Elungulo Kolonjali

Ombanjaile yipi ya velapo o pondola oku eca komãla vove? Kuli ovina vialua ovo va sukila, oku kongelamo ocisola cove, olonumbi kuenda eteyuilo. Ocili okuti, ombanjaile ya velapo o pondola oku va ĩha, ukũlĩhĩso watiamẽla ku Yehova kuenda ocili ci sangiwa Vondaka yaye Embimbiliya. (Yoano 17:3) Ukũlĩhĩso waco u pondola oku va kuatisa oku vokiya ocisola va kuetele Yehova, oku u vumba lutima wosi, tunde vutila wavo.—Mateo 21:16.

Olonjali vialua via limbuka okuti, omãla vavo vatito, vopa vali esilivilo kovolandu kuenda kovopange ana ateta onimbu. Omo liaco, tu kuete esanju lioku vu angiliyila ombrochura yilo Ovipama Viange Viembimbiliya. Ocipama locipama ca pangiwa locimãho coku longisa lonjila ya leluka. Ovisonehua loviluvialuvia, via pangiwila vali omãla va kuete anyamo atatu, ale vana ka va tẽlisile anyamo aco . Mua kongeliwavo olonepa vioku linga ovopange amue. Ombrochura Ovipama Viange Viembimbiliya, hacikuatacimueko coku papala laco, pole, ya pongiyiwila oco ove lomãla vove vu yi tangeli kumosi okuti, yi ku vetiyi oku sapela pokati.

Tua kolela okuti, ombrochura yilo, yi ka ku kuatisa oku longisa ocili Cembimbiliya komãla vove “tunde vutila.”—2 Timoteo 3:14, 15.

Vamanjene,

Osungu Yolombangi Via Yehova