Valua Va Ka Puluka Kesulilo​—Lioluali Ove O Pondolavo

Embimbiliya li tu sapuila okuti vesulilo lioluali mu ka kongela oku nyõliwa: “Ku kala ohali ya lua, yimue ya linga ndoyo ka ya leya tunde kefetikilo lioluali toke cilo . . . Nda oloneke viaco ka via tepuluilue, nda lomue omunu o popeliwa.” (Mateo 24:21, 22) Pole, Suku o tu likuminya okuti omanu va ka popeliwa: “Oluali lu takata . . . , puãi u o lingainga ocipango ca Suku o kala oloneke ka vi pui.”​—1 Yoano 2:17.

Nda o yongola oku puluka kesulilo lioluali lulo kuenda o yongola oku kala ‘otembo ka yi pui,’ nye o sukila oku linga? Anga hẽ o sukila oku yukisa osila yove, ale o sukila oku li pongiya konepa yetimba? Sio, ku sukila. Embimbiliya li tu vetiya oku velisapo ovimãho via li tepa. Tu tanga ndoco:‘Omo ovina viaco viosi vi yenguluka ndomo, siti co sesameli okuti, kovimuenyo viene vu kola kuenje vu sumbila Suku. Vu kala ndomo osimbu vu lavoka etukuluko lieteke lia Yehova.’ (2 Petulu 3:10-12) Ulandu ulekisa okuti “ovina viaco viosi” vi yenguluka, mua kongela olombiali violuali lulo lua vihã, kuenda vana va nõlapo oku tiamẽla kuviali waco, okuti kuviali wa Suku ci sule. Nda tua nõlapo oku seleka ovokuasi, ka tu ka puluka kenyõleho liaco.

Vepopelo lietu mua kongela oku fendela Yehova Suku loku ambata omuenyo wetu ndomo u litava locipango caye. (Sofoniya 2:3) Tu yuvuli oku kuama owiñi, poku kapako olondimbukiso vi lekisa okuti tu kasi koloneke via sulako, ‘osimbu tu lavoka etukuluko lieteke lia Yehova.’ Olombangi Via Yehova vi pondola oku ku lekisa Vembimbiliya ndomo o pondola oku popeliwa keteke liaco.