Ulandu

SUKU UKUONENEWOSI Eye ululiki woluali luosi. Omuenyo wetu, wa cilo kuenda owu wo kovaso watiamẽla lika kokuaye. Eye o kuete unene woku tu ĩha onima kuenda woku tu yambula. Eye o kuete unene woku tu ĩha omuenyo kuenda woku tupa omuenyo. Nda tua pokola kokuaye omuenyo wetu uka enda ciwa, pole nda ka tua pokuile kokuaye tuka nyõliwa. Omo liaco, ci kuete esilivilo okuti efendelo lietu te litaviwa laye!

Omanu va siata oku fendela lolonjila vinĩ vinĩ. Nda okuti etavo lia sokisiwa ndonjila, anga hẽ atavo osi a taviwa la Suku? Sio, ka a taviwa. Yesu uprofeto wa Suku, wa lekisa okuti kuli lika olonjila vivali. Eye wa popia hati: “Ombundi yoku iñila koku nyõleha ya tanda, kuenda onjila yendako ya sanjavala, kuenje valua va iñililamo. Puãi ombundi yoku iñila komuenyo ya sukatela, lonjila yaco ya tĩla, kuenje vañamiñami va yi sanga.” ​—⁠Mateo. 7:​13, 14.

Kuli lika olonjila vivali via litepa vietavo: Etavo limue, li tuala komuenyo ko pui kuenda likuavo li tuala kenyõleho. Ocimãho combrochura eyi, coku ku kuatisa oco o sange onjila yi tuala komuenyo ko pui.