Oku Pandikisa
Anga hẽ Afendeli va Yehova va sukila oku pandikisa?
Tua kũlĩha ndati okuti kupange woku kunda omanu vamue ka va ka tava ale va ka tu lambalala?
Mat 10:22; Yoa 15:18, 19; 2Ko 6:4, 5
Ovolandu Embimbiliya a kuete esilivilo lialua:
2Pe 2:5; Eft 7:23; Mat 24:37-39—Omo okuti Noha “ukuakukunda esunga,” omanu valua ka va yevele kovina a kunda kuenje eye kumue lepata liaye ovo lika va popeliwa Ketande.
2Ti 3:10-14—Upostolo Paulu wa tukula ongangu yaye muẽle yoku pandikisa, oco a vetiye Timoteo oku pandikisavo kovitangi.
Momo lie tu lavokaila okuti vakuepata lietu va ka tu lambalala?
Mat 10:22, 36-38; Luk 21:16-19
Ovolandu Embimbiliya a kuete esilivilo lialua:
Eft 4:3-11; 1Yo 3:11, 12—Omo okuti Kaini wa kala ondingãivi, eye wa ponda manjaiye Abele wa kala ulume umue ukuesunga.
Eft 37:5-8, 18-28—Yosefe va huvaye vo ñualilapo kuenda vo landisa ndupika omo lioku va situluila onjoi yimue ya tunda ku Yehova.
Eci tu lambalaliwa momo lie ka tu sukilila oku kuata usumba wolofa?
Talavo Esi 2:10.
Ovolandu Embimbiliya a kuete esilivilo lialua:
Dan 3:1-6, 13-18—Sadrake, Mesake kuenda Aved-Nego, ka va tavele oku fendela ociteka ndaño soma wa va sapuilile okuti va laikele oku pondiwa nda ka va fendelele.
Ovl 5:27-29, 33, 40-42—Ndaño okuti ovapostolo va kala kohele yoku pondiwa, ovo vamamako oku pandikisa kupange woku kunda.
Nye ci tu kuatisa oku amamako oku kolela ku Yehova eci tu lunguiwa?
Ovolandu Embimbiliya a kuete esilivilo lialua:
Ate 20:9-12; Esn 3:23-28; 31:7, 8—Ndaño okuti uprofeto Mose wa sumuile omo lioku lunguiwa la Yehova, pole, wamamako oku kolela kokuaye toke kesulilo.
2Ol 20:12-18; 2As 32:24-26—Eci Soma Hesekiya a lueyele, Yehova wo lungula kuenda eye wa tava lumbombe kelungulo liaco kuenje wamamako oku vumba Yehova.
Momo lie olonjanja vimue ka ci lelukila oku pandikisa eci vakuetu va liwekapo oku vumba Yehova?
Ovolandu Embimbiliya a kuete esilivilo lialua:
Os 73:2-24—Ukualosamo noke yoku konomuisa ombembua kuenda ekalo liwa liolondingãivi, eye wa lipula esilivilo lioku amamako oku pandikisa kupange wa Yehova.
Yoa 6:60-62, 66-68—Ndaño okuti valua va liwekapo oku kuama Yesu, upostolo Petulu wa nõlapo oku pandikisa lekolelo.
Nye ci tu kuatisa oku pandikisa?
Oku kuata ukamba la Yehova
Oku kuata ukũlĩhĩso Wondaka ya Suku poku tanga loku sokolola kovina viaco
Oku amela ku Yehova poku likutilila olonjanja viosi lutima wosi
Ovolandu Embimbiliya a kuete esilivilo lialua:
Dan 6:4-11—Uprofeto Daniele wamamako oku likutilila ndaño okuti ca kapele kohele omuenyo waye.
Mat 26:36-46; Hev 5:7—Yesu kuteke waye wa sulako palo posi, wa likutilila lolupili kuenda wa vetiya vakuavo oku ci lingavo.
Oku liongolola la vamanji oco tu fendelele kumosi
Oku tiamisila utima kasumũlũho Yehova a tu likuminya
Oku sola Yehova lutima wosi kuenda vamanjetu, ci tu kuatisa oku pandikisa
Oku Pamisa Ekolelo
Amamako oku kuata ovituwa via sunguluka poku tala ohali
Asumũlũho api a tunda koku pandikisa?
Tu eca esivayo ku Yehova Suku
Olo 27:11; Yoa 15:7, 8; 1Pe 1:6, 7
Ovolandu Embimbiliya a kuete esilivilo lialua:
Yov 1:6-12; 2:3-5—Satana wa lundila Yehova omo liekolelo lia Yovi. Pole, elundi liaco lia tambuluiwa lika omo okuti Yovi wamamako oku pandikisa poku vumba Yehova.
Rom 5:19; 1Pe 1:20, 21—Omo okuti Yesu wa pandikisa toke kesulilo, wa tẽla oku tambulula epulilo liokuti: Anga hẽ omunu ka lipuile o pondola oku pandikisa kalambalalo?