Ocipama 14

Akamba Va Suku Vayuvula Eci Cĩvi

Satana oyonguila omanu oku linga ovina vĩvi. Omunu oyongola oku kala ekamba lia Suku osukila oku yuvula eci Yehova kasole. (Olosamo 97:10) Ovina vimue viyuvuiwa lakamba va Suku vievi:

Akandu ukahonga. “Ku ka pekelise.” (Etundilo 20:14) Okulipekela eci omunu kalingile handi olohuela kacasungulukile.​—⁠1 Va Korindo 6:⁠18.

Uholua. “Oloholua . . . ka [vi ka] piñala Usoma wa Suku.”​—⁠1 Va Korindo 6:⁠10.

Okuipaya, Okupulumula. “Ku ka ipaye.”​—⁠Etundilo 20:⁠13.

Okunyana. “Ku ka ive.”​—⁠Etundilo 20:⁠15.

Uhembi. Yehova onyale “elimi liuhembi.”​—⁠Olosapo 6:⁠17.

Ungangala kuenda Onyeño Kayitulumuiwa. “Utima wa [Yehova] u suvuka u o sole ungangala.” (Olosamo 11:⁠5) “Ovilinga vietimba [muakongeliwa ] . . . olonyeño.”​—⁠Va Galatia 5:​19, 20.

Okolowa. “Nda kuli umue ukuẽle . . . wa pia . . . kocipululu [ka ka kale pokati kene]”​—⁠1 Va Korindo 5:⁠11.

Esuvu omo Lialimi Alitepa kuenda Olonepele Viakova. “Soli ovanyali vene, likutilili ava vo fũkĩlisa.”​—⁠Mateo 5:​43, 44.

Suku otusapuila ovina vialua oco tukuate ekalo limue liwa. Halonjanja viosiko caleluka okuyuvula okulinga ovina vĩvi. Lekuatiso lia Yehova kuenda ekuatiso Liolombangi viaye, ove opondola okuyuvula okulinga ovina visumuisa Suku.​—⁠Isaya 48:17; Va Filipoi 4:13; Va Heveru 10:​24, 25.