Ekalo Lia Litepa Liomanu
Suku o tenda hẽ okuti omanu vamue va velapo vakuavo omo liekova liavo, epata liavo ale omo liolombongo va kuete?
Ovl 17:26, 27; Rom 3:23-27; Gal 2:6; 3:28
Ovolandu Embimbiliya a kuete esilivilo lialua:
Yoa 8:31-40—Va Yudea vamue va li velisilepo omo okuti Avirahama eye wa kala kukululu yavo, pole, Yesu wa va pisa omo okuti ovo ka va kaile oku setukula Avirahama.
Kuli hẽ esunga limue lioku pembula omanu omo okuti vakuekova ale vakuafeka yikuavo?
Ovolandu Embimbiliya a kuete esilivilo lialua:
Yon 4:1-11—Yehova wa longisa uprofeto Yona lepandi oco a lekise ohenda ku va Ninivei, vana va kala omanu vakuafeka ya litepa.
Ovl 10:1-8, 24-29, 34, 35—Upostolo Petulu wa lilongisa okuti ka citava oku tenda vakualofeka okuti va vĩha, omo liaco eye wa kuatisa Korneliu kuenda epata liaye oku linga omanu vatete vakualofeka ka va seviwile evamba oku kala Akristão.
Akristão vana okuti olohuasi va sukila hẽ oku litenda okuti va velapo vakuavo ale oku tendiwa lonjila yimue ilikasi?
Anga hẽ oku kuata ocikele cimue coku songola ci lomboloka okuti omunu wa velapo kuenda citava okuti o kisika vakuavo?
Ovolandu Embimbiliya a kuete esilivilo lialua:
Esn 17:18-20—Yehova o sapuila olosoma ko Isareli oco ka vi ka sime okuti via velelepo va Isareli vakuavo, momo va kala vamanji.
Mar 10:35-45—Yesu wa pisa ovapostolo vaye omo lionjongole yavo ya piãla yoku kuata ovikele vioku songola. (Talavo etosi lielilongiso Mar 10:42, “vana va va viala”)
Nye ci lekisa okuti omunu umue o taviwa la Suku?
Akristão va sukila hẽ oku litenga vombuanja yoku pinga okuti ku lingiwa epongoloko kekalo liomuenyo?
Ovolandu Embimbiliya a kuete esilivilo lialua:
Yoa 6:14, 15—Owiñi u lavoka okuti Yesu o linga apongoloko kekalo liomuenyo, pole, eye o likala oku vialekiwa ndosoma yoluali.