe;

Cimuamue haico ca lingiwa lalupale,

Kuenje onjivaluko yavo yosi yi ka nyõleha.+

 7 Pole, Yehova o kasi kocalo caye otembo ka yi pui;+

Eye wa tumbika ciwa ocalo caye oco a linge esunga.+

 8 Eye o ka sombisa lesunga ilu lieve;*+

Eye o ka sombisa olofeka ndomo ci likuata leci cesunga.+

 9 Yehova o ka kala ocitililo ca koka* ku vana va tala ohali,+

Ociteyuilo ca koka kotembo yohali.+

10 Vana va kũlĩha onduko yove va ka kolela kokuove;+

A Yehova, ove lalimue eteke o ka yanduluka vana va ku sanda.+

11 Imbili Yehova ovisungo viesivayo, una o kasi ko Siono;

Sapuli ovilinga viaye pokati komanu.+

12 Eye o ka ivaluka vana va tala ohali kuenda o ka fetuluinya osonde yavo;+

Eye ka ka ivalako oku liyula kua vana va tala ohali.+

13 A Yehova, lekisa ohenda kokuange; tala ohali yange ya kokiwa la vana va ndi suvuka,

Ove una o njupa kolombundi vioku fa,+

14 Oco ndi sapule ovilinga viove viesivayo polombundi viomõla ukãi a Siono,+

Loku sanjukila ovilinga viove viepopelo.+

15 Olofeka via kupukila vocitunu ovo muẽle va fẽla;

Olomãhi viavo muẽle via kuatiwa lowanda ovo va petuile ndociliva.+

17 Olondingaĩvi vi ka enda Konjembo,*

Lolofeka viosi vina via ivalako Suku.

18 Pole, ohukũi ka yi ka ivaliwa otembo ka yi pui;+

Ndaño elavoko liambombe lalimue eteke li ka nyõleha.+

20 A Yehova, va kokisa usumba,+

Olofeka vi kũlĩhe okuti ovo omanu vaño. (Sela)

 2 Ondingaĩvi omo liepela liaye, yi landula ava ka va kuete ekuatiso,+

Pole, yi ka kuatiwa vasokiyo ãvi oyo ya linga.+

 3 Momo ondingaĩvi yi lipandela olonjongole viaye muẽle+

Kuenda yi sumũlũisa ukuacipululu;*

נ [Nun]

Oyo ka yi sumbila Yehova.

 4 Ondingaĩvi voku lipanda kuayo ka yi lingi akonomuiso;

Ovisimĩlo viaye viosi viti: “Ka kuli Suku.”+

 5 Oyo yi litunda ciwa kovina yi linga,+

Ovihandeleko viove via velapo okuti, oyo ka yi tẽla oku kuata elomboloko liavio;+

Oyo yi pembula ovanyãli vaye vosi.

 6 Oyo yi popia vutima waye yiti: “Lalimue eteke ndi sengiwa;*

Kocitumbulukila locitumbulukila

Lalimue eteke ndi ka mola ohali.”+

 7 Vomẽla waye mueyuka asiñalo, ovohembi kuenda asaluiso;+

Kosi yelimi liayo kuli ovitangi kuenda ũvi.+

 8 Oyo yi lavekela vonutula ocipepi lovaimbo;

Oyo yi tunda pocitumãlo coku salama oco yi ponde omunu umue ka kuete eko.+

10 Omunu ka kuete eko o nyanyuiwa kuenda imbiwa posi;

Kuenje omunu wa hongua o kupukila peka liaye.

Omunu wa hongua o lupukila kokuove;+

Ove wuñuatisi yomõla ka kuete isia.*+

15 Teya okuokuo kuomunu ondingaĩvi haeye ũvi,+

Oco okuti eci o sandiliya ũvi waye,

Ku ka u sanga vali.

18 Ove o ka lingila esunga vana ka va kuete isia kuenda vana va talisiwa ohali,+

Oco okuti omunu wa pangiwa loneketela lalimue eteke a va kokela vali usumba.+

 2 Tala ndomo olondingaĩvi vi lumbilila ohonji;

Ovio vi kapa usongo vukolo wohonji,

Oco okuti vowelema ovio vi wimba ku vana va kuete utima wa suñama.

 3 Eci oviseveto* vi nyõliwa,

Nye ukuesunga a pondola oku linga?”

 5 Yehova o kũlĩhĩsa ukuesunga kuenda ondingaĩvi;+

Eye o suvuka omunu o sole ungangala.+

 6 Eye o ka kapela olonjanjo olondingaĩvi;

Ondalu lofuofuo,+ ofela lowuya walua, ovio onepa vi sukila oku nyua.

12 A Yehova, mopele, momo omunu o pokola ka kasiko vali;

Vana va koleliwa ka va kasi vali pokati komanu.

 2 Ovo va vangula ovohembi omunu lukuavo;

Ovo va eca epandiyo liesanda lomẽla* wavo kuenda va vangula lovitima vielimbi.*+

 3 Yehova o ka teta ovimẽla viosi vi eca epandiyo liesanda,

Kuenda elimi li lipanda calua,+

 4 Eye o ka kundula vana va popia vati: “Etu tu ka yula lalimi etu.

Tu talavaya lovimẽla vietu ndomo tua panga;

Helie o kala cime cetu?”+

 5 “Omo okuti olosuke vi talisiwa ohali,

Omo lioku leña leña kuohukũi,+

Ame ndi ka votoka” oco Yehova a popia.

 6 Olondaka via Yehova via lipua;+

Ovio vi kasi ndopalata ya kanguiwa vofolono yotuma* okuti, ya yelisiwa olonjanja epanduvali.

 7 A Yehova, ove o ka va lava;+

O ka teyuila omunu lomunu pokati kavo kocitumbulukila eci, otembo ka yi pui.

 8 Olondingaĩvi vi ñuala ñuala lelianjo

Momo omãla vomanu va sandeka evĩho.+

 2 Toke otembo yipi ndi ka kuata asakalalo,

Lesumuo vutima wange eteke leteke?

Eca ocinyi vovaso ange oco si ka pekele kolofa,

 4 Oco unyãli wange ka ka popie hati: “Ame ndo yula!”

 5 Catiamẽla kokuange, ndi kolela kocisola cove ka ci pongoloka;+

Utima wange u ka sanjukila ovilinga viove viepopelo.+

Ovilinga viavo vĩvi kuenda Suku o suvuka ovina ovo va linga;

Lomue o kasi oku linga eci ciwa.+

 2 Pole, Yehova oku upisa kilu, o vanja posi komãla vomanu

Oco a mole nda kuli umue o kuete olondunge, ale nda kuli umue o kasi oku sanda Yehova.+

 3 Vosi yavo va tinduka;+

Vosi yavo vakuavitukiko.

Lomue o kasi oku linga eci ciwa,

Ndaño umosi.

 5 Pole, va ka kuata usumba walua,+

Momo Yehova o kasi locitumbulukila ca vakuesunga.

 6 Ene vulondingaĩvi, vu seteka oku nyõla asokiyo ohukũi,

Pole, Yehova eye ocitililo caye.+

Eci Yehova ongolola vali omanu vaye va kala kumandekua,

Yakoba a yolele, Isareli a sanjuke.

 2 Te una endela vesunga,+

Haeye o linga eci ca sunguluka+

Kuenda o vangula ocili vutima waye.+

 3 Eye ka lundila lelimi liaye,+

Ka lingi eci cĩvi komunu a lisungue laye,+

Kuenda ka kutisa osõi akamba vaye.+

 4 Eye o likala una o pembuiwa la Suku,+

Pole, o sumbila vana va sumba Yehova.

 5 Eye ka levalisa olombongo viaye losindike,+

Kuenda ka tambula ovitukiko oco a pise omunu ka kuete eko.+

 3 Kuenje olosandu vi kasi kilu lieve,

Akuenje vove va ndi kokela esanju lialua.”+

Ame lalimue eteke ndi ka lumba ovilumba viosonde kokuavio,

Ndaño muẽle omẽla wange ka u ka tukula olonduko viavio.+

Kovaso yove* kuli esanju lialua;+

Peka liove liondio pali esanju otembo ka yi pui.

17 A Yehova, yevelela olondaka viange viesunga;

Yevelela oku liyula kuange kuekuatiso;

Yevelela ohutililo yange yi lingiwa locili.+

 2 Nõla onjila yimue yesunga vonduko yange;+

Ovaso ove a mole eci cesunga.

 3 Ove wa konomuisa utima wange, wa ñulĩhĩsa luteke;+

Ove wa ndi kanguisa;+

O ka limbuka okuti, ame sia sokiyile lacimue cĩvi,

Kuenda omẽla wange ka wa lingile ekandu.

 4 Catiamẽla kovopange omanu,

Ndomo ci likuata londaka yomẽla wove, ndi yuvula olonjila viocimunu.+

 5 Ecelela okuti olomãhi viange vi endela volonjila viove,

Oco olomãhi viange ka vi ka lilondoke.+

 7 Lekisa ocisola cove ka ci pongoloka lonjila yimue yi komõhisa+

Opopeli wa vana va sanda ocitililo peka liove liondio,

Poku tila vana va ku sinĩla,

 8 Ndi lave ndomõliso liove;+

Ndi vundise vulembo wavava ove.+

 9 Ndi lave kolondingaĩvi vi ñatukila,

Kovanyãli vange va ndi ñuala haivo va yongola oku ndi ponda.+

10 Ovitima viavo via tindila;*

Va vangula loku lipanda lomẽla wavo;

11 Kaliye ovo va tu ñuala ocingonja;+

Ovo va sanda epuluvi lioku tu kokela oku kupuka.*

12 Omunu lomunu pokati kavo o kasi ndohosi yi yongola oku nyanyõla ocinyama ya kuata,

Ndohosi yimue yumalẽhe yi kasi oku lavekela vonutula.

13 A Yehova, votoka oco u katukile+ loku u yula;

Mopele kondingaĩvi losipata yove;

14 A Yehova, mopele leka liove,

Komanu voluali lulo vana okuti, ocipiñalo cavo ci kasi komuenyo ulo,+

Vana ove o yukisa lovina viwa wa eca,+

Haivo va sia ocipiñalo cimue komãla vavo valua.

15 Catiamẽla kokuange, ndi ka mola ocipala cove vesunga;

Eci ndi pasuka oco ndu ku mole, ndi sanjuka.+

Suku yange eye ohanda yange+ muna ndi sanga ocitililo,

Haeye ociyepelo cange, ombinga* yange yepopelo* kuenda ocitililo cange ca koka.*+

 3 Ndi vilikiya Yehova una o sesamẽla esivayo,

Kuenje ndi ka popeliwa kovanyãli vange.+

 4 Ovikolo violofa via ndi ñuala;+

Alume ka va silivila okuti va kasi ndetande liya ocipikipiki, va ndi kokela usumba.+

 5 Ovikolo Vionjembo* via ndi ñuala;

Olofa via kapa onjanjo kovaso yange.+

 6 Vohali yange nda vilikiya ku Yehova,

Ndamamako oku liyuila ku Suku yange oku pinga ekuatiso.

Oku upisa konembele yaye, eye wa yeva ondaka yange,+

Kuenje oku liyula kuange kuoku pinga ekuatiso kokuaye kua yevala kovatũi aye.+

 7 Noke ongongo ya fetika oku lisenga senga loku luluma;+

Oviseveto violomunda via luluma

Kuenda via lisenga konyima lo kovaso, momo eye wa kala lonyeño yalua.+

 8 Owisi wa tunda vanyulu aye,

Kuenda ondalu yi nyõla ya tunda vomẽla waye;+

Akala ondalu a tunda kokuaye.

 9 Eye wa kokela ovailu oku petama osimbu eye a loka,+

Kuenda vemẽhi liolomãhi viaye mua kala owelema walua.+

11 Noke eye wa lisitika vowelema,+

Kolonele viaye viosi ndocivundilo cimue,

Kua kala ovava a tekãva kuenda alende a tekãva.+

12 Ocinyi ca liakuila kovaso aye,

Kuenda ociwe lakala ondalu via tunda valende.

13 Kuenje Yehova wa fetika oku lemĩla kovailu;+

Fũ wa yevalisa ondaka yaye+

Kua kala ociwe kuenda akala ondalu.

14 Eye wa imba ovisongo viaye loku sandola ovanyãli vange;+

Eye wa imba oviliakulo viaye kuenda wa va kapa vombuanja.+

15 Olono viovava via molẽha;+

Oviseveto viofeka via molẽhisiwa loku lemẽliwa kuove A Yehova,

Lefuimo lialua li tunda vanyulu ove.+

16 Eye wolõla eka liaye oku upisa kilu;

Eye wa ñuata kuenje wa njupa vovava a longa.+

17 Eye wa ndi yovola kunyãli wange wa pama,+

Ku vana va ndi nyãle haivo va pamẽle vali okuti, ame ci sule.+

18 Ovo va ndi katukila keteke liohali yange,+

Pole, Yehova eye wa ñuatisa.

19 Eye wa ngambata kocitumãlo cimue ca koka;*

Eye wa njovola, momo wa ndi sanjukila.+

20 Yehova o ndi sumũlũisa ndomo ci likuata lesunga liange;+

Eye o ndi feta, momo si kuete eko.+

21 Momo nda siata oku lava olonjila via Yehova,

Kuenda ame sia lingile ekandu lioku yanduluka Suku yange.

22 Asombiso aye osi a kasi kovaso ange;

Si ka likala oviholo viaye.

23 Ndi kamamako oku pua etondelo kovaso aye,+

Kuenda ndi kamamako oku yuvula ekandu.+

24 Yehova a ndi fete ndomo ci likuata lesunga liange,+

A ndi fete, momo nda pua eko.+

25 Ove o lekisa ocisola ka ci pongoloka ku una o lekisa ocisola ka ci pongoloka kokuove;+

Komunu wa pua etondelo, ove o li lekisa okuti wa pua etondelo;+

26 Komunu wa yela ove o li lekisavo okuti wa yela,+

Pole, komunu ohembi ku ecelela okuti o kembiwa.+

27 Momo ove o popela vana okuti olosuke*+

Pole, o kapa kutito vakuakulipanda.*+

28 A Yehova, ove o mĩha ondiyelo yange,

Suku yange eye una o mĩhila owelema wange.+

29 Lekuatiso liove, ndi pondola oku katukila ocimunga cimue covingumba;+

Lunene wa Suku, ndi pondola oku londa kocimbaka cimue.+

30 Onjila ya Suku yocili ya lipua;+

Olondaka via Yehova via lipua.*+

32 Suku yocili eye una o ndi pamisa,+

Kuenda o ka lingisa okuti onjila yange yi suñama.+

33 Olomãhi viange o vi lingisa ndevi viosonge;

Eye o ndi talamisa kovitumãlo via lepa.+

34 Eye o pindisa ovaka ange koku yaka;

Ovoko ange a pondola oku lumbilila ohonji yosipi.

35 Ove o nyĩha ociyepelo cove cepopelo,+

Eka liove liondio li ndi kuatisa,*

Kuenda umbombe wove u ndi muisa unene.+

36 Onjila yolomãhi viange o yi sanjavisa;

Olomãhi* viange ka vi ka sielena.+

37 Ndi ka landula ovanyãli vange loku va kuata;

Si ka tiuka toke eci ovo va kunduiwa.

38 Ndi ka va nyanyõla okuti, ka va tẽla oku votoka;+

Ovo va ka kupukila vemẽhi liolomãhi viange.

39 Ove o ka ndi malẽha longusu kuyaki;

Ove o ka lingisa okuti ovanyãli vange va kupukila vemẽhi liolomãhi viange.+

40 Ove o ka kokela ovanyãli vange oku ndi tila,*

Kuenda ndi ka kundula* vana va ndi suvuka.+

41 Ovo va kaluka oku pinga ekuatiso, pole, ka kuli laumue o va popela;

Toke muẽle va kalukila Yehova, pole, eye ka va tambulula.

42 Ndi ka va sula ndoneketela yo posi yambatiwa lofela;

Ndi ka va imba posamua ndolonata volokololo.

44 Omo liesapulo liaño ovo va ka ndi pokola;

Ovingendeleyi vi ka ndi kekamẽla lusumba.+

45 Ovingendeleyi vi ka pua utõi;*

Ovio vi ka tunda voviteyuilo viavo loku luluma.

47 Suku yocili o ndi fetuluinyilako;+

Eye o kokela omanu oku ndi pokola.

48 Eye o ndi yovola kovanyãli vange va tema;

Ove o ndi tulika kilu lia vana va ndi katukila;+

Ove o ndi popela komunu ongangala.

49 A Yehova, eli olio esunga lieci ndi ka ku sivayela pokati kolofeka,+

Kuenda njimbila onduko yove ovisungo viesivayo.*+

50 Eye o linga ovilinga vinene viepopelo* kosoma ya nõliwa laye;+

Eye o lekisa ocisola ka ci pongoloka kombuavekua yaye,+

Ku Daviti kuenda kocitumbulukila* caye otembo ka yi pui.+

19 Ovailu a sapula ulamba wa Suku;+

O-o a* sapula upange wovaka aye.+

 2 Eteke olio eteke olondaka viao vi tunda ndovava,

Kuenda uteke luteke a situlula ukũlĩhĩso watiamẽla kokuaye.

 3 Ka kuli upopi ndaño olondaka;

Ondaka yao ka yi yeviwa.

 4 Pole, ocileñi cao* ca pitĩla kilu lieve liosi,

Kuenda esapulo liao lia pitĩla toke kasulilo o kilu lieve.*+

Kovailu eye wa tungila ekumbi ombalaka yimue;

 5 Olio lia soka la sandombua okuti o nina eci a tunda vohondo yaye;

Olio li sanjuka ndomunu wa pama o lupukila vonjila yaye.

 6 Olio li tunda kesulilo limue liovailu,

Kuenda li ñuala toke kesulilo likuavo;+

Kuenje ka kuli ocitumãlo cimue okuti, owuya walio ka u pitĩlako.

 8 Olonumbi via Yehova via sunguluka, vi kokela utima oku sanjuka;+

Ovihandeleko via Yehova via li pua, vi eca olondunge komunu.+

10 O-o a velapo calua okuti ulu u sule,

A velapo vali okuti ulu walua wa fina* u sule,+

A sõsã vali okuti owiki u sule,+ ndaño owiki u loka loka kocingo.

11 A Suku, pocakati covihandeleko viove o longisa ukuenje wove oku yuvula onjila yĩvi;+

Oku vi kapako ku nena onima yalua.+

13 Tiula ukuenje wove kovilinga viepela;+

Ku ka ecelele okuti ovio vi ndi yula.+

Kuenje ndi pua etondelo,+

Si ka kuata eko liakandu anene.*

14 Olondaka viomẽla wange kuenda oku sokolola kuo vutima wange

Vi ku sanjuise+ A Yehova, a Handa yange,+ haive Wupopeli wange.+

 2 Eye a ku tumise ekuatiso oku upisa kocitumãlo ci kola+

Kuenda a ku kolise tunde ko Siono.+

 3 Eye a ivaluke ovilumba viove viosi;

Kuenda a tave ulela wocilumba cove coku pia elisi. (Sela)

 4 Eye a tẽlise olonjongole viutima wove+

Kuenda a lingise okuti asokiyo ove osi a tunda ciwa.

 5 Tu ka kaluka lonjolela omo liovilinga viove viepopelo;+

Tu ka tulika apandela etu eyulo vonduko ya Suku yetu.+

Eye o yi tambulula oku upisa kovailu kocitumãlo caye ci kola

Lepopelo* linene pocakati ceka liaye liondio.+

 7 Vamue va kolela kakãlu kuenda vakuavo kolokavalu,+

Pole, etu tu vilikiya vonduko ya Yehova Suku yetu.+

 8 Ovo va yuliwa kuenda va kupuka,

Pole, etu tua votoka kuenje tua talama vilu.+

21 A Yehova, omo liongusu yove soma o sanjuka;+

Kuenda o sanjuka calua omo liovilinga viove viepopelo!+

 2 Ove wa tẽlisa onjongole yutima waye,+

Kuenda kua likalele epingilo liomẽla waye. (Sela)

 3 Momo ove wo sumũlũisa kuenda wo wĩha ovina viwa;

Ove wa kapa ekolowa limue liulu wa fina* kutue waye.+

 4 Eye wa ku pinga omuenyo kuenje wo wĩha omuenyo waco,+

Omuenyo wa longa,* otembo ka yi pui.

 6 Ove wo nõla oco a sumũlũisiwe otembo ka yi pui;+

Ove wo lingisa okuti eye o sanjuka, momo ove o kasi laye.+

 7 Momo soma o kolela Yehova;+

Omo liocisola ka ci pongoloka ca Fũ, eye lalimue eteke a ka sengiwa.*+

 8 Eka liove li ka sanga ovanyãli vove vosi;

Eka liove liondio li ka sanga vana va ku nyãle.

10 Ove o ka kundula ovitumbulukila* viavo kilu lieve,

Kuenda ocitumbulukila cavo pokati komãla vomanu.

11 Momo ovo va yongola oku linga eci cĩvi kokuove;+

Ovo va linga asokiyo amue okuti, ka a ka kuata onima yiwa.+

12 Momo ove o ka va lingisa okuti va tiukila konyima+

Poku suñamisila ohonji* yove kokuavo.*

Momo lie o kasilili ocipãla poku mopela,

Ocipãla loku liyula kuange kuohali?+

 2 A Suku yange, ndi amamako oku ku vilikiya vokuenda kutanya kuenda kuteke;+

Pole, ove ku ndi tambulula.

 3 Pole, ove o kola,+

Wa ñualiwa* lasivayo a Isareli.

 4 Olonjali vietu via kolelele kokuove;+

Ovio via kolelele kuenje ove wamamako oku vi yovola.+

 5 Ovio via enda oku kalukila kokuove kuenje via popeliwa;

Ovio via kolelele kokuove kuenje ka via kutisiwile osõi.+

 6 Pole, ame ndipuka limue, simunuko,

Ndi pembuiwa loku sepuiwa lomanu.+

 7 Vosi vana va ndi vanja va ndi yola epembe;+

Ovo vamamako oku yola epembe kuenda va puka puka ovitue viavo locenyo vati:+

 9 Ove Una wa njupa vimo lia ina yange,+

Haive Una wa lingisa okuti ndi kolapo eci ina yange a kala oku ndi nyamisa.

10 Ame nda kundikiwa kokuove* tunde koku citiwa kuange;

Tunde vimo lia ina yange ove wa siata oku kala Suku yange.

11 Ku ka kale ocipãla lame, momo ohali yi kasi ocipepi+

Kuenda si kuete vali oñuatisi yikuavo.+

12 Olonãle vialua vi ndi ñuala oncingonja;+

Olongombe via pama vio ko Basiane vi ndi ñuala.+

13 Ovanyãli vange va yikuila omẽla wavo kokuange+

Ndohosi yimue yi koma yi nyanyõla ocinyama ya kuata.+

14 Ndi pesiwa ndovava;

Akepa ange osi a litepa tepa.

Utima wange wa linga ndosela;+

Owo wu yenguluka vokati kange.+

15 Ongusu yange ya kukuta ndocimuanyũila cotuma;+

Elimi liange li lamelẽla volombanjo viange;+

Ove o ndi tuala kocitunu oco ndi fe.+

16 Momo olombua vi ndi ñuala;+

Ovio vi ndi ñuala ndocimunga colondingaĩvi,+

Ndeci ci kasi ohosi, ovio vi kasi oku katukila ovaka ange kuenda olomãhi viange.+

18 Ovo va litepela pokati ovowalo ange,

Kuenda va imbila ocela uwalo wange.+

20 Mopele kosipata,

Yovola omuenyo wange uwa kakasa* olombua;+

21 Mopele komẽla wohosi+ kuenda kolombinga violongombe viovusenge;

Tambulula kuenda mopele.

22 Ndi ka sapula onduko yove ku vamanjange;+

Ndi ka ku sivayela pokati kekongelo.+

24 Momo eye ka pembuile ndaño oku sepula ohali ya una o talisiwa ohali;+

Eye ka vundisile ocipala caye ku una o talisiwa ohali.+

25 Ndi ka ku sivayela vekongelo linene;+

Ndi ka feta olohuminyo viange kovaso ya vana vo sumbila.

26 Embombe li ka lia kuenda li kekuta;+

Omanu va ka sanda Yehova loku u sivaya.+

28 Momo Yehova eye Soma;+

Eye o viala olofeka.

29 Olohuasi* viosi vio kilu lieve vi ka lia kuenda vi ka kekama;

Vosi vana va lokila koneketela va ka kekamẽla kovaso aye;

Lomue pokati kavo o pondola oku teyuila omuenyo wavo.

30 Ovitumbulukila* viavo vi ko vumba;

Ocitumbulukila ci laika oku iya ci ka yeva eci catiamẽla ku Yehova.

 2 Eye o ngecelela oku puyuka vovisenge vi talala;

Eye o ndi songuila kovitumãlo viepuyuko via tapeliwa ciwa.*+

 4 Ndaño ngendela vocimbota cowelema walua,+

Lacimue cĩvi ndi yokokela,+

Momo ove o kasi lame;+

Ombueti yove kuenda ohunya yove vi nyĩha utõi.*

Ove o kavuluisa* utue wange lulela;+

Ove o yukisa ciwa okopo yange.+

 6 Ocili okuti, ohenda locisola ka ci pongoloka, vi ka ndi kuama oloneke viosi viomuenyo wange,+

Kuenda ndi ka kala vonjo ya Yehova oloneke viange viosi.+

24 Ongongo kuenda ovina viosi vi kasimo, via tiamẽla ku Yehova,+

Ilu lieve kuenda vana va tungamo, va tiamẽla Kokuaye.

 2 Momo eye wa yi sevetela vokalunga,+

Kuenda wa yi tumbika loku yi pamisa kolondui.

 3 Helie o pondola oku lamanela komunda ya Yehova,+

Kuenda helie o pondola oku talama kocitumãlo caye ci kola?

 4 Omunu una okuti, ka kuete eko haeye o kuete utima wa lipua,+

Una okuti ka lisilile ohuminyo yimue yesanda vonduko Yange,*

Ndaño oku linga ohuminyo yimue yelimbi.+

 5 Eye o ka tambula asumũlũho ku Yehova,+

Kuenda esunga ku Suku yaye yepopelo.+

 6 Eci oco ocitumbulukila ca vana vo sanda,

Ca vana va sanda ocipala cove, A Suku ya Yakoba. (Sela)

 7 Petuli ovitue viene, ene alombundi;+

Yikuli,* ene apito o kosimbu,

Oco Soma yulamba a iñile!+

Yehova okuti ukuonene kuenda wa pama,+

Yehova okuti wa pama kuyaki.+

 9 Petuli ovitue viene, ene alombundi;+

Yikuli, ene apito o kosimbu,

Oco Soma yulamba a iñile!

 2 A Suku yange, nda kolela kokuove;+

Ku ka ecelele okuti ndi kutisiwa osõi.+

 3 Ocili, laumue o lavoka kokuove okuti o ka kutisiwa osõi;+

Pole, olomakuli okuti ka vi kuete esunga lioku ci linga, vi ka kutisiwa osõi.+

 4 A Yehova, ndekise olonjila viove;+

Ndongise ndomo ngendela volonjila viove.+

 5 Ngendise vocili cove kuenda ndi longise,+

Momo ove Suku yange yepopelo.

 6 A Yehova, ivaluka ohenda yove kuenda ocisola cove ka ci pongoloka,+

Cina ove wa siata oku lekisa olonjanja viosi.*+

Njivaluke ndomo ci likuata locisola cove ka ci pongoloka,+

Mekonda liuwa wove, A Yehova.+

 9 Eye o ka songuila ambombe oco va linge eci ca sunguluka,*+

Kuenda o ka longisa ambombe onjila yaye.+

10 Olonjila viosi via Yehova vi situlula ocisola caye ka ci pongoloka kuenda esunga liaye

Ku vana va kapako ocisila caye+ kuenda olonumbi viaye.+

11 A Yehova, mekonda lionduko yove,+

Ecela ekandu liange ndaño okuti linene.

13 Eye o ka kuata ohenda ya Suku,+

Kuenda ovitumbulukila* viaye vi ka piñala ilu lieve.+

14 Ukamba wocili la Yehova wa tiamẽla ku vana vo sumbila,+

Kuenda eye o va longisa eci catiamẽla kocisila caye.+

15 Olonjanja viosi ndi sanda ocitililo ku Yehova,+

Momo eye o ka yovola olomãhi viange konjanjo.*+

16 Tiamisila ocipala cove kokuange kuenda ndekise ohenda,

Momo ñasi ulika kuenda si kuete ekuatiso.

17 Asakalalo utima wange a livokiya;+

Ndi yovole kesumuo liange.

18 Tala esakalalo liange lohali yange,+

Kuenda ecela akandu ange osi.+

19 Tala ndomo ovanyãli vange valua,

Omo lionya yavo yalua, ovo va yongola oku linga ungangala kokuange.

21 Esunga kuenda oku suñama vi ndi teyuile,+

Momo elavoko liange li kasi kokuove.+

26 Ndi sombise A Yehova, momo ame ngendaila vekolelo liange;+

Nda kolela ku Yehova. Sia tatãlẽle.+

 2 Ñulĩhĩse A Yehova kuenda ndi seteke;

Kanguisa ovisimĩlo viange via longa* kuenda utima wange.+

 3 Momo ocisola cove ka ci pongoloka ci kasi kovaso ange otembo yosi,

Kuenda ngendela vocili cove.+

 4 Ame si likongela* lomanu vakuelimbi,+

Kuenda ndi yuvula vana va limbika eci va tuwa.*

 5 Ndi suvuka ukamba wolondingaĩvi,+

Kuenda ndi yuvula oku likongela* la vakuakandu.+

 6 Ndi ka sukula ovaka ange ndomunu umue ka kuete eko,

Kuenda ndi ñuala ñuala kutala wove, A Yehova,

 7 Oco ondaka yolopandu viange yi yeviwe,+

Loku sapula ovopange ove osi a komõhisa.

 8 A Yehova, ndi sole onjo muna o kasi,+

Ocitumãlo muna ulamba wove u kasi.+

 9 Ku ka ndi kunduile kumosi la vakuakandu,+

Ndaño oku ndi ponda kumue lolongangala,*

10 Haivo okuti, ovaka avo a litumbika kovilinga vi kutisa osõi,

Kuenda eka liavo liondio lieyuka ovitukiko.

12 Ame ndi tãi pocitumãlo ca koka;+

Ndi ka sivaya Yehova vekongelo linene.*+

 2 Eci olondingaĩvi via ndi katukila oco vi ndi kundule,+

Ovanyãli vange vana va tamalãla lame, ovo va lilondoka kuenje va kupuka.

 3 Ndaño olohoka vi ndi ñuala ocingonja oco vi ndi katukile,

Utima wange ka u ka kuata usumba.+

Ndaño uyaki u ndi katukila,

Haimo lumue ndi kamamako lekolelo.

 4 Nda pinga ocina cimue ku Yehova

Kuenje eci oco ndi seteka oku tẽlisa,

Okuti oku kala vonjo ya Yehova oloneke viosi viomuenyo wange,+

Oco ndi sanjukile uwa wa Yehova

Loku vandekela konembele yaye* lesanju.+

 5 Momo eye o ka ndi vundisa vocitililo caye keteke liohali;+

Eye o ka ndi salamisa vocitumãlo cuyombeki combalaka yaye.+

 6 Kaliye ndi yula* ovanyãli vange vana va ndi ñuala ocingonja;

Ndi lumbila ovilumba vombalaka yaye loku kaluka lesanju;

Njimbila Yehova ovisungo viesivayo.*

 7 A Yehova, njevelele eci mbilikiya lolukandi;+

Ndekise ohenda kuenda nambulule.+

Ove wuñuatisi yange;+

Ku ka njanduluke ale oku ndi sia, a Suku yange yepopelo.

10 Ndaño isiange ale ina yange va ndi yanduluka,+

Yehova o ka ndi tambula.+

11 A Yehova, ndi pindise vonjila yove,+

Ndi songuile velila lia suñama omo liovanyãli vange.

12 Ku ka ngece peka liovanyãli vange,+

Momo olombangi viesanda via ndi katukila,+

Kuenda vi ndi saluisa lungangala.

13 Pi nda ndi kasi, nda sia kuatele ekolelo,

Okuti ndi mola uwa wa Yehova vofeka yava va kasi lomuenyo?*+

14 Talamẽla ku Yehova;+

Kuata utõi loku pama.+

28 Ndamamako oku ku vilikiya, A Yehova, a Handa yange;+

Njevelele.

Nda wamamako okuti ku nambulula,

Ndi ka kala nda vana va kasi oku lokila vocitunu.*+

 2 Yevelela apingilo ange eci ndi kaluka oku pinga ekuatiso kokuove,

Eci ndi tulika ovaka ange osimbu njimba ovaso kohondo yo vokati yocitumãlo cove ci kola.+

 3 Ku ka ndi kokele kumue lolondingaĩvi, vina vi lingainga eci cĩvi,+

Vina vi kasi oku vangula olondaka viombembua lakamba vavo osimbu evĩho li kasi vovitima viavo.+

 4 Va fetuluinyila ovilinga viavo,+

Ndomo ci likuata lovilinga viavo vĩvi.

Va fetuluinya omo liupange wovaka avo,

Ndomo ci likuata leci va lingainga.+

 5 Momo ka va tiamisila utima kovopange a Yehova,+

Ndaño kupange wovaka aye.+

 6 Yehova a sivayiwe,

Momo wa yevelela apingilo ange ekuatiso.

 7 Yehova eye ongusu yange+ haeye ociyepelo cange;+

Utima wange wa kolela kokuaye.+

Nda tambula ekuatiso liaye kuenda utima wange wa sanjuka,

Omo liaco, ndu u sivaya locisungo cange.

 8 Yehova eye ongusu yomanu vaye;

Eye ociteyuilo, haeye o nena epopelo linene kombuavekua yaye.+

29 Eci ku Yehova eci a sesamẽla, ene amãla va vakuonene,

Eci ku Yehova eci a sesamẽla omo liulamba kuenda ongusu yaye.+

 3 Ondaka ya Yehova yi yeviwa kilu liovava;

Suku yulamba o lemĩla.+

 4 Ondaka ya Yehova yi kuete unene;+

Ondaka ya Yehova ya posoka.

 5 Ondaka ya Yehova yi teya oviti viosedru;

Ocili, Yehova o nyanyõla oviti viosedru vio ko Levanone.+

 6 Eye o kokela o Levanone* oku tehã tehã ndonãle,

Kuenda o kokela o Siriyono+ oku tehã tehã ndonãle yovusenge.

 7 Ondaka ya Yehova yi tumisa ulienge wondalu;+

 8 Ondaka ya Yehova yi lulumisa ekalasoko;+

Yehova o lulumisa ekalasoko lio ko Kadesi.+

 9 Ondaka ya Yehova yi lulumisa osonge kuenda yi kokela osonge oku cita

Kuenda yi loluisa amẽla o vusenge.+

10 Yehova wa tumãla kocalo caye kilu lietande liovava;*+

Yehova wa tumãla kocalo Ndosoma otembo ka yi pui.+

30 A Yehova, ndi ka ku kemãlisa, momo wa ndi votola;

Kua ecelele okuti ovanyãli vange va sanjukila oku kupuka kuange.+

 4 Imbili Yehova ovisungo viesivayo,* ene amanu wa koleli kokuaye,+

Panduli onduko yaye yi kola;*+

 5 Momo onyeño yaye komunu yi kala ño otembo yitito,+

Pole, uwa waye ku una eye a lekisa ohenda u kala vokuenda kuomuenyo wosi.+

 8 A Yehova, ndamamako oku ku vilikiya;+

Kuenda ndamamako oku pinga ohenda ku Yehova.

11 Esumuo liange ove wa li pongolola oku piluka;

Ove wa njupa ocikelẽi kuenda wa ndi walisa esanju,

12 Oco ndu* ku imbile ovisungo viesivayo kuenda si ũhiko.

Kala omunda yange yocitililo,

Ocitumãlo cimue ci kuete oviteyuilo coku mopela.+

 3 Momo ove wusenje liange kuenda wuciteyuilo cange;+

O ka ndi songuila loku ndekisa onjila,+ mekonda lionduko yove.+

 4 Ove o ka ndi yovola konjanjo* ovo va ndi kapela vuyombeki,+

Momo ove wumbonge yange.+

 6 Nda suvuka vana va fendela oviteka viaño,

Pole, ame nda kolela ku Yehova.

 7 Ndi ka sanjukila calua vocisola cove ka ci pongoloka,

Momo ove wa siata oku mola ohali yange;+

Ove wa kũlĩha esumuo liange lialua.

 8 Ove kua ngecele peka liunyãli,

Pole, wa ndi talamisa pocitumãlo cimue ca koka.*

10 Omuenyo wange weyuka esumuo,+

Kuenda anyamo ange eyuka oku lisiõsiõla.+

Ongusu yange ya tepuluka omo lioku lueya kuange;

Akepa ange a hongua.+

11 Nda sepuiwa lovanyãli vange vosi,+

Ca piãla enene vana va lisungue lame.

Akamba vange va ñuetele usumba;

Kuenje eci va ndi mola volokololo va ndi tila.+

12 Va njupa vovitima* viavo kuenda va njivala ndu okuti nda fa;

Ndi kasi ndesanga lia tetuka.

13 Nda yeva ovina vĩvi omanu va popia;

Usumba wa ndi ñuala.+

Eci ovo va likongela oku ndi katukila,

Va sokiya oku upa omuenyo wange.+

Olondingaĩvi vi kutisiwe osõi;+

Ovio vi ũhile Vonjembo.*+

18 Olohembi vi linge ovitende,+

Olohembi vina vi vangula loku lipanda, lepela kuenda oku pembula vakuesunga.

Wa u selekela vana va ku sumbila,+

Kuenda wa u lekisa kovaso yomanu vosi mekonda lia vana va sanda ocitililo kokuove.+

20 Ove o ka va salamisa vocitumãlo cove cuyombeki+

Kusuanji womanu;

O ka va vundisa vocitililo cove

Ku vana va va lundila.*+

21 Yehova a sivayiwe,

Momo lonjila yi komõhisa, eye wa lekisa kokuange ocisola caye+ ka ci pongoloka eci nda kala volupale lua ñualiwa ocingonja.+

Yehova o teyuila vakuekolelo,+

Pole, o fetuluinya calua wosi o lekisa epela.+

24 Kuati utõi kuenda utima wene u pame,+

Vosi yene wa koleli ku Yehova.+

 2 Wa sumũlũha omunu una okuti Yehova ko tendi okuti o kuete eko,+

Una okuti ka kuete ovisimĩlo vielimbi.

 5 Oku sulako, nda litavela ekandu liange kokuove;

Sia limbikile okulueya kuange.+

 6 Eli olio esunga lieci okuti, omunu wosi ukuekolelo o ka likutilila kokuove,+

Osimbu handi citava oku ku sanga.+

 7 Ove wuciwundilo kokuange;

O ka ndi teyuila kovitangi.+

 9 Ku ka kale ndokavalu ale omula okuti, ka vi kuete elomboloko,+

Vina okuti eci vi lukuta, vi sukila oku kapiwa olelia ale ovikapa

Oco vi pokole kokuove.”

10 Ohali yolondingaĩvi yalua;

Pole, una o kolela Yehova o teyuiwa locisola Caye ka ci pongoloka.+

11 Sanjuki omo liovina Yehova a siata oku linga kuenda yoleli ene a vakuesunga;

Kaluki lonjolela, ene vosi vu kuete utima wa suñama.

 2 Panduli Yehova lohalupa;

Imbili ovisungo viesivayo* kokuaye locikuata covisikilo ci kuete ovikolo ekũi.

 3 Imbili kokuaye ocisungo cimue cokaliye;+

Siki luloño, loku kaluka lonjolela.

 4 Momo ondaka ya Yehova ya suñama,+

Kuenda ovina viosi eye a linga via koleliwa.

 6 Ovailu a lulikiwa pocakati condaka ya Yehova,+

Kuenda ovina viosi vi kasimo* via lulikiwa lefuimo* liomẽla waye.

 7 Eye o kongela ovava okalunga ndovimbaka;+

Eye o kapa alondo ovava volosila.

 9 Momo eye muẽle wa popia kuenje ovina via lingiwa;+

Eye muẽle wa handeleka kuenje ovina viosi via talama ngõ.+

10 Yehova wa nyõla asokiyo ãvi* olofeka;+

Eye wa nyõla asokiyo* omanu.+

11 Pole, ocipango ca Yehova ci kala otembo ka yi pui;+

Ovisimĩlo viutima waye viamamako tunde kocitumbulukila cimue toke kocitumbulukila cikuavo.

12 Ya sumũlũha ofeka yina okuti Suku yavo Yehova,+

Omanu eye a nõla ndocipiñalo caye muẽle.+

13 Yehova oku upisa kilu o vanja posi;

Eye o lete omãla vosi vomanu.+

14 Oku upisa kocitumãlo caye coku kala,

Eye o vanja vanja olonungi vio kilu lieve.

15 Eye o panga ovitima via vosi;

Eye o kũlĩhĩsa ovopange avo osi.+

16 Layimue osoma yi popeliwa omo liolohoka viaye vialua;+

Omunu wa pama ka popeliwa omo liunene waye walua.+

17 Oku kolela okuti okavalu ka pondola oku nena epopelo, esanda;+

Ongusu yalua yokavalu, ka yeci epopelo.

18 Tali! Ovaso a Yehova a lavulula vana vo sumbila;+

Vana va lavoka ocisola caye ka ci pongoloka,

19 Oco a va yovole kolofa,

Kuenda oku va ĩha omuenyo vokuenda kuonjala.+

21 Ovitima vietu vi sanjukila kokuaye,

Momo tua kolela konduko yaye yi kola.+

22 A Yehova, ocisola cove ka ci pongoloka ci kale kokuetu,+

Osimbu tu amamako oku talamẽla kokuove.+

34 Ndi ka sivaya Yehova otembo yosi;

Si ka liwekapo oku u sivaya.

 2 Ndi ka kemainya Yehova;+

Ambombe va ka yeva kuenje va ka sanjuka.

 3 Pandiyi kumue lame Yehova;+

Tu kemãlisi kumosi onduko yaye.

 5 Va sumũlũha vana va kasi oku kolela kokuaye;

Kuenda ovo ka va ka kutisiwa osõi.

 7 Ungelo wa Yehova o teyuila vana Vo sumbila,+

Kuenje eye o va yovola.+

 8 Seteki* kuenda limbuki okuti Yehova uwa;+

Wa sumũlũha omunu o sanda ocitililo vokuaye.

 9 Sumbili Yehova ene vosi vulosandu viaye,

Momo vana vo sumbila ka va kambela cimue.+

10 Ndaño muẽle olohosi via pama viamalẽhe* via kala onjala,

Pole, vana va sanda Yehova ka va ka kambela cimue ciwa.+

11 Enjui amãla vange, njeveleli;

Ndi ka vu longisi oku sumbila Yehova.+

12 Helie pokati kene wa sanjukila omuenyo

Kuenda o yongola oku mola oloneke vialua viwa?+

13 Lava elimi liove kueci cĩvi,+

Kuenda omẽla wove koku vangula elimbi.+

14 Tinduka kueci cĩvi kuenda linga eci ciwa;+

Sanda ombembua loku yi landula.+

15 Ovaso a Yehova a kasi la vakuesunga,+

Kuenda ovatũi aye a yevelela epingilo liavo liekuatiso.+

16 Pole, Yehova o suvuka vana va linga eci cĩvi,

Eye o ka va kundula kilu lieve oco okuti, lomue o va ivaluka vali.+

17 Vakuesunga va kaluka kuenje Yehova wa yevelela;+

Eye wa va yovola kohali yavo yosi.+

18 Yehova o kasi ocipepi la vakuavitima via teka;+

Eye o popela vana va sumua.+

19 Ohali* yukuesunga yalua,+

Pole, Yehova u yovola kohali yaco yosi.+

20 Eye o lava akepa aye osi;

Lalimue li teyiwa.+

21 Ocilunga ci ka kokela ondingaĩvi oku fa;

Vana va suvuka ukuesunga va ka kuata eko.

22 Yehova o yovola omuenyo wakuenje vaye;

Lomue o sanda ocitililo vokuaye okuti o ka kuata eko.+

35 A Yehova, ndi teyuile kovanyãli vange;+

Liyaka la vana va liyaka lame.+

 2 Kuata oviyepelo vitito* levi vinene,+

Enju kuenda ndi kuatise.+

 5 Ovo va linge ndovinene viambatiwa lofela;

Ungelo wa Yehova a va lupuise.+

 6 Onjila yavo yi tekãve loku sielena

Osimbu ungelo wa Yehova a va landula.

 7 Momo ndaño okuti ame sia va lingile cimue, ovo va ndi petuila owanda ndociliva;

Kuenda va ndi fẽlela ocitunu.

 8 Ocilunga cu sange ocipikipiki;

Owanda a petula ndociliva, cu kuate eye muẽle;

A kupukilemo loku kunduiwa.+

 9 Pole, ame ndi ka sanjukila ku Yehova;

Ndi ka yolela ovilinga viaye vioku popela.

Ove o yovola omunu ka kuete ekuatiso ku vana va pama calua,+

O yovola omunu ka kuete ekuatiso lohukũi ku vana va va nyana.”+

11 Olondingaĩvi vieya kuenda via ndi lundila eci nda kala oku sombisiwa,+

Ovio via ndi lundila ovina sia kũlĩhĩle.

12 Eci ciwa va ci ndi fetuluinya leci cĩvi,+

Omo liaco, nda pua elavoko.

13 Pole, eci ovo va kala oku vela, nda walele ovikelẽyi;

Nda liketisa poku likandangiya oku lia,

Kuenda eci ohutililo yange ka ya tambuluiwile,*

14 Nda ñuala ñuala loku lila ndu okuti, ndi lilila ekamba liange ale manjange;

Nda kekama lesumuo, ndomunu o lilila inaye.

15 Pole, eci nda lilondoka ovo va sanjuka kuenda va liongoluila pamosi;

Ovo va liongolola oco va ndi katukile osimbu sia kapeleleko;

Ka vohĩleko osimbu va kala oku ndi katukila lolombonde.

16 Olondingaĩvi vi ndi yola epembe,*

Ovio vi ndi keleketa ovayo.+

Ndi popele kongombo yavo,+

Yovola omuenyo wange uwa kolohosi viamalẽhe.*+

18 Kuenje ndi ka ku pandula vekongelo linene;+

Ndi ka ku sivayela pokati kowiñi womanu.

19 Ku ka ecelele okuti vana ka va kuete esunga lioku kala ovanyãli vange va sanjukila ohali yange;

Ku ka ecelele okuti vana va ndi suvuka okuti ka va kuete esunga lioku ci linga+ va njola epembe.*+

20 Momo ovo ka va vangula olondaka viombembua,

Pole, luhembi, ovo va sokiyila eci cĩvi omanu vakuambembua vo vofeka.+

21 Ovo va yikula ovimẽla viavo oku ndi lundila,

Vati: “Ove wa linga eci! Ovaso etu a ci mola.”

23 Katuka oco o ndi popele,

A Yehova, a Suku yange, ku lingiwe esunga kocitangi cange.

24 A Yehova Suku yange, ndi sombise ndomo ci likuata lesunga liove;+

Ovanyãli vange ka va ka sanjukile ohali yange.

26 Vosi yavo va kutisiwe osõi loku sepuiwa,

Vana va sanjukila ohali yange.

27 Pole, vana va sanjukila esunga liange va kaluke lonjolela;

Vamameko oku popia vati:

28 Kuenje elimi liange li ka sapula* esunga liove+

Loku ku sivaya otembo yosi.+

36 Oku lueya ku songuila utima wondingaĩvi;

Oyo ka yi kuetele Suku usumba.+

 2 Momo oyo yi lisivaya calua vovisimĩlo viaye

Okuti ka yi limbuka ndaño oku suvuka ekandu liaye.+

 3 Olondaka viomẽla waye vi lemẽha kuenda vielimbi;

Oyo ka yi lekisa olondunge vioku linga eci ciwa.

Oyo yi kasi vonjila ka yiwako;

Oyo ka yi yuvula eci cĩvi.

 5 A Yehova, ocisola cove ka ci pongoloka ci pitĩla toke kovailu,+

Esunga liove li pitĩla toke kalende.

 6 Esunga liove li kasi ndolomunda vinene;*+

Asombiso ove a kasi ndovava alua a longa.+

 8 Ovo va nyua ovina via velapo vio vonjo yove toke eci vekuta,+

Ove o va ĩha ovina viwa ndu okuti, o va nyuisa volui lu kuete ovava alua.+

 9 Ove wuno yomuenyo;+

Omo liocinyi cove, tu pondola oku mola ocinyi.+

10 Amamako oku lekisa ocisola cove ka ci pongoloka ku vana va ku kũlĩha,+

Kuenda lekisa esunga liove ku vana va kuete utima wa suñama.+

11 Ku ka ecelele okuti olomãhi via vakuakulipanda vi ndi liatela,

Ale eka liolondingaĩvi li ndi lupuisa.

12 Olondingaĩvi via kupuka;

Ovio via kupuiwa okuti, ka vi tẽla oku votoka.+

37 Ku ka sumue* omo liomanu vakuevĩho,

Ale oku kuatela onya olondingaĩvi.+

 2 Ovo va ka kukuta lonjanga ndowangu,+

Kuenda va kowuka ndowangu utalala.

 3 Kolela Yehova kuenda linga eci ciwa;+

Tunga vofeka yove kuenda kala ukuekolelo kovilinga viove.+

 4 Sanga esanju* koku fendela Yehova,

Kuenje eye o ka tẽlisa olonjongole viutima wove.

 5 Ecelela okuti Yehova o songuila onjila yove;+

Kolela kokuaye kuenda eye muẽle o ka ku kuatisa.+

 6 Eye o ka lingisa okuti omanu va mola esunga liove ndocinyi comẽle,

Kuenda esunga liove li ka kala ndutanya wekumbi pongunji.

 7 Amamako oku kevelela loku ũha kovaso a Yehova+

Kuenda kevelela kokuaye lepandi.

Ku ka sumue omo liomunu

Una o litunda ciwa koku tẽlisa asokiyo aye ãvi.+

 8 Imbapo onyeño kuenda siapo oku tema;+

Ku ka lisakalaise, liwekapo oku linga eci cĩvi.*

 9 Momo olondingaĩvi vi ka kunduiwa,+

Pole, vana va lavoka ku Yehova va ka piñala ilu lieve.+

10 Vokatembo kaño, olondingaĩvi ka vi ka kalako vali;+

Ove o ka vanja apa ovio via kala,

Kuenje ka vi ka kalapo.+

11 Pole, ambombe va ka piñala ilu lieve,+

Kuenda va ka sanjukila ombembua yalua.+

12 Ondingaĩvi yi lingila ukuesunga esokiyo lĩvi;+

Eye o tema* eci o mola.

13 Pole, Yehova o ko yola,

Momo Eye wa kũlĩha okuti, eteke liaye* li keya.+

14 Olondingaĩvi vi pola olosipata viavo kuenda vi lumbilila* olohonji viavo

Oco vi kundule ukuakutala ohali kuenda ohukũi,

Oco vi ponde vana okuti onjila yavo ya suñama.

15 Pole, osipata yavo yi ka toma ovitima viavo muẽle;+

Olohonji viavo vi ka teyiwa.

16 Ca velapo ceci citito cukuesunga,

Okuti ukuasi wolondingaĩvi vialua u sule.+

17 Momo ovoko olondingaĩvi a ka teyiwa,

Pole, Yehova o ka kuatisa ukuesunga.

18 Yehova wa kũlĩha eci ci pita lomanu va pua etondelo,*

Kuenda ocipiñalo cavo ci kala otembo ka yi pui.+

19 Ovo ka va ka kutisiwa osõi kotembo yocilunga;

Kotembo yonjala va ka kuata okulia kualua.

20 Pole, olondingaĩvi vi ka nyõleha;+

Ovanyãli va Yehova va ka takata ndeposo liowangu;

Ovo va ka takata ndowisi.

21 Ondingaĩvi yi levala kuenje ka yi feti,

Pole, ukuesunga ecaeca locali.+

22 Vana va sumũlũisiwa la Suku va ka piñala ilu lieve,

Pole, vana va siñaliwa Laye va ka kunduiwa.+

23 Yehova o songuila* olongenda viomunu+

Eci Eye a sanjukila onjila yomunu waco.+

24 Ndaño eye o kupuka, ka ka kekama,+

Momo Yehova u kuatisa leka Liaye.+

25 Nda kala umalẽhe kuenje cilo nda kuka,

Pole, sia la mola ukuesunga okuti wa yandulukiwa,+

Ndaño omãla vaye oku sanda okulia.+

26 Eye otembo yosi o levalisa lohenda,+

Kuenda omãla vaye va ka sumũlũisiwa la Suku.

27 Tinduka kueci cĩvi kuenda linga eci ciwa,+

Kuenje o ka kala komuenyo otembo ka yi pui.

28 Momo Yehova o sole esunga,

Kuenda eye ka ka yanduluka vana vo kolela.+

Eye o ka va lava olonjanja viosi;+

Pole, ovitumbulukila violondingaĩvi vi ka kunduiwa.+

29 Vakuesunga va ka piñala ilu lieve,+

Kuenda va ka kalamo otembo ka yi pui.+

30 Omẽla wukuesunga weca olondunge,*

Kuenda elimi liaye li vangula eci catiamẽla kesunga.+

31 Ocihandeleko ca Suku yaye ci kasi vutima waye;+

Kuenda eci eye a enda, omãhi yaye ka yi sielũha.+

32 Ondingaĩvi yi lavulula ukuesunga

Locimãho coku u ponda.

33 Pole, Yehova ka ka yanduluka ukuesunga peka liondingaĩvi+

Kuenda eye ka ko tenda okuti o kuete eko eci a sombisiwa.+

34 Talamẽla ku Yehova kuenda kuama onjila yaye,

Eye o ka ku ĩha esumũlũho lioku piñala ilu lieve.

35 Nda mola omunu ondingaĩvi haeye ongangala okuti

O kasi oku lisandula nduti wa pulika okuti lalimue eteke wa sondoluiwile.+

36 Pole, vocipikipiki eye wa pita kuenda ka kasiko vali;+

Ndamamako oku u sandiliya kuenje eye ka sangiwile.+

37 Tala omunu wa pua etondelo,*

Kuenda lavulula omunu wa suñama,+

Momo oviyaneke viomunu waco, vi ka kala viombembua.+

38 Pole, vosi vakuakandu va ka kunduiwa;

Olondingaĩvi vi ka kunduiwa.+

39 Epopelo lia vakuesunga li tunda ku Yehova;+

Eye ombonge yavo kotembo yohali.+

Eye o ka va yovola kolondingaĩvi loku va popela,

Momo va sanda ocitililo vokuaye.+

38 A Yehova, ku ka ndi lungule vonyeño yove,

Ndaño oku ndi lemẽla vonyeño yove.+

 2 Momo ovisongo viove via ndi toma,

Kuenda eka liove lia ndi lema.+

 4 Momo akulueya ange a ndi talisa ohali;+

Ndocitele cimue ci lema, o-o alua okuti si tẽla oku ambata.

 5 Apute ange a lẽha kuenda avola

Omo liuveke wange.

 6 Ame nda sakalala kuenda nda sumua calua;

Eteke liosi ngendaenda loku sumua.

 7 Vokati kange mueyuka ondalu;*

Etimba liange liosi li vela.+

 8 Nda sumua kuenda nda sasõha enene;

Utima wange wa tokotelua, u ndi kokela oku leña leña lolukandi.

 9 A Yehova, ove wa kũlĩha olonjongole viange viosi,

Kuenda oku leña leña kuange ka kua vundisiwile kokuove.

10 Utima wange u tukoka, ongusu yange ya pua,

Kuenda ocinyi covaso ange ca ndi sia.+

11 Akamba vange kuenda vana va lisungue lame va ndi yuvula omo liuvei wange,

Kuenda va ngandiange va ndi kalila ocipãla.

12 Vana va kasi oku sandiliya oku ndi ponda va petula olonjanjo;

Vana va kasi oku seteka oku ndi linga cĩvi, va vangula eci catiamẽla koku ndi kundula;+

Ovo va sokiya elimbi eteke liosi.

13 Pole, ndomunu ocisitatũi, ame sia ponduile oku yevelela;+

Ndomunu ocitende, sia ponduile oku yulula omẽla wange.+

14 Ndi kasi ndomunu ka tẽla oku yevelela,

Una okuti, vomẽla waye ka muli lacimue coku popia oco a liteyuile.

15 Momo A Yehova, ame nda lavoka kokuove,+

Kuenje wa ndi tambulula A Yehova, Suku yange.+

16 Momo nda popia hati: “Ovo ka va ka sanjukile ohali yange,

Ale oku li kemãlisa ovo muẽle eci omãhi yange yi sielũha.”

17 Momo nda laikele oku kupuka,

Kuenda olonjanja viosi nda kala oku yeva evalo.+

18 Nda litavela okulueya kuange;+

Nda sakalalele omo liekandu liange.+

19 Pole, ovanyãli vange va pama* haivo vakuonene,*

Vana va ndi nyale okuti ka va kuete esunga lioku ci linga, va livokiya.

20 Eci ciwa va ci ndi fetuluinya leci cĩvi;

Ovo va seteka oku ndi tateka oku amamako oku linga eci ciwa.

22 Yayulako oco o ndi kuatise,

A Yehova, upopeli wange.+

39 Nda popia siti: “Ndi ka lava olonjila viange,

Oco ndi yuvule oku linga ekandu lelimi liange.+

Ndi ka lava omẽla wange poku u munĩha+

Osimbu ondingaĩvi yimue yi kasi kovaso yange.”

 2 Nda kala ocitende kuenda ndohĩle;+

Sia vanguile ndaño muẽle ceci catiamẽla kueci ciwa,

Pole, evalo liange lia luile calua.*

 4 “A Yehova, ndi kuatise oku kũlĩha lipi li ka kala esulilo liange,

Kuenda etendelo lioloneke viange,+

Oco ndi kũlĩhe okuti omuenyo wange umbumbulu.

 5 Ove wa nyĩha lika otembo yimue yitito yoku kala komuenyo;+

Otembo ndi kasi lomuenyo, kokuove yi kasi ndu okuti hacimueko.+

 9 Nda linga ocitende;

Sia tẽlele oku yikula omẽla wange,+

Omo liovina ove wa linga.+

11 Ove o pindisa omunu leyambulo lieko liaye;+

Ove o lia ovina eye a sole calua ndeci ombunji yi linga.

12 A Yehova, yevelela ohutililo yange,

Yevelela oku liyula kuange kuoku pinga ekuatiso.+

Momo kokuove ame ndicingendeleyi,+

Ndimunu umue o linga ungende okuti, o pita ombamba nda vakukululu yange vosi.+

13 Tindula kokuange oku vanja kuove kuonyeño, oco ndi kuate vali esanju

Osimbu sia file.”

40 Nda lavoka ku Yehova lepandi,

Kuenje eye wa vonguila etũi* liaye kokuange kuenda wa yeva oku liyula kuange kuekuatiso.+

 2 Eye wa njupa vocitunu ci kuete ovava a lupuka,

Wa njupa volonata.

Kuenje wa kapa olomãhi viange kesenje;

Wa kolisa omãhi yange.

 3 Kuenje eye wa ndongisa ocisungo cimue cokaliye,+

Ocisungo cesivayo ku Suku yetu.

Valua va ka mola loku komõha

Kuenda va ka kolela ku Yehova.

 4 Wa sumũlũha omunu o kolela ku Yehova

Haeye ka likongela lomanu va siva ndaño lolohembi.

 5 Ovopange a komõhisa ove wa tu lingila alua,

A Yehova Suku yange,

Kuenda ovisimĩlo viove viatiamẽla kokuetu vialua.+

Lomue wa lisoka love;+

Nda nda seteka oku sapula loku vangula catiamẽla kokuavio,

Oku vi lombolola nda vialua calua!+

 6 Ove kua yonguile* ovilumba kuenda olombanjaile,+

Pole, ove wa ñuatisa oku yevelela loku kuata elomboloko lieci o popia.+

 8 A Suku yange, oku linga ocipango cove oyo onjongole* yange,+

Kuenda ocihandeleko cove ci kasi vokati kutima wange.+

Tala! Si yiki omẽla wange,+

Ndomo ove wa ci kũlĩha ciwa, A Yehova.

Akulueya ange alua enene okuti, si tẽla oku mola oku ndi kasi oku enda;+

Ovio vialua calua okuti esinga liutue wange li sule,

Kuenje nda sumua.

14 Vosi vana va kasi oku sandiliya oku ndi ponda

Va kutisiwe osõi loku sepuiwa.

Vana va sanjukila ovitangi viange

Va tiukile konyima lelaviso.

16 Pole, ecelela okuti vana va ku sanda+

Va yolela loku sanjuka vokuove.+

17 Pole, ame si kuete ekuatiso kuenda ndihukũi;

Yehova a ndi tate.

Ove wuñuatisi yange haive wunjovoli yange;+

A Suku yange, ku ka cilue.+

41 Wa sumũlũha omunu wosi o kuatisa ohukũi;+

Yehova o ko yovola keteke liohali.

Omanu vakuavo va ka limbuka okuti, eye wa sanjuka kilu lieve;+

Ove lalimue eteke o ka ecelela okuti, eye eciwa peka liovanyãli vaye.+

 3 Yehova o ko u kolisa eci eye a kala pula loku vela;+

Ove u ko tata vokuenda kuoku vela kuaye.

Eye o ka sanda cimue oco a ndi lemẽhe;

Kuenje eci a tunda o ka ci sapuila komanu vakuavo.

 7 Vosi vana va ndi suvuka va li loñuinya omunu lukuavo;

Ovo va sokiya ovina vĩvi vioku ndi katukila vati:

 8 “Eci cĩvi ceya kokuaye;

Omo cilo a kasi pula, ka ka votoka vali.”+

 9 Ndaño muẽle ekamba liange liocili lina nda kolela,+

Haeye wa lia lia okulia kuange, wa ndi katukila.*+

10 Pole, ove A Yehova, ndekise ohenda kuenda mbotole,

Oco ndi va fetuluinye.

12 Catiamẽla kokuange, ove o ndi kuatisa mekonda liekolelo liange;+

Ove o ka ndi kapa kovaso yove otembo ka yi pui.+

13 Yehova Suku ya Isareli, a sivayiwe

Vokuenda kuotembo ka yi pui.*+

42 Ndeci osonge yi livela olondui viovava,

Haico ndu ku livela, A Suku.

 3 Asuẽlẽla ange a linga okulia kuange utanya luteke;

Eteke liosi omanu va ndi sepula vati: “Suku yove okasi pi?”+

 4 Njivaluka ovina evi kuenda ndi situlula ovisimĩlo viange viosi,

Momo nda endaenda kumue lowiñi;

Nda endaenda levando kovaso yavo toke konjo ya Suku,

Lolondaka vionjolela kuenda violopandu,

Lolondaka viowiñi u kasi oku sambiliya ocipito.+

Ndi ka kevelela ku Suku,+

Momo ame handi ndu ko sivaya Ndupopeli wange.+

Eli olio esunga lieci ndu ku ivalukila,+

Kofeka yo Yordão lo kolosungu vio Herimone,

Kuenda Komunda Misare.*

 7 Ovava a longa a vilikiya ovava a longa

Pocakati cokuõla kuolomupa viove.

 8 Kutanya Yehova o ka ndi muisa ocisola caye ka ci pongoloka,

Kuenda kuteke ndi ka imba eci catiamẽla kokuaye okuti, ohutililo yimue ku Suku yomuenyo wange.+

10 Ovanyãli vange va ndi sepula lesuvu;*

Eteke liosi ovo va ndi sepula vati: “Suku yove o kasi pi?”+

Ndi ka kevelela ku Suku,+

Momo ame handi ndu ko sivaya Ndupopeli wange haeye Suku yange.+

43 Ndi sombise A Suku,+

Teyuila ocitangi cange+ kofeka yina okuti havakuaciliko.

Ovio vi ndi songuile;+

Vi ndi songuile komunda yove yi kola kuenda kotavernakulu yove yinene.+

 4 Kuenje ndi ka enda kutala wa Suku,+

Ku Suku, ukuesanju liange lialua.

Ndi ka kevelela ku Suku,+

Momo ame handi ndu ko sivaya Ndupopeli wange haeye Suku yange.+

44 A Suku, tua yeva lovatũi etu muẽle,

Vakukululu yetu va tu lomboluila,+

Ovilinga wa tẽlisa koloneke viavo,

Koloneke vio kosimbu.

 2 Ove wa lupuisa olofeka leka liove+

Kuenda wa tumbika vakukululu yetu pocitumãlo cavo.+

 3 Ovo ka va piñalele ofeka omo liosipata yavo muẽle,+

Kuenda okuokuo kuavo ka kua va nenelele eyulo.+

Pole, ca lingiwa omo lieka liove liondio lokuokuo kuove+ kuenda ocinyi cocipala cove,

Momo ove wa va sola.+

 4 A Suku, ove Wusoma yange;+

Handeleka* eyulo linene* ku Yakoba.

 5 Lunene wove tu ka lupuisa ovanyãli vetu;+

Vonduko yove tu ka liataila vana va tu katukila.+

 6 Momo ame sia kolelele kohonji yange,

Kuenda osipata yange ka yi tẽla oku ndi popela.+

 7 Ove wa tu popela kovanyãli vetu,+

Ove wa kutisa osõi vana va tu nyãle.

 8 Ku Suku, tu ka eca esivayo eteke liosi,

Kuenda tu ka eca olopandu konduko yove otembo ka yi pui. (Sela)

 9 Pole, cilo o tu yanduluka loku tu kutisa osõi,

Kuenda kua siatele oku enda lolohoka vietu.

10 Ove amamako oku tu kokela oku tila ovanyãli vetu;+

Vana va tu nyãle va tu punda cosi va yongola.

11 Ove ecelela okuti ovanyãli vetu, va tu ponda ndolomeme;

Ove wa tu sanduila pokati kolofeka.+

12 Ove o landisa omanu vove londando yitito calua;+

Pole, ku tambula onganyu layimue koku landisiwa kuaco.*

13 Ove o tu kokela oku pembuiwa lava va lisungue letu,

Kuenda o tu lingisa ocikuata cimue cesepu kuenda celaviso komanu vosi va tu ñuala.

14 Ove o tu lingisa ocikuata coku popiwa lãvi* pokati kolofeka,+

Kuenda loku puka puka kovitue viavo, va tu pembula.

15 Eteke liosi ndi liyeva okuti nda lavisiwa,

Kuenda ñasi losõi yalua,

16 Mekonda liolondaka viavo vioku sepula kuenda vioku sanumũla,

Omo liunyãli wetu o kasi oku fetuluinya.

17 Ovina viosi evi vieya kokuetu, pole, lopo ka tua ku ivalele,

Kuenda ka tua sinĩlile ocisila cove.+

18 Utima wetu ka wa pambukile;

Olongenda vietu ka via yapukile vonjila yove.

19 Pole, ove wa tu nyanyũila apa olombua viovusenge* via tunga;

Ove wa tu sikĩlĩla lowelema walua.

20 Nda tua ivalele onduko ya Suku yetu

Ale nda tua olũile ovaka etu oku likutilila ko suku yimue yiñi,

21 Anga hẽ Suku nda ka ci limbukile?

22 Mekonda liove tua siata oku eciwa kolofa;

Tu tendiwa ndomeme ya loña kepondelo.+

25 Momo tua kupuiwa posi;

Atimba etu a lamelẽla posi.+

 3 Okuonene, malẽha osipata yove+ vombunda,+

Kumue lekemãlo liove kuenda eposo liove.+

 4 Veposo liove, kuende keyulo;*+

Endela kokavalu omo liocili lumbombe kuenda esunga,+

Kuenje eka liove liondio, li ka tẽlisa* ovina vi komõhisa.

 5 Ovisongo viove via tua, vi ka toma utima wovanyãli va soma;+

Omanu vamamako oku kupuka kovaso yove.+

 6 Suku eye ocalo cove otembo ka yi pui;+

Epangati liusoma wove, epangati limue lia suñama.*+

 8 Ovowalo ove osi a lehĩsiwa lo mura, locandala kuenda o kasia;

Ovikuata viovisikilo via pangiwa lovikolo, vi ku sanjuisa oku upisa kelombe liove linene lina lia posuisiwa lolombinga vionjamba.

10 Yevelela Amõla ukãi kuenda vongola etũi liove;

Ivalako omanu vove kuenda onjo ya isiove.

11 Kuenje soma o ka livela eposo liove,

Momo eye ñala yove,

Omo liaco, u kekamẽla.

12 Omõla ufeko wa Turo o keya lombanjaile yimue;

Olohuasi via velapo vi ka sanda ohenda yove.*

13 Vokati kelombe, omõla ukãi wa soma weyuka lulamba;

Uwalo waye wa posuisiwa lulu.*

15 Ovo va ka neniwa lonjolela kuenda lesanju;

Ovo va ka iñila velombe lia soma.

46 Suku eye ocitililo haeye ongusu yetu,+

Olonjanja viosi tu pondola oku kuata ekuatiso liaye kotembo yohali.+

 2 Eli olio esunga lieci ka tu ka kuatela usumba ndaño ilu lieve li pongoloka,

Ndaño olomunda vi kupukila valondo okalunga,+

 3 Ndaño ovava okalunga õla kuenda a tunda efelefele,+

Ndaño olomunda vi luluma omo lioku tema kualio. (Sela)

 4 Kuli olui lumue okuti olondui via tepiwamo, vi kokela olupale lua Suku oku sanjuka,+

Otavernakulu yi kola haiyo yinene ya Fũ.

 6 Olofeka via sakalala, ovosoma a kunduiwa;

Suku wa kaluka londaka yaye kuenje ilu lieve lia yenguluka.+

 7 Yehova ukualohoka o kasi letu;+

Suku ya Yakoba ocitililo cetu ca koka.* (Sela)

 8 Enjui kuenda ndo tali ovopange a Yehova,

Ndomo eye a kasi oku linga ovina vi komõhisa kilu lieve.

O teya ohonji kuenda o nyanyõla onjelia;

Eye o timĩha akãlu uyaki* vondalu.

Ndi ka kemãlisiwa pokati kolofeka;+

Ndi ka kemãlisiwa kilu lieve.”+

11 Yehova ukualohoka o kasi letu;+

Suku ya Yakoba ocitililo cetu ca koka.+ (Sela)

 2 Momo Yehova Fũ o komõhisa;+

Eye Soma yinene kilu lieve liosi.+

 3 Eye o kokela omanu oku tu pokola;

Eye o kapa olofeka vemẽhi liolomãhi vietu.+

 4 Eye o tu nõlelako ocipiñalo cetu,+

Okuti, esanju lia Yakoba una eye a sole.+ (Sela)

 5 Suku wa lamana osimbu omanu va kala oku kaluka lonjolela;

Yehova wa lamana osimbu omanu va sika ombinga.*

 7 Momo Suku eye Soma kilu lieve liosi;+

Imbi ovisungo viesivayo kuenda lekisi olondunge.

 9 Asongui vomanu va liongolola

Lomanu va Suku ya Avirahama.

48 Yehova unene kuenda o sesamẽla esivayo lia piãla

Volupale lua Suku yetu, vomunda yaye yi kola.

 2 Omunda Siono kolonepa viocipãla vio konano+

Ya fina vocitumãlo cayo, haiyo esanju lio kilu lieve liosi,

Kuenda olupale lua Soma Yinene.+

 3 Volosapalalo vialio vi kuete oviteyuilo,

Suku wa lisitulula okuti, eye ocitililo cimue ca koka.*+

 4 Tali! Olosoma via liongolola;*

Ovio vieya kumosi.

 6 Oku luluma oko kua va kuatela,

Olongembia ndevi viukãi o kasi oku cita.

 8 Eci tua yevele, cilo tu ci lete etu muẽle,

Volupale lua Yehova ukualohoka, volupale lua Suku yetu.

 9 A Suku, tu sokolola ocisola cove ka ci pongoloka,+

Vokati konembele yove.

10 A Suku, ndeci ci kasi onduko yove, esivayo liove

Li pitĩla kasulilo o kilu lieve.+

11 Omo liasombiso ove, Omunda Siono+ yi sanjuke,

Alupale* o ko Yuda a yolele.+

12 Ñuali ñuali o Siono; ñuali kolonele vialio viosi;

Tendi olosapalalo vialio.+

Kũlĩhĩsi olosapalalo vialio vi kuete oviteyuilo,

Oco vu sapuli eci catiamẽla kokualio kovitumbulukila vi keya kovaso.

Vosi va tunga voluali va yevelele lutate,

 2 Ci kaile ava vatito lava vanene,

Ci kaile ohuasi ale ohukũi.

 3 Omẽla wange muẽle u ka vangula olondunge,

Kuenda ovisimĩlo viutima wange+ vi ka lekisa elomboloko.

 4 Ndi ka vonguila etũi liange kolusapo;

Ndi ka lombolola elumbu liange lohalupa.

 5 Momo lie ndi kuatela usumba kotembo yovitangi,+

Eci ndi ñualiwa levĩho* lia vana va yongola oku ndi kokela enyõleho?

 6 Vana va kolela kovipako viavo,+

Kuenda va lipanda lovokuasi avo alua,+

 7 Lomue pokati kavo o tẽla oku yovola ukuavo

Ale oku eca ku Suku ocisembi cimue coku u yovola,+

 8 (Ondando yocisembi* comuenyo wavo ya tĩla calua,

Okuti ovo lalimue eteke va ka tẽla oku yi feta);

 9 Oco eye a kale komuenyo otembo ka yi pui kuenje ka moli eyambo.*+

10 Ovo va mola okuti ndaño muẽle omanu vakualondunge va fa;

Eveke lomunu ka kuete olondunge, va kuete esulilo limuamue,+

Kuenda va sila vakuavo ovipako viavo.+

11 Onjongole yutima wavo yeyi okuti, olonjo viavo vi kala otembo ka yi pui,

Olombalaka viavo vi kala kocitumbulukila locitumbulukila.

12 Pole, omunu ndaño okuti wa kemãla, ka kala otembo yalua;+

Eye ka velelepo ovinyama vi fa.+

13 Eyi oyo onjila yaveke,+

Kuenda ya vana va kuama aveke okuti, va sanjukila olondaka viavo viaño. (Sela)

Oku fa ku va songuila;

Lomẽle ovo va ka vialiwa la vana+ va suñama.

Ovo va ka nyõleha;+

Onjembo*+ yi ka kala onjo yavo okuti, elombe halioko.+

15 Pole, Suku o ka ndi yovola kunene* Wonjembo,*+

Momo eye o ka ndi tata. (Sela)

16 Ku ka kuate usumba omo omunu umue wa linga ohuasi,

Omo onjo yaye ya posokapo vali,

17 Momo eci eye a fa, ka tẽla oku ambata cimue;+

Eposo liaye ka li ka loka laye veyambo.+

20 Omunu una okuti ka kuete elomboloko, ndaño wa kemãla,+

Ka velelepo ovinyama vi fa.

50 Suku yolosuku Yehova*+ o popia;

Eye o kovonga ilu lieve,

Tunde koku tunda kuekumbi toke koku iñila kualio.*

Kovaso yaye kuli ondalu yi nyõla,+

Kuenda ehunguhungu linene lio ñuala.+

 4 Eye o kovonga ovailu kuenda ilu lieve,+

Oco a sombise omanu vaye hati:+

 5 “Ongoluili kokuange vana va ndi kolela,

Vana va linga ocisila lame pocakati cocilumba.”+

 6 Ovailu a sapula esunga liaye,

Momo Suku eye Onganji.+ (Sela)

 7 “Yeveleli, ene amanu vange kuenda ndi ka vangula;

A Isareli, ndi ka imba uvangi woku lekisa eci cĩvi ove wa linga.+

 8 Si ku lungula omo liovilumba viove,

Ale omo liovilumba viove vioku pia elisi vina vi kasi kovaso yange otembo yosi.+

 9 Si sukila oku upa ongombe yimue vonjo yove,

Ndaño ovitupi violomeme voviunda viove.+

10 Momo ovinyama viosi viovusenge via tiamẽla kokuange,+

Lovinyama vi kasi kolomunda viosi.

11 Nda kũlĩha olonjila viosi vio kolomunda;+

Ovinyama vialua viovusenge via tiamẽla kokuange.

12 Nda nda kaile lonjala, nda sia ku pingile okulia,

Momo ilu lieve kuenda ovina viosi vi kasimo via tiamẽla kokuange.+

13 Anga hẽ ndi ka lia ositu yolongombe,

Loku nyua osonde yovitupi violohombo?+

14 Eca olopandu ndocilumba cove ku Suku,+

Kuenda feta olohuminyo viove ku Fũ;+

15 Mbilikiye kotembo yohali.+

“Omoko yipi o kuete oco o lombolole olonumbi viange,+

Ale oku popia catiamẽla kocisila cange?+

17 Momo ove o nyãle epindiso,*

Kuenda imba onyima olondaka viange.*+

18 Eci o mola ocimunu, ove o sanjuka laco,*+

Kuenda ove amamako oku kuata ukamba la vakuakahokolo.

19 Ove ecelela omẽla wove oku sandeka eci cĩvi,

Kuenda kelimi liove kuli elimbi.+

20 Ove o tumãla kuenda o sokola manjove;+

Ove o situlula akulueya* a manjove.

21 Eci ove wa linga ovina evi, ame ndamamako oku ũha,

Omo liaco, wa sima okuti ndi kala ndove.

Pole, kaliye ndi ka ku lungula,

Kuenda ndi ka ku lekisa eko liove.+

22 Ene wa ivali Suku ci sokololi, mangi ohenda,+

Oco si ko nyanyõli okuti lomue o ka vu yovoli.

23 Una eca olopandu ndocilumba caye o ndi sivaya,+

Kuenda una amamako oku kuama onjila locimãho cimue,

O ka mola epopelo li tunda ku Suku.”+

 2 Ndi sukule kokulueya kuange,+

Kuenda njelise kekandu liange.+

 3 Momo nda kũlĩha ciwa akulueya ange,

Kuenda ekandu liange li kasi kovaso yange* otembo yosi.+

 4 Ove lika wove, nda ku lingila ekandu;+

Nda linga eci cĩvi kovaso ove.+

Omo liaco, ove ukuesunga eci o vangula,

Kuenda o kuete esunga kesombiso liove.+

 5 Tala! Nda citiwa leko lioku lueya,

Kuenda ina yange wa ndi minĩla kekandu.*+

 6 Tala! Ove o sanjukila ocili co vutima;+

Longisa utima wange olondunge viocili.

 7 Njelise kekandu liange lohisopu oco ndi yele;+

Ndi sukule oco ndi yele calua okuti, ocikokoto ci sule.+

 8 Ecelela okuti ndi yeva ovileñi viesanju kuenda vionjolela,

Oco ndi sanjuke ndaño ove wa nyanyõla akepa ange.+

 9 Ecela akandu ange,+

Kuenda imũla akulueya ange osi.+

10 A Suku, nyĩhe utima wa lipua,+

Kuenda nyĩhe espiritu liokaliye+ hailio lia pama.

11 Ku ka nundise kovaso ove;

Kuenda ku ka njupe espiritu sandu liove.

12 Niuwile esanju lieyovo liove;+

Ndi kokele oku kuata onjongole yoku ku pokola.*

13 Ndi ka longisa vakuakulueya olonjila viove,+

Oco vakuakandu va tiuke kokuove.

14 Ndi popele keko liosonde,+ A Suku, Suku yepopelo liange,+

Oco elimi liange li sanjukile oku sapula esunga liove.+

15 A Yehova, ngecelele oku vangula,

Oco omẽla wange u sapule esivayo liove.+

16 Momo ove ku yongola ocilumba cimue, sanga nda nda ku cĩha;+

Ove ku sanjukila ocilumba coku pia elisi.+

17 Ovilumba vi sanjuisa Suku, utima wa teka;

A Suku, ove ku ka likala* utima wa teka haiwo wa samba.+

18 Lekisa ohenda kuenda lingila eci ciwa o Siono;

Tumbulula ovimbaka vio Yerusalãi.

19 Kuenje o ka sanjukila ovilumba viesunga,

Ovilumba vioku pia elisi kuenda ovilumba viosi;

Kuenje olongombe vi ka lumbiwa kutala wove.+

 2 Elimi liove lia tua ndomoko,+

Li sokiya oku linga eci cĩvi kuenda ovopange elimbi.+

 3 Ove o sole vali evĩho okuti eci ciwa ci sule,

Ove o kemba calua okuti oku vangula eci ca sunguluka ci sule. (Sela)

 5 Eli olio esunga lieci Suku a ka ku nyõlela otembo ka yi pui;+

Eye o ka ku kuata kuenda o ka ku tundisa vombalaka yove;+

Eye o ka ku tukũla vofeka yava va kasi lomuenyo.+ (Sela)

 6 Vakuesunga va ka ci mola kuenje va ka komõha,+

Kuenda va ka ku yola vati:+

 7 “Tala, u eye omunu okuti ka lingile Suku ocitililo* caye,+

Pole, wa kolela kovokuasi aye alua+

Kuenda wa kolela kasokiyo aye ãvi.”*

 8 Pole, ndi ka kala nduti woliveira wa pulika vonjo ya Suku;

Ekolelo liange li kala vocisola ka ci pongoloka ca Suku+ otembo ka yi pui.

 9 Ndi ka ku sivaya otembo ka yi pui omo liovopange wa linga;+

Kovaso ya vana va ku kolela,

Ñuata elavoko vonduko yove,+ momo oyo yiwa.

Ovilinga viavo via suvukiwa kuenda ka via sungulukile;

Lomue o kasi oku linga eci ciwa.+

 2 Pole, Suku oku upisa kilu, o vanja posi komãla vomanu+

Oco a mole nda kuli umue o kuete olondunge, ale nda kuli umue o kasi oku sanda Yehova.+

 3 Vosi yavo va tinduka;

Vosi yavo vakuavitukiko.

Lomue o kasi oku linga eci ciwa,

Ndaño umosi.+

 5 Pole, ovio vi ka kuata usumba walua,

Okuti usumba waco lalimue eteke via u kuatele,*

Momo Suku o ka sandola akepa a vana va ku katukila.*

Eci Yehova ongolola vali omanu vaye va kala kumandekua,

Yakoba a yolele, Isareli a sanjuke.

54 A Suku, mopele omo lionduko yove,+

Kuenda ndi teyuile+ lunene wove.

 2 A Suku, yevelela ohutililo yange;+

Vonguila etũi kolondaka viomẽla wange.

 3 Momo ovanyãli va ndi katukila,

Kuenda olongangala vi kasi oku sanda omuenyo wange.+

 4 Tali! Suku eye oñuatisi yange;+

Yehova o kasi la vana va ñuatisa.

 5 Eye o ka fetuluinya ovanyãlivange+ levĩho liavo muẽle;

A Suku yange va kundula, momo ove wukuesunga.+

 7 Momo eye o ndi popela kohali yosi,+

Kuenda ndi ka vanja koku yuliwa kuovanyãli vange.+

Esakalalo liange ka li ngecelela oku puyuka,+

Kuenda nda sakalala,

 3 Momo ovanyãli vange va kasi oku popia okuti, va ka ndi katukila,

Omanu vãvi va kasi oku ndi lambalala.

Ovo va kasi oku ndi kokela ohali yalua,

Va ñuetele onyeño yalua kuenda va ndi suvuka calua.+

 4 Utima wange wa tokotelua vokati kange,+

Kuenda usumba woku fa wa ndi wila.+

 5 Usumba kuenda oku luluma vieya kokuange,

Kuenda asangu a njitaila.

 8 Nda nda lupukila lonjanga vocitililo cimue

Nda nda tila ovitangi vi kasi ndofela yalua kuenda ndehunguhungu.”

 9 A Yehova, kapa olondingaĩvi vombuanja kuenda nyõla asokiyo avo,*+

Momo nda mola ungangala kuenda ema volupale.

10 Ovo va ñuala ñuala kilu liovimbaka violupale utanya luteke;

Vokati kolupale muli evĩho kuenda ovitangi.+

11 Enyõleho li kasi pokati kalio

Volokololo vialio omanu va talisiwa ohali olonjanja viosi loku kembiwa.+

12 Nda unyãli umue wa ndi pembuile;+

Ame nda nda pandikisa.

U o kasi oku ndi katukila hunyãliko;

Nda ca kaile unyãli, ame nda nda salama.

13 Pole, ove muẽle wa ci linga okuti, wumunu ndame,*+

Ekamba liange lina ame nda kũlĩha ciwa.+

14 Tua sanjukilile ukamba umue uwa;

Tua endaenda oku lamanela konjo ya Suku kumosi lowiñi.

Ovo va lokile lomuenyo Vonjembo;*

Momo ũvi u kasi kovitumãlo viavo kuenda vovitima viavo.

16 Catiamẽla kokuange, ndi ka vilikiya Suku Yehova,

Kuenje eye o ka ndi popela.+

17 Luteke, lomẽle kuenda ekumbi pongunji, ndi sakalala kuenda ndi leña leña,*+

Kuenje eye o yeva ondaka yange.+

18 Eye o ka nyĩha ombembua loku ndi yovola ku vana va liyaka lame,

Momo owiñi u ndi katukila.+

19 Suku o ka ndi yeva loku va tambulula,+

Una o tumãla kocalo tunde osimbu.+ (Sela)

Ovo va ka likala oku pongoloka,

Vana ka va sumbilile Suku.+

20 Ekamba liange lia katukila akamba vaye;+

Olio ka lia tẽlisile ohuminyo yaye.+

21 Olondaka viaye via leñela calua okuti, ongundi yi sule,+

Pole, uyaki u kasi vutima waye.

Olondaka viaye via leñela okuti ulela u sule,

Pole, ovio vi kasi ndolosipata via lepikiwa.+

22 Imba ocilemo cove ku Yehova+

Kuenda eye o ka ku kuatisa.+

 2 Ovanyãli vange va ndi katukila eteke liosi;

Valua va liyaka lame loku lipanda.

 4 Nda kolela ku Suku, una ndi sivaya ondaka yaye,

Nda kolela ku Suku, si kuete usumba.

 5 Eteke liosi ovo va ndi kokela ovitangi;

Ovo va sima lika oku ndi lemẽha.+

 6 Ovo va lisalamisa oco va ñatukile;

Ovo va lavulula olonjila viange viosi,+

Loku lavoka oku upa omuenyo wange.+

10 Nda kolela ku Suku, una ndi sivaya ondaka yaye;

Nda kolela ku Yehova, una ndi sivaya ondaka yaye;

11 Nda kolela ku Suku; si kuete usumba.+

12 A Suku yange, ndi sukila oku tẽlisa ovina nda ku likuminya;+

Ndi ka ku lumbila ovilumba violopandu.+

13 Momo ove wa njovola kolofa,+

Kuenda wa lava olomãhi viange oco si ka lilondoke+

Okuti, ndamamako lomuenyo loku endela kovaso a Suku.+

57 Ndekise ohenda, A Suku, ndekise ohenda,

Momo nda sanga ociteyuilo kokuove,+

Kuenda nda sanga ociteyuilo vulembo wavava ove toke eci ovitangi vi pita.+

 2 Ame ndi vilikiya Suku Fũ,

Ku Suku yocili una o malako ovitangi mekonda liange.

 4 Nda ñualiwa lolohosi;+

Ndi sukila oku pekela pokati kalume va yongola oku ndi lia,

Vana okuti ovayo avo olonjelia lovisongo,

Haivo okuti elimi liavo osipata ya lepikiwa.+

 5 A Suku, o sesamẽla oku sivayiwa kilu liovailu;

Ulamba wove u kale kilu lieve liosi.+

 6 Ovo va kapa onjanjo* oco va kuate olomãhi viange;+

Nda kekama lohali yalua.+

Ovo va fẽla ocitunu kovaso ange,

Pole, ovo muẽle va kupukilamo.+ (Sela)

 7 A Suku, utima wange wa pama,+

Utima wange wa pama.

 9 A Yehova, ndi ka ku sivayela pokati komanu;+

Ndi ka ku imbila ovisungo viesivayo* pokati kolofeka.+

10 Momo ocisola cove ka ci pongoloka ca piãla okuti, ci pitĩla toke kovailu+

Kuenda ocili cove ci pitĩla toke kalende.

11 A Suku, o sesamẽla oku sivayiwa kilu liovailu;

Ulamba wove u kale kilu lieve liosi.+

 2 Pole, vovitima viene vu sokiya eci ka ca sungulukile,+

Kuenda ovaka ene a sandola ungangala kilu lieve.+

 3 Olondingaĩvi vi yapuka* tunde eci vi citiwa;*

Ovio vakuovasi haivio olohembi tunde otembo via citiwa.

 4 Owule wavio wa lisoka lowule wolonyõha;+

Ovio ovisitatũi ndekuiva li sitika etũi lialio.

 5 Olio ka li yevelela ondaka yovimbanda,

Ndaño via loñoloha katutu avio.

 8 Ovo va kale ndehotio li yenguluka osimbu li kasi oku enda;

Ndoñaña ya pulumuiwa okuti, lalimue eteke yi ka mola ekumbi.

 9 Osimbu olombia viene ka via yevele owuya wocilavi,

Suku ndehunguhungu liofela+ o kambata ovianja viosi vi talala, ovianja vitalala kuenda evi vi kasi oku pia londalu.

10 Ukuesunga o ka sanjuka momo wa mola efetuluinyo;+

Olomãhi viaye, vi keyuka losonde yondingaĩvi.+

59 A Suku yange, mopele kovanyãli vange;+

Ndi teyuile ku vana va ndi katukila.+

 2 Mopele ku vana va linga eci cĩvi,

Kuenda ndi yovole kolongangala.*

 3 Tala! Ovo va ndi lavekela vonutula;+

Alume va pama va ndi katukila,

Pole, ka va ci lingila omo nda lueya,+ ale nda linga ekandu, A Yehova.

 6 Uteke luteke ovio vi tiuka;+

Vi kua* ndolombua+ kuenda vi ñuala ñuala olupale.+

 7 Tala ovina vi tunda vomẽla wavo;

Omẽla wavo u kasi ndolosipata,+

Momo vi popia viti: “Helie o kasi oku yevelela?”+

 8 Pole, ove A Yehova, o ka vi yola;+

Ove o ka pembula olofeka viosi.+

 9 Angusu yange, ndi amamako oku talamẽla kokuove;+

Momo Suku eye ocitililo cange ca koka.*+

10 Suku una o lekisa ocisola ka ci pongoloka kokuange, o keya oku ndi kuatisa;+

Suku o ka ndi kokela oku vanja koku yuliwa kuovanyãli vange.+

Lunene wove, va kokela oku tungayala;

Va kokela oku kupuka, A Yehova, aciyepelo cetu.+

12 Omo liekandu liomẽla wavo kuenda ondaka yomẽla wavo,

Va kuatiwe omo liepela liavo,+

Momo va kasi oku siñala omanu kuenda vakuelimbi.

13 Va kundula vonyeño yove;+

Va kundula, oco ka va ka kaleko vali;

Va kokela oku kũlĩha okuti, Suku o kasi oku viala pokati ka Yakoba kuenda toke kasulilo o kilu lieve.+ (Sela)

14 Va ecelela oku tiuka koñolosi;

Va ecelela oku kua* ndolombua kuenda va ñuale ñuale olupale.+

15 Va ecelela oku tungayala poku sanda cimue coku lia;+

Ku ka ecelele okuti vekuta, ale va sanga ocitumãlo coku kala.

16 Pole, catiamẽla kokuange ndi ka imba eci catiamẽla kongusu yove;+

Lomẽle ndi ka sanjukila oku vangula catiamẽla kocisola cove ka ci pongoloka.+

Momo ove wucitililo cange ca koka,

Haive wucitumãlo cange coku tila kotembo yohali.+

17 Angusu yange, njimba ovisungo viesivayo*+ kokuove,

Momo Suku eye ocitililo cange ca koka, Suku una o lekisa ocisola ka ci pongoloka kokuange.+

 4 Votola* uti wepandela oco vana va ku sumbila

Va tile loku puluka kohonji. (Sela)

 5 Oco vana o sole va yovuiwe,

Tu popele leka liove liondio kuenda tu tambulule.+

“Ndi ka sanjuka, ndi ka eca Sekeme ndocipiñalo komanu vange,+

Loku upa oseteko Kocimbota* co Sukote.+

 7 O Gileada ya tiamẽla kokuange ndeci Manase,+

Kuenda Efarimi ocikoko* cutue wange;

Yuda ombueti yange yoku viala.+

10 Haveko hẽ, A Suku, una wa tu likala,

Suku yetu, una ka endaenda vali lolohoka vietu?+

11 Tu kuatise kohali yetu,

Momo epopelo liomanu ka li silivila.+

12 Suku o ka tu ĩha ongusu,+

Kuenda o ka kosa ovanyãli vetu.+

 2 Tunde kasulilo o kilu lieve ndi ka kalukila kokuove

Eci utima wange u pua elavoko.*+

 3 Momo ove wucitililo cange,

Haive wusapalalo ya pama yi ndi teyuila kovanyãli.+

 4 Ndi ka kala vombalaka yove otembo ka yi pui;+

Ndi ka sanda ocitililo vocivundilo cavava ove.+ (Sela)

 6 Ove o ka luisa oloneke viomuenyo* wa soma,+

Kuenda anyamo aye a ka kala tunde kocitumbulukila toke kocitumbulukila.

 7 Eye o ka tumãla kocalo* otembo ka yi pui kovaso a Suku;+

U wĩha* ocisola ka ci pongoloka kuenda esunga oco ovio vi u teyuile.+

 8 Kuenje ndi ka imba ovisungo viesivayo* vonduko yove otembo ka yi pui+

Osimbu ndi feta olohuminyo viange eteke leteke.+

 2 Pole, eye handa yange, epopelo liange kuenda ocitililo cange ca koka;*+

Ame lalimue eteke ndi ka sengiwa calua.+

 4 Momo ovo va livangula pokati oco vo kupule komangu yaye ya velapo;*

Ovo va sanjukila oku kemba.

 6 Pole, eye handa yange, epopelo liange kuenda ocitililo cange ca koka;

Ame lalimue eteke ndi ka sengiwa.+

 9 Omãla vomanu va kasi ndefuimo liaño,

Omãla vomanu ocitililo cesanda.+

10 Ko ka koleli koku punda

Ale oku kuatela elavoko liesanda koku nyana.

12 A Yehova, ocisola ka ci pongoloka ca tiamẽlavo kokuove,+

Momo ove o feta omunu lomunu ndomo ci likuata lovilinga viaye.+

Ame* nda hongua omo lioku ku livela

Vofeka yimue ya kukuta haiyo yekango muna ka muli ovava.+

 2 Kuenje nda ku vandekela kocitumãlo ci kola;

Nda mola ongusu yove kuenda ulamba wove.+

 3 Momo ocisola cove ka ci pongoloka, ca velapo okuti omuenyo u sule,+

Omẽla wange u ka ku sivaya.+

 4 Omo liaco, ndi ka ku sivaya vokuenda kuomuenyo wange wosi;

Vonduko yove ndi ka tulika ovaka ange.

 5 Nda sanjukila onepa ya velapo haiyo yukuasi,

Omo liaco, londaka yonjolela ndi ka ku sivaya.+

 6 Ndu ku ivaluka osimbu ndi kasi pula wange;

Ndu ku sokolola vokati kuteke.+

 7 Momo ove wuñuatisi yange,+

Ame ndi kaluka lesanju vulembo wavava ove.+

 8 Ame ndi kakatela kokuove;

Eka liove liondio li ndi kuata longusu.+

 9 Pole, vana va sanda oku nyõla omuenyo wange*

Va ka lokila vocitunu colofa.

10 Ovo va ka pondiwa losipata;

Ovo va ka kala okulia kuolombua viovusenge.*

Omunu wosi o lisinga Laye o ka yolela,*

Momo omẽla wa vana va vangula ovohembi, u ka munĩhiwa.

 2 Ndi teyuile kasokiyo ãvi olondingaĩvi,+

Kuenda kowiñi wolondingaĩvi.

 3 Ovo va lepika elimi liavo ndosipata;

Ovo va loñisa olondaka viavo vĩvi ndovisongo,

 4 Oco va ase omunu ka kuete eko oku upisa povitumãlo viavo vioku salama;

Ovo va asa kokuaye vocipikipiki okuti, ka va kuete usumba.

 5 Ovo va kakatela kesokiyo liavo lĩvi;*

Va sapela ndomo va salamisa olonjanjo viavo.

 6 Ovo va sanda olonjila viokaliye vioku linga eci cĩvi;

Vuyombeki va tumbika ongombo yasokiyo atutu avo;+

Ovisimĩlo viutima womunu lomunu via longa calua.

 7 Pole, Suku o ka va asa lusongo;+

Vocipikipiki ovo va ka lemẽhiwa.

 8 Elimi liavo muẽle, li ka va kokela oku kupuka;+

Vosi vana va kasi oku ci mola va ka puka puka kutue wavo.

 9 Kuenje omanu vosi va ka kuata usumba,

Kuenda va ka sapula eci Suku a linga,

Kuenje va ka kuata elomboloko liovilinga viaye.+

10 Ukuesunga o ka sanjukila vu Yehova loku sanda ocitililo vokuaye;+

Vosi va kuete utima wa suñama, va ka yolela.*

65 A Suku, o ka sivayiwa Komunda Siono;+

Etu tu ka feta olohuminyo vietu kokuove.+

 3 Akandu ange a ndi yula,+

Pole, catiamẽla kakulueya etu, ove o ka a ecela.+

 4 Wa sumũlũha omunu una ove o nõla haeye ove o laleka oco amẽle kokuove,

Oco a kale vovitali viove.+

Tu ka sanjuka luwa wonjo yove,+

Onembele* yove yi kola.+

 5 Ove o ka tu tambulula lovilinga+ vi komõhisa viesunga,

A Suku yepopelo lietu;

Ove Wukolelo liasulilo osi o kilu lieve,+

Kuenda lia vana va kasi ocipãla volofeka viokalunga.

 6 Ove* wa tumbika ciwa olomunda lunene wove;

Ove* wa pama calua.+

 7 Ove* o tulumũla onyeño yokalunga,+

Lokuõla kuakimba ao kuenda onjuela yolofeka.+

 8 Olonungi vio kovitumãlo vio kupãla, vi ka saluka omo liovilinga viove vi komõhisa;*+

Oku upisa ku vana va kasi kutundilo wekumbi toke kutakelo, o ka va kokela oku kaluka lonjolela.

 9 Ove o tata ilu lieve,

O li lingisa okuti lima* calua kuenda li kuata ukuasi walua.+

Olui lu tunda ku Suku, lueyuka ovava;

Ove o va ĩha okulia,+

Momo eli olio esunga lieci wa pongiyila ilu lieve.

10 Ove o yulisa ovapia alio kuenda o tapikisa osi yalio yina ya putuiwa;

Ove o a leñelisa lombela yalua; loku sumũlũisa oku yova kuaco.+

11 Ove o posuisa unyamo luwa wove;

Olonjila wendela, vieyuka luwa.*+

12 Ovisenge vio vekalasoko viamamako oku tumõha,*+

Kuenda oviwulu vi walisiwa lesanju.+