Ove hẽ o ka Linga Ocipango ca Yehova?

Tua pandula omo ove wa sanda otembo yoku tanga ombrochura eyi oco o kũlĩhe ciwa Olombangi Via Yehova, lupange wavo kuenda oku mola upange wocisoko cetu. Tu lavoka okuti eci ci ku kuatisa oku tu limbuka ndomanu va kasi oku linga ocipango ca Yehova koloneke vilo. Tu ku vetiya oco wamameko oku kuata ukũlĩhĩso wa Suku, loku sapuilako vakuepata liove, kuenda akamba vove catiamẽla kovina o kasi oku lilongisa, loku enda enda kolohongele vietu.—Va Heveru 10:23-25.

Osimbu wamamako oku lilongisa ovina vialua viatiamẽla ku Yehova, o ka limbuka ndomo eye a siata oku lekisa ocisola kokuove. Noke o ka vetiyiwavo oku lekisa ocisola kokuaye. (1 Yoano 4:8-10, 19) O ka lekisa ndati ocisola caco komuenyo wove? Momo lie oku pokola kovihandeleko via Yehova viatiamẽla kovituwa viwa ci kuetele esilivilo kokuove? Nye ci ku kuatisa oku linga ocipango ca Suku kumue letu? Ulongisi wove Wembimbiliya o ka sanjukila oku tambulula apulilo ava oco ove lepata liove vu “kali vocisola ca Suku . . . [cu] neneli omuenyo ko pui.”—Yuda 21.

Tu ku laleka oco wamameko oku endela vonjila yocili poku lilongisa elivulu eli . . .“Kali Vocisola ca Suku”