OCISUNGO CA SALOMONE
1 Ocisungo covisungo* okuti, ca Salomone:+
3 Elemba lionguendu yove liwa.+
Onduko yove yi kasi ndelemba lionguendu ya pesiwa.+
Eli olio esunga lieci akãi amalẽhe va ku solele.
4 Ngambate;* tu yoloke.
Soma wa ndiñisa vohondo yaye yo vokati!
Tu sanjuke kuenda tu yolele kumosi.
Tu sivaye* ocisola cove okuti, ca velapo ovinyu yi sule.
Ove o sesamẽla ocisola cavo.*
5 Ekova liange li tekãva, pole, ame da posoka, Amãla vakãi vo Yerusalãi,
Ndolombalaka vio Kedare,+ ndolonanga viombalaka+ ya Salomone.
6 Ko ka vanji kokuange omo okuti ndi tekãva,
Momo utanya wa ndi kakula.
Vamanjange va temẽle lame;
Ovo va ndi nõla oco ndi lave oviumbo viayuva,
Pole, ocumbo cange muẽle cayuva, sia ci lavele.
7 Ndi sapuile, ove una ndi sole calua,
Apa ove o lisaila ocunda cove,
Apa ove o vi pekalaisa ekumbi pongunji.+
Momo lie ame ndi sukilila oku endela pokati koviunda viakamba vove
Ndukãi umue wa sitika ocipala caye loveu?”*
8 “Nda ove kua ci kũlĩhĩle, Okãi wa velapo koku posoka pokati kakãi,
Kuende, kuama volomãhi viocunda
Kuenda lisila otulohombo tuove ocipepi lolombalaka viangombo.”
9 “Ove o kasi ndokavalu kamue ka posoka, pokati kakãlu a Fareo, okuacisola cange.+
10 Atama ove a posuisiwa lovina vioku liposuisa,*
Osingo yove ya posuisiwa lolomota.
11 Etu tu ka ku pangela ovina viulu vioku liposuisa*
Kumue lolomota viopalata.”
12 “Osimbu soma a tumãla komesa yaye,
Onguendu yange+ yeca elemba lialio.
13 Ukuacisola cange, kokuange o kasi ndocipete co mura celemba liwa+
Ci pita uteke pokati kavele ange.
14 Ukuacisola cange, kokuange o kasi ndocisiakata+ cocikũla celemba liwa*
Pokati koviumbo viayuva vio Engedi.”+
15 “Tala! Ove wa posoka, okuacisola cange.
Tala! Ove wa posoka. Ovaso ove a kasi ndovaso olopomba.”+
16 “Tala! Ove wa posoka,* okuacisola cange kuenda o ndi sanjuisa.+
Ula wetu u kasi pokati kamẽla.
17 Olohangalo vionjo* yetu viosedru,
Olohangalo violusoka wetu, vioviti wongaye.
2 “Ndeci ci kasi onelẽho yimue pokati kolosongo,
Haico ci kasi ukuacisola cange pokati komãla vakãi.”
3 “Ndeci ci kasi uti wo masã pokati koviti viovusenge,
Haico ci kasi ukuacisola cange pokati komãla valume.
Ndi kuete onjongole yalua yoku tumãla vulembo waye,
Nda kala oku sanjukila oku pepa kuepako liaye.
4 Eye wa ngambata toke vonjo yocipito,*
Kuenda vosi va ponduile oku mola okuti, ocisola caye ca kala kokuange.
5 Nyĩhi ayuva a kukuta kuenda olomasã;+
Oco vi ndi kavuluise loku nyĩha ongusu,
Momo nda hongua calua omo liocisola.
7 Ndu vu kapi vocisila, Amãla vafeko vo Yerusalãi,
Pocakati colombambi+ kuenda colonusi viovusenge cokuti:
Ko ka seteki oku ndi vetiya oku sola omunu umue osimbu otembo yaco ka ya pitĩlĩle.+
8 Ndi yevite ondaka yukuacisola cange!
Tali! Eye o kasi oku iya,
Poku lamana olomunda, loku tẽha oviwulu.
9 Ukuacisola cange o kasi ndombambi, o kasi ndomõla wonusi.+
Eye yo, otãi konyima yocimbaka cetu,
O vanjela polonjanela,
O lengelela vapangu.
10 Ukuacisola cange o popia, o vangula lame hati:
‘Katuka, okuacisola cange,
Ove wa posoka kokuange, enju lame.
11 Tala! Ondombo ya pita.
Ombela ya pua kuenda ya enda.
12 Olonelẽho via molẽha vofeka,+
Otembo yoku teta ovianja viuti ya pitĩla,+
Kuenda ocisungo conende ci yevala vofeka yetu.+
13 Apako atete wuti wukuyu a pia;+
Oviti viayuva via telẽha kuenda vi eca elemba vialio.
Katuka okuacisola cange kuenda enju.
Ove wa posoka kokuange, enju lame.
14 Apomba yange, wa salama vovivundilo viesenje,+
Valeva omunda,
Linga ndu ku mole loku yeva ondaka yove,+
Momo ondaka yove ya posoka kuenda emolẽho liove lia fina.’”+
15 “Tu kuateliko olombulu,
Olombulu vitito vina vi nyõla oviumbo viayuva,
Momo oviumbo vietu viayuva via telẽha.”
16 “Ukuacisola cange, wange kuenda ame ndu waye.+
Eye o kasi oku lisila+ pokati kolonelẽho.+
17 Osimbu ofela yeteke ka ya fetikile oku sika* kuenda ulembo ka wa pitile,
Tiuka lonjanga, Okuacisola cange,
3 “Pula wange vokuenda kuovoteke,
Nda sandiliya una ndi sole.+
Ndo sandiliya, pole, sio sangele.+
2 Ndi ka katuka loku ñuala olupale;
Volonjila kuenda volokololo,
Ndi sukila oku sanda una ndi sole.
Ndo sandiliya, pole, sio sangele.
3 Vakuakulavulula vana va kala loku ñuala ñuala volupale, va ndi sanga.+
Kuenje nda va pula siti: ‘Anga hẽ wa moli una ndi sole?’
4 Sia malele oku pita ocipepi lavo
Kuenje nda sanga una ndi sole.
Ndo kuata kuenje sia wecele vali,
Toke eci ndo nena vonjo ya ina yange,+
Vohondo yo vokati ya una wa ndi cita.
5 Ndu vu kapi vocisila, Amãla vafeko vo Yerusalãi,
Pocakati colombambi kuenda colonusi viovusenge cokuti:
Ko ka seteki oku ndi vetiya oku sola omunu umue osimbu otembo yaco ka ya pitĩlĩle.”+
6 “Eci nye ci kasi loku lamana oku upisa vekalasoko ci kasi ndalende owisi,
Ca wavekiwa lo mura kuenda onguendu,
Kumue lolonguendu viosi vi landisiwa lukualomĩlu?”+
7 “Tali! Eyi oyo omangu* ya tiamẽla ku Salomone.
Alume va pama va soka akũi lepandu va u ñuala,
Okuti va panga onepa kalume va pama vo Isareli,+
8 Vosi yavo va limalẽha losipata,
Vosi va pindisiwa kuyaki,
Omunu lomunu pokati kavo o kasi losipata yaye vombunda
Oco vo lave kohele yuteke.”
10 Olongunji viaco eye wa vi panga lopalata,
Oviyakelo viaco viulu.
Omangu yaco yohusu;
Voka ti kaco mua posuisiwa locisola
Lomãla vakãi vo Yerusalãi.”
11 “Enjui, Amãla vakãi vo Siono,
Komõhi Soma Salomone
Una wa wala ekolowa* liuvala lina inaye+ o pangela
Keteke liuvala waye,
Keteke liesanju liutima waye.”
4 “Tala! Ove wa posoka, okuacisola cange.
Tala! Ove wa posoka.
Konyima yoveu yove, ovaso ove a kasi ndovaso olopomba.
Esinga liove li kasi ndocunda colohombo
Vi kasi oku lokila kolomunda vio Gileada.+
2 Ovayo ove a kasi ndocunda colomeme via pemuiwa ndopo
Vi kasi oku tunda vovava noke yoku sukuiwa,
Viosi via cita olonjamba,
Kuenda layimue ya fisa okamõla kayo.
3 Omẽla wove u kasi ndukolo umue u kusuka,
Oku vangula kuove ku sanjuisa.
Konyima yoveu yove, atama ove a nina
Ndonepa yimue yo romã.
4 Osingo yove+ yi kasi ndosapalalo ya Daviti,+
Yina ya tungiwa lovilala viovawe
Kuna kua patekiwa ohulukãi yoviyepelo,
Oviyepelo viosi vialume va pama.+
5 Avele ove avali a kasi ndomãla vavali,
Okuti, olonjamba viombambi yomange,+
Vi kasi oku lila pokati kolonelẽho.”
6 “Osimbu ofela yeteke ka ya fetikile oku sika* kuenda ulembo ka wa pitile,
Ame ndi ka enda komunda yo mura
Kuenda kowulu yonguendu.”+
8 Enju lame, poku tunda ko Levanone, a ndombua yange,
Enju lame poku tunda ko Levanone.+
Loka oku tunda konumbuko yo Amana,*
Konumbuko yo Senire, konumbuko yo Herimone,+
Kovitililo violohosi, kolomunda violongue.
9 Ove wa nyana utima wange,+ a manjange, a ndombua yange,
Ove wa nyana utima wange loku vanja kuovaso ove,
Lonepa yimue yomota yove yo posingo.
10 Ocisola cove ca fina+ a manjange, a ndombua yange!
Ocisola cove ca velapo vali okuti ovinyu yi sule,+
Kuenda elemba lionguendu yove ya velapo okuti, ovikũla vielemba liwa vi sule!+
11 A ndombua yange, omẽla wove u lowisa owiki wo vocingo.+
Owiki lasenjele vi kasi vemẽhi lielimi liove,+
Kuenda elemba liovowalo ove li sokisiwa lelemba liovusenge wo Levanone.
12 Manjange, ndombua yange, o kasi ndocumbo cimue ca yikiwa,
Ocumbo cimue ca yikiwa, ono yimue yovava ya sitikiwa.
13 Ovianja* viove, ocumbo cimue celau* colo romã
Lapako a velapo, lo hena kumue longuendu,*
14 Onguendu+ lo asafrau, lo kalamu*+ kuenda okanela,+
Kumue lapata osi oviti vionguendu, o mura kuenda ocandala,+
Kumue lolonguendu viosi via velapo.+
15 Ove wuno yimue yocumbo, ocisimo cimue covava a talala,
Kuenda olondui vi tumõha vi tunda ko Levanone.+
16 Pasuka, Afela yo konano;
Iñila, Afela yo kombuelo.
Sikila* vocumbo cange.
Elemba lialio li li sandule.”
“Ukuacisola cange, a iñile vocumbo caye
Loku lia apako aco a velapo.”
5 “Nda iñila vocumbo cange,+
A manjange, a ndombua yange.
Ndongolola o mura yange kuenda ovikũla viange vielemba liwa.+
Nda lia owiki wa tunda vonde yolonyĩhi,
Nda nyua ovinyu yange kuenda asenjele ange.”+
“Li, akamba wa soliwi!
Nyui kuenda kolui locisola!”+
2 “Nda pekela, pole, utima wange wa pasuka.+
Ndi yevite oku totola kukuacisola cange kepito!
‘Ndi yikuileko, A manjange ukãi, okuacisola cange,
A pomba yange, una ka kuete etime!
Momo utue wange wa yula lowume,
Esinga liovutue wange lia yula lombuili yo vuteke.’+
3 Nda lula ocikutu cange.
Ndi ci wala vali?
Nda sukula olomãhi viange.
Ndi vi lihĩsa vali?
4 Ukuacisola cange, wopa eka liaye pepangu liepito,
Kuenje utima wange wa luluma mekonda liaye.
5 Ame nda katuka oco ndi yikuileko ukuacisola cange;
Ovoko ange a nosa o mura,
Kuenda ovimuine viange vi nosa ulela wo mura,
Kovikuatelo viociyikilo.
6 Nda yikuilako ukuacisola cange,
Pole, ukuacisola cange, wamela konyima, eye wa enda.
Nda sakalalele eci eye a enda.*
Ndo sandiliya, pole, sio sangele.+
Ndo vilikiya, pole, eye ka ndi tambuluile.
7 Olondavululi vina via kala oku ñuala ñuala volupale, via ndi sanga.
Ovio via ndi veta, via ndi lemẽha.
Olondavululi viovimbaka via njupa okambilikiti* kange.
8 Ndu vu kapi vocisila, Amãla vafeko vo Yerusalãi:
Nda wa sangi ukuacisola cange,
U sapuili okuti, nda hongua calua omo liocisola.”
9 “Ukuacisola cove wa velapo ndati okuti, ulume umue ukuavo ci sule,
Okãi wa velapo koku posoka pokati kakãi?
Ukuacisola cove wa velapo ndati okuti, ulume umue ukuavo ci sule,
Okuti ove o tu kapa vemẽhi liocisila caco?”
10 “Ukuacisola cange, wa posoka haeye o kusuka;
Eye o talama pokati kekũi liolohulukãi.
11 Utue waye ulu okuti, ulu wa finapovali.
Esinga lio vutue waye li vomba ndamẽla wuti weva,*
Li tekãva ndocikuamanga.
12 Ovaso aye a kasi ndolopomba vi kasi ocipepi lolondui viovava,
Vi liteva vasenjele,
Via tumãla kohulo yociva cimue ceyuka ovava.*
13 Atama aye a kasi ndula wovikũla vielemba liwa,+
Olomunda viowangu welemba liwa.
Omẽla waye olonelẽho, u lowisa ulela wo mura.+
14 Ovimuine viovaka aye viulu. Vi kuete olonjala viewe lio krisolitu.
Imo liaye ombinga yonjamba ya ninisiwa okuti ya lañiwa losafira.
15 Ovolu aye olongunji viovawe a sielena a kapiwa vociseveto culu wa finapovali.
Emolẽho liaye lia posoka ndo Levanone. Eye wa lepa ndoviti viosedru.+
U eye ukuacisola cange, u eye ukuacisola cange, Amãla vakãi vo Yerusalãi.”
6 “Ukuacisola cove pi a enda,
Okãi wa velapo koku posoka pokati kakãi?
Ukuacisola cove wa ñualila konjila yipi?
Linga tu u sandiliye kumue love.”
2 “Ukuacisola cange, wa lokila vocumbo caye
Voviumbo violonelẽho vi kuete ovikũla vielemba liwa,
Oco a lisilemo ocunda
Kuenda oku upa olonelẽho.+
3 Ame ndu waye,
Kuenda eye wange.+
Eye o kasi oku lisila pokati kolonelẽho.”+
4 “Ove wa posoka calua ndo Tirica,*+ okuacisola cange,+
Wa fina calua ndo Yerusalãi,+
Ove o komõhisa ndolohoka via liongolola oco vi ende kuyaki.+
Esinga liove li kasi ndocunda colohombo
Ci lokila kolomunda vio Gileada.+
6 Ovayo ove a kasi ndocunda colomeme
Vi kasi oku tunda vovava noke yoku sukuiwa,
Viosi via cita olonjamba,
Kuenda layimue ya fisa okamõla kayo.
7 Konyima yoveu yove, atama* ove a nina
Ndonepa yimue yo romã.
9 Pole, umosi lika okuti eye opomba yange,+ una wange okuti ka kuete etime.
Eye lika ku inaye.
Eye wa soliwa,* ku una wo cita.
Omãla vakãi vo mola kuenje va vangula ciwa catiamẽla kokuaye;
Va nasoma kuenda akama vamamako oku u sivaya.
10 ‘U helie okuti, o nina* ndongula yi tola,
Wa fina calua ndosãi ya linga ongalo,
O yela ndocinyi cekumbi,
O komõhisa ndolohoka via liongolola oco vi ende kuyaki?’”+
11 “Nda lokila vocumbo coviti violonendo+
Oco ndi mole ocina cokaliye ci kasi oku kulila vocimbota,*
Oco ndi mole nda uti wayuva wa kala oku yova,*
Nda oviti vio romã via telẽha.
13 “Tiuka, tiuka, A Sulamita!
Tiuka, tiuka,
Oco tu ku tale!”
“Momo lie vu vanjela Sulamita?”+
“Eye o kasi ndomiluko yovimunga vivali viomanu!”*
7 “Olomãhi viove via posoka calua volohaku viove,
Amõla ukãi ukuacali!
Ovikalo viove via fina vi kasi ndovina vioku liposuisa,
Via pangiwa lovaka onalavayi yimue ya loñoloha calua.
2 Ohopa yove yi kasi ndokopo.
Oyo lalimue eteke mu kamba ovinyu ya tengiwa.
Imo liove ondunda yimue yotiliku,
Ya ñualiwa lolonelẽho.
3 Avele ove avali a kasi ndomãla vavali,
Okuti, olonjamba viombambi yomange.+
4 Osingo yove+ yi kasi ndosapalalo yimue yombinga yonjamba.+
Enyulu liove li kasi ndosapalalo yo Levanone,
Yina ya imba ovaso ko Damasko.
Utima wa soma u kutiwa lesinga liove lia fina halio lia lepa.
6 Ove wa posoka calua kuenda o sanjuisa calua,
Ove una ame ndi sole, kilu liovina viosi viwa!
7 Utunga wove u kasi nduti weva,
Kuenda avele ove a kasi ndovilende viondende.+
8 Nda popia siti: ‘Ndi ka londa vuti weva
Oco ndupe ovianja viaco vi kuete apako.’
Avele ove a kale nd ovilende viayuva,
Elemba liefuimo liove li kale ndolomasã,
9 Kuenda omẽla* wove u kale ndovinyu ya velapo.”
“Oyo yi lokile ciwa venguli liukuacisola cange,
Yi loke levando vomẽla wa vana va pekela.
10 Ame nda tiamẽla kukuacisola cange,+
Kuenda onjongole yaye yi kasi kokuange.
12 Tu pasuke selo kuenda tu ende koviumbo viayuva
Oco tu tale nda uyuva wa yova,
Nda olonelẽho via telẽha,+
Nda olo romã via telẽha.+
Oko ndi ka situluila ocisola ndu ku kuetele.+
Ci kaile okaliye ale osimbu,
Okuacisola cange, ame ndamamako oku ku solekelako.
8 “Nda ove wa kaile nda manjange ulume,
Una wa nyama kavele a ina yange, nda hĩse!
Omo liaco, nda nda ku sangele posamua, nda nda ku sipula,+
Kuenda nda lomue wa ndi pembula.
Nda nda eca kokuove ovinyu yelemba liwa oco o nyue,
Ovava a talala a kamiwa kepako liolo romã.
3 Eka liove liepĩli li lamba kutue wange levando,
Kuenda eka liove liondio li ndi kuata.+
4 Ndu vu kapi vocisila, Amãla vafeko vo Yerusalãi,
Ko ka seteki oku ndi vetiya oku sola omunu umue osimbu otembo yaco ka ya pitĩlĩle.”+
5 “O helie o kasi loku lamana poku tunda vekalasoko,
O kasi oku kunamẽla kukuacisola caye?”
“Ame nda ku pasula vemẽhi liuti wo masã.
Oko ina yove a yevela olongembia vioku cita.
Oko a ku citila lolongembia vioku cita.
6 Ndi kape ndondimbukiso yimue vutima wove,
Ndondimbukiso yimue kokuokuo kuove,
Momo ocisola ca pama calua ndolofa,+
Ekolelo lia tĩla calua Ndonjembo.*
Ocisola caco ci kasi ndovilienge viondalu yi taima, ulienge wa Yehova.+
Nda ulume umue wa ponduile oku eca ukuasi waye wosi wonjo yaye omo liocisola,
Ovokuasi aco* nda a pembuiwa.”
8 “Tu kuete manjetu ukãi utito,+
Eye ka kuete avele.
Nye tu ka lingila manjetu ukãi
Keteke eye a pingiwa oco a kueliwe?”
9 “Nda eye ocimbaka cimue,
Tu ka tunga kokuaye evindikiyo limue liopalata,
Pole, nda eye epito limue,
Tu ko yika levaya liosedru.”
10 “Ame nducimbaka cimue,
Kuenda avele ange a kasi ndolosapalalo.
Omo liaco, kovaso aye nda linga
Nda umue o sanga ombembua.
11 Salomone wa kuata ocumbo cimue cayuva+ ko Baale-Hamone.
Eye wa kundikile ocumbo cayuva ku vakuakutata.
Omunu lomunu pokati kavo wa ponduile oku nena ohulukãi yolosiekele viopalata omo liapako alio.
12 Ame ndi kuete ocumbo cange muẽle cayuva kuenda oco ca tiamẽla lika kokuange.
Ohulukãi yolosiekele viopalata* ya tiamẽla kokuove, A Salomone,
Kuenda ovita vivali ku vana va tata apako alio.”
13 “Ove wa tunga voviumbo,+
Akamba va yeva ondaka yove.
Linga ndi yi yevevo.”+
14 “Yayulako, okuacisola cange,
Kuenda yoloka ndombambi+
Ale ndomõla wonusi
Kilu liolomunda viovikũla vielemba liwa.”
Ale “Ocisungo ca velapo.”
Lit., “Ndi kokele konyima yove.”
Ale “oku lombolola.”
Okuti, akãi amalẽhe.
Ale “oveu yoku lila.”
Ale pamue, “pokati katombi esinga.”
Ale “ovinunga.”
Ale “co hena.”
Ale “wa fina.”
Ale “onjo yinene.”
Lit., “o asafrau.”
Ale “o Sarone.”
Lit., “konjo yovinyu.”
Lit., “eteke li fuima.”
Ale pamue, “olomunda vi kuete aleva.” Ale “olomunda vio Betere.”
Omangu yimue ya sitikiwa yoku ambatela omunu umue wa velapo.
Omangu yimue ya sitikiwa yoku ambatela omunu umue wa velapo.
Ci tiamisiwa kekolowa lia pangiwa lolonelẽho ale amẽla.
Lit., “eteke li fuima.”
Ale “Anti-Levanone.”
Ale pamue, “ekova.”
Ale “ocumbo.”
Ocikũla cimue citito ci kuete elemba liwa.
Olundeya lumue lu kuete elemba liwa.
Ale “Oku sika levando.”
Ale pamue, “Ndambuka eci eye a vangula.”
Ale “oveu yange.”
Ale pamue, “ndovilende viondende.”
Ale pamue, “kohulo yono yimue.”
Lit., “epepo.”
Ale “Olupale lu Sanjuisa.”
Ale “olombandu.”
Lit., “wa pua eko.”
Lit., “o vanja posi.”
Ale “vekango.”
Ale “oku telẽha.”
Ale “omanu vange va lieca olumue koku vumba.” Ale pamue, “olombiali viange.”
Ale “oku piluka kuo ko Mahanayimi.”
Lit., “utue wove.”
Lit., “epepo.”
Okuti, ocitumãlo mu kendiwa omanu va fa.
Ale pamue, “Eye.”
Lit., “Ohulukãi.”