Vokati koñoño yatete

Ukuakutanga wa soliwa:

Soma Salomone ukualondunge wa soneha ndoco: “Sanjuka omalẽhe, osimbu o kasi umalẽhe kuenda utima wove u sanjukile oloneke viutila wove. Kuama olonjila viutima wove kuenda kuende kuosi ovaso ove a ku songuila.” (Ukundi 11:9) Vokuenda kuovomalẽhe omunu o pondola oku kuata esanju lialua loku komõha lovina vimue kuenda etu tu yongola okuti ove wumalẽhe, o sanjukila omuenyo waco. Pole, tu ku vetiya oku ci linga lonjila yi sanjuisa Yehova Suku. Lalimue eteke ku ka ivaleko okuti eye o lete ovina viosi o linga lomuenyo wove kuenda o ka ku sombisa ndomo ci likuata lovilinga viove. Omo liaco, ca sunguluka oku kuama elungulo likuavo lia Salomone liokuti: “Ivaluka Ululiki wove wa Velapo koloneke viove viutila.”— Ukundi 12:1.

Tu likutilila okuti, olonumbi vi sangiwa velivulu lilo, vi ku kuatisa oku tamalãla kayonjo kuenda koloseteko amalẽhe va siata oku liyaka lavio koloneke vilo. Tu lavoka okuti, vi ku kuatisa oku nõla olonjila vi likuata locipango ca Suku. Poku ci linga, o ka sanjuisa utima wa Yehova.— Olosapo 27:11.

Osungu Yolombangi Via Yehova