Olonduko Viesivayo
Anga hẽ citava okuti Akristão va kemainya omanu poku va tukula lolonduko viesivayo?
Ovolandu Embimbiliya a kuete esilivilo lialua:
Luk 18:18, 19—Yesu ndaño okuti uwa, pole, eye wa likala oku tukuiwa londuko yesivayo yokuti, “Olongisi Uwa,” loku popia okuti lomue uwa, te lika Yehova.
Momo lie Akristão va yuvuila oku tukula omanu lolonduko viesivayo ndeci, “Isia” ale “Usongui”?
Ovolandu Embimbiliya a kuete esilivilo lialua:
Mat 23:9-12—Yesu o pisa oku tukula olonduko viesivayo ndeci “Isia” ale “Usongui.”
1Ko 4:14-17—Ndaño okuti upostolo Paulu wa kala nda isia komanu valua, pole, lacimue ocinimbu Cembimbiliya co tukula okuti, Isia Paulu ale onduko yikuavo.
Momo lie ca sungulukila Akristão oku li tukula hati vamanji?
Talavo Ovl 12:17; 18:18; Rom 16:1.
Ovolandu Embimbiliya a kuete esilivilo lialua:
Mat 12:46-50—Yesu wa lekisa ciwa okuti vana a fendelela lavo kumosi Yehova, vamanjaye konepa yespiritu.
Momo lie ca sungulukila Kakristão oku tukula olonduko ndeci violombiali, violongangi kuenda via vakesongo vakuavo?
Ovolandu Embimbiliya a kuete esilivilo lialua:
Ovl 26:1, 2, 25—Eci upostolo Paulu a popia catiamẽla kolombiali ndeci Agripa kuenda Festo, wa tukulula olonduko vi likuata lovikele viavo.