Oku Tetulula Ovitangi
Nda omunu umue wa tu popia ovina via tu sumuisa, momo lie tu sukilila oku yuvula onyeño ale oku fetuluinya?
Olo 20:22; 24:29; Rom 12:17, 18; Tia 1:19, 20; 1Pe 3:8, 9
Ovolandu Embimbiliya a kuete esilivilo lialua:
1Sa 25:9-13, 23-35—Eci Nabala a popia lãvi Daviti kumue lakuenje vaye, loku yuvula oku eca ekuatiso, Daviti wa nõlapo oku u ponda kumue la vakuanjo yaye, pole, elungulo liolondunge lia Avigaile, lia kuatisa Daviti oku yuvula eko liosonde.
Olo 24:17-20—Soma Salomone wa vetiyiwa oku sonehela afendeli va Yehova Suku okuti, eye ka yongola okuti tu sanjuka eci ovanyãli vetu va tala ohali kuenda tu koleli okuti Yehova eye lika o ka sombisa olondingãivi.
Nda manji umue o kuete ocitangi lomunu ukuavo, anga hẽ o yuvula oku vangula laye ale oku u kuatela ocikumbiti?
Ovs 19:17, 18; 1Ko 13:4, 5; Efs 4:26
Ovolandu Embimbiliya a kuete esilivilo lialua:
Mat 5:23, 24—Yesu wa lekisa okuti, tu sukila oku likolisilako oku sanda ombembua lamanji umue wa tu lingila eci cĩvi.